ثورة الغضب الثانية 27مايو"انا محستش بالتغيير ونازل تاني ميدان التحرير":-

[سندريلا الحب]

بسم الله الرحمن الرحيم


فى تطور مفاجئ للاحداث فى مصر ظهرت على الفيس بوك لأستكمال تحقيق مطالب ثورة 25 يناير
دعوة جديدة من بعض شباب 25 يناير على الفيس بوك من اجل "ثورة غضب ثانية" يوم الجمعة "27 مايو"
وبدأت صفحة ثورة الغضب المصريه الثانيه كما يقولون عليها

بسؤال مباشر وهو: بعد مرور حوالي 4 شهور على الثورة المصرية ..أنت حاسس بالتغيير فعلا ؟؟


مطالب صفحة ثورة الغضب الثانية 27مايو"انا محستش بالتغيير ونازل تاني ميدان التحرير":-



1 - تشكيل مجلس رئاسى مدنى ثورى لتنفيذ طلبات الثورة كاملة.

2 - تطهير الشرطة من قيادات الفساد واعادة الامن والامان لمصر.

3- تطهير القضاء والنيابات العامة ، لتطبيق العدل ويكون الضامن لتحقيق المطالب الثورية .

4- تطهير المحليات والمحافظين ، للتخلص من بقايا فساد النظام السابق.

5- تطهير الاعلام تطهير حقيقى ، فلا تقدم ولا حريات فى بلد اعلامه مسيطر عليه فاسدون.

6- الإفراج عن جميع المعتقلين السياسيين من يوم 25 يناير وما قبلها والافراج عن الضباط الاحرار، ضباط 9 ابريل.

7- محاكمة كل المفسدين وعلى رأسهم الرئيس المخلوع محمد حسنى مبارك.

8- استرجاع كل اموال الشعب المنهوبة ، وفى حالة عدم استرجاعها ستتحول المحاكمات الى محاكمات ثورية استثنائية لا رحمة فيها.





من ناحيه أخرى جاءت هذه المطالب بالرفض من جانب بعض الشباب المصرى على الفيس بوك

وقاموا بانشاء صفحة بعنوان " اللجان الشعبية لحماية مصر من مؤامرة جمعة الغضب 27 مايو"

هدفها :-

- تكوين لجان شعبية لضرب بيد من حديد على اي متسبب في الانفلات الامني او مهاجمة الشرطة والجيش يوم الجمعة 27 مايو فيما يسمي "جمعة الغضب2"

كما أوضحت صفحة اللجان الشعبية لحماية مصر ان صفحة جمعة الغضب المصريه الثانيه تهدف فى الأصل الى :-

- تهدف لحملات تعبئة ضد المجلس العسكري لاجباره على تسليم ادارة البلاد الى مجلس رئاسي بدعوى استكمال اهداف الثورة

لذلك جاري الاستعداد لتكوين لجان شعبية في مختلف المحافظات تحسبا لاي احتمال وارد




ومن جانبآ فى بنات مصرنضع بين أيديكم تسأل هل أنتم مع ثورة غضب مصريه ثانيه
أم مع اللجان الشعبيه لحماية البلاد من هذه الثورة الغامضة

المصدر : http://100fm6.com/vb/showthread.php?t=307789 - 100fm6.com

[a7med -3del]

حقيقى محتار

بس انا من راى كان المفروض نصبر

بس انا هانزل معاهم

عشان احنا كده مش بنتحرك الا تحت ضغط

بالتوفيق

خلينا كده عايشين ثورات

اتحياتى

[بلدنا في القلوب متشاله]

انا مع ثورة الغضب الثانيه

بس خايفه لحد يموت ولا يتصاب ولا اي حاجه

[زهرة الحياة 2]

انا ضد ثورة الغضب الثانية وضد لجنة الحماية .فى كلا الحالتين خطا.ما ينفعش نعمل ثورة تانية .احنا لسة عاملين ثورة والنتائج بتاعتها ظهرت ان رموز الفساد اتحكمت اى نعم الموضوع جه ببطء شديد بس معلش لازم نصبر لان احنا الوقتى بنخطط لمستقبل جديد.وغيركده لازم نصبر برده لما نشوف الرئيس الجديد هيعمل ايه.
وضد لجنة الحماية لان هما بيقولوا انهم هيضربوا بيد من حديد وده خطا لان ممكن ينتج عنه ان مسلم يقتل اخوه وده طبعا حرام شرعا .فالصح ان الطرفين يتناقشوا ويحاولوا يوصلوا لحل فى صالحهم الاثنين ولكن يضعواامام اعينهم مصلحة مصر اولا.
تحياتى

[زهرة بيضاء]

انا اتفق مع اللى قبلي تمام الاتفاق
لانه لم يمر على الثورة غير اربعة شهور فقط
وكمان بصراحة مش وقته خالص
كفاية اللى البلد فيه
ونبص لقدام بقي

[سندريلا الحب]

--متشكره للمرور انا كمان ضد فكره النزول تانى للتحرير

[M@HMOUD]

انا مش معاهم يعنى اللى خلنا نصبر 30 سنه مش هانقدر نصبر شويه كمان
تسلمى

[dr.yoyo]

أمممممممم


بصـى

المطـآلب ما تحققتشـى لحد دلوقتـى

بس احنـآ المفروض نصبـر وكمـآن ننبه المجلس العسكرى ’ والوزآرة ,, بسررعـة تنفيذ مطـآلبنـآ

والله احنـآ زهقنـــآ

ريحونـآ بقـــآ

30 سنـة ظلم واستعبـآد

عايزيـن نعييييش

[۩۩ سيد الشرقاوي ۩۩]

تم التصويت

[ŅĢM]

كلمات ممتازه

من قلم ذهبى رائع