**لقاء مع نجوم المنتدي**

[حب مهزوز]

مش مشكلة انك تفهم
ملحوظة دي مش اهانة والله
ده مجرد كلام بس

[حب مهزوز]

والله مش انت بس مستني
الكل في انتظارها

[حب مهزوز]

ثانكس عاشقة الذكر علي مرورك

[beauty angel]

ميرسى يافروحتى على التدبيسة
وسورى على التأخير ياجماعة
ميرسى لكل الى مر من هنا
(ماعدا مورشوو
بقى أنا هضلم التوبيك ههههه )


فقرةالتــعريف

اسم النيك نيم للنجم؟
beauty angel


الاسم الحقيقي؟ الاسم الاول فقط
آيــة


البرج؟
العقرب

تاريخ الميلاد؟
28 / 10


الاقامه؟
المنصــورة


العمر؟
22

التحصيل الدراسي؟
بكالوريس تجــارة

العمل او الوظيفة؟
مفيش

لو اعطيت حق اختيار عملك ماذا تختار؟
أعمل فى مجال دراستى



الهوايات المفضلة؟
الانترنت ، الرسم ، وأحيانا القراءة ^^


ناديك المفضل؟
الاهلى


مطربك المفضل؟
مش مطرب معين يعنى من القديم عبدالحليم
من الجديد بحب اغانى عمرو دياب ، وائل جسار ، شيرين ،اصالة

وغيرهم ،،،


حكمتك المفضلة؟

قال رسول الله صلى الله عليه وسلم : " إن من خياركم أحسنكم آخلاقـآ"



فقرةالمنـــتدى




ماذا يعني لك منتدى(بنات مصر)؟
يعنى كتير اووووووووى دهـ بقى عشرة عمر
تقريبا مش بيمر يوم مش بدخله
بقى شىء أساسى فى حياتى




اقرب صديق لك في المنتدى؟

كتير والله بحبهم وبحترمهم
بس أقربهم سيرين وحنين ( هدوء القمر )

:012:



لماذا اخترت هذا الاسم؟
كان اسم بلوتوث واحدة صاحبتى وعجبنى
أيام ماكنت بسجل فى المنتدى
فسجلت بيه وبــس ^_*



أي قسم تدخل اليه باستمرار؟
الفترة دى أكتر قسم بدخله قسمى القسم العام

كلمه بحق المدراء؟
كلهم شخصيات محترمة جدا
من الناس الى تحبى تتعاملى معاهم بجد
قايمين بدورهم فى المنتدى وزيادة
ان شاء الله ربنا يوفقهم فى حياتهم وفى المنتدى


كلمه تود ان تقولها الى أي عضو بالمنتدي؟
ان شاء الله تفضل روح التعاون والمحبة والاخوة بينا كلنا
بعيدا عن اى مشاحنات


هل تعرف احد قريب لك في المنتدى؟
اها
هل لديك فكرة جديدة تضيفها للمنتدي؟
غالبا الافكار الجديدة بتبقى فى قسمى بحكم الاشراف
لكن لو لقيت فكرة جديدة للمنتدى متغلاش عليه طبعا

فقرة الحــب

هل انت مغرم؟
لا


هل انت عاشق؟
ماقولنا لا ^_^


هل تفدي بروحك لمن تحب؟
أكيـــد
بأعتبار ماسيكون ان شاء الله


هل تعتبر بهذا الزمن الحب حقيقي؟
اهـ ،، مش حكاية الزمن
الحبـ موجود
طول ماأحنا عايشين هيفضل الحب موجود فى قلوبنا

هل تضحي من اجل من تحب؟
طبعا

هل الحب يستحق التضحيه؟
لو كان حب حقيقى أكيــد يستحق


كلمه تود ان تقولها الى من تحب؟
اى حد بحبه هقوله
ربنا يخليكـ ليا



علاقاتك



اقرب شخص لك من؟
والدى


علاقتك مع امك؟
تمام الحمد لله


علاقتك مع اباك؟
بابا حبيب قلبـــى
ربنا يخليه ليا يـــارب


هل انت غيور من احد؟
لا الحمد لله

هل انت تغار على احد؟

مش غيرة بس بخاف على الى بحبهم اوى



علاقاتك بأصدقائكَ؟
جميلة الحمــد لله

نظرة الناس اليك؟
هما الى يقولوا بقى




فقرة اسودوابيض (اجب بضد او مع)




هل انت مع او ضد تعددالزوجات؟
ضد
طالما الزوجة قايمة بدورها وواجبتها

هل انت مع او ضد المرأه تطالب بحقوقها؟
مع

هل انت مع او ضد التطورالمستمر؟
مع طبعا فى حالة استخدامة بشكل مفيد
لان احيانا بيتم استخدام التطور بشكل سلبى


هل انت مع او ضد النت؟
مع

هل انت مع او ضد حب الانترنيت؟
ضد


ماذا اضاف لك النت؟
كتيــر
معرفة ومعلومات
والتعرف على شخصيات وعقليات مختلفة




مواقف مررت بها



تحدث لنا عن موقف مضحك؟
وأنا فى الجامعة كنت بأخد دروس
مرة واحنا فى الدرس كان معانا بنتين مكنوش
بيبطلوا رغى وكلام بطريقة غريبة ياساااااتر ههههه
والمدرس بيشرح ودول نازلين حكايات من الشرق على الغرب وولا هنا )
المدرس بتاعنا أخر مازهق مش عارف يعملهم ايه علشان يسكتوا
بيبص قدامه كان حاطط بيرسول عارفينه طبعا قام فاتحة وغرقهم:Sport-007:
وكان الله بالسر عليم بقى
ههههههههههه
طبعا كل الموجودين كانوا هيموتوا من الضحكـ وياريتهم سكتوا :vb39:
كانت أيام والله ^_*



موقف حزين؟
وفاة عمى الله يرحمهـ


موقف مفاجئ؟
موت عمى الله يرحمه فى حادثة
وكان بعد خطوبة أختى بيوم


موقف اسعدك لدرجة البكاء؟
لما بابا يبقي مسافر ويرجع من السفر


اخيرا ما هدفك في الحياة؟
نفسى أبقى حد مهم فى المجتمع
وأكون أسرة سعيدة
وأكون أم وزوجة صالحة باءذن الله


كتابة كلمات ثمينه للذكرى
اذا ضاقت بك الدنيا لا تقل يارب لى هم كبير
ولكن قل ياهم لى ربــ كبير
وطبعا لصاحب الفكرة كلمة
تسلمى ياسلمى على الاستضافة
برنامج جميل ياقمــر تسلمى ،،
ميرسى يالووو على التدبيسة
نردهالك قريب ياقلبى ان شاء الله )
اختار بعدى
يويو
lover*s girl

[morshooo]

ارهانك ان ما كنتى واحدة من الاتنين

الى اترش عليهم بيرسول ^_*

نورتى يا اية التوبيك

وجهزى نفسك عشان الاكاديمية ^_*

اتمنالك التوفيق

[beauty angel]

اقتباس
المشاركة الأصلية كتبت بواسطة morshooo





ارهانك ان ما كنتى واحدة من الاتنين

الى اترش عليهم بيرسول ^_*

نورتى يا اية التوبيك

وجهزى نفسك عشان الاكاديمية ^_*

اتمنالك التوفيق

هههههههههههههه والله ماحصل
ليه شايفنى رغاية ياساتر
وأكاديمية ايه هو احنا لحقنا
يلا ياموووورشدى من هنا :507:
ههههههه
نورتنا ياأحمـــد ميرسى على وجودكـ

[Sєяєєη●•ʚɞ]

اجاباتك حلوة وعسل زيك يا يويووووو
عجبتنى كتير:cv10:

[beautycat]

أجابات ولا اروع يا يويو
اسمي وأسمك واحد
أخيرا هقول لحد يايويو
وتسلمي يا قمر
وربنا يحقق لك اللي بتتمنيه

[beauty angel]

اقتباس
المشاركة الأصلية كتبت بواسطة sereen

اجاباتك حلوة وعسل زيك يا يويووووو
عجبتنى كتير:cv10:

الاحلى وجودكـ والله ياسيرووو
تسلمى ياحبيبتى أنتى
نورتينى بوجودكـ

[beauty angel]

اقتباس
المشاركة الأصلية كتبت بواسطة القطه الجميله





أجابات ولا اروع يا يويو
اسمي وأسمك واحد
أخيرا هقول لحد يايويو
وتسلمي يا قمر
وربنا يحقق لك اللي بتتمنيه

تسلمى يارب يايويوتى ^_*
وجودكـ الاروع والاحلى
وان كان على يويوو قولى براحتكـ ياقلبى
دهـ نص المنتدى اسمة آية )
والى أنا دبستها يويوو بردو
تسلمى ياقطتى نورتينا بوجودكـ حبيبتى