ممكن بنت ترد برد يقنعنى

[dr. faris]

هلا وغلا برواد أجمل المنتديات منتدى بنات مصر



النهارده، وهو مش من النهاره اوى، هو بالضبط من يوم ما بدأت أفتح عينى على الدنيا صح، من يوم ما بدأت أعرف الشارع والى بنسميه "السنكحه واللف"، وحتى كأنسان طبيعى وطالب فى كليه كنت هلاحظ ده.

معظم الشباب ألا من رحم ربى بيمشى فى الشارع مع أصحابه، فيبص ييمن يلاقى أنسه ممكن نقول لبسها مش كويس اوى، يبص شمال يلاقى، أنسه تانيه لبسها ممكن الواحد يتغاضى عنه، يبص وراه، يلاقى أنسه لبسها ميتنزلش بيه!!!!

فمن موضوعى ده، وأسف أنى بتكلم بالعاميه بس أنا بكلم شباب، نفسى قلاقى رد عند بنت، رد يقنعنى،أنتى ليه بتلبسى وحش؟ ليه بتلبسى لبس مستفز؟ هو عندك مشكله لو لبستى جينز واسع شويه؟ أو جيب طويل شويه؟ طب فى مانع لو كان البدى مش ماسك وهينفجر من على جسمك؟

أنا عن نفسى سألت السؤال ده لكل بنت أعرفها، سواء لبسها وحش أو كويس، بس للأسف ملقتش رد....

و أنا هعرض عليكم بعض ردودهم، ووالله بالحرف وبلا تحريف ولا تغيير:

" طيب وانته تبص ليه؟"
"عشان كل البنات كده"
" هو ربنا أدانى جمال يبقى أخبيه؟"
"هو أنتم تحللوا لنفسكم وتحرموه علينا"


دى الردود اللى بتتقال مع أختلاف الصيغ والعبارات، وبكل بساطه أسباب مش مقنعه، يعنى فى الرد الأول، صح أنا المفروض مبصش، بس على كده انا المفروض أمشى مغمى عينى عشان مبصش!!!!

وعن الرد التانى: هو لو كل الناس سرقت، أنا أسرق وأقول كل الناس كده......

وعن الرد الثالث اللى بصراحه بيستفزنى جداً، وليه أنتى متحفظيش على جمالك ده وتخليه داخل لبس يستره مش يبينه أكتر ما يفضحه...على الأقل وفرى جمالك ده لجوزك هو أولى بيه.

وعن الرد الأخير: أحنا محرمناش حاجه، وبعدين الراجل فى الأول والأخر محدش هيبصله ويكله بعنيه، محدش هيقول الراجل ده مش محترم ولبسه وحش ومش محترم!!!!!

دى ردود لقيتها من زمايلى فى الكليه، من قريبى البنات، سواء كانوا لبسهم كده أو لأ، فردودهم كانت متقربه وبشكل كبير.

فمكن أى بنوته جميله تجوبنى برد يقنعنى؟

د/فارس

[نوركمال]

ممكن ارد انا عليك بس للاسف انا مش بنوتة ضغيرة انا سيدة متزوجة وسنى كبير ولكن لى تعاملات مع البنات الصغيرين ومنهم بنتى ربنا يهدى الجميع
اولا البنات بتبص لبعضهم وحاسين ان كل واحدة منهم لازم تلفت النظر عن زميلتها اللى جنبها
ثانيا كله للفت انظار الشباب حتى يعاكسوهم
بس انا عاوزة اقول حاجة مهمة البنت لو حقيقى متربية صح وعارفة دينها صح مش حتلبس لبس ملفت كده
وللاسف هذة الظاهرة اصبحت منتشرة هذة الايام وللاسف زى ما انت قلت ردودهم جاهزة عليكم بمبررات واهية
ربنا يهدى الجميع
وارجو اكون رديت عليك برد مناسب

[A . y . a]

مع اني لسه صغيرة ويمكن ردي ميكونش اوووي بس برضو حديك رأيي
البنات دول بيكونو متخلفين
يعني ممكن يكونو حسيين بفراغ او ملل في حياتهم يروحو لبسيين ديق ويقولو يلا ننزل نتعاكس شوية
او مثلا يقولوك انا لو ما عملتش كده الناس حيترقو عليا
او ممكن البنت نفسها بتكون شايفة نفسها وحشة فبيتهيألها ان اللبس الديق اللي حضرتك بتقول عليه حيخليها تبى حلوة في عيون الناس
وكمان ممكن يكون عشان الموضة
او تكون البنت متعلقة بشاب يكون بيحب الطريقة دي في اللبس فتغير نفسها عشانه
وبرضو الشباب المفروض انهم يكونو عقليين وميعكسوش الأشكال دي
لأن ده ممكن يخلي البنات يستمرو اكتر
ومع كده مافيش برضو سبب مقنع يخلي اي بنت تعمل كده وتغضب ربنا عشان تكسب رضا الناس وانا يمكن مكنش قدرت اديك رأيي اوووي بس ده لأني والحمدلله مش كده
وشكرا على الموضوع الجميل يا dr.faris وفعلا موضوع مهم جدا

شــكـــرا...

[dr. faris]

اقتباس المشاركة الأصلية كتبت بواسطة نوركمال ممكن ارد انا عليك بس للاسف انا مش بنوتة ضغيرة انا سيدة متزوجة وسنى كبير ولكن لى تعاملات مع البنات الصغيرين ومنهم بنتى ربنا يهدى الجميع اولا البنات بتبص لبعضهم وحاسين ان كل واحدة منهم لازم تلفت النظر عن زميلتها اللى جنبها ثانيا كله للفت انظار الشباب حتى يعاكسوهم بس انا عاوزة اقول حاجة مهمة البنت لو حقيقى متربية صح وعارفة دينها صح مش حتلبس لبس ملفت كده وللاسف هذة الظاهرة اصبحت منتشرة هذة الايام وللاسف زى ما انت قلت ردودهم جاهزة عليكم بمبررات واهية ربنا يهدى الجميع وارجو اكون رديت عليك برد مناسب

نورتى يا فندم الموضوع بردك، وربنا يخلى لحضرتك بنتك ويخليكى ليها

أما عن الموضوع وما تعرضتى له بردك، فبصراحه رد برده مش مقنع بالطريقه الكافيه، لأنه زى الأحتمال التانى فى موضوعى تقريباً، يعنى انا زمايلى بيشربوا سجاير اشرب انا سجاير؟ واكيد البنت لو عارفه دينها عتبعد عن كده، بس صدقينى يا فندم والله ووحى حضرتك الكليات واتفرجى، تلاقى الأنسه منقبه وماشيه مع واحد وماسك إيدها، أه ممكن مرتبطين بس فكر حضرتك أغلب اللى بيمشوا كده مرتبطين؟ لا بالعكس والله وهى كده بتسئ للدين وللنقاب اللى انا مليش أحقيه انى افتى فيه ولا فى لبس البنات عموما عشان كلامى ميتفهمش غلط، انا بكلم من نظرة الشاب


مع فائق تقديرى واحترامى
فارس

[dr. faris]

اقتباس المشاركة الأصلية كتبت بواسطة اية مع اني لسه صغيرة ويمكن ردي ميكونش اوووي بس برضو حديك رأيي البنات دول بيكونو متخلفين يعني ممكن يكونو حسيين بفراغ او ملل في حياتهم يروحو لبسيين ديق ويقولو يلا ننزل نتعاكس شوية او مثلا يقولوك انا لو ما عملتش كده الناس حيترقو عليا او ممكن البنت نفسها بتكون شايفة نفسها وحشة فبيتهيألها ان اللبس الديق اللي حضرتك بتقول عليه حيخليها تبى حلوة في عيون الناس او تكون البنت متعلقة بشاب يكون بيحب الطريقة دي في اللبس فتغير نفسها عشانه وبرضو الشباب المفروض انهم يكونو عقليين وميعكسوش الأشكال دي لأن ده ممكن يخلي البنات يستمرو اكتر ومع كده مافيش برضو سبب مقنع يخلي اي بنت تعمل كده وتغضب ربنا عشان تكسب رضا الناس وانا يمكن مكنش قدرت اديك رأيي اوووي بس ده لأني والحمدلله مش كده وشكرا على الموضوع الجميل يا dr.faris وفعلا موضوع مهم جدا شــكـــرا...

الحمدلله، وربنا يديمها عليكى نعمه

وهو صح الشاب المفروض ميعكسش والمفروض يغض بصره كل كلامك ده صح، بس زى ما قلت لو هو جوه كليه يبقى أكيد مش هيبص وهيمشى مغمض، واللى فى الكليات عارفين كلامى كويس

وبجد نورتى يا انسه ايه
ويمكن نلاقى رد مقنع
فارس

[نوركمال]

ردى فعلا انا عارفة انه مش مقنع تماما
بس خلينا الاول نتفق بلاش حضرتك وافندم لانه بيحسسنى انى كبيرة اوى
ثانيا موضوع الحجاب والنقاب والكلام ده هما فعلا غلط مفيش اتنين ممكن يختلفوا على كده
بس انا كمان برجع العامل الاهم للاسرة فلو انا ربيت بنتى كويس استحالة انها تلبس كده
ولو ان البنات ودى طبيعة فيهم حب لفت النظر الا ان البنت المؤدبة هى اللى بتلفت الانظار ليها اكتر باخلاقها وحسن تلربيتها
مع تقديرى ليك واحترامى الشديد ويارب تلاقى جواب مقنع واسمح لى اتابع معاك الموضوع لانه بجد مهم لكل الناس

[طِيشْ !]

اولا انا بشكرك علي الموضوع الرائع بس انا مش هقدر ارد دلوقتي واوعدك ان شاء الله هتلاقي مني الرد الي محيرك قوي كده

[noona]

أولا : اشكرك د/ فارس على طرحك للموضوع المهم ده

ثانياً : بالنسبة لردى على الموضوع
- طبعا مفيش مبرر ابدا ان اى انسان يعمل اى حاجة غلط و بالتالى مفيش مبرر طبعا ان البنت تلبس ضيق او قصير وكده ( الكلام ده شرعاً طبعا)

- اما بالنسبة للتبريرات اللى انت بتسمعها فكل دى تبريرات من وجهة نظر صاحبتها فقط وكل واحدة طبعا ظروفها و بيئتها و حياتها هى اللى بتتحكم فى وجهة نظرها فى اى حاجة تخصها ، يعنى ممكن تلبس كده تقليد لصحباتها ، و ممكن عشان تبقى مميزة قدام الناس ، و الاسباب اللى ممكن تسمعها كتيييييرة ...

- مفيش كلام ان مدى قوة ايمان البنت و ارتباطها بربنا هو اللى بيتحكم فى تصرفاتها ومن ضمنها طريقة لبسها ، لكن وللأسف الشديد نتيجة الانفتاح اللى احنا عايشين فيه و تقليد كل اللى بيطلع على الموضة سواء متوافق مع ديننا ام لا كان من الاسباب الرئيسية اللى خلت بنات كتير بتقلد كل حاجة و بالذات فى اللبس (عشان تبقى بتلبس على الموضة)

- المشكلة فعلا ان طريقة لبس البنات دلوقتى بقت سبب رئيسي لحوادث التحرشات اللى بقينا بنسمع عنها كتير .

- الأهل طبعا عليهم عامل اساسى لان المفروض انهم يخافوا على بنتهم و ميسمحوش انها تخرج بلبس ضيق او قصير وكده

- آسفة على الإطالة و مشكور على الموضوع و يارب يحفظ كل بناتنا و بنات المسلمين

[dr. faris]

اقتباس المشاركة الأصلية كتبت بواسطة نوركمال ردى فعلا انا عارفة انه مش مقنع تماما بس خلينا الاول نتفق بلاش حضرتك وافندم لانه بيحسسنى انى كبيرة اوى ثانيا موضوع الحجاب والنقاب والكلام ده هما فعلا غلط مفيش اتنين ممكن يختلفوا على كده بس انا كمان برجع العامل الاهم للاسرة فلو انا ربيت بنتى كويس استحالة انها تلبس كده ولو ان البنات ودى طبيعة فيهم حب لفت النظر الا ان البنت المؤدبة هى اللى بتلفت الانظار ليها اكتر باخلاقها وحسن تلربيتها مع تقديرى ليك واحترامى الشديد ويارب تلاقى جواب مقنع واسمح لى اتابع معاك الموضوع لانه بجد مهم لكل الناس

أكيد أسمح لحضرتك، ده يزيدنى شرف

وفعلاً البنت بلتفط الانتباه بأخلقها وحسن سلوكها، بس نكون واقعيين، أه بتلفط بس اللى لبسها مش تمام بيتنظرلها اكتر، بس الفرق كبير أوى، لو رحنا سألنا اللى بيبصلها هتتجوزها؟ هيقول لأ وبكل سرعه أنا مجوزش واحده ماشيه شبه عريانه وهدموها لزقه عليها والناس كلها بتبصلها!!!!

وأكيد صاحب الأخلاق يزفر ويفوز سواء مع أختلاف النوع بين بنت وولد.

ومرسى على أضافتك الرائعه للموضوع
فارس

[dr. faris]

اقتباس المشاركة الأصلية كتبت بواسطة LOVE GIRL اولا انا بشكرك علي الموضوع الرائع بس انا مش هقدر ارد دلوقتي واوعدك ان شاء الله هتلاقي مني الرد الي محيرك قوي كده

هو أنا مش محتار قد ما أنا متغاظ!!!
صراحه انا دخلت البيت مروح من امتحان شفوى من الكليه مقرر انى اكتب الموضوع ده من اللى شفته من الطالبات النهارده، فى عز البرد والشته وبجد لبس يغيظ، ربنا يهدى

ومستنى ردك يا جميل
ومرسى على مرورك
فارس