امرأة منتهية الصلاحية

[sεηυσяιтα ησOση]

امرأة منتهية الصلاحية


قد يبدو العنوان غريب لكن ........ المعنى في قلب الشاعر

لانه يتكلم عن ظاهرة موجودة رغبة الزوج او زواجه فعلا بعد ان تتعرض زوجته الاولي

الي مرض قد يرقدها الفراش، طرحت في مواضيع العديد من الحالات التي تعرضت لمثل هذا الموقف.

اعجبني جدا ان أضع عنوان كهذا ........ لانه يعبر فعلا عن هذا الموضوع

لذا اردت ان اعرف اراء الاعضاء ، لان هذا الكلام ليس من نسج الخيال لكنه واقع

يحدث كل يوم مع الكثير من النساء .

هل زواج الرجل من اخرى في حاله مرض زوجته حق من حقوقة الشرعية

ام هو ظلم في حق المرأة التي عاشت معه الحياة بكل حالاتها

الحلوة والمرة وضحت من اجعله بالكثيرا؟؟

هل يكون جزائها ان تبدل باخرى في اول سقوط لها ؟؟

لا اظن ان هذا سيحدث لو كان الرجل هو المصاب .

تخيل نفسك ياآدم لو انك وقعت في نفس هذا الموقف بكل صدق

هل ستتخلى عن زوجتك وتبدلها بأخرى؟

هل تجد هذا امر عادي، و ان هذه سنة الحياة ؟

حواء مارايك في هذا الموضوع، وكيف ستكون ردة فعلك لو كنت تصارعين المرض

ويخبرك زوجك انه يريد الزواج باخرى ؟ هل تتقبلي الامر...

كيف تتصرفين هل تلومينه ام تتقبلي الامر وتعترفي ان هذا من حقه ؟

[ساحر الأحزان]

المراءة لها حق فى الاحترام ولنفرض ان ما حدث لها حدث للرجل

فهل يكون ذلك جميل

طالما ان كل شريك اختار شريكة

برغبتة فيجب علية اكمال المشوار معة

وعدم التخلى عن عن اول محطة تقابلهم

ولكن يجب علية ان يقف بجانبة

موضوع قيم

تحياتى علية

[Sєяєєη●•ʚɞ]

موضوع حلو فعلا
هقولك ع حاجة بالرغم ان انا حواء اهو بس هقولك ان دة حقة انة يتنزوج فى حاله مرض زوجتة
لو هنبص من ناحية الانسانية ومراعاه الشعور هيكون الموضوع مؤلم اوى بالنسبة للزوجة لان فى الحاله دى زوجها بيموتها مرتين مرة ماتت نفسيا بسبب مرضها والمرة التانية ماتت مليون مرة بسبب جوازة واحساسها انها عديمة الفائدة
دى بتختلف ع حسب كل واحد وانسانيتة انا لو مكان ادم فى الحاله دى مش هعمل كدة حتى لو كان ده حق
مراعاه لمشاعر الانسان اللى عاش معايا طول حياتة وهقول دة نصيبى
الموضوع صعب ع فكرة
يعنى لو كان بيتكلم عن اللى بيتزوجوا ع زوجاتهم بعد كبر زوجته او فقدت نضارها جمالها كان هيكون كلامى شىء تانى
موضوووع حلو اوى تسلم ايدك ياقمراية ونتمنى نشوف مزيدك ..

[sεηυσяιтα ησOση]

منورين الموضوع بمروركم الرائع

[الشيهانة]

بصراحة الموضوع ده مهم جدا وانا لااقبل موضوع الزاج التاني باي طريقة
ده لو الزوجة الاولى في كامل صحتها وبريقها مابالك بقى لو كانت مريضة شيء مؤسف جدا
انه يفكر يجوز عليها دي تعتبر منتهى الانانيه وحب الذات وغير محترم ابدا اللي يعمل كده
تسلم ايدك على موضوعك المميز
ودمت برعاية الله

[بنوتة ميدو]

موضوع حلو اوى
ويستحق النقاش
احييكى عليه بجد
وانا مستحيييييييييييييييييل اقبل ان زوحى يتزوج عليا ابداااااااا
لانه لو بيحبنى بجد عمرو ما هايفكر يعمل حاجة زى دى
ولو مش بيحبنى يبقى مايستاهلش انى اعيش معاه
فلو حصلت اكيد هاننفصل حتى لو الموضوع ده هايتعبنى اوى لانى مستحيل اقبل بواحد ليه ولغيرى فى نفس الوقت
بجد ثانكس على الموضوع الحلو ده

[sεηυσяιтα ησOση]

شكرا ليكى بجد

وده رايي كمان

[همس الأشواق]

قد يكون الزواج من حق الرجل ولكن اين الوفاء للزوجة ولماذا تزوجها وهو يعلم انه سيتخلي عنها من اول سقوط لها اين الرحمة والوفاء
شكرا كتير علي الموضوع

[banouta]

اسمح لي ابدي اعجابي بقلمك وتميزك واسلوبك الراقي وتالقك
هوبردو المفروض نراعى حق الزوجة وانا كحواء ارفض لان كدة هيحكم عليا بالموت وبعدين لازم هو الى يضحى يعنى زوجته تكون تعبانه وبتشكى وهو يروح يعمل فرح لازم نعيش مع بعض على الحلوة والمرة
هى اكيد زوجته لو وافقت بس عشان ترضى زوجها الى بتحبه بس لازم ما نكونش انانيين ما هى دى الانانيه وبعدين انتو بتقولو ايه امال فين الحب الى بيخلى الزوج لما زوجته بتمرض او بترقد فى السرير بيبقى مش عايز يسبها بيقبى زعلان وبعدين اكيج هيبقوا لهم اولاد وهيرفضو دة وهيلوموه وانا بتهم الزوج بالانانيه

[عاشقة ذكر الله]

انا لا اقبل زواج الرجل على الماة اثناء مرضها لانه ببذلك يظلمها اعرف انه من حقه الشرعى الزواج لكنه

اذا مرض مثلها ستقف هى بجانبه ولن تتخلى عنه ابدا مهما كان مرضه

اشكرك على موضوعك الرائع فى انتظار الجديد

[IMG]http://abbd1990.^_*^_*^_*^_*^_*^_*^_*^_*^_*^_*^_*/wrod/ward-15.jpg[/IMG]