الشباب المصرى غير متاح

[Mo7aMeD Lotfy]

هل أنت لاقدر الله مثقف؟؟

هل فكرت وغامرت واتهورت مرة وقريت كتاب؟؟

بتقرا حاجة غير مجلة ميكي ؟؟


عندك مصدر بتجيب منه معلومات غير قعدة القهوة و الكافتريا واللف مع صحابك ع الكورنيش ؟؟

تعرف يعني إيه حزب؟؟

هل تعلم ماهى الليبرالية والفدرالية والإشتراكية ؟؟

يا ترى بتدخل ع النت ليه ؟؟ عشان تتثقف؟؟


إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات
فكل الدراسات والأبحاث تشير إلى أن الشباب المصرى عليه العوض و منه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!!

- يعني احنا شباب تمام .... في العصر التمام -

انا لاقيت الاحصائيات دى ع النت و قولت لازم انقلها علشان تكمل فيها يمكن لعل و عسى يحصل تغير ( لا قدر الله )

حيث تشير إحدى الدراسات إلى أن:

80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64% - لا شباب متدين صحيح -

أما في الصحافة

الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"
..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..

ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس- يا حلاوة!! -

و الكارثة بجد هى وجود أكثر من 74 % من الشباب لا يعرف اسم أول رئيس للجمهورية - محمد نجيب يعني -

وذكر أيضاً أن 19 % يظنون أن مصر فيها حزب واحد فقط - أكيد قصدهم على حزب النادي الأهلي - بينما أكد 17% من الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%) _ على فكرة انا منهم

مع إن الأحزاب في كل بلاد العالم تعتمد أصلاً على الشباب بشكل أساسي ..ويستطيع الشباب من خلالها إقامة واسقاط الحكومات

فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم

وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم. .

طب تعالوا نشوف ازاى الشباب المصرى بيستفيد من الانترنت

فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع الشات..والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي !!!

لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !! ..

فى وقت إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت .. ( عشان كده بيتقدموا.. )


فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟


طب و بعدين ايه اللى حصل

اللى حصل بقى ان الكلام ده قلق ناس جامد وعارضوه بشده فقالوا لازم يطمنوا ويتعاملوا مع الواقع وبلاش كلام الاحصائيات الخايب ده ورفعوا شعار عمار يامصر و بلدنا لسه بخير و عايزنها تبقى خضرا ولازم يطمنوا علي الأرقام دي بنفسهم.. وعلى الشباب الجامعي المثقف..

فنزلوا للجامعة ( جامعه القاهرة ) وعملوااستطلاع لعينة عشوائية من طلاب الجامعه

( 20 طالب )

وكانت النتيجة ان معظم الطلاب 17طالب يستخدمون النت للشات
( مش لحاجه تانيه خااااالص لا سامح الله )
وإن 15 طالب لا يقرأون إلا الكتب الدراسية ( ده إذا كانوا بيفتحوها أساساً )
ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل
( الحمد لله أهو لقينا حد بيقرا حاجة ) ..

طبعاً مش لازم تبقى محمد حسنين هيكل..ولا لازم تكون فهمي هويدي
( مصيبة لا تكون مش عارف دول كمان )


لكن على الأقل تكون فاهم.. وعارف .. وداري باللي بيجرا حوليك
فاهم العالم ماشي إزاي ومين عايز إيه؟؟
ومين بيعمل إيه عشان يكسب إيه؟؟
و مين كويس و مين وحش ؟؟
وقبل كل ده تكون عارف كويس..أنت عايز إيه؟؟


لأن فعلاً جهلنا في كل شئ خلانا أمة نايمة مش بتفكر ولا عايزة تفكر
.. دماغنا فاضية
.. مفيهاش أي حاجة
.. ولا أي قضية
.. ولا عايشين لهدف
.. وكل اللي نعرفه في حياتنا .. وكل معلوماتنا .. عن الممثلين والكورة
.. حتى ديننا منعرفش عنه إلا الوضوء والصلاة اللي اتعلمناهم واحنا صغيرين


.. فى حين إن العالم كل بيتقدم بسرعة جنونية .. واحنا لسه محلك سر !!

.. يا ترى الفكرة وصلت؟؟ولا لسة؟؟

وملحوظه بسيطه بقى نسيت اقولها تبع الاحصائيات دى برضه


هاري بوتر هو اللذي اعاد الشباب المصري لقراءة الكتب وهو الكتاب اللي حقق اعلي مبيعات في مصر
بعدها تيجى سلسله كتب تفسير الاحلام و حظك اليوم و

[»¦»مِصـريه«¦«]

للأسف ده فعلا حال الشباب مش بس في مصر في كل العالم العربي .. زمان لم تكن الوسائل التكنولوجيــه الحديثه متاحه مثل الآن ومع ذلك كنت تجد الشباب يقرأون ويبحثون عن العلم والثقافه والآن ومع تغيير الاحوال وبعد ان أصبحت القراءه ولاثقافه لا تحتاج لذلك المجهود الكبير او العناء انصرفو عنها الشباب مع انها لن تكلفهم اي شيء ...... وربنا يصلح حال الشباب كلهـــم

[Mo7aMeD Lotfy]

مشكوره اختى على المرور الجميل

[sara_A.A.H]

اخي .......
انت فتحت باب للنقاش مش ممكن يتقفل ...



اول حاجه هقولها .............. مكنش العشم ..........

انا بصراحه اول مره اقرا الاحصائيات دي ...
وهي بجد متفرحش ...

طب سؤال كده عالسريع ..... ليه ؟؟؟
ليه احنا متاخريين اوي كده ؟
ليه مبنفكرش نقرا .... نتثقف .... نرفع مستوانا شويه ؟؟؟

والجواب الصريح اننا بنخاف نخوض في المواضيع دي ...
بنتكسف نمسك كتاب .. ( ودي مش حجه ,, اللي عايز يقرا بجد ,, هيقرا ولو في الحمام !)

انا بروح شرم الشيخ كتير ...وكل مروح بجد بستغرب .... الاجانب قاعدين عالبحر وماسكين كتب وبيقراو .....

عشان كده ههما دلوقتي ماسكين العالم .....



بجد بجد الموضوع ده مهم اوي اوي

وبشكرك اخي لطرحه ...

وهنقول ايه بس .... ربنا يهدينا ....




الا صحيح ... مين فهمي هويدي ؟؟؟؟
( متخدش فبالك ) هههههههه

[رنين]

والله الواحد ما عارف يقول ايه
مبقتش عارفه العيب مننا ولا من الحكزمة ولا من مين
احنا متخلفين طيب؟؟؟؟
حد يقولنا يمكن نرتاح بس ترجع وتقول ما هى دى البلد ال طلعت فاروق الباز وزويل ومجدى يعقوب وغيرهم
طيب وبعدين كل ما حد يكلمنا هنقول الكلمتين دول
ما تعملوا حاجه يا ناي طيب نعمل ايه
تعالى بص للناس ال انت لسه قايل عليهم
هما فين دولقتى فى مصر لا طبعا
طيب يبقى العيب من الحكومة
طيب نحاول نعمل حاجه
هتعمل ايه مظاهرات يعنى بذمتك دى طريقة شعب متحضر
طيب ايه الحل النقاش
نقااااااااش؟؟؟؟؟
ايه يا عم هو فى نقاش فى البلد دى بقولك ايه قفل على الموضوع
صح فكك


وبكده يتقفل على الموضوع وخلاص ونفضل فى مكانا لاعرفنا العيب من مين ولا يتصلح ازاى؟
نفسى حد يعرفنى
الف شكر ليك على الموضوع الجميل ده
ويا ريت نلاقى حل
طولت عليك بس اهو طلعت حبة من ال فى نفسى

[فارس اليمن]

بصراحه انت موضوعك صحيح وطرح مميز مائه في المائه وابصم لك في العشره خلاص عليه العوض منه العوض الوازع الديني مافيش أهم شي عند الشباب تقليد الممثلين في كل حركاتهم

ولو تسئل الشباب عن اي اغنيه يسمعك بصوته يمكن احسن من صوت المغني نفسه
ولو تسئله


يقري لك سوره من كتاب الله يقول لك وبكل برائه معرفش


وتقول له انت مسلم أو لا يقول طيعا انا مسلم والله يأخي ان اردنا العزه بغير الله اذلنا


بصراحه انت طرحت طرح مميز اشكرك عليه والله يوفقك والي الامام


الله معاك :cv27:

[Mo7aMeD Lotfy]

اولا شكرا على المرور
ثانيا لو كل واحد بدء بنفسه هنغير كتير
احنا مش متخلفين لالالالالالالا خالص
امركا تقدمت بفضل العرب اوربا كلها تقدمت بفضل العرب
بس المشكله احنا ليه كده ؟؟؟؟؟؟؟؟؟؟؟؟؟؟
مليون سؤال ليه الجنيه المصرى مش له قيمه
مش بس الجنيه دا المصرى نفسه عاد بيداس بالجزمه مش بس فى اوربا لا فى الدل العربيه
اقرب مثال الدكتور اللى حكموا عليه فى السعوديه بالجلد فى الميدان ده نسميه ايه
بمنتهى البساطه احنا اللى رخصنا نفسنا بالسكوت والاستسلام للواقع
انا زهقت بجد كرمتى بقت مش مستحمله بس اعمل ايه؟؟؟؟؟؟؟؟؟؟؟؟؟؟؟