مسابقة شركة بنات مصر للاستيراد والتصدير

[خارج عن القانون]

السلام عليكم ورحمه الله وبركاته





مسابقة
شركة بنات مصر
للاستيراد والتصدير



مقدمة للمسابقة


تتحدث المسابقة عن شركة اسمها بنات مصر

والشركة ديه اللى هى المنتدى بتاعنا
واى عضو فى المنتدى هو احد عمال الشركة
والمدير فى المنتدى هو مدير فى الشركة
وباقى الاداره هم نواب لمدير الشركة
والمشرف فى المنتدى هو مشرف فى الشركة
واقسام المنتدى هى احد فروع او اقسام الشركة
وهكذا....


تعريف بالمسابقة


وتتكون المسابقة من خمس مسابقات فرعيه

الاولى متصلة بالثالثة وبالخامسة
يعنى لو حليت الاولى غلط
هتحل التالتة والخامسة غلط

اما الثانية والرابعة فهم غير متصلين ببعض
كل واحده فيهم مستقلة بذاتها

غير مشترط ان تحل الخمس مسابقات جميعا
اللى تعرف تحله ابعته واللى هتحله هتاخد عليه المشاركات

ويتم ارسال الحل فى رساله خاصه لعضويتى

شروط وقوانين المسابقه


1- ان يكون للعضو 100 مشاركه حتى يتمكن من ارسال الرساله المحتويه ع الحلول

2-المسابقه مفتوحه للجميع (اعضاء ومشرفين ومراقبين واداره)


3-يمكن ان ترسل حل كل مسابقة لوحدها
يعنى حليت الاولى ممكن تبعتها
من غير ما تستنا لما تخلصهم كلهم علشان تبعتهم مع بعض

*بس لو عايز الاسبقية فى الحل
يبقا تجمعهم مع بعض فى رساله واحده علشان هيتم من خلالها تحديد الاسبقية فى الحل

4- اذا كان يوجد استفسار او توضيح يسأل عنه هنا فى هذا الموضوع وليس فى رساله خاصه

5- مده استلام اخر اجابه هى 30 يوم ابتداءا من ميعاد اعتماد التوبيك



طريقه ارسال الحل


بعد ان تقوم بايجاد الحلول تقوم بوضعها فى رساله خاصه وترسل لعضويتى

ويتم ذلك بالشكل الاتى



عنوان الرساله

"حل مسابقه شركة بنات مصر"


محتويات الرساله

حل المسابقه الاولى (الصين)

كذا كذا كذا .....

حل المسابقه الثانيه (السفينة)

كذا كذا كذا ....

حل المسابقه الثالثه (الونش)

كذا كذا كذا....

حل المسابقه الرابعه (الخزنة)

كذا كذا كذا ....

حل المسابقه الخامسة(السرقة)

كذا كذا كذا ....



جوائز المسابقة

للمسابقة كلها 25 نقطة
كل نقطه ب 20 مشاركه


ويتم توزيع النقاط ع النحو التالى


المسابقه الاولى

1- بنقطة واحدة

2- 5 نقط

3- 5 نقط

المسابقة الثانية

3 نقط ونص

المسابقة الثالثة

3 نقط ونص

المسابقة الرابعة

3 نقط ونص

المسابقة الخامسة

3 نقط ونص


ده غير جوائز استثنائية لــ اول 3 مراكز

المركز الاول

100 مشاركة + صورة رمزية كبيرة + وسام + لقب مصور


المركز الثانى

50 مشاركة + صورة رمزية كبيرة + وسام


المركز الثالث

50 مشاركة + وسام

*ملحوظة هامة:-
1- اذا كان المركز الاول مكرر فالاولوية فى جائزة اللقب المصور للاسبقية فى ارسال الحل

2- اذا كان يوجد فى المركز الاول والثانى مكرر باعداد كبيره
فستكون الاولاوية للاسبقية فى ارسال الحل
بحد اقصى 4 اعضاء
وسيعامل باقى المكرر كمعاملة المركز الثالث


جوائز للشرح

مطلوب من جميع الاعضاء وضع الحلول مصحوبة بطريقة ايجاد تلك الحلول
وذلك ع جميع المسابقات
وكلما كان الشرح اكثر وضوح وتفصيل مدعوما بالصور كلما كان افضل


وللجايزه مركزان

المركز الاول 100 مشاركة

والمركز الثانى 50 مشاركة


والله الموفق

[خارج عن القانون]

- الو مين

- الو ايوه يا استاذ محمد انا طارق

- ايوه دكتور ازيك وازي حضرتك

- تمام الحمد لله تعاللى المكتب يا محمد عايزك فى حاجه ضروريه

- حاضر 5 دقايق وهتلقينى عندك




- ايوه يا دكتور حضرتك طلبتنى

- ايوه يا محمد اقعد علشان عايزك فى حاجه مهمه

- خير اللهم اجعله خير

- كل خير ان شاء الله

طبعا انت عرفت عن اجتماع مجلس الاداره بتاع امبارح

- ايوه سمعت عنه وسمعت ان الاستاذ هيثم والاستاذ احمد كانو موجديين فى الاجتماع ع غير العاده

- ايوه يا استاذ محمد كانو فعلا موجدين وده علشان وضع خطة عمل للشركة فى المرحلة القادمة

- ان شاء الله هتكون خطة ناجحة وهتخلى الشركة فى تقدم مستمر

- وعلشان تقدم الشركة فقد قررنا عمل عملية تجارية ضخمه باستيراد حاوية ملابس رجالى من الصين





- ان شاء الله صفقة ممتازه يا دوك

- وبما انك انت يا استاذ عكاشه رئيس قسم التجارة الخارجية فقرر مجلس الاداره بسفرك الى الصين وهتكون انت المسئول عن الصفقة من اولها لآخرها

- ان شاء الله هكون عند حسن ظن سيادتكم

- طيب روح ع الحسابات يا استاذ محمد وهتلاقى فيه هناك دفترين شيكات ع بياض باسمك

واحد منهم حسابات بالدولار داخل الصين

والتانى حسابات بالجنيه هنا فى مصر

وروح بقا جهز التذكره وجواز السفر عايزينك تبقى فى الصين فى خلال اسبوع

وكل تكاليف الرحلة ومصروفات المعيشه هناك ستكون ع حساب الشركه

- حاضر يا افندم وان شاء الله من بكره هبدأ فى اجراءت السفر



وفعلا خرجت وذهبت الى قسم الحسابات واخذت الشيكات ثم ذهبت الى قسم السجلات

لاعطائى تصريح بمأمورية مفتوحه الايام من الان وحتى عودتى من الصين

وفعلا انهيت اجراءت السفر واستخرجت تذكره ذهاب واخرى عودة غير محددة الميعاد بجملة تكاليف قدرها 9 الاف جنيه


وفعلا فى خلال اسبوع كنت قد استقليت الطائره متجها الى بكين

وحطت الطائره فى مطار بكين الدولى فى تمام

الساعه 5 عصرا يوم 2011/6/10 بالتوقيت المحلى

وبعد الخروج من المطار وجدت سيارة ليموزين كنت قد تعاقدت عليها من شركة سياحة عن طريق النت قبل السفر




وتكون تلك السياره تحت تصرفى بالسائق يوميا اذا طلبت انا من السائق ذلك فى مقابل 25 دولار يوميا ولقد اشترطت ع الشركه ان يكون السائق مصرى

وبمجرد ركوبى السياره طلبت من السائق التوجه الى اقرب بنك لسحب دولارات كى استعملها فى المصاريف البسيطه او التى تحتاج الى دفع نقدى

وبعد الخروج من البنك طلبت من السائق التوجه الى فندق يكون بجوار المنطقة التجارية الخاصة بالملابس الرجالى

وفى خلال الطريق دار بيننا الحوار الاتى:-

- انما حضرتك ليه اشترطت ع الشركة بان يكون السائق مصرى

- اصل انا مصرى وبحب ان يكون اللى شغال معايا مصريين برضو

- وهو حضرتك جاى هنا سياحه ولا شغل

- انا رئيس قسم التجارة الخارجية لشركة بنات مصر وجاى هنا لاستيراد الملابس

- عارفها الشركه ديه انا اشتغلت فيها قبل كده ومتابع اخبرها ع طول

مش الاداره دلوقتى انضم ليها ميشو وحنون واحمد

- اه فعلا دول لسه منضمين بقالهم كام شهر هو انت اشتغلت قد ايه معانا

- انا ما اشتغلتش غير يوم واحد وبعديها جائلى عقد عمل وانتقلت هنا للصين

- ع كده ده انت ملفك هناك قديم عنى بكتير

- لا مش قديم قوى
بص يا عم انت تخش ع الملفات بتاع العاملين وهتلاقيهم الوان احمر واخضر وازرق والوان تانيه كتير
وتروح جايب كل اللى ملفاتهم لونهم احمر
وتقسمهم لقسمين
قسم ملفات شباب وقسم ملفات بنات
وتجمع ارقام الملفات الشبابى لوحديهم
وتجمع ارقام الملفات البناتى لوحديهم

والناتجين اللى يطلعولك اطرحهم من بعض

والناتج اللى يطلع اطرحه من رقم ملفك انت

والناتج اللى يطلع هيبقا هو ده ملفى انا

- يا عم انت هدوخنى معاك ليه هو انا هجوزك

انا جاى لشغل ومافيش كلام لاى حاجه تانيه وشد حيلك شويه فى الطريق

و انزلنى السائق امام الفندق المطلوب




واخذت رقم السائق وامرته بان يذهب الى البيت وان ياتى بعد غدا فى تمام الساعه 9 صباحا حيث انى قررت ان ااخذ غدا راحة من عناء وارهاق السفر

ودخلت الفندق متجها الى الاستعلامات

وطلبت جناح مكون من غرفتين واحدة نوم واخرى صالون ويكون مزود بجميع الكماليات وبها حمام خاص بها

وطلبت ايضا ان يجهزو لى يوميا الفطار والعشاء ويتم احتسابهم تلقائيا ع الفاتورة

فاجابنى موظف الاستقبال ان بهذا الشكل ستكون تكلفة الجناح 75 دولار يوميا

ولو لما اتناول الوجبة فى يوم لاي سبب يخصنى سيتم احتسابه علي
وان الايجار سيحسب من الان

وانهم سيحسبون اليوم بيوم كامل ب 75 دولار وهكذا حتى اخر يوم ساترك الفندق فيه


فاعطيته الموافقة واخذت مفتاح الجناح وما ان رتبت ملابسى الا وقد وجدت الروم سيرفس يقدمون لى العشاء فتعشيت ونمت نوما عميقا

ولم اصحو الا فى تمام الساعه 10 صباحا ع خبطات السيرفس رووم

لاعطائى الفطار وجلست حتى الساعه 12 ثم نزلت اترجل فى المنطقة واتغديت فى احد المطاعم

ورجعت الفندق فى الساعه 7 مساءا وبعدها بساعتين وجدت خبطات ع الباب من السيرفس رووم لاعطائى العشاء

فطلبت من العامل ان يخبر الاستعلامات بانى اريد الفطار جاهز كل يوم فى تمام ال 8 صباحا والعشاء فى تمام ال 10 مساء فاخبرنى بالموافقة

وعندمت حسبت ما صرفته اليوم وجدت انه سيكون هناك مصروفات نثرية (غداء وتكاليف مكالمات دولية وخلافه) بشكل يومى تقدر ب 15 دولار

وسأحاسب الشركة عليها ابتداءا من اليوم حتى اخر يوم لى فى الصين

ثم نمت وصحيت ع دقات الباب علشان الفطار كما طلبت من ادارة الفندق

وما ان تناولت الفطار الا ووجدت الهاتف يرن وكان ع الطرف الاخر السائق يخبرنى بانه امام باب الفندق فاخبرته انى فى الطريق اليه

وبعد بضعة دقائق كنت قد استقليت السيارة وطلبت من السائق التوجه الى المنطقة التجارية المتخصصه فى صناعه الملابس الرجالى







وتم التوجه الى هناك وطلبت من السائق ان يركن فى اى جراج انتظارا لمكالمة منى وتوجهت انا لمحلات ومعارض شركات الملابس

وبعد الكثير من البحث وجدت فى المعرض رقم 9 جميع انواع ومقاسات والوان البناطيل المختلفة
وتم الاتفاق مع مدير المعرض ع ان يكون السعر موحد لجميع المقاسات والموديلات وهو 9 دولار للبنطلون الواحد



وبعد الاتفاق ع الاعداد اخبرنى مدير المعرض بانه كى يتم تجهيز تلك الاعداد الضخمه
يجب ان اعود اليه بعد 5 ايام لاستلام الطلبية المطلوبة ويجب على ان ادفع الان نصف قيمة تلك الطلبية وعند الاستلام يكون معى الشيك الخاص بباقى تلك الطلبية وخرجت من المعرض بعد ان اعطيت للراجل شيك بنصف المبلغ المطلوب واخذت منه ايصال بذلك


وبحثت فى باقى المعارض والمحلات والشركات حتى وجدت المحل رقم 17 يعرض الجلابيب المصريه بجميع الالوان والمقاسات

وتحدثت الى صاحب المحل وتم الاتفاق ع سعر موحد لجميع مقاسات والوان الجلاليب وهو 10 دولار



وبعد الاتفاق ع الاعداد واعطاءه شيك بنصف المبلغ واخذ الايصال بذلك اخبرنى صاحب المحل بان اعاود الرجوع اليه بعد 4 ايام لاستلام الطلبية المطلوب

وخرجت من المحل وبحثت عن احد المحلات يبيع القمصان الرجالى

ولكنى وانا ابحث وجدت فى المحل رقم 22 ملابس داخلية رجالى وبها نسبة قطن عالية جدا اعجبتنى

فدخلت وتحدثت مع صاحب المحل وتم الاتفاق ع طلبية ملابس داخلية من الصنفين(شورت - فانلة) وتكون الاعداد متقاربة بين الصنفين

وجعل عدد صنف الشورت اكبر بقليل من عدد صنف الفانلة وتم توحيد السعر وهو نصف دولار للقطعة الواحدة (شورت او فانلة)







وكالعادة اعطيته شيك بنصف المبلغ واخذت ايصال بذلك وكان ميعاد التسليم هو بعد 4 ايام

وخرجت من هناك ابحث مره اخرى عن اى محل او معرض يبيع القمصان الرجالى واخيرا وجدت ضالتى فى المعرض رقم 45 ووجدته معرض ضخم جدااا وبه انواع وموديلات والوان للعديد والعديد من القمصان




وتم الاتفاق مع صاحب المعرض ع سعر موحد لجميع القمصان وهو 4 دولار للقميص الواحد واعطيته شيك بنصف المبلغ المطلوب واخبرنى صاحب المعرض بان اعود اليه بعد 7 ايام لاستلام الطلبية

وخرجت من المعرض بعد ان قمت بالاتفاق ع جميع المنتجات التى من المقرر شراءها

ولكنى تذكرت شىء مهم وهو انى اريد ان تكون تلك المنتجات معباءة فى كرتونة موحدة بمقاس معين ووزن معين وهو

50x35x30 سم ووزن 75 جرام





فتوجهت الى المعارض السابق ذكرها واخبرتهم بما اريد

وخرجت مره اخرى من المنطقه التجاريه وبمجرد خروجى
وجدت ان الساعه هى الثالثه عصر فتوجهت الى اقرب مطعم للغداء

وبعد ان تناولت الغداء اتصلت بالسائق ليقلنى مره اخرى الى الفندق

وبعد ان نزلت من السيارة طلبت من السائق ان يذهب ويرجع لى بعد 3 ايام فى تمام التاسعه وصعدت انا الى الفندق وجلست بضع ساعات امام التلفاز ثم تعشيت ونمت
وفى خلال اليومين التاليين لم يكن عندى اى نوع من انواع العمل

فكنت اقوم من النوم ثم افطر واتمشى قليلا بجوار الفندق واتغدى ثم اتجول قليلا ثم ارجع الى الفندق اتعشى واقوم بعمل بعض المكالمات وانام

وفى اليوم الثالث صحيت وفطرت ثم جائتنى مكالمة من السائق تخبرنى بانه امام الفندق فى انتظارى فاخبرته انى سانزل فى خلال بضعه دقائق

وفعلا نزلت واستقليت السيارة واخبرت السائق بالتوجه الى اقرب مكتب عقارات

وفى مكتب العقارات طلبت منهم ايجاد مخزن ذو حجم مناسب ويكون قريب من السوق التجارى

وفعلا تم ايجاد المخزن اللازم وتم معاينته والتاكد من سلامته وتامينه



وكان ايجار المخزن يوميا بـــ 10 دولار ويتم احتساب ايجاره من اليوم حتى اقوم بتسليمه وتم عمل عقد ايجار بذلك

ثم تناولت الغداء واستقليت السياره وذهب الى الفندق مره اخرى
واخبرت السائق بان ينتظرنى غدا فى تمام ال 9 صباحا امام الفندق

وصعدت الى الغرفه وجلست اشاهد التلفزيون ثم تعشيت ونمت

وبعد ان صحيت وافطرت نزلت فى تمام ال 9 واستقليت السياره

وامرت السائق بالتوجه الى

المنطقة التجارية المتخصصه فى صناعه الملابس الرجالى

وبعد ان وصلنا

توجهت الى المحل رقم 17

واعطيت صاحب المحل الايصال الذى مبين فيه انى دفعت نصف مبلغ الطلبية

فاخبرنى بان الطلبية قد جهزت واخذنى حتى ارى الكراتين

وفعلا بعد فتح احد الكراتين وجدت الجلاليب كما طلبت

واخبرنى ان فى كل كرتونة من تلك الكراتين

10 اكياس وزن الكيس هو 2.4 كيلو جرام

وبكل كيس دستة من الجلاليب متنوعى اللون والمقاس

وبعد ان المراجعة ع اعداد الكراتين وما تحتويه والتاكد من ان الطلبية كاملة موجودة

اعطيت الرجل الشيك المستحق بباقى المبلغ

واخبرته انى ساعود فى خلال نصف ساعه ومعى العمال لتحميل البضاعة

وخرجت من عنده متوجها الى المحل رقم 22

وتوجهت الى صاحب المحل واعطيته

الايصال الذى مبين فيه انى دفعت نصف مبلغ الطلبية

فاخبرنى بان الطلبية قد جهزت واخذنى حتى ارى الكراتين

وفعلا بعد فتح احد الكراتين وجدت الملابس الداخليه كما طلبت

واخبرنى صاحب المحل ان تلك الكراتين مقسمة عدديا الى نصفين

النصف الاول عبارة عن كراتين صنف شورت وبكل كرتونة

عدد 15 كيس وزن كل كيس 480 جرام

بكل كيس دستة من الاشرات متنوعى اللون والمقاس

اما النصف الاخر عبارة عن كراتين صنف فانلة وبكل كرتونة

عدد 12 كيس وزن كل كيس 600 جرام

بكل كيس دستة من الفانلات متنوعى اللون والمقاس

وبعد ان تم المراجعة ع اعداد الكراتين وما تحتويه والتاكد من ان الطلبية كاملة موجودة

اعطيت الرجل الشيك المستحق بباقى المبلغ

واخبرته انى ساعود اليه بعد ساعه لتحميل تلك الطلبية

وخرجت لاستئجار سيارة نقل لتقوم بنقل الكراتين الى المخزن الذى تم استئجاره امس وتم الاتفاق مع السائق ع 10 دولارات ثمن تلك التوصيلة



واستئجرت ايضا 4 عمال لتحميل البضاعه وتفرغها فى المخزن
وتم الاتفاق ب 3 دولارات لكل عامل

وتم التحميل ابتداءا من البضاعه الموجوده بالمحل رقم 17

ثم البضاعه الموجوده فى المحل رقم 22

وبعد التحميل توجهت السيارة النقل وبها كل الكراتين وعمال النقل

وانا امامهم فى السياره الليموزين لارشاد سائق النقل لطريق المخزن

وبعد الوصول الى المخزن وتفريغ البضاعه

اعطيت السائق والعمال ما تم الاتفاق عليه

واستقليت انا الليموزين واتجهت للعودة الى

الفندق مرة اخرى وبعد الوصول اخبرت السائق ان يمر علي غدا فى الساعه 9 صباحا

وذهبت لاقرب مطعم تناولت الغداء وتجولت قليلا فى المنطقة

ثم رجعت الى الفندق مره اخرى وصعدت الى غرفتى وجلست اشاهد القنوات الفضائيه حتى ياتى العشاء وبعد العشاء خلدت فى النوم

وبعد ان صحيت وافطرت نزلت فى تمام ال 9 واستقليت السياره

وامرت السائق بالتوجه الى

المنطقة التجارية المتخصصه فى صناعه الملابس الرجالى

وبعد ان وصلنا
توجهت الى المعرض رقم 9

واعطيت للمدير الايصال الذى مبين فيه انى دفعت نصف مبلغ الطلبية

فاخبرنى بان الطلبية قد جهزت واخذنى حتى ارى الكراتين

وفعلا بعد فتح احد الكراتين وجدت البناطيل كما طلبت

واخبرنى المدير ان فى كل كرتونة من تلك الكراتين

6 اكياس بكل كيس دستة من البناطيل متنوعى المقاس واللون

وزن الكيس 4.2 كيلو

وبعد ان تم المراجعة ع اعداد الكراتين وما تحتويه والتاكد من ان الطلبية كاملة موجودة



اعطيت المدير الشيك المستحق بباقى المبلغ

واخبرته انى ساعود اليه بعد ربع ساعه لتحميل تلك الطلبية

وخرجت لاستئجار سيارة نقل لتقوم بنقل الكراتين الى المخزن وتم الاتفاق مع السائق ع 10 دولارات ثمن تلك التوصيلة

واستئجرت 3 عمال لتحميل البضاعه وتفرغها فى المخزن
وتم الاتفاق ع 3 دولارات لكل عامل

وبعد التحميل توجهت السيارة النقل وبها كل الكراتين وعمال النقل

وانا امامهم فى السياره الليموزين لارشاد سائق النقل لطريق المخزن

وبعد الوصول الى المخزن وتفريغ البضاعه

اعطيت السائق والعمال ما تم الاتفاق عليه

واستقليت انا الليموزين واتجهت للعودة الى

الفندق مرة اخرى وبعد الوصول اخبرت السائق ان لا يمر على غدا وان ياتى بعد غد فاخبرنى بالموافقة

وذهبت انا الى المطعم وتناولت الغداء ثم صعدت الى الغرفه

ثم جلست اقرا بعض الكتب واجريت بعض المكالمات الهامة

ثم تناولت العشاء ونمت

وصحيت تناولت الفطار وقرات الجرائد حتى ميعاد الغداء

ونزلت من الغرفه الى اقرب مطعم تناولت الغداء ورجعت مره اخرى الى الفندق

وشهدت التلفزيون حتى جاء العشاء وتناولته ثم خلدت الى النوم
وكالعاده صحيت وتناولت الافطار ثم نزلت فى تمام ال 9 واستقليت السياره

وامرت السائق بالتوجه الى

المنطقة التجارية المتخصصه فى صناعه الملابس الرجالى

وبعد ان وصلنا
توجهت الى المعرض رقم 45

واعطيت صاحب المعرض الايصال الذى مبين فيه انى دفعت نصف مبلغ الطلبية

فاخبرنى بان الطلبية قد جهزت واخذنى حتى ارى الكراتين

وفعلا بعد فتح احد الكراتين وجدت القمصان كما طلبت

واخبرنى الرجل ان فى كل كرتونة من تلك الكراتين

8 اكياس بكل كيس دستة من القمصان متنوعى المقاس واللون

وزن الكيس 1.8 كيلو

وبعد ان تم المراجعة ع اعداد الكراتين وما تحتويه والتاكد من ان الطلبية كاملة موجودة

اعطيت الرجل الشيك المستحق بباقى المبلغ

واخبرته انى ساعود اليه بعد ربع ساعه لتحميل تلك الطلبية

وخرجت لاستئجار سيارة نقل لتقوم بنقل الكراتين الى المخزن وتم الاتفاق مع السائق ع 10 دولارات ثمن تلك التوصيلة

واستئجرت ايضا 4 عمال لتحميل البضاعه وتفرغها فى المخزن
وتم الاتفاق ع 3 دولارات لكل عامل

وبعد التحميل توجهت السيارة النقل وبها كل الكراتين وعمال النقل

وانا امامهم فى السياره الليموزين لارشاد سائق النقل لطريق المخزن

وبعد الوصول الى المخزن وتفريغ البضاعه

اعطيت السائق والعمال ما تم الاتفاق عليه



واستقليت انا الليموزين وامرت السائق

بالتوجه الى احدى شركات الشحن الدولى

التى كنت قد عرفت عنوانها من الدليل

وهناك تم الاتفاق مع مدير الشركه ع استئجار كونتينر ضخم فارغ

سيحتوى ع كل البضاعه المراد شحنها وستقوم الشركه بمحاسبتى بالكيلو

بمعنى انه سيتم وزن الكونتينر فارغ و بعد ان يتم وضع البضاعه فيه سيتم وزنه مره اخرى

وبعد احتساب الفارق بالكيلو سيتم محاسبتى بواقع 25 سنت لكل كيلو جرام

وستكون مهمة الشركه هى توصيل الكونتينر سليما بما فيه حتى ميناء بورسعيد

بواسطة احدى سفن النقل الخاصه بها

واتفقت مع المدير انى سانقل البضاعه كاملة غدا

وبعد الاتفاق غادرت لكى اتناول الغداء واتفقت مع السائق ان يمر ع غدا صباحا

وتمشيت قليلا واجريت بعض المكالمات ثم توجهت الى الفندق وتناولت العشاء ونمت

وفى الصباح بعد تناول الافطار نزلت واستقليت السياره واتجهت الى منطقه تاجير السيارات

وقمت باستئجار عدد 2 سياره نقل ضخمه فى مقابل 18دولار لكل سياره

وقمت باستئجار 8 عمال فى مقابل 5 دولار لكل عامل واستقلو سيارات النقل

واتجهنا جميعا نحو المخزن وقامو العمال بتحويل الكراتين من المخزن الى السيارتين

وفى خلال عملية التحميل توجهت انا الى مكتب العقارات لانهاء العقد الخاص بالمخزن

وبعد حساب الايام ابتداءا من كتابه العقد حتى اليوم تم حساب قيمه الايجار وقمت بالسداد

وانهيت العقد واعطيتهم المفتاح واخبرتهم بان المخزن سيتم افراغ محتوياته فى خلال ساعتين من الان

وتوجهت الى المخزن وكانوا العمال ع مشارف الانتهاء

وبعد الانتهاء من تحميل جميع الكراتين

استقلينا جميعا السيارات وتوجهنا الى شركه الشحن

فتوجهت الى مدير الشركه واصطحبنا الى الكونتينر المنشود وكانت ابعاده من الداخل هى

250x300x1490 سم





وكان هذا الكونتينر موضوع ع ميزان اليكتورنى ضخم

وتم وزن الكونتينر فارغا

وهنا امرت العمال ببدا الرص فقامو العمال بالرص مع استغلالهم ان ما بالكراتين غير قابل للكسر فكانو يرصو الكراتين بطريقه معينه حتى يوصلو الى اقصى قيمة استعابية للكونتينر

وبداو برص كراتين البناطيل واخذت 24% من عدد الكراتين التى بالكونتينر

ثم كراتين القمصان واخذت 39% من عدد الكراتين التى بالكونتينر

ثم كراتين الجلالبيب واخذت 19%من عدد الكراتين التى بالكونتينر

ثم كراتين الملابس الداخليه (الشورت والفانله)

وكانت اخر كرتونه بضاعه هى اخر كرتونه يمكن استعابها فى الكونتينر

وبعد الانتهاء من الرص والتاكد من ان جميع الكراتين فى الكونتينر قمت باغلاق الكونتينر بالاقفال

وكان وزن الكونتينر وهو ممتلا بالبضاعه 38299.5 كيلو

واعطيت العمال وسائقى السيارات المبلغ المتفق عليه

ثم اتجهت الى مدير الشركه وبعد حساب تكلفة الشحن اعطيته مبلغ الشحن كاملا واخذت منه ايصال بذلك

واخذت منه عنوان ورقم تليفون فرع الشركه فى القاهره

واخبرنى المدير بان الكونتينر سيوضع ع السفينه غدا وان السفينه ستقلع بعد غد



وبعدها استقليت السياره واخبرت السائق التوجه الى شركه مصر للطيران

وهناك حددت موعد السفر وحجزت مقعد ع الطائره المسافره فى اليوم التالى فى تمام الخامسه مساءا

ثم استقليت السياره وتوجهت الى احد المطاعم وتناولت الغداء

ثم توجهت الى الفندق واخبرت السائق بالقدوم فى الساعه 1 ظهرا للذهاب الى المطار

وتناولت العشاء ثم اجريت بعض المكالمات الدولية وشهدت التلفاز قليلا ثم استغرقت فى النوم

واستيقظت لتناول الفطار ثم حزمت حقائبى وانهيت بعض الاوراق الفندقية

لانهاء حجزى للجناح وبعد حساب عدد الايام التى قضيته وحساب التكلفه قمت بسداد المبلغ وانهيت العقد

وخرجت من الفندق لتناول الغداء

وجلست قليلا حتى جاء السائق ثم استقليت السيارة وتوجهت الى المطار

وانا فى الطريق قمت بحساب الاجرة المستحقه للسائق واعطيته الاجرة لكل ايام عمله معى

وبعد ان وصلت للمطار انهيت اوراق السفر

وانتظرت قليلا فى صاله الانتظار حتى سمعت النداء الالى ع رقم الرحله

ومن ثم استقليت الطائره لارجع مره اخرى الى بلدى مصر



المطلوب

1 - معرفة اسم السائق

2- معرفة وزن الكونتنر وهو فارغ

3- عمل ميزانيه مكتوب فيها كل ما تم انفاقه فى خلال الرحله وفيما انفق

- وتحتوى الميزانيه ع كل دولار او جنيه تم انفاقه فى خلال الفترة -

من بعد لقائى مع دكتور طارق حتى ركوبى طائرة العودة فى طريقى الى القاهرة

[خارج عن القانون]

وبعد يومان راحه من عناء الرحله

توجهت الى مقر شركه بنات مصر واتجهت الى مكتب دكتور طارق





- السلام عليكم

- وعليكم السلام حمد لله ع السلامه يا استاذ محمد

- الله يسلمك يا دكتور طارق

- ايه اخبارك واخبار الصين

- تمام الحمد لله انا لسه جاى من يومين

- اه مه انا عرفت وياترى البضاعه هتدخل ميناء بورسعيد امته

- فى اقل من اسبوعين هتكون سفينة الشحن دخلت الميناء

- طيب خليك انت بقا متابع الصفقة ديه كلها من اولها لاخرها
وخليك ع اتصال مع شركه الشحن واعرف السفينه هتدخل الميناء امته بالظبط

- انا لسه متصل بيهم من شويه وقالولى ان السفينه غادرت ميناء شنغهاى امبارح الصبح

- وهى الرحله هتستغرق قد ايه

- هما قالولى انها بتستغرق 13 يوم ونص

- خلاص خليك انت وراء الصفقه كلها وخلينى ع اطلاع دائم

- ماشى يا دكتور استئذن انا بقا علشان ورايا شغل

- اوكى اتفضل انت وابقا عدى ع الحسابات فيه شيك هناك مكافاة ع مجهوداتك

- الف شكر يا دكتور



وبعد 13 يوم قررت الاتصال بشركه الشحن للسؤال عن وصول السفينه

فاخبرونى انه يوجد عطل فى بعض محركات السفينه وانها ستتاخر بضعه ساعات او ايام

فاخبرتهم انه بمجرد وصول السفينه ساطلب تعويض بسبب ذلك التاخير

وبعدها بايام كررت الاتصال فاخبرونى ان السفينه وصلت الميناء

فتوجهت الى شركه الشحن وطلبت مقابلة المدير

ودار بيننا الحوار الاتى

- انا رأفت مدير الشركه حضرتك طلبت مقابلتى

- وانا محمد عكاشه وجاي اطالب بتعويض بسبب تاخير السفينه
حيث ان التاخير ده سبب ضرر للشركه اللى انا شغال فيها

- حضرتك ليك الحق فعلا فى طلب تعويض

بس انا هشرحلك الموضوع كله وانت اكيد هتقدر الموقف اللى كنت فيه

بص يا سيدى





السفينه خرجت من شنغهاى وهى سليمه ومفهاش اى حاجه

والسفينه فيها 3 محركات واحد اساسى سرعته 15 عقدة

وواحد ثانوى سرعته 10 عقدة وواحد احتياطى سرعته 5 عقدة لا يعمل الا فى حالات الطوارىء

- مش العقدة ديه بتساوى الميل البحرى برضو والا انا غلطان

- شكلك بتابع ويكيبيديا كويس

هما الاتنين فعلا زى بعض

والسفينة لو كانت ابحرت بسرعتها العادية ومن غير اى مشاكل كانت وصلت بورسعيد بعد 13 يوم ونص بالظبط

بس اللى حصل ان السفينه ظلت من بداية الرحلة تسير بالمحركين الاساسى والثانوى معا حتى وصلت الى ما بعد مضيق باب المندب بقليل

واذا بالمحرك الاساسى تعطل وكان باقى ع ميناء بورسعيد 2315 كيلو متر

فقمنا بتشغيل المحرك الاحتياطى ليعمل هو والثانوى معا وبعد 472.26 كيلو متر بالتحديد تعطل المحرك الاحتياطى

فاصبحت السفينه تسير بالمحرك الثانوى فقط

- ده ايه السفينه الى عايزلها عمرة ديه

- المهم السفينه ظلت تسير بالمحرك الثانوى فقط حتى قناة السويس وقبل دخولها القناة

دخلت احد الورش الخاصه بالقناة وتم اصلاح جميع المحركات

واستغرقت عملية الاصلاح خمس ساعات ثم استئنفت السفينه طريقها الى ميناء بورسعيد

اعتمادا ع محركها الاساسى والثانوى معا وكانت المسافة التى تفصل الورش وميناء بورسعيد تقدر ب 198.164 كيلو متر

ووصلت السفينة سليمة الى الميناء بدون اى عواقب اخرى



- انا كنت ناوى اخد تعويض ع العطله ديه بس طالما المشكله لا اراديه يبقا مش عايز اى حاجه

- وهو ده اللى كنت بتمناه وانا سعيد جدا بمقابلة حضرتك وانا اسف مره تانيه ع التاخير

- الشرف ليا انا وولا يهمك مافيش اى مشكله

المطلوب:-

حساب الفتره الزمنيه التى استغرقتها السفينه فى خلال رحلتها من ميناء شنغهاى الى ميناء بورسعيد

[خارج عن القانون]

بعد ان تتم تنزيل الحاوية ع رصيف الحاويات





كان يجب تفريغ ما بها وكان التفريغ يتم بالشكل الاتى

يقوم العامل رقم 1 باخراج كرتوته من الحاوية ويناولها للعامل رقم 2 ليقوم بدوره فى رصها ع طبلية الونش

والطبلية مساحتها 3x2.8 متر

واقصى ارتفاع فى الرص هو 2.4 متر








وتبدا رحله الكرتوته من العامل الاول حتى رصها ع طبلية الونش مرورا بالعامل الثانى فى فترة زمنية قدرها 10 ثانية

وبعد ان تنتهى عملية الرص ع طبلية الونش

يتحرك الونش الى ارضية قد استأجرتها الشركة لتفريغ البضاعه عليها وتخزنها حتى يتم نقلها الى مقر الشركة

وتبلغ فترة تحرك الونش من منطقة الحاويات حتى ارضية التخزين وهو محمل بالكراتين فترة قدرها 5 دقائق


وبعد ان يصل الى ارضيه التخزين تبدا عملية التفريغ من ع طبلية الونش الى ارضية التخزين بالنحو الاتى





يقوم العامل رقم 3 بتنزيل الكرتونه من الونش ويناولها الى العامل رقم 4 الذى يقوم بدوره فى رصها ع ارضيه التخزين

وتبدا رحلة الكرتونة من العامل الثالث حتى رصها ع ارضية التخزين مرورا بالعامل الرابع فى فترة قدرها 10 ثانية

وبعد وبعد ان تنتهى عملية الرص ع ارضية المخزن يتحرك الونش للرجوع مره اخرى الى منطقة الحاويات وهو فارغ بدون اى حمولة فى فترة قدرها 2.5 دقيقة

-وهكذا تستمر العملية حتى اخر كرتونة يتم رصها ع ارضية التخزين


المطلوب :-

- حساب الفترة الزمنية للتفريغ والتخزين ابتداءا من تنزيل اول كرتونة من الحاوية حتى رص اخر كرتونة ع ارضية التخزين

[خارج عن القانون]

-السلام عليكم

- وعليكم السلام ازيك يا استاذ محمد
اتفضل اقعد

- تمام الحمد لله يا دكتور طارق انت ايه اخبارك

- تمام الحمد لله تسلم يارب

ايه اخبار صفقة الملابس

- انا كنت جاى لحضرتك علشان كده

ورق التخليص الجمركى مع الاستاذه حنون
وانا لسه جاى من عندها من المكتب وعرفت انها واخده اجازه

- اه فعلا هى فى اجازه وهترجع كمان 5 ايام

- طيب دلوقتى ورق التخليص والافراج الجمركى معاها
وانا عايز افرج عن الشحنه واجبها هنا القاهره ومش عارف اعمل ايه

- الاستاذه حنون قبل ما تمشى اعطيتنى ورقتين

وقالتلى ان ورق التخليص الجمركى فى الخزنه بتاعتها
وقالتلى لو عايزين الورق ركزو فى الورقتين دول كويس وهتعرفو الباسورد بتاع الخزنه

- طيب وهما فين الورقتين دول

- خد معاك الورقتين اهم وافتخ الخزنه بمعرفتك انت بقا


الورقة الاولى

الورقة الثانية

المطلوب:-

فتح الخزنة ومعرفة رقم الافراج الجمركى

[خارج عن القانون]

بعد ان تم الافراج عن البضاعه

استئجرت تريلا لنقها الى مخازن الشركة بالقاهره



وبعد تحميل كل الكراتين اخبرت السائق بعنوان الشركة

واخبرته انى ساسبقه بسياره الشركة متجها الى المقر ويلحقنى هو الى هناك

وفعلا اتجهت الى المقر واتجهت الى مكتب نائب المدير استاذ احمد تكنكال



- السلام عليكم

- وعليكم السلام ازيك يا استاذ محمد

- تمام الحمد لله يا استاذ احمد انت ايه اخبارك

- تمام الحمد لله ؛ عاش مين شافك يا راجل

- معلش غصب عنى والله انت عارف رحلة الصين واللى عملته فيا

- ربنا يكون فى عونك ؛ ايه اخبار البضاعه صحيح

- زمانها ع وصول فى العربيه وجايه ورايا

- طيب انا هنزل معاك عايز اشوف البضاعه بنفسى

- طيب تعال دلوقتى
العربيه وصلت اهه




- انت مش ملاحظ حاجه يا استاذ محمد

- ملاحظ ايه ؟؟ فيه حاجه والا ايه؟؟

- ان الحبل ده مفكوك يظهر ان البضاعه اتسرقت

- اه تصدق معاك حق استنا انت هنا انا هتصرف

وذهبت لاتحدث مع السائق

- يا اسطى البضاعه ديه ناقصه

- ناقصه ازاى يعنى زى ما حملتها من بورسعيد زى ما هى موجوده هنا

- لا يا اسطى الكراتين ديه ناقصه البضاعه اسرقت

- معرفش حاجه عن حوار السرقة ده

- كده طيب ماشى زى ما تحب
انا هتصل بالبوليس وهو يصرف



- لالالا بوليس ايه بس
انا هقولك ع كل حاجه

- ايوه كده احسن لك
قول ايه اللى حصل بالظبط

- انا فعلا سرقت 9 كراتين
قولى هما سعرهم كام وانا هدفعلك حقهم
بس من غير بوليس او اى قلق

- هو انت ما تعرفش ايه انواع الكراتين اللى سرقتها

- لا والله معرفش كل اللى اعرفه انى لاقيت كراتين وزنها خفيف

وكراتين وزنها وسط وكراتين وزنها تقيل بس انا ما سرقتش حاجه من الخفيفه

انا اخدت من الكراتين اللى وزنها تقيل وووسط وبس

- طيب استنا انت بقا هنا مع امن الشركه

وانا هروح اوزن البضاعه كلها وهرجعلك تانى




وبعد تفريغ البضاعه ووزنها

رجعت مره تانيه للسائق

- اللى اسرق هو 192.675 كيلو بالظبط
9 كراتين فعلا زى ما انت قولت

- طيب ايه هو اللى اسرق ؟؟ علشان اعرف انا هدفع كام


المطلوب:-

- معرفة محتويات ال 9 كراتين التى تم سرقتهم

[SiLver Spectra]

اشطه يا معلم
فل الفل
حاجة كدا تفتح النفس
هنروق كدا و نمزمز فيها براحتنا

[سكون القمر]

والله فكرة حلوة والجوايز مغرية
بس هو المسابقة معرفة الرقم الخزنة الجمركى
من الورق اللى انت جايبه

[♥..pure]

أنا كنت ناويه اتفرج على عسل اسود عشان أطبق
لقيت عسل ابيض هنا اتسلى عليه
الله ينور يا محمد ..,,

[TIMO]

ياااااااااااااااااااااااه ربنا معانا بقا
محتاجة قعدة من أول اليوم و تفتيح دماغ
حخلص مسابقة طارق و أفضالك
بس طويلة قوى قوى