يعنـــى أنتــى أخــدوا منك وهــما بنتهــم أشتروهــا جـاهزه .. دى حــاجه تجنــن

[هزوره المصريه]

مـش كفاية أستفـزاز بقى ولا أيه ؟
كـل مـاواحـد ه خلفـت ولـد عملـت نفســها
أنهــا عملـت اللــى محدش عملــه
ويوم ماتجوزه

تبقـى جـت واحــده خطفته منــها
بعــد مـا حملـت وربـت وسهــرت وتعبـت جـت أخدته علـى الجـاهز!

علــى أساس أن اللـى جــت أخذتـها دى أمهـا أشتريتهـا جـاهزه
من السوبر ماركت
مش هى كمان حملت وولدت وسهرت وربيت
وجـه واحد أخذها على الجاهز

وبـالعكس بقى فراق البنت عن بيت أهلها بيكون أصعب وأشد
لأن البنت طول وقتـا فى البيت قدام عيونهم
وبتساعد وبتعين
بس يوم مابتتجوز بيفرحوا
وبيعرفوا أن دى سنة الحياه

لكن الولد أمه متعوده على خروجه وسفره وغيابه عن البيت
ياأما مسافر يتفسح مع أصحابه
أو بيدرس أو بيشتغل فى بلد تانيه
أولما يدخل الجيش
يعنى الأم متعوده وساكته وراضيه
أشمعنى بقى لما يتجوز
دايما عوزاه متخيط جنبها ليل ونهار
ومبتفتكرش لمراته ألا حاجه واحده
أنها أخدت منتا أبنها

طيب مامراته دى هى اللى بتخدمه
بتأكل وبتشرب وبتغسل وبتنظف وساعات بتشتغل بره البيت علشان تساعد
فـى المصروف
وبتخلف لـه عيال وبتربيهم
وبتسهر جنبه فى مرضــه
كل ده مش فى الحسابات!!

أمتى بقى النظره الغغير منطقيه دى تتغير
كل ماأم تفكر تجوز أبنها أنها زى ماتعبت وربت
أم تانيه برضه تعبت وربت علشان تديله بنتها
وتفتكر برده أنها عندها بنات وأكيد بتتمنى ليهم السعاده
يبقى تعامل وبنات الناس زى بناتها
علشان ربناياأتى لأولادها بمثل المعاملة الحسنه
وبكده تكون أسره سعيده خاليه من المشاكل
اللى من النوع ده

لأن دى سنــه الحيــاه
اللــى ربنا بنى عليها الكون
لو كل واحد أتقى ربنا
الحياه هتبقى كلها بركـه

أتمنى الفكره وصلتكم بالمفهوم
الصحيح اللى أقصده المشكله دى
سبب عدد طلاقات ملهاش عدد
فاياريت تقولولى راءيكم

تحياتى لكمـ جميعـا

[سيليس]

هههههههههههههههههه
على فكره عندك حق فى كل الكلام اللى انت قولتيه
مش عارفه ليه دايما الحموات بيفكرو كده
ربنا يهديهم يارب
ميرسي يا هزوره يا قمرايه على الكلام الجامد ده

[محمد الشريف]

هزورة المتألقة

سلمت وسلمت أناملك على طرحك الرائع ولقذ ذكرتينى بقول الشاعرالعربى

الذى قال : أولادنا أكبادنا بيننا تمشى على الأرض .

فالأولاد من منظور ومشاعر الأهل وحبهم أمر غريزى ولاحصر لتلك المشاعر

الجياشة نحوهم فهم قرة الأعين وهم من نؤثرهم على أنفسنا وحبهم يتشابه

مع الحب الصوفى الذى يغمر الروح والقلب بدون تعليل أو تحديدا لمداه

فلذات الأكباد نور عيوننا تحوطهم دائما عواطفنا المشبوبة ووجداننا الملتهب.

وأمام تلك الثوابت الكامنة فى أفئدتنا ينبغى ألا نكون سيفا مسلطا عليهم وقيدا

يحيطهم فتلك العادات التى من بينها موضوع طرحك، فالأمر واحد سواء للابنة

أو الابن الذى تتزوج أو يتزوج فالأم والأب على السواء ينبغى أى تقتصر

حساباتهم على أن ابنها أو ابنتها اتخدت على الجاهز فالأم ينبغى لها أن

تدركك أنها أم لأبنة زوجتها وأنها أيضا أم لأبن تزوج وعليها أن تعدل

فى منظورها وحكمها على أن لا الابن اخدوه على الجاهز ولا البنت

اشتروها على الجاهز ، فمن سنن الحياة السوية أن نضمر الخير فى

أنفسنا ولا نحسبها بتلك المفاهيم التى لاتقدم ولا تؤخر بل أنها قد تثير

بعض الحساسيات هنا أو هناك وسبحان الله القائل أن مانقدمه من خير

نجده فمصدر السعادة دائما يكمن فى راحة الأولاد فى بيوتهم الزوجية

والفرحة الأثر تأثيرا فى نتاج ثمرات هذه الزيجات من أحفاد تغمر الدنيا

سعادة وبهجة لدى الأجداد .

وسبحان الله له فى خلقه شؤون

مع وافر تقديرى

[حياتي ذكريات]

السلام عليكم

بتبقى غيره من الام مش اكتر
لما تلاقي ابنها يبدأ يهتم بواحده تانية غيرها
بعد ما كانت هي رقم واحد في حياته
ويبدأ ينشغل عنها ويسمع كلام مراته
وخصوصا لو كان ابنها كان بيسمع كلامها دايما بعدين
بقى يهتم بمراته جدا بيأثر ده على الحماه
بس لو البنت بتعامل حماتها كويس هتشيل الشعور ده منها
هو بيكون غالبا في بداية الجواز بس
بعدين خلاص الحماه بتبدأ تفكر بعقل شوية
بس لو لقت عند وتعامل سيء من مرات ابنها بتتضايق
وتعاند اكتر من الاول عليها وتبدأ تضايقها وتزعلها
فالبنت مفروض تراعي في بداية الزواج انه ممكن تحصل غيره
من حماتها وتعاملها كويس وتكسب قلبها وما يحصلش بينهم مشادات

تسلمي على موضوعك الجميل
خالص شكري ليكي

[هزوره المصريه]

اقتباس
المشاركة الأصلية كتبت بواسطة سيليس





هههههههههههههههههه
على فكره عندك حق فى كل الكلام اللى انت قولتيه
مش عارفه ليه دايما الحموات بيفكرو كده
ربنا يهديهم يارب
ميرسي يا هزوره يا قمرايه على الكلام الجامد ده

ههههههه أنتــى اللى سكر نورتى
ياسلس ياسكره وفعلا ربنا يهديهم للصح

[ملكة القلوووب]

مشكوووووووره على الطرررح الرااااائع
يا عسل
سبحان الله كل بنت وتلاقي لها حماااه تدايقه

ربنا يهدي الحمواااااااات

[AHMED SEVEN]

انتى شايلة جامد فى قلبك يا عيني ههههههه ...... الكلام ده بيحصل صح كتير فعلا هى ممكن تكون غيرة ومين دى اللى جاية تاخد ابنى منى حاجات كده عشان كده الحماة بتقعد تناقــــر يا عيني فى زوجة الابن تعرفى بقي اللى عجبنى اوى فى كلامك كلمة ( متخيط جنبها) دى على اساس ان امه شغالة خياطة يعني ههههههههه ......


موضوعك رائع ... وربنا يستر على علينا وعليكم

[مان مصر]

واللــه هى مشكله كبيره فعلا
وسبب طلاقات بالكوم بس هنعمل أيه
دى الفطره اللى ربنا خلق عليا الأمهات
تحياتى على الطرح

[sosad]

سيجموند فرويد اتكلم عن المشكلة دي ...بس مش حقول هو قال ايه عشان مفيش حد يتصدم !!

على العموم الحكاية دي سبب ميت ألف مليون تريليون مشكلة بتحصل بين الراجل وامراته... الأم بتغير جامد ويمكن لما ربنا يكرمك يا هزورة وتتجوزي وتخلفي ولد وييجي يتجوز تكتبي في منتدى ستات مصر( ده يبقى أم منتدى بنات مصر) :

مش عارفة يعني إيه أربي ابني 25 سنة ...وأتعب معاه ، وأكله وأشربه وأهشكه وأبشكه وبعد كده تيجي واحدة أمها جابتها على الجاهز وتاخده مني !!!

هههههههههههههههههه

بهزر معاكي يا هزورة ...إن شاء الله ربنا يكرمك في جوزك وأولادك وإنتي أكيد حتكوني عاقلة.

موضوعك دمه خفيف
تحياتي

[المتسابق]

بكل بساطه لان بيصير مواجهات بين البنت وحماتها... والرجل بالنص
بينما ما بتصير مواجهة بين الرجل وحماته ابدا... بالعكس بيصير يدلل اهلها كمان..
فلهالسبب البنت وقت تتجوز.. بتسحب الرجل لعند اهلها اكتر..

وصلت؟؟!1

ههههههه

يلا شكرا عالموضوع