ثورة التحرير (كلمات ..محمد البدراوي)

[امير الشرق]

	:cv50: ثورة التحرير يامصر ياأرض الحضارة والتاريخ ياللي شبابك أسقطوا نظام مش شريف ياأم مات ابنها لجل القضية تعيش يااخوانا حد يقول لها تفرح وماتبكيش ابنك في جنة ربنا والمصطفي جاره والملايكة لجنته تزفه كأنه عريس دم الشهيد في شرعنا غالي ولازم حقه يتاخد ولو كان اللي قتله رئيس سقط النظام... واللي بيحكمك يامصر شعبك ماتخافيش... شيلتيني دايما فوق كتافك والنهاردا الدور عليا حضري ورقك وقلمك واكتبي بداية التاريخ اكتبي حروف من دهب اسم أبطالنا اللي ماتوا عشان نعيش اكتبي كل اللي خانوا واللي نهبوا.. واللي سرقوا الحلم من عين الكفيف تلاتين سنة شعبك كفيف يامصر عايش كأنه مافيش تلاتين سنة جهل وبطالة وفقر ودم ابنك مايساويش تلاتين سنة بكام سلمة في طريقه للتوريث اتعلمت الدرس ياولدي؟؟؟ والاستاذ تلميذ من بلدي حب يرجع صوت الحق قالها في وش الظالم...لأ مات برصاصة حقيرة وموته صحي ضمير الأمة بجد اتحملتي يامصر كتييير نهب وسرقة وقتل ضمير الظالم كان فيكي مظلوم والمظلوم مالهوشي نصير اتخصخصتي يامصر وماله وباعوكي لعزه وجماله ايه المشكلة بس قوليلي ماهي أرض ابوه والمال ماله ياشباب مصر في كل مكان اللي في بيته وفي الميدان مصر أمانه في ايدك صونها واوصل بيها لبر أمان بقلم..محمدالبدراوي11/2/2011 http://www.facebook.com/home.php?sk=...51325388245287