يا شماتة الشباب فيكم يا بنات ههههههههههههههه

[قلم بلا حبر]

بسم الله الرحمن الرحيم

السلام عليكم

الموضوع المره دى باين من عنوانه

يعنى اكيد فى شماته للولاد وطبعا البنات لازم تعترف بالحاجات اللى حتيجى فى الموضوع

واكيد لو فى ردود او توضيحات ,,, مقبوله ,,,

وممكن اى شاب يرد عليها من المنتدى

الموضوع ده بصراحه عملته لانصاف الولاد اللى شايفهم فى كل مكان فى المنتدى البنات مقطعين فروتهم هههههههههههههه

طيب خلونا نشوف ايه هى النقط اللى الولاد حتشمت فيها

***********************
1- البنات بيكذبوا على نفسهم

******************************
ثوانى التوضيح جاى ليه

كلنا عارفين مشكلة البنات مع الاسره لما بيتقدم حبيبها ,, وازاى ان اهلها بيظلموها وبيقفوا امام سعادتها

طيب لو ركزنا شويه ورجعنا لبداية العلاقه ,, حنلاقى ان البنت بتظلم نفسها فى الاول قبل ما اى حد تانى يظلمها

:":":":":":":":":
حتقولوا ازاى ؟؟؟؟؟؟؟؟؟

على فرض الشاب مننا لما بيعجب بفتاه مثلا بيروح ليها ويقولها ,,, انا معجب بيكى,, وهى طبعا يا ترفض يا تقبل ,, ايا كان الرد فهو حس بحاجه عبر عنها وكان صادق مع نفسه

شوفوا بئى البنت

لو فى شاب عاجبها ,, تفضل تتابعه بنظراتها ,,, وتحاول انها تلفت نظره ,, وهى متعرفشى انه ممكن يكون ولا هو هنا ,, ولما تقول ليها طب ليه مش بتصارحيه طالما انتى معجبه بيه قوى يكون ردها

ده انا اموت ولا اعمل كده

طيب اهو ولا واخد باله ,, ومكبر ولا فى دماغه اصلا ,, انتى بئى اللى كذبتى على نفسك وعشتى الوهم وفضلتى تسمعى بالليل ام كلثوم وهى بتقول

(( يا أسى بص فى عنيا وشوف ايه اتكتب فيهم )) يبص فى عينك ازاى وهو مش شايفك اصلا

المهم ::: ضحت باحساسها علشان كبريائها وكذبت على مشاعرها وصدقت نفسها ,, وعلى كده تستنى بئى لما حد ييجى يقول ليها انا معجب بيكى .,,, وطبعا العرض غير الطلب هههههههههههه

فى بنات حتقول ::: ان الشاب حيفهمنى غلط لو قلت كده

يا ستى الموضوع اصلا من بدايته سواء هو صارحك او انتى صارحتيه غلط الا فى حاله واحده ,,, ان يكون الارتباط قريب من الاعجاب ,,, يعنى مش علاقه زى كلام (( سيد العاطفى )) وخلاص ,,,, وطالما انتى حاسه انه ممكن يحفظك ويصونك ويرتبط بيكى مفيش مانع انك تصارحيه بده بس فى حدود انك تكونى عارفه ان الارتباط لازم يكون قريب

**********************

2- الغيره اللى مبتشوفشى ههههههههههههههه

********************************

غيرة البنت ملهاش اى فواصل او حدود بخلاف الشاب بمعنى

البنت ممكن تغير من صاحبتها الانتيم وكلكم مجربين ده

اما الشاب فصاحبه الانتيم ممكن يتخانق علشان خطيبة صاحبه فى غيابه (( شهامة ولاد مش بنات البلد )) هههههههههههه

وده سببه بسيط ,,,

البنت خروجها بعد ما تيجى من الجامعه محدود ,, ففرصة صداقتها بتكون فى حدود الجامعه وبعد ده التليفون او النت وممكن لو حتخرج بس اكيد يعنى مش حتتأخر ومش حيكون كل يوم

انما الولد 24 ساعه خدمه متواصله ,,, بيحصل بينه وبين انتيمه اللى احنا بنقول عليها توأمه ,, وده اللى بيخلى الانتيم فى مكانه للولد لا يمكن المساس بها

وده مش كلام انا ليا 2 انتيم العلاقه بينا مختلفه وممنوعة النقاش عن زوجاتهم حتى (( مش بقولكم ولاد بلد )) هههههههههه

*************************

3- وهم الآنوثه ههههههههههههههه

*********************************

الوهم ده بجد بلاقى بنات كتير عايشه بيه ,, لا وبيسرح بيهم خيالهم لدرجات بعيده ,, ويبدأوا يتخيلوا ان الانوثه هى الصوت اللى محدش يسمعه فى التليفون او نوع البرفان اللى بتستعمله او الاكسسوار اللى بتشتريه ,, او نوعية التعليقات الانثويه اللى بيستخدموها وهما بيتكلموا هههههههه

طب اقولكم على حاجه انا بشوف ان انجلينا جولى انثى مفيش زيها ههههههههههههههههههه

حاجات غريبه بجد ,, خلونا نكمل

**********************

4- الرومامنسيه (( شلال ليس به ماء )) هههههههههه

**********************************

طيب شوفوا بئى يا اخواتنا البنات ,, الموضوع انكم حاطين فى بالكم ان الرومانسيه عند الراجل حاجه ثانويه ,, انما عند البنت هى اصل وجزء اصيل من تكوين شخصيتها ,,, وده اللى يخليك تقابل حد بيمثل الرومانسيه ,,, بجد لو ركزت حتلاقى نفسك ممكن تضحك هههههههههههههههه

طيب خلونا نقول بمصداقيه ان فى شخص رومانسى بطبعه بصرف النظر عن نوعه (( زكر كان ام انثى )) وبكده يبئى ضربنا عصفورين بحجر ,,,

انما طول ما انتم مفكرين ان الرومانسيه = انثى ,,,, حتلاقوا المعادله نتيجتها بالسالب ههههههههههههههه

***********************

5- كفايه كده

**********************************

انا بقول كده لان فى حاجه نسيت اقولها ليكم

(( ان كيدهن عظيم )) وانا زى ما انتم عارفين مش ناااااااااااااااقص هههههههههههههههه

**********************
يلا معاكم ربنا يا بنات

تحيااااااااااااااااااااااااااااااااااااتى""""""""" """""

(( الموضوع للهزار اى حاجه ممكن تخالف الشريعه متاخدشى بيها ,, اللهم بلغت اللهم فاشهد ))

[SiLver Spectra]

هههههههههههه
إنت حطيت نفسك يا سيد في مرمى الصواريخ!!

أنا بصراحة لو كنت مكانهم ما كنتش هسكت...
إنتوا هتسكتوا يا بنات و لا إيه؟؟
هههههههههههه

لسه سمسمه هتيجي
هههههههههههههه

هعلق على السريع بس
1- البنات بيكذبوا على نفسهم
الفكرة إن البنت بتبقى حساسه شويه (يعني عندهم حساسية و بيهرشوا كتير)

فبالتالي بتخاف تصارح الشاب بإعجابها له....لأن لو حصل و الشاب أحرجها أو قالها أنا مش في دماغي ممكن يغمى عليها

دي نقطة

النقطة التانيه إن البنت الشرقية دايما بتحب تظهر كجوهرة.....الكل يسعى للحصول عليها...مش العكس...فدى سبب تاني يخليها ما تصارحش بحبها للشاب

غير طبعا الثقافة...ممكن تنزل في عين الشاب دا على سبيل المثال....

2- الغيره اللى مبتشوفشى ههههههههههههههه
دي ما أقدرش أقول فيها حاجه
بس هضحك معاك
ههههههههههههههههههههه

3- وهم الآنوثه ههههههههههههههه
ليه الأنوثه حلوة....أنا طبعا ما جربتهاش
ههههههههههههه

بس حلوة فيهم......و دايما الراجل بيحب الأنوثة
لكن المفروض ما تسوقش فيها أوي....

زي الراجل إلي يفرد عضلاته أوي!!

4- الرومانسيه (( شلال ليس به ماء )) هههههههههه

حلوة المعادلة هتبقى بالسالب
هنا برضه مش هقول حاجه غير إني هضحك معاك
هههههههههه


تحياتي

[sara_A.A.H]

يا سلاااام عليك يا طاااااارق قاااااعد تهدي النفوس:500::500:


سيبني عليه ............ والله لانتى سايبني عليه
هههههه

احنا يا بنات بقينا عاملين زي الافى اللي رايح واللي جاي بيلطش فينا
:500:
:500:
:500:
:500:

المفروض نعمل منتدى لحقوق المراه

والجايات اكتر من الرايحات ( تقدروا تعتبروه تهديد)








وشكرررررررررررراااااااااا
على التوبيك الرائع

[toto]

ههههههههههههه البنات هتفجر المنتدى احذروا

[اسكندريلا]

اقتباس المشاركة الأصلية كتبت بواسطة قلم بلا حبر (( الموضوع للهزار اى حاجه ممكن تخالف الشريعه متاخدشى بيها ,, اللهم بلغت اللهم فاشهد ))

انا مش عارفة ارد يعنى هو هزار ولا بجد يعنى اتناقش ولا لا فهمونى الله يرضى عليكم يعنى بتكتب يا سيد وتطلع اللى فى قلبك وبعدين تقول هزار حدد موقفك وانشاء الله ليا عودة بعد ما اعرف ايه الموقف

[nooody]

يا قلم انا بشكرك على الموضوع بس عندى تعليق بسيط على ان حضرتك مش شايف اى مانع فى ان البنت لو معجبه بواحد لازم تقوله
ودا مش ينفع خالص باى شكل من الاشكال ليه بقى............. وقولتلى ليه لان البنت لازم يبقى عندها شيىء من الحياء ........ هى كل اللى تقدر تعمله فى الحاله دى انها تديله اشارة مش اكتر
والحقد يفهم بقى ولو هوة مش حاسس بيها اصلا يبقى هى تنسى الموضوع من اساسه
والبا اللى يجيلك منه الريح............
اسفه على الاطاله

[حنـــــون]

لو كان الكلام ده هزار بجد هتحك معاك هههههههههههههههههه ولكن لو بجد فكل اللى انت قولتة غلط ولو انت مسدقة تبقى لازم تعيد النظر فى الكلام ده هههههههههههههههههه

[miraa]

مش عارفه ليه يا قلم كل لما ارد على موضوع من مواضيعك
واستفيض واقعد اكتب بقى وكده... الرد بيتلغى اما من النت او الكمبيونر
هرجع تانى عشان ارد باستفاضه بس يارب مفيش حاجه تبوظ المره دى
لى عوده ان شاء الله

[lolla]

ههههههههههههههههههههههههههه

ماشى يا عم سيد دا انت طلع عندك كم من الكبت غير طبيعى شايل كل دا فى قلبك

وساكت طيب كويس انك قلت كل الى فى نفسك يمكن تستريح نفسياا

وانا بقى عايزة اوضحلك شوية نقط فى الشباب

بداية الرجولة

بصوا بقى تلات تربع الشباب فاهمين الرجولة غلط او فاهمينها صح بس لما يجوا يطبقوا

الخطوط بتدخل فى بعض المهم الرجولة بتبدأ من سن 7 ومعااااااااك لغاية 60 سنة ودى

مفهومها معاكسة البنات ودا فى المرتبة الاولى ويجى بعد كدا شرب السجاير الى هما اصلا

بيبقوا شاحتين الفلوس نصها يشتروا سجاير والنص التانى يتعالجوا بيه واهم من دا كله

السبايكى وتسقيط البنطلون


معاكسة البنات

دا بقى اللغز الى مش قادرة افهمه ايه مزاجكم من المعاكسة مش عارفة.........وبالذات لما

تلاقى راجل عندو بتاع خمسين ستين سنة وبيعاكس او ولد ميعديش ركبة البنت وعندو

سبع تمن سنين وبرضووووووو بيعاكس حاجة غريبة مش كدا


الحلم والوهم

يا سلام بقى لو الولد حس مجرد احساس ان فى بنت معجبه بيه انسى هيفتكر نفسوا

خلاص مفيش لا قبليه ولا بعديه وبقى فلانتينو عصره وزمانه ويتعامل مع البنات على

اساس كل البنات بتحبك كل البنات حلوين وفى الاخر يطلع حاجة من الاتنين يا حلم يا وهم

ويا سلام لو واحدة اتصلت بيه وهو قاعد مع اصحابه حتى لو كانت مامته يعيش الدور عليهم


دا الى جه على بالى دلوقت وباختصار شدييييييييييد جداااااا

يلا يا بنات الحرب اعلنت والبحر امامكم والعدو من ورائكم

[قلم بلا حبر]

اقتباس المشاركة الأصلية كتبت بواسطة silver spectra هههههههههههه إنت حطيت نفسك يا سيد في مرمى الصواريخ!! أنا بصراحة لو كنت مكانهم ما كنتش هسكت... إنتوا هتسكتوا يا بنات و لا إيه؟؟ هههههههههههه لسه سمسمه هتيجي هههههههههههههه هعلق على السريع بس 1- البنات بيكذبوا على نفسهم الفكرة إن البنت بتبقى حساسه شويه (يعني عندهم حساسية و بيهرشوا كتير) فبالتالي بتخاف تصارح الشاب بإعجابها له....لأن لو حصل و الشاب أحرجها أو قالها أنا مش في دماغي ممكن يغمى عليها دي نقطة النقطة التانيه إن البنت الشرقية دايما بتحب تظهر كجوهرة.....الكل يسعى للحصول عليها...مش العكس...فدى سبب تاني يخليها ما تصارحش بحبها للشاب غير طبعا الثقافة...ممكن تنزل في عين الشاب دا على سبيل المثال.... 2- الغيره اللى مبتشوفشى ههههههههههههههه دي ما أقدرش أقول فيها حاجه بس هضحك معاك ههههههههههههههههههههه 3- وهم الآنوثه ههههههههههههههه ليه الأنوثه حلوة....أنا طبعا ما جربتهاش ههههههههههههه بس حلوة فيهم......و دايما الراجل بيحب الأنوثة لكن المفروض ما تسوقش فيها أوي.... زي الراجل إلي يفرد عضلاته أوي!! 4- الرومانسيه (( شلال ليس به ماء )) هههههههههه حلوة المعادلة هتبقى بالسالب هنا برضه مش هقول حاجه غير إني هضحك معاك هههههههههه تحياتي

والله شكلها كده يا طارق ههههههههههههههههههه

انا متوقعتش كل الهجوم ده

وبعدين ما يحس بالالم الا المجروح

وواضح ان الكلام أثر ,,,,,,,,,,

بس مش مشكله ولا يهمك فى درع صاروخيه بجهز فيها لاى هجوم خاطف ,,, مش ساكت هههههههههههههه

خالص تقديرى لمرورك

تحيااااااااااااااااااااااااااتى""""""""""