أمطار الجرووح

[ε s я α α]

السلام عليكم و رحمة الله و بركاته
مقدمة :
لماذا نجرح الناس

هذا بيجعلنا اسوأ من ان نكون المجروحين

مثلا عندنا مثال فى المدارس << محصليش طبعا
المعلم : اعرب لى كلمة الطعام ف الجملة اللى فى السبورة
التلميذ: امممم مفعول به
المعلم : دى مفعول به يا اغبى اغبياء الارض
التلميذ اللى جنبة : مضاف اليه يا استاذ
المعلم: صدقو انتو كلكو حمير و تيت و تيت و ولاد تيت و خسارة فيكو التعليم
و يسيب الحصة و يمشى و هو قاعد يشتم

مثال اخر فى البيت
الوالد: انته ياله جيبلى ازازة المية اللى هناك دى
الولد: فين دى يا بابا
الوالد : انته اهبل ياله اهيه هناك
الولد: هناك فين بالظبط انا مش شايفها
الوالد: صدق انته غبى اوى روح جبها ياله
الولد: اجيبها منين
الوالد : اه يا ابن التيت و انته اصلا تيت و خسارة انى اتكلم مع واحد غبى زيك
و يقوم يديه حتة علقة توجعه بقية حياتة

-----------
الهدف من الموضوع
ان الكبار دايما بيخلو الصغيرين صغيرين جدا فى نظرهم
عمرهم ما فكرو ان الطفل الصغير ده لما يكبر ممكن يطلع حاجة
يفتخر بيها
و ساعتها بقى الطفل اللى كبر هيتعامل مع اولادة او تلاميذة بنفس الطريقة اللىى كان بيتعامل بيها و هو صغير
و هكذا و ههكذا
و ف الاخر ايه
كل الرجال او حتى النساء هيطلعو عصبيين
موش هيسمعو كلام حد غير نفسهم
و يخلو اولادهم صغيرين ف نظرهم جدا
و احب اشكر كل اللى هيردو ع التوبيك


من قلمى

[Dr.nour]

على فكره يا اسراء

التوبيخ هو اسوأ طرق التعليم


فى مدرس ممكن يحببك فى الماده باسلوبه مهما كانت الماده صعبه

وفى مواد سهله جدا ممكن تكرهها بسسب اسلوب معلمها

وفى النهايه ياريت يكون فى حسن توجيه من اى مربى

سواء اهالى او مدرسين او شيوخ او غيرهم من اولى الامر

دمتى ف امان الله ،،،

[رحيق الجنه]

ان المشكلة لا تتعلق ابدا بالمدارس او البيت
أنه مبدأ الأهانة وخاصه للاطفال
كيف يتم خلق طفل وتربيه نشئ سوى ان كان هذا هو التعامل
هذا اولى اسباب الانحراف وخلق جيل من اصحاب الاخلاق السيئه
وكيف لهذا الجيل ان يربى اطفالا اوجيال اخرى
تحياتى لكى على موضوعك

[♥..pure]

عقول عقيمه فعلا ....

كل دة يعتبر من الطرق الغير سليمه ف التربيه

زى بردو الطفل وهو صغير ويعمل اى حاجة غلط

زى مثلا بياخد حاجة مش بتاعته بيطلقوا عليه لفظ حرامى

وف الراحه والجايه ياحرامى ياحرامى

اكيد الطفل هيجيبله عقده من صغره على اللى بيشوفه

غير كدة كمان تلاقى الطفل يقول ما خلاص مهو بيقولوا عليا حرامى

فعلا ويبقى حرامى فعلا يعنى هما يكونوا السبب ف دة

مينفعش نعلم الطفل الحاجات الغلط اللى عملواها وهما ميعرفوش

نقولهم لا دى غلط ونعلمهم الصح مش نقعد نذلهم

بجد عقول عقيمه جداا

تسلمى يا اسراء على عرض الفكره

دمتى بخير ...

[misho]

الاهانة بجميع انواعها شئ صعب جدا
الاهانة بتجعل من الشخص انسان مهزوز
و معندوش ثقة في نفسه
خاصا عند الاطفال,,,
لما الطفل يلاقي المدرس في المدرسة بيهينه
و الام والاب في البيت برضه كدة
تخيلي كدة الطفل دة ممكن يبقي مميز في اي حاجة ؟؟
او ممكن يبقي واثق في نفسه,,,
المفروض يبقي في لغة حوار واحترام
تسلمي علي الموضوع
تحياتي

[sฝeet αηgeℓ]

فعلا يا اسراء حكاية التوبيخ والكلام الجارح دهـ

بقت هياا اسلوب معظم المدرسين والاهل والمشكله

انو مش اسلوب ناجح خالص بالعكس جارح اوى

وبيعقد الطالب او الابن وبالذات لما يبقى الاسلوب

ده بيطبق مع الاطفال فاي كلمه بتوجعهم بجد ,,

تووبكـ جميل جداا يا ايسوو

[Words Whisper]

السلام عليكم ورحمة الله وبركاته

عندما تقوم التربية على التجريح و التقليل من شأن الأبناء

يكون نتيجة ذلك شخص مختل الثقة بذاته

ماعدا ان يُحاول تصحيح مافسد في شخصيته

وهذا صعب للغاية

فينتج عن ذلك نشأ ضعيف الشخصية غير نافع لنفسه او غيره

و كذلك عندما يتعامل المعلم مع ابنائه بسوء

فهو يغرس فيهم سوء الخلق و عدم احترام العلم

الموضوع يطول الحديث فيه

فهو موضوع انشاء جيل

و لكن سأكتفي بهذا القدر حتى لا اطيل عليك

وقد تكون لي مداخلة اخرى ......

[دمعه حائره]

انا اللى اعرفه ان اسمها
وزارة التربيه والتعليم
يعنى التربيه الاول
لازم المعلم يكون قدوة حسنه لتلاميذه
لان تأثيره بيكون عليهم أقوى من البيت
التعليم فى الكبر كالنقش على الحجر
وكل حاجه بيتعلمها الولد فى صغره
بتفضل مكمله معاه
لازم نراعى كل اساليب التربيه الصحيحه
سواء فى البيت أو فى المدرسه
فى تربية الاولاد
تحياتى لكى موضوع رائع

[ساحر الأحزان]

هى مفاهيم متوارثة يجب ان تتغير


لجل ما نعطيهم الثقة فى انفسهم


ويجب ان تغير المعاملة للافضل


لجل ما يشبوا على ثقافة احترام الغير


تحياتى على جمال التعريف القيم