قصة بنت أسمها دعاء

[abo adhem]

السلام عليكم ورحمة الله وبركاته

الاخوه والاخوات تحيه من عند الله مباركه طيبه
موضوعى اليوم له معنى وهدف وفى نهايته يظهر هدفى ان شاء الله
ها اكتب ليكم قصه ها حاول ان اقتصر فيها ان شاء الله
القصه وما فيها ان فى واحد اسمه محمد ووحده اسمها ايمان كانوا متزوجين وربنا اعطاهم من الخلف بنت سموها دعاء لانهم دائما كانوا يدعوا الله ان يخلف عليهم بالخلف الصالح
وهنا بدأت معناتهم فى تربيه دعاء كانوا بيخافوا عليها من الهوى الطاير محمد كان لو راحوا النادى يقف على المراجيح لحد ما تخلص طبعا مش علشان يمرجحه اكيد علشان لو وقعت يلحقها قبل ما تقع على الارض
دخلت دعاء المرسه فى كى جى وكان ابوها وامها ديما يذكرولها من اول كى جى
فضلت دعاء تكبر لحد ما دخلت ثانوى ابوها كان بيحظرها دايما ما تكلميش دى ومتمشيش مع دى
لو حد عاكسك ولا تردى وامها كمان فضلت تعمل معاها كده
فضلت دعاء تفكر هو ليه ابوى وامى دايما بيعملوا كده انا مش صغيره وبفهم كل حاجه انا حاسه انهم مزودنها معايا اوى مش عارفه ليه متعمليش ده واعملى ده وده غلط وده صح لما خلاص انا حاسه انى مقيده من اهلى
كان كل يوم ودعاء رايحه المدرسه فى ولد فى ثانوى بيستناها ويفضل يكلمها وهيه مش بترد الى ان جاء يوم وكلمته دق قلبها لهذا الشاب اول مره فى حياتها فضلت نفكر فيه وتحلم ان الشاب ده هو اللى هايكون زوج المستقبل وكانوا دايما بيتكلموا فى الحب والدنيا الورديه ومش شايفين غير كده وكانوا بيختلفوا على كل كبيره وصغيره مره يزعلها ومره تزعله
كبرت دعاء و اتوسع فكرها دخلت الجامعه كل يوم يتعرف زملاء جدد الى ان دق قلبها الى شاب اخر لانها تصورت العلاقه اللى فاتت انها مرحله مراهقه وتخيلت انها كبرت وتعرف تختار دلوقتى
اتعرفت على الشاب الجديد فى الكليه معاها وبدأت قصه حب قويه واحلامهم فضلت تكبر معاهم لحد ما تخرجوا
لما تخرج الشاب لم يجد عمل وفضل متظر ومش قادر يتقدم لها
كان بيجى لدعاء عرسان كتيره وهى بترفض وابوها كان بيضغط عليها علشان توافق ومامتها كمان
فضلت دعاء تفكر بجديه الشاب ده مش جاهز وانا العمر بيجرى بيه يعنى ها افضل متعلقه كده وبعدين واجهت نفسها باعلاقه دى لاقت نفسها اصلا غلطانه من اول ما اتعرفت على الشاب ده ليه ماكنتش شايفه ايه اللى بعد كده او الصعوبات اللى ها تقبلهم يعنى مش شايفين غير يومهم اللى بيعشوه بس
فاتت الايام وجات الايام لحد ما تقدم لدعاء شاب مقتدر ومثقف ووسيم ولما جلست معه مع الاسره دق قلبها له من جديد واخذت القرار بالزواج من هذا الشاب
فرح اسرة الشاب واسرة دعاء
رزق الله دعاء ببنت جميله اسمها فرحه فرحت بيها جدا وكانت بتخاف عليها من الهوى الطاير وفضلت تهتم بيها جدا وبعدين دخلت فرحه المدرسه كانت دعاء بتروح مع فرحه المدرسه توديها وتجبها لحد ما كبرت فرحه ودخلت ثانوى كانت دعاء دايما بتفضل تقول لفرحه اوعى تكلمى دى وخلى بالك من دى ولو حد عاكسك اوعى تردى عليه واوعى من كذا واوعى لحسن كذا كانت مزودها مع فرحه جدا
وفى يوم من الايام وهي بتوصلها المدرسه وطبعا بعد ربع ساعه محاضرات فى خلى بالك من كذا وكذا
رجعت دعاء الى المنزل وهى فى طريقها الى المنزل افتكرت ابوها وامها وهما كانوا بينصحوها دايما
ابتسمت دعاء ابتسامه كلها معانى
معنى الابتسامه يتلخص فى الان والان فقط يا ابى وامى عرفت مدى خوفكم عليا عرفت الان ليه كنتم تعملوا كده وعرفت كمان ان انا فى كل مراحلى السنيه كنت عامله نفسى بفهم ومش بعرف الصح من الغلط وكنت بحس انكم بتقيدوا حريتى
دلوقتى عرفت وفهمت ان كل ما اكبر اعرف اكتر كل ما اكبر افهم اكتر
غيرت دعاء اتجاهها وذهبت الى منزل ابوها وامها واول ما دخلت عليهم اخذت تقبل ايديهم وارجلهم استغرب الاب والام من هذا الموقف ضحكت دعاء وقالت لهم انا دلوقتى بس عرفت خوفكم عليا لما خلفت بنتى فرحه

انا مدينه لكم بالأعتذار لاننى كنت فى يوم من الايام اتحدث مع نفسى للطريقه اللى ربتونى بيها وكنت فاكره انكم مزودين معى العيار فى التريبه الان فقط فهمت
اشكرك يا اغلى الناس

وبكده خلصت قصه دعاء وطبعا احنا ها نخرج من القصه دى بمعانى كثيره وانا عايز اللى حس بقصة دعاء يلقى الضوء على قصتها ورأيكم فيها
وفى النهايه اشكرك على سعة صدركم فى الموضوع الطويل وفى انتظار تعليقكم على القصه
كنت عايز اخذ راحتى فى الكتابه ولاكن حبيت اختصرها حتى لا تملوا منها
اخوكم المحب لكم
ابو ادهم

[عاشق الأحزان]

اخي الغالي/¨°o.O (ابو ادهم) O.o°¨




والله صدقت يا غالي على تلك القصه
وانا كمان حصلت معي
اولا انا دائما والدى كان بيضغط عليا ايام المدرسه ويضربنى علشان بدخن من وراه
وكل يوم مشكله لدرجه انى كرهت الحياه
ولما كبرت واشتغلت وسرت ادخن امامه كنت فى البدايه اقول فلوسي وانا حر فيها
وهو لما شافنى بدخن بعد ما اشتغلت سرت ادخن امامه
قالى انا ما بدى ايك تدخن مثلي لانى تعبت منه
قلتله لما اتعب مثلك ببطل ادخن
وفعلا اليوم بقول ياريته ما حكى معى كلام فقط
ياريته كسرنى ولا انى ادخن لانه فعلا متعب بالفلوس والصحه
والهدف اللى بشفوه الاهل فى سن نكون احنا فيه مراهقين كل لما نكبر بنقول كان عندهم حق
لانه الاهل بشوفوه الصح لابنائهم ولما نوقع فى نفس الموضوع بنعرف قد ايه هما كانو على صح
سلمت اناملك يا غالي على طرحك القصه




يسلموووو يسلموووو يسلمووو

موضوع راااائع ومتالق وراقي
قلمك مميز ودمت مبدع

دمت بود



"¨°°o°°¨]§[° عا الأحزان شق°]§[¨°°o°°¨"

[قلم بلا حبر]

اسمحلى اكتب كلمه مظنش انى كتبتها بالطريقه دى

رووووووووووووووووووووووووووووووووووعه

سلسله نهايتها تجمل كل ما ندور حوله من قضايا

انها الاسره ,,,

فى عمادها الاساسى طاعة الوالدين

ولكم ان هؤلاء فقط من لديهم القدره على الاحتواء والصفح ,,,

هؤلاء من لديهم طاقه كبيره يسخروها للزود

ضد ما يتهدد جدران تلك الاسره من اخطار

وفى نجاحهم صلاح نواة المجتمع

الآسره

وفى صلاح الآسره صلاح لـ

المجتمع بأسره

قد لا ندرك تلك المعانى الا بعد فوات الاوان

لكننا فى النهايه ندركها

شاكر جدا للاخت دعاء اللى خلت ابو ادهم ينورنا فى الموضوع ههههههههههههههههه

خالص تقديرى لموضوعك

تحياااااااااااااااااااااااااااااااااااااااااتى"""" """""""

[hana]

اولا بشكرك ابو ادهم على القصه الجميله
بس الخوف اللى من نوعيه الاب والام دول بيخلق ابن او ابنه ضعيفه الشخصيه
ولا يستطيع مواجهه الحياه او الاعتماد على نفسه
لازم يشوفه طريقه تفكيره واختياره هيكون ازاى وف نفس الوقت يقدمه له النصيحه
لكن مش يخافوا عليه بالطريقه دى والا النتائج هتكون عكسيه لازم يكونوا اصحاب اكتر من
طريقتهم فى فرض الاوامر وتركهم لاختيار شريك الحياه والاعتماد على النفس فى حل المشاكل
تقبل تحياتى

[SiLver Spectra]

تسلم أبو أدهم على القصة و المعاني إلي بتحملها.....

أكيد خوف الوالدين علينا بيكون شيء إيجابي في مسار تربية و نشأة الأولاد

و أفشل تربية هي إلي بتيجي من أب و أم عندهم لا مبالاه بعيالهم...

و الأمثلة بكدا كتير

.لكن بحكم سن المراهقه...إلي هو سن التمرد و حب الحرية في التصرفات...بيعارض الأبناء رقابة الوالدين عليهم....لكن أكيد طاعة الوالدين أمر واجب تنفيذه

شكراا أبو أدهم لما كتبه قلمك من إبداع و تميز

[همس الروح]

الاخ الفاضل أبو أدهم


طرح رائع لكاتب اروع


قصة كل بيت



وقصة كل ابنة


والقصة متنتهيش


ده حكاية ودايرة ولفة علي مدار العمر والسنين



حكاية الاب اللي خايف علي زهرة شبابه



والبنت اللي اتخنقت من كتر التعليمات اللي لازم تعملها




في قصتك نجد الاب والام بكل حب وخوف وشوق علي الابنة يعلمونها



كيف تحافظ علي نفسها وأخلاقها


وفي نفس الوقت يقابله التمرد من الابنة


ولكن مع سرد القصة نجد


انها عندما انجبت لم تجد خير من تربية ابويها لها


ولم تعرف قيمة تلك التربية الا عندما رزقها الله بأبنة


من هنا نجد


انها هي تلك الحياة


لاندرك قيمة النصيحة الا عندما نوضع في نفس الموقف




شكرا لك أخي الكريم



وبارك الله فيك


وجعله في ميزان حسناتكم


دمت بخير


ودام عطاؤك


وتقبل مني فائق الأحترام والتقدير

[الحان الورد]

بارك الله فيك اخي ابو ادهم على الموضوع الرائع
وفعلا هي ده القصة اللي بتكرر
بس ممكن البنات لما يشوفو اهاليهم بيخافو عليهم
يعرفو ان ده من حبهم ليهم
وانهم بيخافو عليها بس الاهل برده مفروض يدوهم ثقة بس برقابة
يعني الاعتدال

وشكرا ليك على الموضوع المفيد والرائع
ودمت بود

[miraa]

قصه كتير مفيده يا ابو ادهم
وفيها حاجه بتتكرر كل يوم فى حياتنا وهى كلمه انا شخصيا باسمعها من مامتى كتير اوى
انى مش هعرف قد ايه هما خايفين عليا وبيعملوا كده عشان مصلحتى غير لما يبقى عندى اولاد واخاف عليهم
بصراحه يا ابو ادهم انا كتير شايفه ان خوف الوالدين على ابنائهم ده شيئ مفيد لانهم بيوجههوهم للصح والطريقه المفيده فى تعاملاتهم وحدود علاقتهم بالاخرين
وبرضه شايفه ان من حق الشباب انه يحس بالثقه من اهله بس حدود يعنى متكنش ثقه مطلقه اكيد ده بيبقى تسيب وبيوصل بيهم لطريق اخر

يعنى مثلا انا كتير بحترم حدودى اللى علموهالى اهلى وكتير بافرح بثقتهم بى
بس برضه فى الاساس بيكون التربيه والاخلاق هما اللى بيحددوا تعاملاتنا مع الاخرين
وبالطبع طاعه الوالدين واجبه وده من الاساسيات اللى علموهالنا من دينا الكريم

قصه مفيده جدا يا ابو ادهم جزاك الله خيرا عليها والافاده منها
ويارب اغفر لى ولوالدى وللمؤمنين

[abo adhem]

اقتباس المشاركة الأصلية كتبت بواسطة عاشق الأحزان اخي الغالي/¨°o.O (ابو ادهم) O.o°¨ والله صدقت يا غالي على تلك القصه وانا كمان حصلت معي اولا انا دائما والدى كان بيضغط عليا ايام المدرسه ويضربنى علشان بدخن من وراه وكل يوم مشكله لدرجه انى كرهت الحياه ولما كبرت واشتغلت وسرت ادخن امامه كنت فى البدايه اقول فلوسي وانا حر فيها وهو لما شافنى بدخن بعد ما اشتغلت سرت ادخن امامه قالى انا ما بدى ايك تدخن مثلي لانى تعبت منه قلتله لما اتعب مثلك ببطل ادخن وفعلا اليوم بقول ياريته ما حكى معى كلام فقط ياريته كسرنى ولا انى ادخن لانه فعلا متعب بالفلوس والصحه والهدف اللى بشفوه الاهل فى سن نكون احنا فيه مراهقين كل لما نكبر بنقول كان عندهم حق لانه الاهل بشوفوه الصح لابنائهم ولما نوقع فى نفس الموضوع بنعرف قد ايه هما كانو على صح سلمت اناملك يا غالي على طرحك القصه يسلموووو يسلموووو يسلمووو موضوع راااائع ومتالق وراقي قلمك مميز ودمت مبدع دمت بود "¨°°o°°¨]§[° عا الأحزان شق°]§[¨°°o°°¨"

تسلم ياغالى للمشاركه وحسن الرد وفعلا ما تقدمت به يمس الشعور بالندم على كل من استهتر بكلمات الاب والام وده هدفى من سرد القصه ان اللى يقرئها يحس لما يكبر بمدى التهاون بنصائح الاب والام وجزاك الله خيرا
ابو ادهم

[abo adhem]

اقتباس المشاركة الأصلية كتبت بواسطة قلم بلا حبر اسمحلى اكتب كلمه مظنش انى كتبتها بالطريقه دى رووووووووووووووووووووووووووووووووووعه سلسله نهايتها تجمل كل ما ندور حوله من قضايا انها الاسره ,,, فى عمادها الاساسى طاعة الوالدين ولكم ان هؤلاء فقط من لديهم القدره على الاحتواء والصفح ,,, هؤلاء من لديهم طاقه كبيره يسخروها للزود ضد ما يتهدد جدران تلك الاسره من اخطار وفى نجاحهم صلاح نواة المجتمع الآسره وفى صلاح الآسره صلاح لـ المجتمع بأسره قد لا ندرك تلك المعانى الا بعد فوات الاوان لكننا فى النهايه ندركها شاكر جدا للاخت دعاء اللى خلت ابو ادهم ينورنا فى الموضوع ههههههههههههههههه خالص تقديرى لموضوعك تحياااااااااااااااااااااااااااااااااااااااااتى"""" """""""

الروعه تواجدك ياغالى وشكرا جزيلا للمشاركه وحسن الرد واسئل الله ان يكون موضوعى هذا مفيد ويترك فى نفس القارء انطباع يفيده فى حياته وجزاك الله خيرا
ابو ادهم