ماذا يعني لكم الامل وتعني لكم الاراده ......ايها المارين من هناء ..؟

[ماتركس]

السلام عليكم ورحمه الله وبركاته

وحشتووني كتير جداا ووحشتني الكتابه في هذا القسم الجميل

اليوم موضوعي صغير جداااا

ندخل في الموضوع عالطوال وهنبطل رغي كتير

تدور بنا الايام .. يوم بعد يوم .. واسبوع بعد اسبوع .. وشهر وسنة

وما زلنا على نفس الامل لم نيأس للحظة نحاول ان نجدد ارادتنا كل حين واخر

لكن في بعض الاحيان تخوننا تلك الارادة

وترحل

ثم تعود

وتسكن ارواحنا ليكبر ذلك الامل اكثر واكثر

ولتشرق الشمس من جديد تحمل معها احداث يوم جديد

مليء بالمفاجئات ربما تكون في بعض الاحيان حزينة

ولكنها في اغلبها تجلب لنا السعادة

ومن هنا

يتجدد ذلك الامل لنتغلب على تلك الاحزان بفرحنا الذي سنحقق من

خلاله اهدافنا التي تاجلت لبعض الوقت بامر الله

ولكن في هذه المرة لن نسمح لتلك الارادة بان تهجرنا وتسافر من جديد

بل ستقيم في ارواحنا الى الابد

لنستطيع تحقيق الهدف المطلوب منذ حين

ماذا يعني لكم الامل وتعني لكم الاراده ......ايها المارين من هناء ..؟

[دمعه حائره]

اهلا بيك اخى ماتركس نورت من جديد
الامل بالنسبه ليا هو ضوء مشع من بعيد
بتمنى يقرب وينور حياتى ويملأها بالسعاده
الامل هو طفل صغير بشوف فى ضحكته الفرحه كلها
الامل يوم جديد وبتمنى يكون احلى من اللى قبله
الامل فى شباب بلدنا ويارب يكونوا على قد المسئوليه
الامل ورقه بيضه فى كتاب اكيد هاينكتب فيه احلى كلام
اما الاراده دى معجزه من ربنا
بيحصل عليها اللى ربه راضى عنه فقط
لان من عمر قلبه بالايمان وحب ربه وبيحافظ
على دينه هايبقى عنده القوه والاراده اللى يتحدى
بيها كل ماهو ميؤس منه وهايفتح باب الامل
من جديد ويحقق كل اللى بيتمناه
ويارب يتحقق ليك ولينا كل امل متأخر
شكرا ليك ماتركس موضوعك رائع

[be with me]

السلام عليكم
اخى ماتركس
دايما مواضيعك جدية
ندخل بالموضوع
الامل بالنسبة ليا
شمعة تنور حياتى
بعد مانور حياتى انطفى
والارادة
بالنبة لية هيا اللى توجهنى
للامام
وهيا القوة اللى بداخلى اللى
حتقدمنى دايما
تسلم
موفق باذن الله
اختك بالله
نونا

[AnGeL SenSe]

وعليكم السلام يا احمد

بجد موضوع جميل وسؤال مهم في حياتنا

الامل والارادة اهم حاجة لازم نتمسك بيها في الدينا وفي حياتنا

لازم يكون في امل في كل حاجة عندينا

والاجل ان نخلي املنا بربنا عز وجل كبير

لان ربنا سبحانة قال انا في حسن ظن عبدي بي

يعني نخلي املنا في ربنا كبير ان يحقق لينا كل حاجة بنتمناها وعيزنها

منفقدش الامل في اي حاجة

لان لا حياة مع اليأس ولا يأس مع الحياة

بالامل والارادة والاصرار والعزيمة كل الي بنتمناه والي عيزينو هيكون

والامل بربنا عمرها ماكانت الحاجة مستحيلة ابدااااااااا

بس لازم الحجات الي بنبحها وبنتمناها مش بالسهولة تحصل

عشان كدا لازم يكون في امل كبير عندينا وارادة

وتكون الارادة ان نغير من كل حاجة عايزين نغيرها

نخلي امل ان المريض هيخف وان المغترب هياجي بسرعة وبالسلامة

وان الحبيب هيكون لحبيبو وكل حاجة نخلي فيها امل والامل طبعا بربنا عزوجل

وياااااااارب يحقق كل الاماني الي بنتمناها مع اناس الي بنحبهم

وبجد موضوع جميل اوووووووووي يا احمد

ودا مش جديد عليك

دايما موضيعك جميلة وبتعجبني جدااا

ربنا يوفقك دايماااااا ياااااااااااااارب

وتسلم ايدك ومجهودك

تحياتي

[rehoba]

اولا ازيك يا ماتركس كل سنة وانت طيب

ندخل بقى فى الموضوع الجميل دا

الامل هو ان يكون عندى هدف معين او شىء نفسى احققة واوصله ودايما يكون عندى امل فى ربنا سبحانه وتعالى انى احقق هدفى دا واوصله فى يوم من الايام ولو مقدرتش اقول لنفسى اكيد ربنا مخبيلى حاجة احسن
مفيش حد يقدر يعيش بدون اعمل مهما كان حلمه بسيط

الارادة بقى انى احاول مرة واثنيين وثلاتة وميأسش من تحقيق هدفى لان الله لا يضيع اجرمن احسن عملا
وانى اكون قوية ومفيش حاجة تهزمنى او تهد من عزيمتى ابداااااا


وميرسى على الموضوع الجامد دااااااا

[حياتي ذكريات]

السلام عليكم

بحب الانسان المتفائل اللي يكون ماسك بحلمه دايما
ومع حلمه يكون في اراده وعزيمة واصرار عشان يوصل
للي عايزة مهما عدى الوقت عليه
انا من الناس اللي بمسك بالامل بس احيانا بيجي وقت وبفتقده
وبرجع تاني وارجعه .. كفاية ان شعوري بالامل والتفائل
بيخليني احلم مع اني ممكن ما اوصلش للي عايزاه
بس بحلم بأشياء جميلة تسعدني حتى لو ما كانتش فـ الحقيقة !!
واكيد لكل انسان هدف وانا منهم
هدفي لو هحققه مش هيكون غير بالامل والاراده القوية والعزيمة
من غير دول مستحيل يتحقق الهدف

شكرا ليك يا احمد على الموضوع
دمت بخير

[عاشقة الهدوء]

السلام عليكم ورحمة الله وبركاته

أمل حياتى ياحب غالى ما ينتهيش ههههه على رأى أم كلثوم

شوف يأحمد احنا من غير أمل مش هنعيش لازم كلنا يبقه عندنا أمل عشان

نتعايش مع الحياه وتبقى الحياه فى عنينا حلوه وبالامل سعادة الدنيا

فالامل شىء عظيم وفخر لنا فهو الصبر ايضا فالكلمتان مقترنين ببعضهم البعض

أمل يعنى صبر أمل يعنى حياه أمل يعنى سكينه وراحة بال أمل يعنى مصدر سعاده

لينا ويكفينا فخرا أملنا بالله عز وجل فبصبرنا والامل فى الله سعادة الدنيا

وما فيها أسال الله عز وجل ان يرزقنا دائما الامل والصبر وان يرزقنا ما نتمناه

وييسروا لنا اللهم أمين تسلم أحمد على موضوعك المميز الى كله أمل فى أمل

ربنا يسعد أيامك ويحققلك كل الى تتمناه اللهم امين تقبل مرورى وكلامى

[DR.SMA]

الامل هو الحياه
فنحن نحيا لان لدينا امل في المستقبل
لو مش موجود الامل كان كتير من الناس مقدرتش تكمل حياتها
وانا بعتبر الامل بالنسبه ليا ثقه في الله
لأن وعسى ان تكرهو شيئ وهو خير لكم وعسى ان تحبو شيء وهو شر لكم
فبيكون عندي امل ان الي شيفاه سيء حاليا اكيد هعرف مزاياه بكره لانه من ربنا فاكيد خير

اما الاراده فهي هبه الله لعباده يرزق بها من يشاء
نعمه كبيره وموجوده عند الجميع ولكن بدرجات متفاوته
ربنا ينعم علينا بيها

شكرا اخي جدا
موضوع جميل ونقاش رائع
دمت بكل الخير
لك ودي واحترامي
تحياتي
اختك: سما

[ملاك الصمت]

السلام عليكم ورحمة الله وبركاته

يارب تكون بصحه وسلامه يأحمد

وماشاء موضوعك جميل جدا

هدخل في الموضوع الأمل في وسط ماحنا في صراع مع الحياة وفي وسط مشاكلنا وهممونا ونجي

فجأءة في وسط ماحنا مش عارفين نروح فين ولا الدنيا بتعمل فينا ايه ولا هي بتعمل فينا كدا ليه ويجي

حد ويقولك كلمه تصحي كل حاجه جميله فيك يجي نور من وسط العتمه اللي حطينا نفسنا فيها وتخليك تعيد

تفكيرك في كل حاجه ولا انا كدا وبعمل في ننفسي كدا ليه من حقي أعيش ومن حقي افرح ليه خليت نفسي

كدا وليه مكنش دايما مبتسمه ومافيش دموع هو دى الامل اللي بيخليك تغير كل حاجه في ثواني تبدل حالك

من حال لحال وتضحك وتنسى همومك وتخليها على الله الاراده بقى مافيش حاجه صعبه في الدنيا دي

والا مكنش ربنا خلقنا لان ربنا لما خلقنا وحط كل انسان في بيئه عارف انه هيتأقلم معاها عشان كدا مافيش

حاجه صعبه علينا خالص بس بالكلمه الصغيره دي لو زرعنها جوى قلوبنا وقولنا في اول سلمه بسم الله يارب

عنا مش هنحتار ولا هنفشل بالعكس هنلاقي نفسنا من نجاح لنجاح مهما نقع هنقوم وهنكمل لاننا عارفين

اننا مخلوقين عشان نعيش وكل حاجه في الدنيا دي متاحه لنا بس زي مابيقولك لما الحاجه بتتعب فيها

هتحس بلذتها وحلوتها أما الحاجه اللي بتجي بالساهل مش بنحس بيها عشان كدا كل انسان وبني ادم عايش

على وش الدنيا جواه اجمل الصفات بس محتاجين للموقف يخرجهم من جوانا عشان نقدر نعيش ونواجه مشاكلنا

بجد موضوع رئع قمه في روعه يااحمد تسلم على روعة طرحك

[فنانه باسلوبي]

السلام عليكم ورحمه الله وبركاته..

الامل كلمه جميله معناها كبير جدا واحنا كمسلمين مأمورين بالامل والتفاؤل..دايما


بالنسبه ليه بحاول اكون دايما عايشه عليه عشان هوه رؤيه الامور السيئه والمحزنه بعيون جميله والنظر

بطريقه متفائله والتغلب على الصعاب بمواجهتها وحلها بروح الصبر والثقه بالله دائما

والايمان بقاعده ((ان مع العسر يسرا ))

والاراده عدم الاستسلام وان يساعد الانسان نفسه بأن يجد من يعينه على تقويه ارادته..والمواجهه للمشاكل وعلو الهمه والطموح

والايمان بقوته وقدرته على تجاوز منغصات الحياه..

ويساعده على ذالك تقويه صلته بالله عزوجل...والتقرب لله بالدعاء والاستعانه والاستغاثه دائما وطلب العون منه وحده عزوجل

والتعلق بالعباده روحيا ومعنويا ..

وايجاد الاصدقاء المعينين بعد الله على ذالك.



ودي