( مواضيع الاسبوع الاول ) من ( اكاديمية بنات مصر 4 ) + شرح نظام المسابقه

[morshooo]

بسم الله الرحمن الرحيم


اهلا ومرحبا بكم


وموسم جديد من داخل


اكاديمية بنات مصر 4


طبعا فى اعضاء جدد كتير اشتركو الموسم دا


ويمكن اول مرة نخلى عدد المشتركيين محدود


تعالو فى البداية اقولكم شرح مبسط لنظام الاكاديمية


ولية عملنا اكاديمية بنات مصر 4


يعنى اية اكاديمية بنات مصر 4


يمكن انا عملت الاكاديمية لسبب ان يبقى هدفنا الاول والاخير هو الاهتمام


بشكل المواضيع ونهتم بالتنسيق ونقدر نظهر كل مواهبنا سواء فى الكتابة او


فى تحضير موضوع دى كانت اهداف الاكاديمية والى كنت متحمس جدا لعمل


اكاديمية بنات مصر بداية من الموسم الاول حتى الان طبعا اول موسم يمكن مكنش منظم


بشكل كبير ولكن الموسم الثانى والثالث يمكن قدرت انا ولجنة التقييم اننا نعمل اجمل موسمين


ودا بشهادة جميع المشتركيين فى المواسم الماضية فى اعضاء ممكن يكونو اتظلمو من وجهة نظرهم


ولكن فى الاول والاخر دا بيكون تقييم لجنة كاملة مش تقييم فرد واحد .


الاستفادة من الاكاديمية


يمكن الحاجا الى هتستفيدو منها هى الاهتمام زى ما قولت بتنسيق الموضوع لان التنسيق


دائما انا بهتم بية جدا ويمكن على طول بقول لاعضاء لجنة التقييم اهم حاجا تنسيق المواضيع


عشان لما التوبيك يتنقل لقسم يبقى مميز وواضح انة تابع لاكاديمية بنات مصر وطبعا هتستفادو


حاجا كمان وهى اهمية المواضيع المطروحه انكم تقدمولنا حاجا من كتابتكم اذا طلب منكم .


اكاديمية بنات مصر 4


زى ما كلنا شوفنا تم تقسيم المشتركيين لـــ 4 مجموعات كل مجموعه بتضم 4 مشتركين


يعنى عندنا 16 مشترك خلال مراحل الاكاديمية هنشوف الصراع هيبقى بين الاعضاء شكلة اية


ممكن نشوف تسابق بين اعضاء كل مجموعه او ممكن نشوف تسابق بين اعضاء مجموعه ومجموعه


اخرى يعنى كل اسبوع هنشوف توبيك هيبقى فية المطلوب من كل عضو يعمل اية وهتعرفو برضو


نظام المسابقه هيبقى اية وممكن فى اى مرحلة نطلب منكم طلبات تانية غير تنزيل التوبيك


يعنى ممكن تشاركونا التقييم مثلا او اى طلب تانى الجميع هيبقى ملزم بعملة


مواضيع الاسبوع الاول


دلوقتى بقى هنشوف مع بعض المواضيع المطلوبة من كل عضو وهقولكم نظام المسابقة هيبقى ازاى


فى الاسبوع الاول بس تعالو الاول نشوف الاعضاء المشتركين معانا فى الاكاديمية


المجموعه الاولى


1 - وهج الايمان


2 - سديم الكون

3 - misho


4 - عاشقه الليل الحزين



المجموعه الثانية


1 - القلب الصامت


2 - جاكلين


3 - s h a h y


4 - ςυтз♥g!яl



المجموعه الثالثه


1 - انثى ملامحها انيقة

2 - صرخات الرحيل

3 -Taha 92


4 - hope and pain

المجموعه الرابعه

1 - حوراااااء

2 - TIMO

3 - ۩۩ elMagic ۩۩

4 - M>I>D>O


دا شكل المشتركين والمجموعات هيبقى مطلوب منكم فى الاسبوع الاول


اختيار كل واحد لاى موضوع حابب يعرضة لينا يعنى


( free )


الى حابب ينزل توبيك عن اى قسم ينزل كل واحد ولية مطلق الحرية فى تنزيل


التوبيك الى هيتم تقييمة فى الاسبوع الاول ولكن .


سوف يتم خروج مشترك واحد فقط من كل مجموعه وهو العضو


الاقل تقييم يعنى هيتم تقييم المجموعه الاولى هيكون عبارة عن


4 مواضيع الموضوع الاقل تقييم صاحبة سوف يخرج من الاكاديمية


وبكدا سوف يخرج 4 اعضاء فى الاسبوع الاول ويستمر معنا


12 مشترك للمرحلة الثانية .


حاجا مهمة


كلنا هنشوف توبيك بعنوان ( تقييم مواضيع الاسبوع الاول )


دا هيكون فية تقييم المواضيع ولكن سوف يتم تنزيل تقييم المواضيع


الى اصحابها سوف يخرجون من الاكاديمية فقط وهنقول سبب الخروج


ودا عشان الوقت لان لو هنزل تقييم كل المواضيع هتاخد وقت كبير


وان شاء الله احنا هنحاول نخلص الاكاديمية قبل انتهاء شهر رمضان


عشان فترة العيد فى كتير ممكن ميكونوش موجودين


اخيرا


دا جروب اتعمل عشان الاكاديمية ياريت كلنا نشارك فية


عشان الى حابب يقول حاجا ويستفسر عن حاجا


والى حابب يكلم مع اعضاء مجموعتة فى حاجا او اعضاء المجموعات الاخرى


يقدر يكلم والى هيشارك هيلاقى ان اى حاجا هتتعمل فى الاكاديمية هتنزل فى


الجروب الاول يعنى اى توبيك هينزل هناخد الرابط ونحطة فى الجروب عشان


الكل يتابعه .


جروب بنات مصر 4


اتمنى التوفيق للجميع


اخر ميعاد لطرح المواضيع


الخميس 11 / 8 / 2011


تقبلو تحيات


morshooo


حنون


Beauty soul


beautycat


اعضاء لجنه التقييم


قبل ما انسى ضرورى لما ننزل الموضوع


يبقى العنوان بالشكل دا


( عنوان التوبيك ) ( القسم الخاص بية ) تابع ( الاكاديمية )


سلام

[morshooo]

جميع المواضيع هتنزل هنا فى قسم

اكاديمية بنات مصر

وبعد التقييم سوف يتم نقلها لاقسمها

[كاتبة على ريح الخيال]

اهاااااااا
ماشي
يعيني انا اختار اي موضوع وباي قسم واطرحه
اوووووووووكي
ان شاء الله الكل موفق

[حنـــــون]

بدايه موفقه
وتنظيم رائع منك يااحمد
وان شاءلله بالتوفيق للجميع

[morshooo]

هاااااااااااااااام جدااااااااااااااا

اى عضو مش هيلتزم بتنزيل التوبيك المطلوب منة فى الوقت المحدد

سوف يتم خصم 200 مشاركة من مشاركاتة فى المنتدى

^_^

[Řǻet βanota]

اقتباسالمشاركة الأصلية كتبت بواسطة morshoooجميع المواضيع هتنزل هنا فى قسم

اكاديمية بنات مصر

وبعد التقييم سوف يتم نقلها لاقسمها

هههههههههههه

كنت هسأل التوبيكات فين

[Řǻet βanota]

جارى التنفيذ ان شاء الله

بالتوفيق للجمييييييييييع

[beautycat]

تنظيم رائع يا احمد
بالتوفيق للجميع

[~♥ Queen sozan♥~]

يادى الزول والرعم لى انت عملو
عرفنا انت هتاخد من تعبنا 200 مشاركة

المهم عادى لو جبنا موضوع منقول بس عدلنا علية

[morshooo]

هااااااااااااام جدااااااااااااا

ياستى المواضيع

free

الى ينزل توبيك ينزلة منقول من مجهودة الى يعجبة

سلام