تم اختراق جهازي فكيف يمكنني حماية جهازي من الاختراق ؟؟؟؟؟؟؟

[Big Brother]

السلام عليكم ورحمة الله وبركاته
استفسار وطلب للمساعده من االاعضاء زوي الخبره في موضوع الاختراق
والموجودين معانا في منتدانا منتديات بنات مصر
حيث تم اختراق جهازي من شخص معين امس
وفوجئت بانه يمكنه تشغيل كاميرة جهازي والدخول علي الملفات الموجوده علي الجهاز
كما فوجئت بانه يتكلم معي ايضا وفي البدايه بدأت بشتمه نظرا لحرقة الدم اللي كنت فيها
وبدأ بتهديدي باخذ ملفات وصور خاصه من علي الجهاز ونشرها علي الانترنت
وبعد كدا قال ايه انه شايفني راجل محترم وصعبت عليه وهيسيبني في حالي
وكمان هديني شويه نصايح زي ايه تخيلوا
اني افصل الكاميرا والمايك
وما احطش اي ملفات شخصيه علي الجهاز طيب بالله عليكم الواحد يحط الحاجات دي فين
مثلا صورك الشخصيه وحاجات زي كدا نحذفهم يعني علشان خاطر البيه
وبعدين انا ما اعرفش هل فعلا اخد حاجه من علي الجهاز ولا لا
والغريب في المووضوع انه في الاخر خالص تقولي انها بنت مش ولد
فارجو من الاخوه الافاضل الافاده من هذه الناحيه وهل هناك طريقه او برنامج معين يحمي الجهاز من الاختراق
انا عملت بحث عن برامج الحمايه من الهكر بس الصراحه ما عرفتش اوصل لحاجه
فياريت لو كان حد عنده حل سهل الواحد ينفذه اكون شاكر جدا لمساعدته
وفعلا ياما هنشوف

[Big Brother]

ايه يا جماعه مافيش اي حد يقدر يفيدنا في الموضوع دا ولا ايه