تزغيط دكر البط وسعر البقرة في السوق ومعرفة البراغيت في مصر ووقفة البقرة في سوق المواشي . لرئاسة مصر؟

[ARAGON]

اقتراح من قناة الفراعين

بتضمين: معرفة طريقة تزغيط دكر البط وسعر البقرة في السوق ومعرفة البراغيت في مصر ووقفة البقرة في سوق المواشي .. كشرط من شروط الترشح للرئاسة .. ده مش بهزار .. ده الراجل بيتكلم بجد

:Sh_077::Sh_077::Sh_077:

هل ممكن البط يطرد الاستعمار؟

وهل لازم ابن البلد اللي يرشح نفسه

يعرف يزغط البط؟؟

__________________

حاسس انك لسه بتدعي لحزبية معينة

وبتشد عقلية المواطن البسيط اللي يعني علامه على قده زي ما بنقول؟


-----------------------------------

الدائرة المفرغة بتاع زمان مش عارف لسه عايزه ترجع ثاني؟

ياريت يكون فيه توجيه اكثر من كده.

____________________________

عامل زي ما يكون بيقول (لفوا في الساقية اللي وقفت فترة من الزمن)

[SiLver Spectra]

سبقتني
كنت هكتب موضوع و الله عنه

و المهم ان التعليقات بشوفها على الفيس الناس مقتنعه فعلا!!
طب مش توفيق عكاشه مرشح نفسه هو أو السادات
خليه يقولي ازاي النجار بيرسم رجل الكرسي ؟ ههههههه
مش انت الرئيس بقى؟ ,,طب قولي ازاي بيلموا الرز و القمح :cv25:

و الله جهل لابعد الحدود
تخلف فكري ,, يا اخي اقنعني بكلام عقلاني شوية
لكن مش تيجي تقولي هو ما يعرفش تزغيط دكر البط!!
يعني احنا محتاجين فعلا رئيس يبقى عارف تزغيط دكر البط عشان يصلح حال البلد
و يا ترا حسني كان عارف التزغيط و لا ايه!!؟
شكله ماكنش عارف عشان كدا البلد حالها الاقتصادي كان سيء هههههه

البلد دي ماجابهاش ورا غير فكرة العمال و الفلاحين بتوع البرلمان
بدل ما يمسكنا ناس اصحاب عقليات اقتصادية و تنموية !!

انت بتنتخب رئيس صاحب برنامج قوي مش صاحب تزاغيط بط و قمل
ربنا يشفينا يا رب

[DR.SMA]

طيب ولو ملقناش رئيس عارف الحاجات دي نعمل ايه !!
نفضل من غير رئيس بقى وخلاص )
على فكره انا كلامي مش معناه اني مع البرادعي ولا حاجه
انا فعلا مش برجحه كرئيس لمصر
انا بس معترضه على طريقه الفكر الغريب الي بيقنعو بيه الناس
المفروض الرئيس يبقى على درجه من العلم والمعرفه بطبيعه الشعب الي هو هيحكمه
ظروف الحياه والمتطلبات
اسلوب الحياه والاحتياجات ليهم
مش دكر بط وباركين بقره
في وزراء ومحافظين وعمد لكل مكان
يمكن دي هتكون وظيفه حد تاني
لكن مش شرط ترشيح الرئيس
كده اهني شعب مصر من كل قلبي
(( مفيس رئيس لمده سنتين تلاته على بال ما نشوف واحد يعرف كل حاجه بقى :d))
يسلمو احمد
خالص التقدير ,,

[a m i r a]

ههههههههههههه
حلوه آووي تزغيط البط دآ
اول مره اشوف الفيديو دا

البردعي آيه وبتاع آيه
هو مالوا بالحاجات دي يعني

المذيع دا تحفه فنيه

عايزين منه كتير
هههههههه
مش فاهمه
حاجه علي فكره

ايه إلي دخل البرديعي في تزغيط البط وكلام الفلاحين دا
هو دا بيهزار ؟

[ARAGON]

اقتباس
المشاركة الأصلية كتبت بواسطة SiLver Spectra

سبقتني
كنت هكتب موضوع و الله عنه

و المهم ان التعليقات بشوفها على الفيس الناس مقتنعه فعلا!!
طب مش توفيق عكاشه مرشح نفسه هو أو السادات
خليه يقولي ازاي النجار بيرسم رجل الكرسي ؟ ههههههه
مش انت الرئيس بقى؟ ,,طب قولي ازاي بيلموا الرز و القمح :cv25:

و الله جهل لابعد الحدود
تخلف فكري ,, يا اخي اقنعني بكلام عقلاني شوية
لكن مش تيجي تقولي هو ما يعرفش تزغيط دكر البط!!
يعني احنا محتاجين فعلا رئيس يبقى عارف تزغيط دكر البط عشان يصلح حال البلد
و يا ترا حسني كان عارف التزغيط و لا ايه!!؟
شكله ماكنش عارف عشان كدا البلد حالها الاقتصادي كان سيء هههههه

البلد دي ماجابهاش ورا غير فكرة العمال و الفلاحين بتوع البرلمان
بدل ما يمسكنا ناس اصحاب عقليات اقتصادية و تنموية !!

انت بتنتخب رئيس صاحب برنامج قوي مش صاحب تزاغيط بط و قمل
ربنا يشفينا يا رب

اقتباس انت بتنتخب رئيس صاحب برنامج قوي مش صاحب تزاغيط بط و قمل

:3aa:

انا هافتح محل فشار وابيع قطط علشان ربنا يكرمني :d :vb20:

بالنسبة لنقطة العمال والفلاحين دي,,

فيه مهندسين كانت بترشح نفسها عمال وكده برده

بس الحزب كان بيرشح فلاحين بجد ويقولولك ابن الدايره؟

والكبير ومش عارف ونصير الفلاح

انا مش بعترض بس ياريت يكون التوجه الفكري الصحيح

اني اشوف البرنامج مش ها شوف البط والتزغيط,,

الشعب ما عدش همه على بطنه وده شيء كويس

خاصة انه كان كل شيء غالي والشعب بيوفر :d


منور أكيد يا برنس

[شاعر واسير الحب]

صحيح شوفنا وعرفنا اللغة الغريبة لرئيس قادم من سوق الطيور مارا بسوق البهايم ( المواشي ) هارش ظهرة بعصايا ة جدة من البراغيت
ايه جتنا نيله في حظنا الهباب
مافيش واحد يجي نظيف ابدا قصدي فكرة وعقليه وتخطيط كويس بلاش نظيف بيجيب حساسية
شكرا يا احمد
خلاص اروح اتعلم ازغط البط عشان اكون رئيس واتصور بجوار البقرة وسعرها وانشرها في الفيس بوك

[ARAGON]

اقتباس
المشاركة الأصلية كتبت بواسطة DR.SMA




طيب ولو ملقناش رئيس عارف الحاجات دي نعمل ايه !!
نفضل من غير رئيس بقى وخلاص )
على فكره انا كلامي مش معناه اني مع البرادعي ولا حاجه
انا فعلا مش برجحه كرئيس لمصر
انا بس معترضه على طريقه الفكر الغريب الي بيقنعو بيه الناس
المفروض الرئيس يبقى على درجه من العلم والمعرفه بطبيعه الشعب الي هو هيحكمه
ظروف الحياه والمتطلبات
اسلوب الحياه والاحتياجات ليهم
مش دكر بط وباركين بقره
في وزراء ومحافظين وعمد لكل مكان
يمكن دي هتكون وظيفه حد تاني
لكن مش شرط ترشيح الرئيس
كده اهني شعب مصر من كل قلبي
(( مفيس رئيس لمده سنتين تلاته على بال ما نشوف واحد يعرف كل حاجه بقى :d))
يسلمو احمد
خالص التقدير ,,

:cv18::cv18: أنا نفس الوضع,,, :cv18::cv18:

وعلى فكره انا مش مع اي شخص من الناس اللي رشحت نفسها في الوقت الحالي

ومش شايف ان الناس اللي مترشحة في الحقيقه كان ليها صيت ايام النظام السابق؟

بالنسبه للتزغيط "تقريبا فيه حملة سيتم تدشينها" بالنجوع والقرى

وسيتم افتتاح بعض المدارس لتعليم كيفية تزغيط البط ونشر التوعية الخاصة بها

وكيفية استخدام الدرة او الفول في التزغيط

------------------------------

وانا ها تابع الدراسه دي وها وافيكم اول باأول

لانه حاسس انه ممكن يجي يوم ونلاقي اللي رايح ينتخب لازم يبقى معاه شهادة في تزغيط البط

وتكون معتمدة من الهيئة العامة للزراعة والثروة الحيوانية :d

[حنـــــون]

اهو انا دلوقتى عرفت مصر كان اقتصادها ضايع ليه
اتارى مبارك ماكنش يعرف يزغط البطه والوزه ازى ((
وحياه ربنا مافى حاجه مودينا فى داهيه غير امثال الراجل دا
حاجه كدا ما بدل غير عن الجهل الى مسيطر على
فكر الشعب بتعانا (اما بشوف الراجل دا بيركبنى ستين عفريت
على فكره انا مكنتش اعرف تمن وقفه البقره فى السوق كاااااااااااام
طلعت مش مصريه اهئ اهئ
شكرا ع المقطع ياابييييييييييييييه

[حياتي ذكريات]

لآ بجد أسئلة وكلآم علمي دقيق طآلع من رآجل مثقف
دآ غلب عقول مصر كلهآ
حد يعرف بقى البرآدعي هيعرف يجآوب عليه إزآي وهو مش قده
:053:
على كده الفسآد اللي في مصر اللي كآن في الحكومة
كآن سببه عدم معرفتهم إزآي يزغطو البط
منهم نستفيد والله
:biggrin:
وبعدين انآ بعلن انتخآبي ليه
هنلآقي فين رئيس جمهورية عآرف تمن الوز وتمن البقرة في السوق
،،
سؤآل بقى
هو خد الدكتورآة من امريكآ إزآي !!
مش عآرفة بجد هو جهل منه ولآ استخفآف بعقول المصريين البسطآء
مش اي وآحد جآهل يطلع يتكلم وينحفنآ بكلآمه
وقنآة الفرآعين دي ليهآ سقطآت رهيبة
قنآة بتسيء لصورة مصر بطريقة لآ تطآق

شكرآ ليك ،،

[yasmine refat]

اوكي عنوان مشوق ومضمون مشوق

بس على فكره عندوا حق

بلاش ناخد الكلام بسطحيه ومانفهمش ايه ممكن الي يكون ورىاالكلام

انا ضد الهجوم على حد

بس ده مايمنعش انه عند حق
هل عمرك هتقدر تطور بلد بدون ماتفهم شعبه احتيجاته وتفكيره ومعتقداته

سهل جدا تخطط سهل جدا تبني فكره مثاليه بس واقعيا لازم نفهم الشعب علشان نحسن البلد

هو قلك اغلب الشعب في الريف اذا لازم تفهمهم وتعرف ازاي تتعامل معاهم علشأن تحسنهم
طريقة كلامه ساخره ولها بعد اخر لان طبعا الشعب مش عايز رئيس بيعرف يفلي قمل مثلا لكن يعرف ايه الاسباب الي بتجيب القمل والسلوكيات الي بتخلهم يعملوا كده علشان يويعهم

اتحدى حد يجيب مثال زي ده هههههههههه

وعموما الراجل قصدوا عايزين حد يكون فهمنا ده مجرد اسلوب ساخر

ودي وجهة نظري وكل واحد بيشوف الامور بطريقته

شكرا