أنـــا والهديــة

[زهرة النسرين]

بسم الله الرحمن الرحيم





طبعا بالمشاركة دي اكون كملت


1000 مشاركة فحبيت تكون حاجة


خفيفة وفيها شوية ضحكــ



انـــا والهدية





مابين كل عاشقين


بنلاقي اغنية


وفي اللي بيجيب


لحبيبته وردا حمرا هدية


واللي يدور على


مكان رومانسي


ان شاء الله


مركب على البحر


او حتى معدية


واللي يفضل بنحت


في دماغه


عشان يكتبلها


كلمتين شعر يقول فيهم


حققت معاكي كل امانيا


واللي يقعد يفكر


هاكلها ايه ..؟؟


واشربها ايه ..؟؟


ويارب هتكفي ولا لاء


الماهية ,,؟؟


واللي يجيب برفيوم


ويرجع يقول لاء


مش كفاية هتقول اني


بخيل اصلي عارفها


مفترية ,,,


واللي دايب في الحب


وغرقان في الحنية


بيدور على


قلوب في دلاية مفاتيح


ويقول هكون بين


ايديها كل يوم


وتنادي عليا


واللي يجيب دبلتين


ويوصل لبيت باباها


ويقول دي احلى هدية


وانا النهاردة حبيت


وبدأت اخطط وافكر


في شكل البيت والهدية


وقلت خلاص


انا نُلت مااتمنيت


وهحس بمعنى الهدية


وبدأت افكر في شكل الهدية


واقووول


ياترى هجيبلي


من القمر قطعة فنيه ,,؟؟


لا لا لا


حبيبي رومانسي هيجبلي


كل الدنيا ويقولي


ياقلبي مش مكفيه ,,


والنهاردة يوم الهدية


وايه ياترى هيا الهدية ,,؟؟


حبيبي جابلي من كل الدنيا


حرنكش هدية ,,,


بلاش ضحك انت وهو وهي


ياريتكم تعرفوا معنى الهدية


اصلنا اتفقنا انا وحبيبي


اول مرة نتقابل بعد طول


انتظار للملاقية


يجيبلي معاه حرنكش هدية


والنهاردة وانا بفكر


في البيت والعربية


وشكل الهدية


اتمنيت ماينساش


حبيبي الحرنكش


لانه اغلى هدية


اصل ليه وليا


مع الحرنكش قصة


رومانسية


بتحكي اجمل ايامنا الهنية


ومانساش حبيبي


وجابلي الحرنكش هدية


وانا حبيته اكتر


وحطيته جوا قلبي وعنية



وطبعا عايزين تعرفوا


سر الحرنكش


وازاي ااقبل بيه هدية


مش هتعرفوا مني


واسألوا حبيبي


ممكن منه تعرفوا


سر الهدية


مااقدرش انا ااقول


اصل بيني وبينكم


ومش تقولوا لحبيبي


انا بنوتة


عندية ,,,,