واصفا نفسه بـ"الحيادي" .. الغندور يدافع بشراسة عن الزمالك ضد ما أسماه "الإعلام الأهلاوي"

[ღ Gի๐sτ ღ]

تولى خالد الغندور الدفاع عما أسماه الهجوم غير المبرر على حسام حسن ولاعبي نادي الزمالك، ضد هجوم الفضائيات على المدير الفني واللاعبين من البرامج والقنوات التي وصفها بالأهلاوية.

ونصب لاعب الزمالك السابق وضيفه أسامة خليل رئيس تحرير البرنامج ، حلقة اليوم السبت من برنامج "الملاعب اليوم"، كلها من أجل الدفاع عما أسموه الهجوم على الزمالك.

وبدأ الاثنان في التأكيد على أنهما لا يتحدثان إلا بأمانة وحيادية تامة، وأكد الغندور أن ما حدث من هاني سعيد عقب المباراة خطأ تماما، ولكن لماذا تكلم الجميع عما فعله هاني سعيد، ولم يتكلم أحد عما فعله أبوتريكة وحسام غالي مع الحكم محمد عبد القادر مرسي، عقب مباراة الفريق مع الإنتاج الحربي.

وتابع:"رأيت الكل يهاجم حسام حسن بعدما توجه إلى مانويل جوزيه، مضيفا:" حسام لم يفعل جرما كل ما فعله هو التوجه لجوزيه والقول له أني الروح الرياضية، ثم تدافعون عن من مانويل جوزيه، وتابع متهكما:" جوزيه هذا لم "يدرع" قبل ذلك، ولم يخلع "جاكيت" البدلة وكان عايز يخلع البنطلون، جوزيه الذي أشار بأن الحكام مرتشون .

وعن الروح الراياضية، قال:" رأيت الجميع يأتي بكرة الزمالك مع طلائع الجيش ولاعبي الزمالك لم يخرجوا الكرة إلى خارج الملعب أثناء وقوع عامر صبري، ولم يأتوا بالكرة من بدايتها، حيث كانت في أرجل لاعبي الجيش أثناء وقوع زميلهم، ولم يخرجوا الكرة.

وأضاف:"ثم رأيت البعض يتحدث عن كرة مباراة الأهلي والزمالك الموسم الماضي، وتسجيل الزمالك لهدفه الثالث، فقال:"لاعبي الزمالك لم يروا بركات وجاء الهدف بعد ثوان من وقوعه، وليس على مرأى ومسمع من الجميع في مباراة القمة الماضية .


الرد علي كلام الغندور الذى فاتح البرنامج : دفاع عن الزمالك :: هجوم علي الاهلى ::

1- لاعبو الاهلى لن يفعلون شىء مع عبد القادر مرسي مثلما تدعي وللاسف كدبة وصدقتها بنفسك وبما انك مستغرب من ان الاعلام انه متكلمش علي تريكة اللى معملش حاجة اصلا ..كنت تقول لنفسك وانت بتهاجم صباع بركات المفبرك لمدة اسبوع كامل ولما عملها محمد ابراهيم لاعب الزمالك متكلمتش عليه ولا كلمة وخليت العيب علي مخرج المباراة !!

2- فعلا حسام حسن معملش حاجة مع جوزية . كان رايح بيقولو مبروك الهدف . وجوزية قلع زرارين بس من القميص وخد عليه ايقاف 4 مبارايات رغم انه مقلعهوش كلو ولكنها زرارين بس ومعملش حاجة عيب ولاحرام وقتها علي عكس حسام اللى راح قلع القميص كاملا ورايح يرفعو في وش جمهور الاهلى ومتكلمتش عليه ؟. ومن ناحية الرشوة حلوة اشارة .. حسام اللى انت بتدافع عنه اعلنها علننا بان الحكم مجاملات وجاين مخصوص للاهلى ؟؟

3- رغم ان بردو لعيبة الزمالك الكورة كانت معاهم ومرديوش يخرجوها لحد ماخرجت رمية تماس غصب عنهم يعني كلامك بيرد علي اللى عملو لاعبه الزمالك وتأكيد ان لاعبى الاهلي معملوش حاجة غلط ؟؟

4- وحلوة لاعبو الزمالك لن يشاهدو بركات وهو واقع ... دة علي اساس ان اللى شاط الكورة فى وش بركات شاطها وراح يبص ع الجمهور و مبصشش ع الكورة وهي رايحة في اتجاه بركات ؟؟

فعلا محايد محايد وحديثك عن الاخلاق حلو ورغم ان اخلاقك الكل يعلمها

[سَـلمَى]

غندور دهـ رآآجل لا يطآآآق بجد أنا مبحبوش خآلص...
تسلم على الخبر...

[حياتي ذكريات]

أفضل اعلآمي زملكآوي هو والكآبتن الكبير طبعآ حآزم إمآم
بفرح منهم كتير لمآ بيدآفعو عن الزمآلك
لان مآ فيش غيرهم اللي بيدآفع عن الأبيض أصلآ
عشآن كده مدآيقين منهم
و شوف علآء صآدق وكلآمه ودفآعه عن الاهلي مع انه مش في قنآة اهلآوية
أو مدحت شلبي ومجدي
هل تعتبر دول محآيدين ؟!
انتو عآيزين كده الزمآلك يفضل بدون حقوق ولآ حد يدآفع عنه
الزمآلك فعلآ محتآج قنآة
ان شآء الله نشوفهآ بعد 15 سنة
:biggrin:

[ღ Gի๐sτ ღ]

حازم امام اعلامي محترم .. حرام ان الغندور يتحط في جملة معاه
شلبى ومجدي عبد الغني بيدافعو عن الاهلى )) ياريت
علي فكرة شلبى هو مصدر ابراهيم حسن وكتير بيخلق مشاكل في الاهلى والزمالك بيحلها مش بيخلق مشاكل

اديكي مثال يوم مالمقاصة تعاقد مع معتصم سالم من اجل انتقاله للاهلى شلبى اعلن الصفقة وباظت بسببه وقال محدش يزعل من بوظان الصفقة لانه اعلامي ولازم ينفرد
ولما الزمالك فاوض عودية شلبى قال لحسام حسن انا عارف انك بتفاوضة ولكن مردتش انفرد بالخبر عشان مفيش نادي تاني يدخل يبوظ الصفقة .. دة مثال بسيط من نفاق شلبى عشان تبقى عارفة

ومجدي عبد الغني مش بيدافع عن حد دة عامل زي شوبير . حالة خاصة
كلامه كله دفاع عن اتحاد الكورة فقط فقط فقط فقط فقط
ومش معني ان الغندور يحب يدافع عن الزمالك انه يبقى يوهم الناس بكلام كدب ونفاق
ويجامل علي حساب نادي اخر !!
تخيلي محمد ابراهيم يعمل حركة سيئة ويخلي العيب علي المخرج مش محمد ابراهيم دة اسمة دفاع
ونفس الحركة من بركات وهي مفبركة قعد اسبوع يتكلم عليها

علاء صادق اتفق معاكي ومبحبش طريقتة فى الكلام . رغم انه بيكون كلامه كل بالدليل ولكني مبحبش طريقتة فى الكلام بيستني اخطاء الزمالك زي الغندور بيستني اخطاء الاهلى
ولكن الفرق الغندور يكدب ويوهم الناس عكس علاء صادق يتكلم بالدليل وغندور يخبى علي اخطاء الزمالك وينقل الكلام لناحية تانية ع الاهلى
ونظرية المؤامرة ان الاعلام اهلاوي . منه لله اللى كان السبب في انو يوهمكو بكدة
لو تراجعي الميديا هاتلاقي الاغلابية زملكاوي علي فكرة!


تسلمي ع المرور

[احضان الحبايب]

أولا :: شكرا ع الموضوع
ثانيا :: بغض النظر انه لاعب ،، ممثل ،، مذيع
فااااااااشل
فالطبيعى انه يقول كده ،،
لان بدل حسام وابراهيم "حسن"
ماشيين يقولوا الاعلام الاحمر والاعلام الاخضر والاعلام المخطط
واقف مع الاهلى وضدد الزمالك
فلازم هو كمان يتبنى الفكره و يصدقها
ويحاول يثبت للكل انه صح
ويقنعهم بكده
. . . . . . . .
ربنا يستر
. . . . .
تـ ح ــياتـى
. . .
‘ع ـبده