لم اتحمل (هذه ماساة اما الجميع وكلهم مختبئون)

[sεηυσяιтα ησOση]

بسم الله الرحمن الرحيم

ازيكم يا اعضاء

انا حبيت اعرفكم على بعض الى بيحصل هنا عندنا فى سينا وخاصة منطقة الشيخ زويد

احنا النهادرة بعد اذان المغرب سمعنا ضرب نار وده طبيعى يعنى

بس الى حصل هو انو كان جمب بيتنا قريب اوى

بابا مسافر واخى كان فى مشوار

وانا وماما واختى الكبيرة وزوجة اخى الى فى البيت



على العموم

ماما طلعت تشوف فى ايه من البلكونة

بعدين فجاة صرخت

انا واختى بسرعة رحنا ليها نشوفها

لقينا منظر فى منتهى الظلم

وكل الناس شايفة وساكتة وقاعدة فى بيوتها

حتى ما اتصولو بحد لان اصلا مافيش شرطة ابدا فى المدينة دى

منظر يقطع القلب

البدو جين معهم رشاشات واربع عربيا اتهجموا على بيت شيخ

ومراته وعياله

اخدو مراته طلعوها واخدوه ونزلو ضرب فيهم ادام كل الناس

بالشارع والى يقرب منهم ينضرب الرشاش

كان منظر فى ابشع المناظر صراحة ما بشوفه غير فى الافلام

وعيالهم عمالين يصوتو مفيش حد معاهم كله خايف

وبعدين قطعو هدموها للزوجة وهى كبيرة فى السن

وتصورو مين الى عمل كل ده ابوها

وهى تقولو ارحمنى وتبوس على رجلو وهو

بيقول طلعوهم على السيارة وخدوهم للجبل ولحتى الان ما فى اخبار

وطردو اولادهم من البيت واخدو المفاتيح بتاعت بيتهم

احنا عندنا كل الجرايم بتحصل

فى المدينة دى ومافى اى حد بيعمل شى

الجبل ده الى بيروحو ما بيطلع سليم ابدا

الله معاهم يارب يرجعهم


انا واصحابى بنخاف نخرج ونروح المدرسة والدروس

لانو ما بيتركو اى بنت مصرية فى حالها ابدا

كل الى عايزينو يمشو المصريين من سينا

انا مكنتش قادرة استحمل كل ده

حبيت شاركم

[●•Young Eyes•●]

لا حلو لا قوة الا بالله

لا طبعا مينفعش كده

لازم يكون فية شرطة

مرسى يا قمر عالخبر

و الله بعونكم

و ابقى طمنينا عليكى

[sεηυσяιтα ησOση]

منورة بمرورك وانشاء الله بينزلو الشرطة بقه

[ڪــــبرياء الروح]

يا الله افتكرت نفسي بمسسسلسسسسل
ليش كدا ايش الناس هذي الله يكون بعونكم يارب
طب ما تحاولوا تجيبوا قسم شرطه بالمنطقه
لاحول ولاقوة الا بالله الله يكون بعونكم ويرجعهم يارب
والله كأنا بغابه مافي قوانين
الله معاكم

[sεηυσяιтα ησOση]

فعلا ما فى قوانين

[ذكريآت مؤلمهـ]

وربنا معاكي يا قلبي والله بجد هدعيلك ربنا يحفظك حتى في صلاتى مش هنساكي بجد حاجه يارب يحفظك

[sεηυσяιтα ησOση]

شكرا حبيبتى على مرورك

[~♥ Queen sozan♥~]

طيب ولية يعملو كدة اصلا ،،

وفين الامن ، لية مفيش حد منكم بينزل المدينة ويبلغ حتى ،،

دة لو اهل البلد كلهم اتجمعو ايد وحدة ووقفو فى وش البدو دول هيخافو

مينفعش نسكت على الغلط ونتفرج

بجد شئ اول مرة اسمو

حسبنا الله ونعم الوكيل فى البشر لى من النوع دة ،

بجد ربنا معاكم .

[sεηυσяιтα ησOση]

ايد واحدة ايه دول بيخطفو البنات ادام الناس ومحدش يقدر يتنفس والامر زاد كمان اليومين دول خطف واغتصاب وحاجت رهيبة انا عن نفسى مبقتشى بخرج حتى اروح المدرسة امتحنت معتمدة على الدراسة فى البيت

[ღ Gի๐sτ ღ]

للأسف المسؤلين بمصر عامة مش مهتمين بسيناء وسايبنها فى جزء تاني لوحدها وبقى يحصل فيها كل حاجة

وللأٍسف معتقدش ان في شرطة تقدر تنزل هناك لان الشرطة بتخاف

ربنا معاكي وان شاء الله يكون كل خير بالمدينة وميحصلش اي مشاكل لحد عامة ولكي ولأهلك خاصة