رايكم ايه؟؟؟؟؟؟؟؟

[manal mohamed]

ميرسي لردك يا قمر بس اكيد مش مشاعر مراهقة لانى مريت بظروف فى حياتى تخلينى عندى مش19 لا 190 سنة وده مش مجرد كلام لما تبقى طفلة عمرها4 سنين وتعرف معنى الحياة والموت
ولما اتحمل مسؤلية طفل عمره 3 سنين كاملة وانا عمرى 7 سنين يبقى اكيد مبعيش مشاعر مراهقة ولو بعيشها كان ليه محمد بالذات كان ممكن اى واحد تانى من اللى معايا فى الدروس مثلا او من اللى عرضوا عليه اصاحبهم
عموما ميرسي على الرد والاهتمام

[فراااشه]

من راي يمكن تكون الاحلام دي صحيحه ورؤيا حق وتتجوزوا
الله واعلم

[αЛαstoOorα]

اقتباسالمشاركة الأصلية كتبت بواسطة manal mohamedلا والله
ههههههههههههههههههههه
مش بستغطى عشان الدنيا حرههههههههههههههههههههههههه
انا فعلا بقيت معجبة بيه بس انتوا ليه مش عايزين تصدقوا انى فعلا مكنتش اعرفه
وعرفته من الحلم
وبعدين هفكر فيه ازاى وانا كنت فى ثانوية عامة انا قبل ما انام كنت بفكر فى الكيميا و الفيزيا والرياضة2 يا جماعة واللله ما بهزر ولا بشتغلكوا انا فعلا مكنتش اعرفه لانى فى حياتى بحب العزلة والانطوائية مليش دعوة بحد والمشكلة انى من بعد ما بقيت احلم بيه وشفته بيبصلى بصات غريبة مش قادرة احددها يا جماعة انا كل مااقول ان ده تخاريف الاقى حاجة بتخلينى ارجع تانى طب هحكلكم على حاجة فى ناس اعرفهم قالولى اعملى استخارة وادعى ربنا يوريكى اذا كان لكى نصيب فيه ولا لا والناس دول شيخ فى الازهر
سمعت كلامه وعملت استخارة بس ماشفتش حاجة ولما صحيت كان عندى احساس اكيد انى هشوفه
والاحساس اتاكد لما شفته بجد ولما سالت الشيخ قالى مش شرط يكون دليل الاستخارة حلم ممكن يكون اى حاجة تاكد لك بعديها
اقولكم موقف كمان مرة كنت مصممة انى مش هفكر فى الموضوع ده تانى كان ليلة امتحانى طلعت فى البلكونة شويه اشم هوا شفته وهو مروح دخلت بسرعة وقلت لنفسى ان دى تخاريف ومش معقول ابدا اننا هنكون لبعض ازاى وقولت احفظ السورة اللى علية فى التربية الدينية وزى ماانتوا عارفين ان احنا مبنذكرش الدين الا يوم الامتحان المهم قولت هحفظ جزء من السورة اللى عليه عشان اعرف اجاوب كانت سورة النحل ووالله ماكنت اعرف بدايتها ايه تعرفوا ايه اول ايه بسم الله الرحمن الرحيم (اتى امر الله فلا تستعجلوه)
بجد انا محتارة جدا مش عارفة افكر ولما طلبت رايكم كنت عارفة ان انتوا هتفدونى بارائكم لان انتوا اصحابى قلولى اعمل ايه
وبجد بجد شكرا على ردودكم

لاء طلاما اللي قالولك كدة شيوخ فـ الآزهر

يبقي محدش يقدر يقول حااااجه ههههه

وآنتي بتتكلمي كدة آفتكرت فيلم لثوعاد حوثني :shiny01:

اللي هو بئر الحرمان دة :hahaha:

آبشري يا منال ربنا من عليكي بعقدة نفسية

ودي مبتجيش غير للناس الآنطوائية المنعزلة :Sport-007:

شوفي حل فـ الموضوع دة بقة وحولي تقضيها رحلات

شرخ الشيخ السمبلاوين ..ولو ناوية تطلعي قريب

آنا عامل رحلة للآليوبيه مركز ولاد آبو آسماعيل قوليلى

آحجزلك كرسيين واحد بآسم منال والتاني بمحمد هههههه

وربنا ما قااااادر ههههههه

[ღ Gի๐sτ ღ]

اعتقد انك شفتيه قبل ماتحلمي بيه بس مخدتيش بالك وحلمتي بيه في مرة عادي
ولما شفتيه بقيتي تديله اهتمام وتهتهمي بية فدة بيكون ضغوط احلام يعني كل ماهتنامي هاتحلمي بية لأنه واخد عقلك وشاغل بالك

وبخصوص انك بقيتي تشوفيه بعد الحلم بس

فاكيد اكيد شوفتيه في الحقيقة مرة من غير ماتاخدي بالك
ولما اخدتي بالك منه هاتلاقي نفسك بتشوفية دايما
ودة عادي لينا جميعا

ساعات بيكون في واحد انا معرفوش ومبشوفوش
بس لما اشوفو مرة بالصدفة حصلت بيني وبينه
من وقتها وانا هابقى اشوفه كل يوم . فاكيد دة كدة لما شفتيه مرة بالصدفة بعد الحلم هاتلاقية بيجي في وشك دايما وتشوفية لانك وقتها هاتكوني مهتمة بمشاهدته عكس الاول


النهاية عامة
متفكريش فيه وفكري في دراستك لأن كل ماتفكرى فيه هاتقعدي تحلمي بيه كتير
ولو زي مانت مابتقولي انه يجيلك و نصيبك و الكلام دة فخليها علي الله لو حصلت صدف وانه جة كلمك ممكن يكون كلامك صح

لان مش معني انك شفتيه وهو شافك في الحقيقة بعد ماكان بيجيلك في الحلم انه خلاص انك بقيتي ليه

ربنا يوفقك

[تقىمصباح]

اقتباسالمشاركة الأصلية كتبت بواسطة manal mohamedانا مش عارفة ابتدى منين
بس انا عايزة اخد رايكم فى حاجة حصلتلى انا كنت بحلم بشخص بقالى فترة حوالى سنة ومكنتش اعرف هو مين والاحلام مكنتش مجرد تخاريف لان كنت بصلى الفجر واشوف الاحلام دى مثلا مرة حلمت انى دخلت العمارة اللى ساكن فيها وهى شبة عمارة عندنا فى الشارع وبسال بنات صغيرين بيلعبوا على شقته وسالونى عن اسمه قلتلهم محمد يسري ووصفتلهم شكله بالضبط المفاجاة اللى اكتشفتها بعد كده ان فى واحد فعلا ساكن مع اهله فى الشقة دى اسمه محمد يعنى جارنا
ومرة كمان حلمت انى فى بنت بترضع لابسة حرير بس تخينة اوى وكل ما حد يشيلها ميعرفش لان جسمها تخين
بس انا لما شيلتها كان جسمها اتقسم فى ايدى قعدت العبها وانا شيلها وبصيت ناحية البالكونة بتاعت محمد
مرة حلمت اننا اتجوزنا و احنا فى شهر رمضان وبننشر غسيل انا وهو قدام الشباك لان البيت اللى حلمت بيه كان دور ارضى وكانت الميه بتاعت الغسيل لونها ابيض وكمان حلمت بمنظر الشقة من جوه بالتفاصيل كانى شيفاها فى الحقيقة ولمل كنا بننشر الغسيل لقيت صحاب ليه جاين فهو اتكسف وقالى انه داخل سلمت على صحابى ودخلوا باب العمارة وقدام باب الشقة لقيت فى عزال بواقى كراتين كبيرة كان لسه حد ناقل جديد ودخلنا شقتنا فى الحلم والبنات صحابى قعدوا دخلت اشوف هو فين لقيته فى الحمام بيتوضا انتو عارفين لما تبقوا لسه ناقلين فى شقة جديد بتتلخبطوا فى الاوض وبعدين كنت كل ما بدخل اوضة الاقى شمعاعات وقعة فى الارض واعلقها على الاوكر بتاعت الدولاب وبعدين صحابى مشيوا وهو خرج وقالى انه مش هيتا خر و لما رجع حضنى ونام جنبى على السرير
وخدوا من ده كتير يا جماعة بجد بقت مشكلة لانى ابتديت اتعلق بيه بعد ماكنتش اعرف انه جارى اصلا تفتكروا ربنا يقصد حاجة بالموضوع ده قلولى رايكم ايه بصراحة لانى محتاجة افهم

[تقىمصباح]

انا هافسرهولك على قدى بسى انتى بتحبية ومتعلقة بية والبنات كلها هيحاولو يخطفوة بس لما تتعرفى علية انتى هتاخدى عقلة وبالة

[Aya 7ekaya]

مش عارفه هى حاجة غريبه بجد
بس ازاى مش شوفتيه وحتفكرى فيه وتحلمى بيه
بجد شىء يحير

[نور البحار العالية]

بجد انا لست متاكدة من ردى
و لاكن سوف اقوله
على ما اظن ان عقلك الباطن يحب هذا الشاب
لذلك تحلمى به منذ فترة
و لكنى لا اعرف اذا كان الله يشير الى شئ ما
بس الحل من وجهة نظرى انك تتقربى من ربك
و تدعيلوا انوا يسعدك فى مشكلتك
و ان شاء الله ربنا يستجيب
و ربنا معاكى

[ساحرة الليل]

فعلا يمكن بتفكرى فية قبل ماتنامى حاولى ماتفكريش فية قبل النوم وشوفى هتحلمى بية ولالاء

[manal mohamed]

شكرا جدا ليكم بجد على كل الردود