أنت حر مالم تضر (هام للمنتدا)

[ملك2]

انا مكنتش أحب أنى أرجع بالموضوع ده بس أنا عايز أسألكم سؤال فى الأول

(أنتوا قرأتوا قوانين المنتدى؟؟؟)

طبعا السؤال شايفين أنه ملوش لازمة بس انا عندى أسبابى

لأنى عايز أقولكم على الحقيقة المرة

أنا لم أقرأ قوانين المنتدى

فزورة دى مش كده؟؟؟

ولا فزورة ولا حاجة انا فعلا مقريتش قوانين المنتدى لما اشتركت, لكن انا بصراحة شايف أنها كلها بتتلخص فى جملة واحدة

أنت حر مالم تضر

مش موضوع انى بقول حكم ولا مواعظ بس دى الحقيقة

انت وانتى عندكم كل الحرية انكم تتكلموا على المنتدى فى أى شئ لأننا موجودين هنا عشان نتناقش فى الأساس فى اللى عايزينه

لكن انا بستغرب من حاجة

انت فى أى مكان ليك حدود, يعنى فى البيت ليك حدود حاططهالك والدك ووالدتك عشان هما عندهم خبرة أكتر منك, وفى المدرسة أو الكلية فيه حدود حاطينها المدرسين ذوى الخبرة, وفى الشغل فيه حدود حاططها المديرين أصحاب الخبرة

طيب ليه وانت بتلتزم بالحدود دى كلها بره مش عايز تلتزم بالحدود الموجودة على المنتدى اللى حاططها ناس عندهم خبرة فى المنتدى أكتر منك

انت أكيد عندك أفكار كويسة وممكن جدا يكون محدش فكر فيها قبلك, لكن هل فكرت الأفكار دى تنفع هنا ولا لأ

كل مكان وليه قوانينه اللى بتنظمه وتسهل تعامل الناس فيه

ياريت دايما نفتكر ونحط فى دماغنا إن كل الأعضاء بتحب المنتدى وعايزة تفيده

يعنى لو حصل وفيه عضو أخطأ بدون قصد فمن حقه علينا إننا نوجهه ونرشده للصح لكن أسلوب النصيحة أهم من النصيحة نفسها

انا حبيت أتكلم فى الموضوع ده لأنى شفت إنه ناس كتير اتجهت للخلافات الشخصية ونسيت إننا محتاجين تطوير وتغيير فى المنتدى

منتدانا محتاجلنا ياريت نساعد بعض أننا نطوره

جزاكم الله خيرا جميعا

[nooody]

ملك2 اولا حمد لله على السلامه بقالى كام يوم مش شيفاكى
ثانيا كلامك ده على راسى .............. وبصراحه عندك حق فى كل كلمه
اشكلرك من اعماق قلبى على عرضك للموضوع دة

[عاشق الأحزان]

اختى الغالية/¨°o.O ( ملك2 ) O.o°¨





الله عليكي يا ملك
ياريت كلهم يلتزمو مثلك ويقراو القوانين
علشان نكون جميعا ايد واحده ونخلى بيتنا ده احلى بيت
وزى ما تفضلتى القوانين دى والله لمصلحتكم قبل مصلحه اى حد


يسلموووو يسلموووو يسلمووو

موضوع راااائع ومتالق وراقي
قلمك مميز ودمتى مبدعة

دمتى بود



"¨°°o°°¨]§[° عا الأحزان شق°]§[¨°°o°°¨"

[ملك2]

مرسي جدا لمروركو الرئع
واتمنا بجد اني ده اللي يحصل
وبشكركو مره ثانيه

[the Star bright]

تسلمى يا ملك على الموضوع الجميل و الرائع . تفبلى مرورى و خالص تحياتى ... the star bright
................................

[ملك2]

مرسي كتير لمرورك يا قمر

[dr.marmar]

ايوه ياملك عندك حق انت حر مالم تضر
بس المشكله ان فيه ناس بتفهم الحريه دي غلط
يعني انا شايفه اني عملت حاجه ماضرتش حد
لكن هي ضرت ناس اقل مني خبره
علشان كده اتعملت قوانين للمنتدي
وبعا اكيد معموله القوانين دي زي ماانتي
قلتي لان الناس دي عندها خبره اكتر مننا وبيخافوا علينا
جداااااااااااااااااااا

وفعلا والله المنتدي محتاجنا جدا
شكرا ياملك علي الموضوع الرائع ده

[ملك2]

مرسي جدا مروه اذا فا انا كلامي وضح
للناس اللي بتدي مخلافات وتوقيف وحاجات غريبه مينفعشي الطريقه دي ناس كتير مشيت بسبب الموضوع ده

[ملك2]

مرسي يا اقمر واشكرك علي مرورك الرئع

[Karamela]

موضوع قيم جدا

بس بصراحة انا شايفة انه توجيهي اكتر من انه نقاشي

ميرسي ياقمر وينقل للعام