عادى؟؟؟؟

[miraa]

بسم الله الرحمن الرحيم

**عااااااااااااااااااااادى**

كلمه او مصطلح تقريبا بنستخدمه يوميا فى حياتنا

اخبارك ايه النهارده؟...عملت ايه امبارح؟

عادى ولا حاجه

عندك امتحان بكره ولسه مخاصتش

يعم ..عادى ..كبر دماغك

امثله كتيره على كلمه عادى

المهم

اننا بجد بقينا بنستخدم الكلمه دى طول النهار

وكانها كلمه بتدل على حالنا

لو ركزنا شويه فيها هنعرف انها كلمه بتدل على

التطنيش واللامبالاه

يعنى اننا نكون مريحين دماغنا ومش عايزين حتى نفكر

لما بنجاوب بكلمه عادى يعنى

مش فارقه معانا حاجه ...كله زى بعضه

فى ناس كتير بتستخدم الكلمه دى

لدرجه انك نفسك بتكره اللا مبالاه اللى بيعبروا عنها فى كل كلمه بيقولوها

اه ممكن فعلا يكون فى نوع من التطنيش

بس مش للدرجه بتاعت اى سؤال نرد عادى

عايزه افهم هو ايه اللى عادى؟

انك تنجرح من حد وتقول عادى!!

انك تتمنى النجاح ومش تحاول تخطط ليه وفى الاخر تقول عادى!!!

انك تعيش ومش حاسس بالوقت ..اليوم بيمر وانت عادى !!!

انك تعيش مع ناس مش بتحس اصلا بوجودهم

عايش بس عشان تكمل حياتك مستحملهم ومستحملينك

ومش بتحاول تفكر فى اخطأئك او تفكر فى مستقبلك

ويبقى عااااااااادى!!!

بالعكس ده فعلا اللى مش عادى

انك تعيش ومنتظر النهايه بتمشى مش عارف رايح فين

مهى مش فارقه معاك بقى

مش بتحاول تخطط او ان يكون عندك امل فى المستقبل

خلاص حدثت عقبه فى حياتك ومرت

بس انت فضلت واقف عند المشكله دى

محاولتش تتحرك وتمضى قدما

لا اتغيرت نظرتك للحياه وبقت كل حاجه بتحصل دلوقتى عادى

اكيد فى حاجات كتير غلط بتحصل حوالينا

واكيد برضه مش هنقدر نغيرها كلها

بس مش معنى كده اننا نقف وننتظر الاسوء

بالعكس ده معناه اننا نحاول نجد امل فى المستقبل

لان اكيد لو عندنا امل عايشين علشانه

اكيد هنخطط ونحاول ننفذ صح لنصل لهدفنا فى النهايه

احنا بشر عندنا احاسيس ومشاعر

عشان نتالم.. ونفرح.. نبكى.. ونضحك

نفكر ونخطط

مش ناخد اسهل طريق للتطنيش ونقول عاااااااااادى

[SiLver Spectra]

موضوع مهم يا ميره
مع إنه شبيه بموضوع أختنا فراشة بتاع كبر دماغك
لكن الكلمة دي بتعبر عن البطالة و تدني مستوى المعيشه
الشاب بيتعلم و عارف إنه مش هيشتغل أو حتى لو إشتغل هياخد كام!!
لكن طول ما إحنا بنقول اصل الحياة صعبة و المشكلة في المعيشة المتدنية المستوى هيتدنى أكتر و الحياة هتصعب أكتر
فكلمة عادي بتقولها عشان تمشي الموضوع و تكبر دماغك لكن في الغالب الموضوع أو المشكلة بتكبر أكتر بعد كلمة عادي...

و ألف شكر يا ميره على الموضوع
مش هنشوف موضوع سعيد منك بقى كله كئيب كدا
لحسن أنا شوية و هنط من الشباك
هههههههههههههههههه

تحياتي لأختنا المبدعه ميره

[قلم بلا حبر]

ياه يا ميرا ,,,,والله عامل مشكله مع انسان على الكلمه دى

لدرجة انى قلت ليه ,,انى لو طايل انسيك الاربع حروف (( ع ا د ى )) حعمل ده

الكلمه بجد مستفزه جدا ,,,

يعنى من الطبيعى ان الواحد من خلال كلامه يكون فى استفاده ,, ايا كانت الاستفاده دى ,, المهم انه مش يكون كلام مرسل ,, او مش ليه هدف

انما الكلمه دى ... بتقتل حتى روح الكلام نفسه ,,,, وبتخلى الاستمرار فيه نوع من الثرثره

انا يمكن قلت لو فى اضافه صغيره .. ان الكلمه ممكن تكون للهروب

كثتير منا بيستخدمها لما بيقع فى موقف او سؤال وسرعة بديهته مش اسعفته ,, فبيستخدم الكلمه دى (( عادى )) للهروب من الموقف او السؤال

وده فى حالتين ,, اما ان يكون عجز فى سرعة البديهه

او انه يكون مبنى على تفكير متعلق بالشخص نفسه

الموضوع جميل ...

وماشاء الله عليكى افكارك متنوعه ,,,,

خالص تقديرى لمجهوداتك

تحيااااااااااااااااااااااااااتى"""""""""""""""

[miraa]

اقتباس المشاركة الأصلية كتبت بواسطة silver spectra موضوع مهم يا ميره مع إنه شبيه بموضوع أختنا فراشة بتاع كبر دماغك لكن الكلمة دي بتعبر عن البطالة و تدني مستوى المعيشه الشاب بيتعلم و عارف إنه مش هيشتغل أو حتى لو إشتغل هياخد كام!! لكن طول ما إحنا بنقول اصل الحياة صعبة و المشكلة في المعيشة المتدنية المستوى هيتدنى أكتر و الحياة هتصعب أكتر فكلمة عادي بتقولها عشان تمشي الموضوع و تكبر دماغك لكن في الغالب الموضوع أو المشكلة بتكبر أكتر بعد كلمة عادي... و ألف شكر يا ميره على الموضوع مش هنشوف موضوع سعيد منك بقى كله كئيب كدا لحسن أنا شوية و هنط من الشباك هههههههههههههههههه تحياتي لأختنا المبدعه ميره

مرسيي كتير يا طارق على مرورك وردك
وفعلا المشكله بتكبر اكتر بعد كلمه عادى
ههههه
والله يا طارق بدور على حاجه سعيده..ربنا يسهل
ايه هو انا كئيبه للدرجه دى
يلا استحملونى بقى
مرسيي يا طارق

[miraa]

اقتباس المشاركة الأصلية كتبت بواسطة قلم بلا حبر ياه يا ميرا ,,,,والله عامل مشكله مع انسان على الكلمه دى لدرجة انى قلت ليه ,,انى لو طايل انسيك الاربع حروف (( ع ا د ى )) حعمل ده الكلمه بجد مستفزه جدا ,,, يعنى من الطبيعى ان الواحد من خلال كلامه يكون فى استفاده ,, ايا كانت الاستفاده دى ,, المهم انه مش يكون كلام مرسل ,, او مش ليه هدف انما الكلمه دى ... بتقتل حتى روح الكلام نفسه ,,,, وبتخلى الاستمرار فيه نوع من الثرثره انا يمكن قلت لو فى اضافه صغيره .. ان الكلمه ممكن تكون للهروب كثتير منا بيستخدمها لما بيقع فى موقف او سؤال وسرعة بديهته مش اسعفته ,, فبيستخدم الكلمه دى (( عادى )) للهروب من الموقف او السؤال وده فى حالتين ,, اما ان يكون عجز فى سرعة البديهه او انه يكون مبنى على تفكير متعلق بالشخص نفسه الموضوع جميل ... وماشاء الله عليكى افكارك متنوعه ,,,, خالص تقديرى لمجهوداتك تحيااااااااااااااااااااااااااتى"""""""""""""""

سبحان الله يا قلم
والله انا كمان اللى خلانى اكتب الموضوع انى بجد اتخنقت من واحده صاحبتى طول النهار بتقول الكلمه دى
والمصيبه انها فاكره انها كده حاجه كويسه او انها ماشيه مع الواقع

رايك كتير جميل يا قلم
فعلا هى اكيد بتبقى نوع من الهروب من الموقف او الواقع
وبرضه نوع من اللامبالاه

مرسيي كتير يا قلم على ردك المفيد والجميل
خالص تقديرى لمرورك

[المغربي]

السلام عليكم ورحمة الله وبركاته
مساؤكي سكر وصباحكي أحلى من السكر
عندك حق فكلمت عادي كثيرة في المجتمع
شكرا لك أختي على الموضوع
تقبلي مروري المتواضع

[البرنس رامى]

الأخت الكريمه

ميــــــــــــــــــــــرا

طبعا انا حبيت اشارك معاكى فى الرأى والنقاش حول كلمه عادى

الكل يستعمل في حياته اليومية كلمة 'عادي وأصبحت لازمه عند الجميع

وهى لتبسيط الأمور والهروب من المشاكل ولها ملولات كثيره جدااا

ولكن لو بحثنا عن معناها الحقيقى سنجد أن كلمة عادي و عادية

يقال انها من الاخطاء الشائعة اذ انها تعني في الصحيح الشيء

غير العادي. لانها تعود نسبة الى قوم عاد و قد كانوا ضخام الاجساد

و بالتالي ادواتهم ستكون ضخمة ايضا و كل ما يستعملونه.

لذلك فقد كانوا يطلقون عن الشيء الكبير جدا كلمة عادي

وطبعا مهما حاولنا اننا نغير من الكلمه لن نفلح لعدة اسباب

لما تيجى تقولى لحد مثلا بلاش كلمه عادى هيقولك ياشيخه عادى

ارق تحياتى لكى اختى العزيزه ميرا دمتى بخير

[miraa]

اقتباس المشاركة الأصلية كتبت بواسطة المغربي السلام عليكم ورحمة الله وبركاته مساؤكي سكر وصباحكي أحلى من السكر عندك حق فكلمت عادي كثيرة في المجتمع شكرا لك أختي على الموضوع تقبلي مروري المتواضع

مرسيي كتير يا مغربى
على المرور والرد
خالص تقديرى واحترامى

[miraa]

اقتباس المشاركة الأصلية كتبت بواسطة البرنس رامى الأخت الكريمه ميــــــــــــــــــــــرا طبعا انا حبيت اشارك معاكى فى الرأى والنقاش حول كلمه عادى الكل يستعمل في حياته اليومية كلمة 'عادي وأصبحت لازمه عند الجميع وهى لتبسيط الأمور والهروب من المشاكل ولها ملولات كثيره جدااا ولكن لو بحثنا عن معناها الحقيقى سنجد أن كلمة عادي و عادية يقال انها من الاخطاء الشائعة اذ انها تعني في الصحيح الشيء غير العادي. لانها تعود نسبة الى قوم عاد و قد كانوا ضخام الاجساد و بالتالي ادواتهم ستكون ضخمة ايضا و كل ما يستعملونه. لذلك فقد كانوا يطلقون عن الشيء الكبير جدا كلمة عادي وطبعا مهما حاولنا اننا نغير من الكلمه لن نفلح لعدة اسباب لما تيجى تقولى لحد مثلا بلاش كلمه عادى هيقولك ياشيخه عادى ارق تحياتى لكى اختى العزيزه ميرا دمتى بخير

الاخ العزيز: رامى

حقيقى ردك مفيد جدا
شكرا رامى على الشرح الجميل
والتفسير للكلمه
مرسيي جدا لمرورك المفيد والرائع
خالص تقديرى واحترامى

[yasmine refat]

كلمة عادي كلمة بتختلف أستخدامها حسب الظرف قد تكون لا مبالاة " تطنيش" وقد تكون للتخفيف أو المواساة فالكلمة تختلف معناها بأختلاف أستخدامه لذلك من المستحيل أن نجعلها ضمن أطار معين....بصراحه أنا بقولها لما الأمور تتعقد علشان أبسط الموضوع لنفسي " يعني هقطع نفسي براحه براحه وتنحل" بس بستخدم زي الزفت أكتر هههههههههه.........أختك في الله