علي أسم مصر

[بحرولكن]

اسم مصر
على اسم مصر التاريخ يقدر يقول ما شاء

أنا مصر عندي أحب وأجمل الأشياء


بحبها وهي مالكة الأرض شرق وغرب


وبحبها وهي مرمية جريحة حرب


بحبها بعنف وبرقة وعلى استحياء


واكرهها وألعن أبوها بعشق زي الداء


واسيبها واطفش في درب وتبقى هي ف درب


وتلتفت تلاقيني جنبها في الكرب


والنبض ينفض عروقي بألف نغمة وضرب


على اسم مصر


مصر النسيم في الليالي وبياعين الفل


ومرايه بهتانة ع القهوة .. أزورها .. واطل


القى النديم طل من مطرح منا طليت


والقاها برواز معلق عندنا في البيت


فيه القمر مصطفى كامل حبيب الكل


المصري باشا بشواربه اللي ما عرفوا الذل


ومصر فوق في الفراندة واسمها جولييت


ولما جيت بعد روميو بربع قرن بكيت


ومسحت دموعي في كمي ومن ساعتها وعيت


على اسم مصر


أنا اللي اسمي حتحـور .. أنا بنت رع


مثـال الأمـومـة ورمـز الحـنـان


تفـيض حـلمـاتي وتمـلا الـتـرع


وتسـقـي البـشـر كلهـم والغـيـطان


نهايته يا مصر اللي كانت أصبحت وخلاص


تمثال بديع وانفه في الطين غاص


وناس من البدو شدوا عليه حبال الخيش


والقرص رع العظيم بقى صاج خبيز للعيش


وساق محارب قديم مبتورة ف أبو قرقاص


ما تعرف اللي بترها سيف والا رصاص


والا الخراب اللي صاب عقل البلد بالطيش


قال ابن خلدون أمم متفسخة تعيش ليش


وحصان صهل صحى جميع الجيش


على اسم مصر



النخل في العالي والنيل ماشي طوالي


معكوسة فيه الصـور .. مقلوبة وانا مالي


يا ولاد أنا ف حالي زي النقش في العواميد


زي الهلال اللي فوق مدنة بنوها عبيد


وزي باقي العبيد باجري على عيالي


باجري وخطوي وئيد من تقل أحمالي


محنيه قامتي .. وهامتي كأن فيها حديد


وعينيا رمل العريش فيها وملح رشيد


لكني بافتحها زي اللي اتولدت من جديد



على اسم مصر


مصر .. التلات أحرف الساكنة اللي شاحنة ضجيج


زوم الهوا وطقش موج البحر لما يهيج


وعجيج حوافر خيول بتجر زغروطة


حزمة نغم صعب داخلة مسامعي مقروطة


في مسامي مضغوطه مع دمي لها تعاريج


ترع وقنوات سقت من جسمي كل نسيج


وجميع خيوط النسيج على نبرة مربوطة


أسمعها مهموسة والا أسمعها مشخوطة


شبكة رادار قلبي جوه ضلوعي مضبوطة


على اسم مصر


وترن من تاني نفس النبرة في وداني


ومؤشر الفرحة يتحرك في وجداني


وأغاني واحشاني باتذكرها ما لهاش عد


فيه شيء حصل أو بيحصل أو حيحصل جد


أو ربما الأمر حالة وجد واخداني


انا اللي ياما الهوى جابني ووداني


وكلام على لساني جاني لابد أقوله لحد


القمح ليه اسمه قمح اليوم وأمس وغد


ومصر يحرم عليها .. والجدال يشتد


على اسم مصر

[بحرولكن]

أبكى ... أنزف ... أموت



وتعيشى ياضحكة مصر



وتعيش يانيل ياطيب



تعيش يانسيم العصر



وتعيش ياقمر المغرب



تعيش ياشجر التوت



أبكى ... أنزف ... أموت



تعيشى ياضحكة مصر



وتلا ميذ المدارس



والنورج اللى دارس



والعسكرى االلى دايس على الصعب علشان النصر



يا مراكب يا صوارى



يا شوارع يا حوارى



يا مرازع يا صوامع



يا مصانع يا مطابع



يا مينا يا كبارى



يا ........... يا بيوت



أبكى ... أنزف ... أموت



وتعيشى ياضحكة مصر

[جـــــراح المشــاعر]

مصر الحرة مصر الابيه مصر الدنيا مصر الاول مصر الاخر

مصر امي

وام الدنيا اجمل معاني واهدي تهاني اجمل صورة وافضل تعبير اجمل ناس واهدي عبير

ياربي اشملها برحمتك وعظمتك وقوتك

امي تمرض ولكن لا تموت تحيا امي فوق الخلود

مصر الدنيا مصر النيل حتي ااسلو الاهرمات فيها دليل

اسالو ابو الهول ولا جمال ولا سدات ولا صلاح ولا شوية عيال بيجرو زي الرماح

مصر الحية مصر دي امي

احترامي لك ولقلمك اخي وسامح قلمي لانه نزف من غير اختيار للمعاني وانما قال ما بداخلي

[بحرولكن]

حلــــــوة بـلادي السـمرة بلادي الحرة . . بلادي . .


حلــــــوة بـلادي السـمرة
بـــــلادي الــــحـــــــــرة
بلااااااااااااااااااااادي
*
وآنا ااااااااااااااااا
على الربابه بــغـــنـي
م املــــكـــــــش غــــير
إنـي اغــنـي وأقــــــول
تعــيــشـــي يا مـــــصـر
*
وآنا ااااااااااااااااا
عــلـــى الربـابـه بغني
م املــــــكــــش غـــيـر
غــــــــــنــــوه أمـــــــــل
لـــلــــجــــــنـــــــــــــــود
أمـــــــل لـلــنــصــــــــــر
ليــــــــــكي يا مـــصـــر
*
وآنا ااااااااااااااااا
على الربابــه بـغـني
اغنــــــــي
وأبــارك
كل خــــــــــطـــــــوه
تــــعــــدّي
تــــــعــدّي
ع الـطــــريـق الصعب
تــــــحيــا مــــــــــصــــر
*
وآنا ااااااااااااااااا
على الربــابه بغني
وبــــــــغــــــنّــــــــــي
غــــــنـــــوة الحـرّية
قول معايا يـا شـعب
تـــحـــيــا مــــــــــصــــر
*
حلوة بلادي السـمرة
بــــــــلادي الـــــــحـرة
بلاااااااااااادي
*
وآنا ااااااااااااااااا
على الربابه بـغـني
يا عــاشــــق ومـغــنـي
وإااااااااايه هـــكـون
جــــنـــب عــــشـــاقك
يـااااا مــــــــصــــر
*
وأنتي اللي مبتنسيش
ضـــناكي
دمّه ع التراب الحُر
فـــــداكي يامـــــصــــــــر

اللهم أنصرهم وقويهم
أخواني وعشيرتي وقومي
اللهم أجعل خطاهم خطا حر

[السفينة]

اني مش مصرية لكن حبيبي مصري

علشان كده
بحبك يا مصر

تحية لكل مصرى ولكل عربى مصرى لان مصر هى ام العرب

بحبك يا مصر

[زهرة النسرين]

يامصــــر

لفيت بعبايتي اللف جسمي

طويتك من راسي لرجلي

ومسكتك بحنيه على خصري

ومشيت ارمي خطوتي

وبدلع الاعب غمزتي

والبوية تقولي اوعي


الكل وراكي هيجري

ضحكت وادللت واتغريت

انا لفت كل نظر في كل حارة وبيت

ضحكت عليا البوية

خفت انا واتخضيت

وعقلي من الخوف خف

قالتلي ياام الملاية اللف

دول هيجروا وراكي

يستروكي بالملاية اللف

اللي بقت في وسط رجليكي

ويشخطوا على خطواتك

اللي بتخلي الملاية تلف لف

اصل مصر لو انتي عقلك

مش شايف اصل عقلك خف

مصر اتغيرت من اليوم

مصر كل طفل فيها

بقى بالف

ياام الملاية اللف

كسرت كعب جزمتي

وشديت في مشيتي

وغطيت ضحكتي

بكلمة بس

دا مصر اتغيرت

وانا ومصريتي

هنبقى بالف

مسكت علمك يابلدي

خليته فوق راسي

يرف رف

وصرخت باعلى صوتي

تحيا مصـــر

دا مصـــر اتغيرت

يبقى لازم انا ومصريتي

نبقى بالف

صرخت وقلت بس

كفاية ظلم وقهر

كفاية ناكل الرغيف

بحجاره في القلب

تحص حص

صرخت باعلى صوتي

وقلت بس

مش تبكي ياام الشهيد

دا النهاردة عيد

نزلت عبايتي

غطت رجلي

سترت شعري

وكسرت كعب جزمتي

ماخلاص انا من النهاردة

بالـــــف

نزل الظلم من عرشه

كسر كعب حرفه

غطى بالحق على ظلمه

ستر كله في كله

من الراس حتى الخف

ماانا ومصريتي بالف

مبسوطة يابوية

انا النهاردة عقلي بجد

( خَــــــــف ) ,,,,,

[بحرولكن]

[واد حبيب]

وقف الخلق ينظرون جميعا كيف ابنى قواعد المجد وحدى

وبناة الاهرام فى سالف الدهر كفونى الكلام عند التحدى

انا تاج العلاء فى مفرق الشرق ودراته فرائد عقدى

ان مجدى فى الاوليات عريق من له مثل اولياتى ومجدى

انا ان قدر الاله مماتى لا ترى الشرق يرفع الرأس بعدى

ما رمانى رام وراح سليما فى قديم عناية الله جندى

كم بغت دولة على وغارت ثم زالت وتلك عقبى التحدى

اننى حرة كسرت قيودى رغم انف العدا وقطعت قيدى