ده تعتيم ولا هبل

[falta tanto amor]

بعد ظهور الفضائيات والنت معتش في فرصة للتعتيم لان ده هيخلي الناس تتابع وسيلة اعلامية تانية وبكدة تفقد الوسيلة

اللي بتعتم علي الاخبار مصداقيتها:500:

هو ده بقي اللي التليفزيون المصري بيعمله بيقدم كوميديا مش اخبار تلاقي كل القنوات جايبة ملايين بيتظاهروا في

ميدان التحرير والتليفزيون المصري جايب صورة النيل ماشاء الله طب والناس اللي بتموت دي

ونلاقي برضة ناس تتصل عالتليفزيون المصري تقول ايه انا لسة راجع حالا من الميدان وخلاص احنا حققنا مطالبنا

وواحد يقول انا من تايلاند وشايف بعينيه مراسل من الجزيرة بيرشي المصريين اللي هناك بيعطي لكل واحد 200 دولار

عشان يعملوا مظاهرات ضد النظام :blow:يا سلام

والتليفزيون المصري بيقول ان خبر الجمال والخيول اللي دخلت الميدان مش حقيقي وان الجزيرة بتعرض اخبار غلط

طب ايه اللي احنا شيفينوا ده الجزيرة بتالف مثلا ولا الشعب بيهلوس .

في اعلاميين كانوا في البداية ضد الثورة لكن دلوقتي بقوا مع الثورة لانها بدات تنجح ناس منافقة بشكل مش معقول

عشان كدة معتش حد بيتابع التليفزيون المصري ولا حد بيشتري الاهرام والاخبار والجمهورية

الاقبال بقي اكتر علي المصري اليوم والشروق والدستور والوفد وقناة الجزيرة وبي بي سي والعربية

الاعلام وسيلة لنقل الخبر زي ما هو من غير تحريف او تشويه او تعتيم لابد من وجود الموضوعية و عرض الراي

والراي الاخر ولا ايه؟؟

[~♥ Queen sozan♥~]

بصى هو الاعلام بتعنا وبلا فخر بصراحة
ودة شهادة فى حقو
اعلان فاشل والحمدلله
كانو بيجبو المظاهرة الوحيدة لى بتقول نعم لى مبارك
والباقى ولا هو هنا ولا الاغانى !! عجبى بجد
هقولك اية قناة حكومية
::::

[حياتي ذكريات]

السلام عليكم

بصي هي قناة حكومية ولما بدات المظاهرات 25 يناير
كانو جايبين فيلم كرتون !!
وكل القنوات التانية جايبة الظاهرات اللي عددهم بالآلاف
طبعا اكيد كانو واخدين امر من جهات عليا
بس انتي لو لاحظتي دولوقتي بدئو ينحازو شوية للشارع المصري
حتى وان كان فيه تعتيم لكن ارحم من الاول بكتير
تناقض فظيع بين الجزيرة اللي بتهول كتير وبين القنوات المصرية اللي بتقلل من كل حاجه

شكرا ليكي على الموضوع
ربنا ييسر

[falta tanto amor]

اقتباسالمشاركة الأصلية كتبت بواسطة همسღ الجراحبصى هو الاعلام بتعنا وبلا فخر بصراحة
ودة شهادة فى حقو
اعلان فاشل والحمدلله
كانو بيجبو المظاهرة الوحيدة لى بتقول نعم لى مبارك
والباقى ولا هو هنا ولا الاغانى !! عجبى بجد
هقولك اية قناة حكومية
::::

فعلا كان مصر بتحتل حاجة تضحك والله

شكراااااااااااا همس الجراح نورتيني

[falta tanto amor]

اقتباسالمشاركة الأصلية كتبت بواسطة حياتي ذكرياتالسلام عليكم

بصي هي قناة حكومية ولما بدات المظاهرات 25 يناير
كانو جايبين فيلم كرتون !!
وكل القنوات التانية جايبة الظاهرات اللي عددهم بالآلاف
طبعا اكيد كانو واخدين امر من جهات عليا
بس انتي لو لاحظتي دولوقتي بدئو ينحازو شوية للشارع المصري
حتى وان كان فيه تعتيم لكن ارحم من الاول بكتير
تناقض فظيع بين الجزيرة اللي بتهول كتير وبين القنوات المصرية اللي بتقلل من كل حاجه

شكرا ليكي على الموضوع
ربنا ييسر
وعليكم السلام ورحمة الله وبركاته


هي القنوات المصرية فعلا بدات تجيب فعلا بس بعد ما حسوا ان الثورة هتحقق مطالبها

الجزيرة مش بتهول ولا حاجة احنا بس بنحس كدة لكن دي الحقيقة والحقيقة مرة

شكراااا حياتي ذكريات