حلقات برنامج ( قاعدة صفأ )

[احمد الحلو]

اقتباسالمشاركة الأصلية كتبت بواسطة عاشقة الذكرحلقة روووووووووووووووووووووووووعة

اجابات الأستاذ أحمد جمييييييييلة جدا ومنطقية ربنا يخليلك والدتك

تسلم ايدك يا أستاذ أمجد ع الحلقة الجميييلة دى

يسلم لي ردك الجميل اخيتي


من القلب شكرا


ورمضان كريم

[احمد الحلو]

اقتباسالمشاركة الأصلية كتبت بواسطة CraZƴ Noηa

حلقهـ جميلهـ سآحر الأحزآن

واجآبآت جميلهـ يا أحمد

ربنا يوفقكـ فـ حيآتكـ باذن الله ،،،

تسلم لي طلتك الحلوة نونا


كل سنة وانتي طيبة ورمضان كريم


وربنا يخليكي سيدتي

[احمد الحلو]

اقتباسالمشاركة الأصلية كتبت بواسطة وهج الايمانبجد حلقه جميله وردود حلوه اوي
هو طبعا معروف باخلاقه الممتازه
مجهود عالي جداااااااا
يسلموووووووو

يسلم لي مرورك وردك ايتها النبيلة


من القلب شكرا


رمضان كريم

[احمد الحلو]

اقتباسالمشاركة الأصلية كتبت بواسطة دمعة فيها لمعةحلقة جمييييلة خالص

وأحمد منووووورها

ميرسي سيدتي طلتك الاجمل


تحياتي وباقة ورد


رمضان كريم

[بنت المختار]

حلقة حلوهـ واجابات راقية
وانا بتفق معك أحمد السمك المسكوف كثير طيب وبالذات لإنة ع الفحم(شوف الامل الي لفت نظري هههههههههههه)
لاحظت بإيجاباتك تقول الشعب بيقرر وما بتقول رأيك إنت؟مع انك تعتبر من الشعب صح!

ساحر الأحزان
مجهود متألق
يعطيك الف عافية
يسلمووووو

[شاعرة الرومانسيه]

حلقه رااااااااااااااااائعه ياساحر

وعضو جميل ورائع ومحبوب للجميع

كدا عرفنا جوانب اخرى من شخصيه أحمد

واتعرفنا عليه عن قرب واسعدنا جدا بمعرفته

كل سنه وانت طيب يا أمجد

كل سنه وانت طيب ياأحمد

ننتظركم فى عمل جديد نسعد بكم فيه

[ساحر الأحزان]

السلام عليكم ورحمة الله وبركاتة وكل عام وانتم بخير طبعا زى ما تعدونا اننا حنستضيف ضيف وندردش معاة شوية ونخلية يفضفض معانا من دون ان يدرى ولكن فى النهاية حنتعرف علية اكتر واكتر وضيفتنا المرة دى هي ضيفة مميزة محبوبة من الجميع ببساطتها وحسن تعاملها ونشاطها المميز ضيفتنا هى روح صامتة عضوة خجولة طيوبة ولكن من الجميع محبوبة نراها منتشرة فى كل اركان المنتدى بردودها الجميلة وموضوعاتها القيمة واهى قدمنا حنتعرف عليها روح صامتة ميرسي يا امجد على الكلام الجميل دا عجبتني كلمة خجولة اللي فوق دي يلا نبتدي اهو اتفضل حضرتك الاسم انا اسمي مي السن من دون ما تخبى هههههه لازم يعني على العموم انا بتعمد ما اكتبهوش بس خلاص انا ملزمة دلوقتي يعني انا عندي 15 سنة بس هكمل 16 شهر عشرة اللي جاي العنوان ****************** في منطقة الاحمدي تحديدا وفي مصر في محافظة المنوفية بس ما اعرفش عنها حاجة تقريبا المؤهل حاصلة على شهادة اولى ثانوي بامتياز الوظيفة بفكر اروح ثانية ثانوي دلوقتي على سبيل العمل التطوعي رياضتك المفضلة ماهى؟ انا كنت بحب العب جمباز زمان بس دلوقتي مركزة على السباحة وكورة الطايرة هوايتك المفضلة؟ بحب التصوير جدا وبقيت احب القراءة دلوقتي اكتر من اي وقت تاني اكلتك المفضلة؟ انا بحب الكشري اكلة بسيطة وحلوة جدا وبحب البطاطس المقلية والمحشي لونك المفضل ولية اخترتية؟ انا عندي لونين الاخضر والبنفسجي بس انا بفضل البنفسجي اكتر اخترت البنفسجي لانه لون بارد ومريح للاعصاب كئيب شوية في حالات الحزن بس في نفس الوقت بيحمل صفة النرجسية الي هية حب الذات نسبة لزهرة النرجس البنفسجية حب النفس هنا مش بعتبره غرور بس انا باخده من الجانب الايجابي يعني انا كل ما احب نفسي احب اللي حواليا واتقبلهم بعيوبهم لاني بتقبل ذاتي مثلك الاعلى من هو؟ اكيد الرسول صلى الله عليه وسلم بس مثلي في حياتي هوة والدي بشوف فيه كل حاجة وبحب اقلده في كل حاجة بردو باقة ورد لمن تهديها؟ هية الباقة فيها كام وردة ) انا هدي وردة ل الاء ووحدة لبسنتوتة والباقي ههديها لكل الناس اللي في المنتدى بس فرقوها عليكو مع بعض بالهداوة مش عايزين خناقات شخص لا ترفضى لة طلبا؟ صعب يكون في انسان ما يترفضلوش طلب لان مش كل حاجة هنوافق عليها احنا عندنا عقل بيفكر ممكن ما يعجبناش الكلام وما ننفذش مهما كان الشخص الي قدامنا بس الشخصين اللي بسعى لارضاؤهم بقدر الامكان بابا وماما يعني من هو تواءم روحك؟ لسه ما جاش الحقيقة وما اعتقدش هيكون فيه للاسف ممكن تقول ان عندي صاحبتي اسمها ندى بره المنتدى دي اللي بقعد معاها كل يومي يعني تعتبر كالتوام بالنسبة ليا لانها فاهماني جدا ربنا يحفظها ليا يا رب ما هو مثلك فى الحياة؟ولية اخترتية؟ انا كنت معجبة بكذا بيت شعر للامام الشافعي لانه دايما كان بيتكلم عن الحياة وازاي نتعامل فيها بس انا مش فاكرة حاجة منهم دلوقتي و اكتر جملة بؤمن بيها اللي هية ( اجمع ما شئت سترحل كما جئت ) كل ما افتكر الجملة دي اشوف ان الحياة مش مستاهلة نخربها على ابسط الامور من هو الذى يستحق ان تقولى عنة انة محبوب فى المنتدى؟ انا شايفة ان الاستاذ طارق شخص عنده كاريزما واضحة وبيقدر يشد الناس لمواضيعه وشخصيته هوة فعلا محبوب من الكثير من الاعضاء مين اكتر شخص جهودة واضحة فى المنتدى ولية؟ دي حاجة انا مقدرش احكم عليها ناس كتير اوي شغالة في المنتدى بس انا اعتقد ان الادارة ليها دور كبير في تقدم المنتدى بالشكل دا مع اني بعتب عليهم انهم مش بيبقوا وسط الاعضاء غالبا يعني نفسي اشوف مشاركات منهم اكتر متى اخر مرة ضحكتى ؟واية السبب؟ انا دايما بضحك على طوول النهاردة ضحكت ييجي اربع خمس مرات كده ممكن تقول فيه منهم كان من قلبي فعلا وفيه منهم كان عادي بس لمجرد ان احنا في جروب بنضحك وخلاص الاسباب بقه والله مش فاكراها بس تقريبا كننا بنتريق على ايام زمان في المدرسة هل حسيتى فى يوم من الايام بالضعف ؟ دايما بحس بالضعف بس مع نفسي مش بيبان الا لما بكون لوحدي انا نفسي ان الضعف دا يتحول بطريقة ايجابية نحو التقدم يعني اني اتحسن منه واحاول اقوي من نفسي اقوي من ايماني اكتر زي ما يكون دافع لقدام واية السبب ممكن نعرف؟ ممكن تقول عواطف قديمة كانت موجودة جوايا زائد افكار مااتصححتش وانا صغيرة وكبرت عليها وفضلت افكر بطريقة معينة لغاية اما وصلت لنقطة قلت لنفسي انا مالي بقيت كده لا انا لازم اتغير طبعا كنت مصابة بالاحباط والكئابة لمدة معينة بس قدرت اطلع منها بالتدوين وكتابة افكاري على الورق كنت بحس ان كل الطاقة السلبية اللي عندي خلصت ان كنتى متضايقة وزعلانة بتعملى اية؟ هوة بيبان عليا انا مش بحتاج اعمل حاجة وشي بيبقى مبوز كده حتى لو انا عايزة اخبي بس ما بعرفش لو حسيت اني عايزة اعيط بروح في حتة معزولة واعيط من دون ماحد يعرف بصمت يعني عشان محدش يحس ما هى احلى ذكرى فى حياتك وصعب تنسيها؟ ممكن تقول السنادي يوم معرض الانجليزي بتاعنا في المدرسة كان يوم ما يتنسيش واليوم اللي رحنا في عمرة كان يوم ما يتنسيش بردو كنت علطول بفتكر شكل الناس وهية في الحرم وازاي همة خاشعين وكنت بحاول اعرف طريقي لكده اهدافك اية الى بتتمنى تحققيها؟ اولا اني اثبت شخصيتي في المجتمع واعرف الناس بذاتي ثانيا اطلع بمجموع عالي من المدرسة عشان اقدر احقق احلامي ان شاء الله زائد اني احسن نفسي في اللغة العريبة لاني فاشلة جدا فيها لو سقطت منك دمعة تتمنى من يمسحها ليكى؟ اكيد انا لان محدش احن عليا من نفسي مواصفات شريك حياتك؟؟؟ انا ملاحظة انهم 3 علامات استفهام غير كل الاسئلة اولا فيه صفات شكلية وفي صفات شخصية انا بنجذب للناس السمرا الحنطية شوية العريضة الطويلة بس دي طبعا تخيلات انسانة ممكن ما تبقاش موجودة او ما تتحققش في رجل احلامي الفعلي انا احب انه يكون شخصية طموحة شايفة الحياة بمفهومها الخاص المميز لان دا هيخليها غير كل الناس في نظري انا دايما باعجب بالناس الي تفكيرها راسي وواثق غيورة فاهمة الدين كويس يعني مش تفتي انا عن نفسي شايفة ان الراجل المفروض يكون ليه الكلمة يعني انا مش بحب الراجل الي يمشي على شورة مراته او مامته بصراحة وتاني حاجة ما يكونش بيدخن وبيصلي ومش بخيل لاني مش هقبل باقل من كده كل صفة حددتها بدقة بس دا ما يمنعش اني بتمنى يكون فيه اكتر من كده ههه مفترية انا صح اول قسم تحبى تشاركى فية فى المنتدى اى قسم؟ قسم بقلم الاعضاء رمضان العام دة زى الى فات ولا غير؟ لا هوة غير بس بعترف انه ماشي كويس لغاية دلوقتي بالعكس احلى من اللي فات ما هى ذكرياتك الجميلة فى رمضان؟ رمضان دا كله ذكريات حلوة انا فاكرة ان احنا في يوم في رمضان رحنا رحلة للبر كانت اول مرة اروح البر وكانت ضمن حلقات تحفيظ القران فكل اصحابي كانوا معايا وكان في انشطة كتير والعاب وعشنا جو الطفولة المتاخرة دا وقعدنا نلعب لغاية اما المغرب اذن واكلنا ومشينا على بيتنا بس كان يوم روعة هل رمضان فى مصر لة مذاق خاص غير الدول العربية؟ اكيييد طبعاااا انا حضرت العيد في مصر رمضان والعيد السنة اللي فاتت واللي قبلها مع العلم ان احنا السنادي ما سافرناش :| بس والله انا كنت مبهورة بالفوانيش واكياس الشيبسي اللي بيعلقوها زينة بجد اطفال عندهم دماغ وبيشغلوها حتى لو مش عندهم زينة بيخترعوا زينة لنفسهم دا غير العزايم طبعا بجد كل حاجة غيير فضفضات عامة لروح عن الاحداث الجارية اية رائيك فى الثورة المصرية ؟هل حققت اهدافها ولا صعب يحصل دة؟ انا شايفة انه هية تقدر تحقق اهدافها لكن يكون فيه استقرار واحنا على فكرة صامدين قدام محاولات كتيرة لاجهاض الثورة زي ما بيقولوا بس انا اتوقع ان الاهداف هتتحقق بس عايزة وقت اية رائيك هل ممكن الاخوان تمسك الحكم ولا السلفية ولو دة حصل اية حيكون الوضع؟ انا معنديش مانع ان الاخوان يمسكوا بس يطبقوا كل اللي كانوا بيتكلموا عنه وما يتكلموش باسم الدين يعني اللي يعمل كده يخش الجنة اللي يعمل كده يخش النار لازم يفصلوا بين الاعمال السياسية والاعمال الدينية ما يخلطوش بينهم لكن السلفية دول انا مش متعمقة في افكارهم وبصراحة طريقة تفكيرهم متشددة جدا على حسب الي شفته منهم لغاية دلوقتي هل الحكم الدينى للدولة ام الحكم المدنى افضل لينا ونحن دولة متعددة الديانات؟ انا اصلا مش عارفة ايه دولة دينية ودولة مدنية على فكرة الدولة الدينية في الاسلام هية دولة مدنية في الاساس وان لم يكن المسمى دا موجود ساعتها بس بتبقى محكومة بالعدل والحرية وكل المبادئ المتفق عليها بس بتبقى مغلفة بالشرائع الدينية اللي نزلت من عند ربنا عشان تحكم العلاقات بين الناس انا عن نفسي احب اسمع اكتر عن الفرق بين الدولتين من حيث التعريف مين اكتر واحد تفضلى انة يكون رئيس للجمهورية؟ انا عن نفسي سمعت لمعظم المرشحين للاسف كلهم كبار في السن انا نفسي في ناس اصغر شوية عشان يفهموا عقول الشباب بس انا عن نفسي اقتنعت بكلام القاضي هشام البسطاويسي بس لسه قدامي فترة عشان احكم كويس مع اني مليش بطاقة انتخابية اصلا بس اهو الواحد بياخد فكرة بردو هل فى الثورة المصرية دور واضح؟ هل الاحزاب الى موجودة على الساحة بتعبر عن امال الناس وطموحتها ولا ملهاش دور؟ اكيد الاحزاب بتعبر عن بعض الفئات بس بردو ملهاش دور واضح لغاية دلوقتي انا عن نفسي بميل للاستقلالية بعيدا عن اي حزب لاني مش لاقية ليها دور كبير واية اى حزب دورة واضح؟ انا شايفة ان حزب العدالة والحرية ابتدى يكون ليه دور بس اهم حاجة ان الاعضاء اللي من الاخوان يفصلوا بينه وبين الجماعة وم يخلطوش بين العمل السياسي والعمل الدعوي اعترافات خطية بيد روح صامتة ولها حق الرد او الرفض على ذلك؟ اتفضل حضرتك انا هعترف بكل حاجة مع ان ايدي وجعتني من كتر الاسئلة الرجل يبحث عن المراة والمراة تبحث عن الحب ما توضيحك؟ مش شرط تكون المراة بمعنى انها جسد وخلاص لا انا شايفة ان الراجل كمان بيدور على صفات بتناسب تفكيره واكيد هوة كمان بيبحث عن الحب اكتر من الشكليات الا اذا كان من الناس السطحية اما المراة اكيد بتبحث عن الحب لان اغلب تفكيرها بيكون عاطفي لكن لما بيتقدم بيها العمر ممكن تدور بردو على صفات اكبر من الحب نفسه للضغط الموجود عليها عشان ما تخسرش حياتها باكملها في انتظار حب مش جاي ما هو الشىء المشترك بين الاثنين؟ انا شايفة ان الرجل في المثل دا بيبحث عن الجمال وان المراة بتبحث عن المشاعر الحقيقية صعب الاتنين يتلاقوا لان الراجل ممكن يخونها وهية صعب تعيش بعد اما حبته فعلا حواء هل هى نقطة ضعف ادم؟ مش كل ادم بس انا اعتقد ان الرجل لما بيحب بصدق بتكون نقطة ضعفه فعلا اذا كان حواء هية اللي خرجت ادم من الجنة يبقى اي مراة مش هتقدر تسيطر على تفكير انسان وتكون نقطة ضعفه !! ما هو الشىء الذى يبحث عنة الرجل عند اختيار شريكة حياتة هل هو المظهر ام اسلوبها وتعاملها ام لكى توضيح اخر؟ بص هوة حسب كل سن الرجل بيمر بيه بتبقى مراحل عقله بينضج فكريا اكتر يعني في البدايات بيكون الاختيار شكلي وبيبدا يتطور الى انه يكون اختيار حسب شخصيتها بعد كده يكون حسب استعدادها لبناء بيت واسرة والتربية وغيره يعني حسب سنه وحسب تفكيره ما هو نقطة ضعف المراة ولية؟ انا اعتقد ان نقطة ضعف المراة هو حبها الشديد للرجل او لاطفالها دا ممكن يخليها ترتكب جرايم وتعمل مشاكل عشان اولادها وجوزها يعني بتعمل بالمثل (ومن الحب ما قتل ) والفتاة عندما تختار شريك الحياة على اى اساس يتم الاختيار؟ على اساس الدين و الاحترام المتبادل بين الطرفين دا من ناحيتي لكن انا معرفش عن الفتيات الاخريات اكيد كل واحدة بعقل وتفكير مختلف كلمات فى كل الاتجاهات" هل المنتدى مسموح بية حرية التعبير للاعضاء من دون ضغط او ايقاف؟ اكيييد طبعا بالعكس دا انفتح اكتر وبقه مسموح ندي آرائنا السياسية كمان انا فاكرة زمان نزلت موضوع سياسي واتحذف لانه المنتدى وقتها ماكانش بيسمح بكده لكن دلوقتي انا شايفة ان فيه اختلاف الكل بيدي رايه من دون تجريح لادارة تقولى اية؟ مشكورين على المجهود الرائع اللي بذلتوه للمنتدى ربنا يخليكوا لينا دايما وما يحرمناش من ودجودكو انا على فكرة ببقى فرحانة جدا لما بشوف اعضاء الادارة بين الموجودين حاليا بس اتمنى منكم اكتر انكم تتفاعلوا مع الاعضاء العاديين وتلفوا على اقسام المنتدى المختلفة حتى لو عندكو مشاغل لان تشجيع اداري لعضو مش زي العضو للعضو للمشرفين والمراقبين؟ ما شاء الله ربنا يديم المحبة بينكم زيادة بجد انتو اكتر فئة شغالة في المنتدى بس انا بعتب على شوية منهم لغيابهم الدائم وعلى ان كل مشرف بيحصر نفسه في دائرة اصحابه او القسم بتاعه للاعضاء ؟ الاعضاء يا رب يستمروا على نشاطهم وما يتخاذلوش لانهم همة اساس المنتدى ووجوده عشانهم فلازم يفرضوا نفسهم اكتر انا عارفة الموضوع بيبقى صعب في الاول بس كل حاجة بتبدا صغيرة وبعدين بتكبر واخير استمعت مع روحنا الصامتة بذلك الحوار الجميل واعتذر منكم للاطالة انا اللي استمتعت بالاستضافة الرائعة دي تسلم ايدك على الموضوع وع الاسئلة يا امجد تجنن مع اني عايزة تعويضات على ايدي اللي راحت هههه ارق تحياتي انتى فتحتى قلبك لينا فجاء الكلام كثيرا وجميلا كما هو واضح وانتظرونى مع ضيف اخر تحياتى لكم

[ملكة القلوووب]

حلقهـ روووعه كثير

وضيفة زي العثل

ان شاء الله يااااارب تحققي اهدافك اللي نفسك فيهم ولو اتحققوا متنسيش دعاء صغنون كذا تدعي لي يااااه خخخخخ


يسلموا ياساحر على الحلقة :-)))

[simsim96]

حلقة جميلة جدا مع ضيفة قمر
ربنا يوفقك يارب وتحققي كل الي بتتمنيه يارب
موفقة باذن الله
يسلمممو ساحر ع الحلقة الراائعة
تقبلوا مروري

[الأميرة منة]

حلقة جميلة جداا وضيفة مميز وجميلة
ربنا يسعدك فى حياتك ان شاء الله
بالتوفيق