حل مسابقة skull و أسماء الفائزين ,,

[SiLver Spectra]

SkuLL Organization



المسابقة بصراحة خيبت ظني جامد
و هقولكم ليه بعد شرح حل المسابقة
((بما أن الناس بتسمكلي على اقل شيء فأنا كمان قررت عدم تكبير دماغي على اي أخطاء بترتكب بشكل متعمد))

حل المسابقة

طبعا لما بتشغل الملف الفلاشي الي اسمه (STARTER)
هتلاحظ كلام فيه نوع من الغموض و ممكن تحس ان مافيش منه فايده

بس لو هتركز في آخر عبارة :
( سمع و بصر)
حواس العالم الافتراضي
حواس فك الشفرات

يبقى هيلفت نظرك حاسة البصر و السمع
طيب انت استخدمت البصر و انت بتشوف الكلام
طيب و السمع!!

لما هتفتح الملف التاني SKULL هتلاحظ ان كل رقم بتدوس عليه هيديك صوت مختلف

طيب لو فكرت شوية ..بيقولك استخدم حاسة السمع و كل زرار بيديك صوت نغمة
و لما بتيجي تشغل الملف (STARTER) هتلاحظ ان في أغنية بتشتغل في المقدمة و فيها 8 رنات
بعدد ارقام الباسوورد

أكيد حاسين بشعور الاستحاله وهتقولوا و أنا كنت هفكر كدا ازاي
بس في ناس كتير عرفت من اول ما حملت الفلاشات ان حل الباسورد في عزف نغمة البداية

بس ماعرفش يعزفها للأسف
و هما 3 الي بلغوني ان اللغز في عزف النغمة ,,بس أنا كنت كتوم معاهم و ما وضحتش حاجه
و اخص بذكرهم و هما
محمد علاء
دكتور فارما
دكتور نور

مع ان العزف سهل
كل الي هتعمله هو انك هتعزف سلم موسيقي زي نغمة البداية
لو شغلتها مرتين تلاته هتلاقي اللحن في ذهنك
هتبدا بصوت حاد و تنتهي بغليظ

يعني السلم مش هتقدر تعزفه غير لو بدأت
ب1 أو 2 أو 3
اي رقم تاني تبدا منه مش هتقدر تكمل السلم الموسيقي لانك مش هتلاقفي صوت أغلظ من 9 عشان تكمل السلم

فانت هتجرب تبدأ بالواحد
عشان تعزف نفس النغمة هتدوس
11414567
هتلاقيه مش فتح معاك
تجرب الاتنين
22525679
هتلاقيها فتحت معاك
العملية سمعية مش اكتر و لا اقل

بعدها هيطلب منك ادخال الباسورد التاني و هو الname
اعتقد الاستارتر مافيش فيه غير اسم مستر مليون
يبقى الحل انك تكتب مليون
تكتب مليون في 8 خانات
يعني هتحط 01000000

انتهت المسابقة

************************

قبل عرض اسماء ال3 الي عرفوا يحلوها
للأسف الناس الي حلت المسابقة ماحلتهاش بالطريقة دي
اتحلت بطريقة الثغرة!!

طيب يعني ايه ثغرة!!
هقولكم
بس قبلها بشكر
جــيـــmǾĦαmℓdــــمــــے
طلع أجدع واحد فيهم و قالي ازاي جابها بطريقة الثغرة
أما الاتنين التانيين فاكتفوا بطريقة الحل الفانتازية الي حطوها في الموضوع برغم اني سألتهم و حاولت معاهم ,,اصروا على الكتمان!!

(جيمي) دا أول واحد يحلها و بصراحة لو ماكنش حلها بالثغرة و قالي الطريقة كان ممكن اشك في إن حد من المراقبين سرب الإجابة ,,, و الحمد لله ربنا سترها ,,أنا بقالي 4 ايام فاتح تحقيق في الموضوع و ماكنتش راضي أتكلم نهائي غير لما أستكمل التحقيق ,, و سألت خبراء فلاشات و استشرت ناس ,, عشان ما أظلمش حد و أكتب على يقين تام

قبل ما نعرف طريقة الثغرة
أنا الهدف من تصميمي للملف بصيغة exe
كانت عشان أتجنب الثغرات..الي هي الطرق الملتوية الي هتأدي لفتح الخزنة بغير الطريقة الشرعية و هي حل اللغز
بس طلع ملف الexe هو كمان له طريقة ملتوية لفتح الخزنة

أنا سبق و كنت شرحت في المسابقة الي فاتت طريقة تصميم الخزنة
بصممها على شكل طريقين
طريق صح
و طريق غلط
الطريق الصح و الغلط بيتكونوا من عدة مشاهد بعدد ارقام الباسورد
يعني في المسابقة الأخيرة الباسورد من 8 أرقام
يبقى كل طريق بيتكون من 8 مشاهد
لما بتدوس على اي رقم بينقلك بين المشاهد الغلط و الصح

بس عشان توصل لل true pass لازم تمر بال8 مشاهد صحيحة للطريق الصح

طيب نرجع لفكرة الثغرة
الفكرة بسيطه جدا
هو انك في البداية بتدوس على اي رقم
و بعدين بتدوس كلك يمين في الفارة على الفلاش و تختار play
و تكرر تاني كلك يمين play سبع مرات (لحاد ما توصل للآخر)
لو أول رقم كان غلط ,,معنا كدا ان كل( بلاي) بتدوس عليها هتنقلك للمشهد التالي من الطريق الغلط و هتكون النتيجة في الآخر WRONG PASS
أما لو دوست على أول رقم صح و بعدين دست كلك يمين و بلاي سبع مرات للآخر
هتطلع النتيجة (ترو باسورد) لأن في كل مره هتدوس (بلاي) هينقلك للمشهد التالي من الطريق الصح

يبقى انت كدا عرفت اول رقم مثلا و هو الاتنين بعد ما جربت ارقام تانيه
تجرب بقى الرقم التاني
تكتب اتنين و بعده تجرب التلاته او الاربعه او اي رقم
و بعدها كلك يمين و بلاي ست مرات للآخر
لحاد ما يظبط معاك على رقم معين و هيكون الاتنين
معنا كدا ان تاني رقم برضو هو الاتنين

و هكذا تكمل لآخر رقم في الباس

يعني العملية هتصفي على 80 احتمال
هتقدر بعدها تعرف رقم الباسورد بالظبط

دي الطريقة الي اتحلت بيها المسابقة من قبل ال3 الي حلوا المسابقة

الطريقة في حد ذاتها حلو ان شخص يفكر فيها
بس مش هي دي هدف المسابقة
يعني أنا مش عملت المسابقة عشان تتحل بطريقة الثغرة

بس الي ضايقني فعلا هي الحلول
انك تحل بالطريقة دي و تكتب في حلك طريقة تانيه خالص
زي كدا

اقتباس السلام عليكم ورحمة الله وبركاته وركز معاية كدة ،، الباس الاول هو ( 22525679 ) بصر = يعنى كل واحد فينا عندو عنتين = 2 سمع = يعنى بردك كل واحد فينا عندو اتنين اذن : 2 خمس حواس = 5 قلب = 2 الحواس تانى =5 الايام الافتراضية =6 الايام كاملة =7 رقم عشوائى =9

و كدا

اقتباس نبدا في الحل الاولاني علي فكرة انا في بداية الحل بصراحة تعبت فيها بجد انا حلتها ازاي بقي انا اولا روحت كاتب الكلام اللي في الشاشة علي ورقه علشان بكدة هيكون التركيز افضل واحسن من لما الكلام يروح ويجي انا بدات بصراحه بالتخمين بس طبعا هتخمن اية والا ايه دي من 8 ارقام يعني لو هتقعد تخمن من هناء يجي لشهرين ممكن تيجي او متجيش معاك الحل انا بدات في التخمين في الكلام حبيت استنتج الكلام منه ارقام انا بدات من اول كلمة الايام وقعد اخمن بقي بس برضوة مطلعتش من اول كلمة الايام انا خمنت ارقام كتير جداا ارقام لاتحصي والا تعد انا رتبتها اني رقمتها من اول كلمة الطاقة يعني الحمدالله حوالت كتير جداا بس ربنا سنراها في الاخر يا كبير

طبعا انت لو حولت الكلمات لارقام بمزاجك و قاعدت من هنا ليوم القيامه عمرك ما هتعرف توصل للحل

و حاولت اسألهم ازاي جبتوا الرقم بدون ما تعرف ان الحل بعزف مقطوعة البداية!!
بصراحة ماحدش جاوبني و اصروا على انهم حولوا الكلمات لأرقام ,,الي باين اصلا ان حلهم اتبنى على معرفة الرقم الأول و بعدين تركيب الحل عليه
مش العكس

و دي تعتبر مش طريقة حل
طريقة حل يعني تقولي انت عملت ايه عشان تطلع الباس
مش عملت ايه عشان تركب حل على الباس!!

و هنا رد جيمي

اقتباس صباح الخير يامان ازيك ياطروق وحشك انا صح معلش بقا بحشر منخيرى فى كل مسابقاتك يامان بس زى العاده حليت انظر الى حل جيمى هههههههههه الباسورد الاول:22525679 والباسورد التانى والى طلع غير توقعاتى:01000000 شلون هههههههههههههه بس شغلت الطاسه وحليت ههههههههههههه ايه رئيك بقا هههههههههههههه سلام

الراجل هنا ما كتبش شرح لأن الشرح اصلا مش مطلوب
بس بعد ما شوفت الحلين التانيين
و جيمي هو أول واحد حلها فسألته :
جبت الباس ازاي
و الراجل محترم قالي عملت كذا و كذا

راجل صريح و شفاف


و طبعا لأن الشروط نصت على ان الي مطلوب هو رقم الباس
فالتلاته هياخدوا الجوائز ,,بغض النظر عن الطرق الملتوية المتبعة
بس الطريقة في حد ذاتها فكرة ,, مع إن الي غاضبني هو عدم تصريحهم بالطريقة الملتوية و اصرارهم على ان اللغز اتحل بتحويل الكلمات لأرقام!!
مش مقدرين ان الخزنة الي بتعب في تصميمها و بحاول بشتى الطرق اظاهرا على شكل محاكي للواقع و بتاخد مني وقت و مجهود
و في الآخر تقابل برد زي (مش من حقك تسالني حليتها ازاي!!) او تقابل بالحلفان ان( و الله حليتها بتحويل الكلمات!!)

أسماء الفائزين في المسابقة

جــيـــmǾĦαmℓdــــمــــے
ماتركس
همسღ الجراح

كل واحد فيهم أخد ال200 مشاركة
و الصورة الرمزية الكبيرة

موضوع المسابقة بالمشاركات المكشوفة
http://forums.msryat.org/showthread.php?t=221043

و أتمنى ماحدش يزعل
,,دمتم بخير ,,

[ARAGON]

شكرا يا طارق ,, على تحليلاتك واستنتاجاتك

وع العموم تنفع محقق ,,

نتمنى ان المسابقات يا جماعة تكون حلولها بالطرق المرضية,,

واي شيء يعني ممكن يغير من طريقة سير المسابقة

او خلافه بيكون افضل انه يقول انه فيه ثغرات غير الحلول ..

نتمنى اننا نتعامل مع بعض بروح الشفافية

عمرها ما كانت مشاركات ولا القاب ولا اي شيء مماثل

احنا الغرض اننا نستفيد من بعض ونفيد بعض على قد ما نقدر

بمعنى ان كل شخص بيروح اخر اليوم يا عالم بكره ها يبقى ايه قدامه

المفروض انه بيسيب ذكرى كويسه بينه وبين الناس اللي موجودة معاه

(معلش ها دخلكم في موضوع انشاء)

بس المغزى من الكلام ان كل الناس تحاول تخلي المنتدى ناجح ,,

وانه ما يكونش الخلاف على مشاركات او القاب او غيره

انا بشوف ناس كتيرة بتزعل من المسابقات والتحكيم وغيره وغيره

وانا بقول للناس كلها المسألة مش مستاهلة

بس نتمنى انه يكون فيه توضيح اكثر زي ما طلب الاخ/ طارق من الناس اللي في المسابقة

ونتمنى انه ما يكون فيه تكرار للشيء الحاصل ده

بالتوفيق دايما

[حنـــــون]

مبروك للفايزين
وبجد بتتعب ياطارق فى المسابقات دى
مبروك للجميع

[countess]

مبروك بجد مبروك

يابختكم بجد كده كتير صور رمزيه جوئز مغريه لا لا لا لا بجد اهي اهي اهي

تستهلو والله وانا عنيه هاتحول من كتر البصبصه ع الصور الرمزيه الكبيره لوووووول

مجهود كبير منك ياوحش

[۩۩ elMagic ۩۩]

تعرف انا قولت بردوا ان الحل فى المقطوعه الاولى بس المشكله انى مش لقيت وقت اركز واحاول اجمع بين نغمات الارقام ونغمه البدايه

يلا خيرها فى غيرها
ومبرووووووووك للفايزين
ومتزعلش نفسك يا طارق
اعمل انت وحده اصعب من دى وصدقنى كلنا هنشد فى شعرنا
هههههههههههههههه وانت هتقعد تتفرج علينا وتقعد تتضحك هههههههههه
تسلم ايدك يا غالى على مجهودك
ويبقى اعمل مسابقاتك يا عم فى الاجازه
اصل يبعجبنى جدا افكارك يا عمده

[خارج عن القانون]

هههههههههههههههههههههههههه

مبروك لكل الفائزين واللى مش عارف انا بضحك ليه

فـــ طارق هو اللى يقدر يفكلكم الشفره ديه

وبالتوفيق للجميع

وبالاخص ليك يا ماتركس

يا اللى فرحان قوى

ههههههههههههههههههههههههههههههههههههههههه

مه اللى ما يعرفش يقول عدس

[ρaρaŕazzί ♣]

الحل بالصوت وأناآ كوت كاآتمة الصوت لماآ شغلتهاآ..

موخ بئاآ..

ميرسي طاآرق ع الموساآبئة..ومبروك للي فاآزو..

Keep it up Tata..xD

see ya ..

[Mo7aMaD 3aLa2]

مبروك للفائزين

المسابقة دى فعلا يا طارق كانت مسابقة صعبة جدااا

لذلك لما قلتلى ان فى واحد حلها قلتلك دة اكيد عبقرى

بس انا والله كنت قريب من الحل :ju6:

وللاسف بقى كدة لازم تغير نظام الفلاش فـ المسابقات الجاية

يلة بالتوفيق ان شاء الله ...وشغل عالى كالعادة يا طارق

[misho]

الف مبروك للي فازوا
و مسابقة جميلة يا طارق ومجهودك واضح فيها
بالتوفيق للجميع دايما

[♥..pure]

اولا الف مبروكـ لمحمد " الجدع " .. أحب انا الصراحه والشفافيه ,,
والف مبروكـ لـ ماتركس وهمس الجراح ,,
عجبني أوي اجابه همس .. بس باين فعلا انكـ جبتيها بالحظ وبعدين بنيتي الارقام على الكلام اللي موجود ..
بس ماشاء الله جات معاكي .. بنت حلال والله )))
عموما ماتزعلش يا طارق .. ركز على مسابقات من غير ثغرات ,,
مرهـ تانيه الف مبروكـ لـ جيمي وأحمد وهموسه ..
وبمناسبه الرمزيه الكبيرهـ .. ليكو هديه مني رمزيه وتوقيع ^^
يلا إنشالله ما حد حوش )