شعر عن الثورة المصرية تأليف طلاب في الابتدائية

[Ŝmilể Ḿőøn]

أنا بحب البلد دي.... لازم ناخدها ونعدي
لبر الأمان نعديها.... ولازم كمان نبنيها
لأن شعب مصر أصيل .... وشارب من ميةالنيل
ولو تراهني على هذا الجيل .... أنا ممكن أمضي على ال Deal
لأن شعب مصر أصيل.... وبيفصلو الحضارة تفصيل
قالوا عليه جيل فيس بوك.... ومابيعرفش يسوق توك توك
كان الرئيس حاكمنا بالإستبداد .... لكن إحنا بشر مش جماد
عرفنا حقنا إن حاكمنا يضمنا.... وبلدنا تلمنا ومفيش شرطي يغمنا
شعب مصر هيبقى حر ....والظابط في القسم مش هيجر
وخلاص الإنتخابات مش هتتزور .... لأن في مراقب هيدور
هيكون في عدالة إجتماعية .... والناس هتعيش مية المية
مش شعبك شحات يا مصر .... وحكومتك عايشة في القصر
مفيش مبنى هيتخرم ....ولا حتى طوبة من الهرم
وياريت تقبل العرض .... وإوعى ترمي فضلات على الأرض
عشان مانضربش السياحة .... ونخلي مصر مرتاحة
أنا بفتخر بمصريتي.... مش بفلوسي وعربيتي
عشان بنحب البلد دي .... لازم ناخدها ونعدي



دى يا جماعة أغنية شعبية مننا احنا عيال مصرية
مش سيس ولا ملوخية قالوا علينا شباب سيس و احنا اللى خلعنا الرئيس
يا جمعة اللى عملناها دى ثورة شعبية مش ثورة هبل ولا محسوبية
دى ثورة من أبطال شعبية عملناها ضد الرشوة و المحسوبية
و علشان نخلع المباركية و البلطجية و العصبجية
عاملين مجموعة وطنية وهمة أصلا حرامية
اذا كان انت حتة طيار تيجى و تاخد 70 مليار
وشفت عز و جرانة اللى بيسرقوا من ورانة
و برده سكت و ماتكلمتش قولنالك برده و مافهمتش
و شفت برده حبيب العادلى اللى بياخد من غير مايدى
عاملنا فيها بيه و هو أصلا لزمته ايه
المهم ان مصر بقت حرة و كل رموز الفساد طلعوا برة

[βзήŦ ℓǻẑĨήǻ]

اولا السلام عليكم
مش هعرف اقول حاجة تاني بعد كل ده
غير ان المصريين بجد رجالة وان شاءالله هيعدوا بمصر لبر الامان
والثورة لسه ماخلصتش ومش هتخلص غير لما يرجعلنا اخرشبر في بلدنا
والمباركية كلها تنتهي
بحييك جدا ياكينج
ميرسي كتيـــــــــــــــــــــــــــــــــــــــــــــــ ـــــــــــــــــــــــــــــر

[dяєαм..|♥]

كلمات رائعه جدا

شكرا كتير

[Ŝmilể Ḿőøn]

شكرا لمرورك على موضوعي وهذا شرف لي ووسام على صدري

[زهرة الحياة 2]

	شكرا بجد على القصيدة الروعة دى وشكرا لشباب الثورة لانهم فعلا حسسونا ان مصر لسا بخير وكمان بقى عندنا امل ان احنا ممكن نحرر فلسطين فى يوم من الايام

[رقة BaNOTa]

جميل اوي
وكلمات بسيطه ومعبره
دمتم بوود

[ساحر الأحزان]

ما شاء الله عليهم حاجة تفرح بجد

بارك الله لاهليهم فيهم

دمت بكل خير

[لوسينا]

بجد كلمات رائعة وبسيطة وجميلة جدا
يسلموووووووو
علي الكلمات الرائعة دة
تقبلي مروري
مع تحياتي
لوسينا

[sεηυσяιтα ησOση]

موضوع رائع

شكرا

[همس الأشواق]

كلمات غالية روعة تسلم