تسمحولى بشوية بجاحة وجراءة(الموضوع به كلمات غيرمناسبة للصغار وذوى الاحساس المرهف

[عايش ومش عايش]

استحملونى بقا فى الشوية اللى جايين وانا مش اسف على العنوان اوعلى

اى كلام هيبقا مش تمام انا هتكلم عن كذا حاجة ومش بالترتيب





صحيح اللى اختشو ماتو ماتت .... اتدبحت فى شقتها

ماتت........ اتحرقت فى شقة صاحبها

ماتت....... اتقطعت واترميت فى الزبالة

ماتت ....... وماتت ,.....وماتت

اية كل دة ولية وعشان اية ؟؟

ونعرف بعدها ان مفيهمش وحدة........

ومش اسف على انى نعتهم بكدة والاعلام الخايب بتاعنا

يطلع يقول دم فاتن مش اقل من دم سوزان

وقال يعنى كانو حد عدل فى الدنيا والمجتمع

مش ......و.... ويرجعو يقولو

اصل دول ضحايا الظروف الاقتصادية والمالية

يالهوى تبيع نفسها عشان فقيرة ؟

سايبة بيت اهلها بقالها 3 سنين وعايشة

مع واحد فى........ وتقولولى ظروف

الله يخرب بيت الظروف اللى تخلى الناس تستوعب

حاجة زى دية وتقبلها

وفى الاخر يطلع اهل كل وحدة فيهم يعملو نفسهم حزنا

عليهم وان البنات خلاص كانو خسارة فى الموت

مش انهم يستحقوها وعن جدارة وربنا مظلمهومش

كل دة ليه عشان الدية والفلوس

ومش هممهم الكلام اللى بيقولوة قصاد الاعلام وبكل

بجاحة وجرائة بيتكلمو اكن اللى عملوة دية حاجة عادية

ومش عايزحد يقولى احمد ربنا انك طلعت فى بيئة كويسة

وان من الممكن ان اى حد فينا كان يبقا كدة

لاء والف لاء
مبحبش اللى يعلق الخيبة على الزمن والظروف

والاهل والبيئة احنا نعمل العملة ونطلع لها مبرر

طبعا انا بحمد ربنا على كل حاجة

بس انى استوعب حاجة زى دية وتبقا عادى

بالنسبالى انا والكل دة العيب نفسة

احنا من كتر ما سمعنا الكلام الفارغ دة فى ناس

فكرت ان احنا خلاص بقينا ........

والبيئة والاهل طبعا ليهم دور

بس مش رئيسى ابدا فى ناس كتير فاشلين واولادهم

كويسين جدا وياما ناس ساكنين فى عشش وخرابات واخلاقهم

ماشاء الله احسن من اى حد

فمش كل حاجة نرمى التهمة على الاهل والزمن

اذا لم تستحي فافعل ما تشاء

تم حذف الكلام وكفايا ........النقط



من النهاردة هتريق واللى هيكلمنى هقولة حرية
وخليك فى حالك الدنيا تحلالك :vb5:

ياريت كل واحد يحط الكلمة دية فى دماغة

فساد شخص لايفسد شعب او امة بااكملها

مش عارف ازاى وليه من امتى المشاكل

بتتحل بالتريقة والسخرية والاستهزاء .؟؟؟؟

ازاى ادخل اتريق على بلدى واقول فى توقيعى دة انا

بحبها وبعشق ترابها ادخل اتريق على الريس او اى مسئول

واقول مهما دول اللى خاربين البلد

لاء مش هما دول اللى خاربينهاولو هما فعلا اللى خاربينها

فا انا وانت وهى وكلنا سبب رئيسى فى الخراب دة

احنا كدة بقينا فى اسوء المراحل

ما كل بلد فيها مصايب واكتر مننا بكتير

محدش بيحب ينشر غسيلة اللى مش نضيف غيرنا احنا

وان الله لايغير ما بقوما حتى يغيروا ما بانفسهم

واحنا شكلنا مش عايزين نتغير

يبقا نشرب بقا من اللى حصل واللى هيحصل

واشرب من نيلها وانت ساااااااكت بدل ما تصحى

من نومك مش تلاقى ميااااااااااة :Ts_011:



اتقوا الله يا عواجيز الفرح

ليه الولد لما يجى يتقدم لبنت وسأل عنها وعرف

انها كويسه ومحترمه وتمام يعنى ليه بعد كده لما

يتخطبو وهى لقت ان فى حاجات مش عجباها مثلا

(صفاته_اسلوبه)اى حاجة مش تمام

ولما تيجى تحس انها خلاص معندهاش استعداد تكمل

يطلعو عليها ان فى شخص فى حياتها تانى

وهى بتفكر فيه مع انها ممكن تكون مفيش حد فى

حياتها خالص بس كل المشكله انها رفضته

مع انهم عاملين الخطوبه عشان تكون تجربه بينهم

وحتى لو تبقا البنت هى اللى مقررة الانفصال

لازم يقولو ان اكيد العريس اكتشف حاجة وهو

اللى سايبها بس هى بتقول كدة بتتجمل

فى اوقات كتير الواحد بيقول كلام الناس ولا بيقدم

ولا بيأخر زى جورج وسوف ما قال

بس ساعتها احنا بنبقا بجد بنضحك على نفسنا

لان كلام الناس بجد بيأثر بس احنا اللى بنحاول

نقنع نفسنا انه مش هاممنا ياه لو كل واحد يسيب التانى فى حاله




هو الفيلم دة قصة ولا مناظر



طبعا كلنا شوفنا اعلانات افلام الموسم دة

مش شرط نكون كلنا يعنى كلنا اغلبنا اكيد ومش شرط

برضوة اننا نكون شوفنا

بس الاكيد اننا سمعنا او قرينا عن الافلام

اللى نازلة وحلاوتها فى ناس شافوها حاجة عادية

وفى ناس قالو ان دية الحقيقة والواقع والظروف اللى بنعانى منها

بس هو اللى احنا بنشوفه ده واقع دي قلة ادب وسفالة

واضحة و كمان الرقابة لا زم تبقي بتحافظ

على اخلاق المشاهدين

لاء وماشاء الله كتر خيرهم يعنى بينبهو ان الفيلم

(للكبار فقط ) :Ts_011::Ts_011:

يا حلاوة يا ولاد لاء بجد يشكرو

يا ترا اللى جاى شكلة اية وفين الرقابة ؟

نايمة فى العسل طبعا ::sml35:





الله يرحمك يا عروبة

العرب كلمة كانت تعنى لنا الكثير ولكنها اصبحت اقل من القليل

العرب اليوم ببساطة يشعرونى بالقرف >>

ومش اسف على الكلمة كل واحد شايف بلدة احسن بلد

وانا مش ضد دة طبعا حب الوطن دة حاجة بتجرى فى الدم

لاكن نقف دول مسلمة ومش هذكر اسامى ونفضل

نشتم فى بعض ولا اكننا اولاد شوارع

كل دة ليه (كرهه بجد - حقد دفين - ولا المصالح اللى عمت قولنا )

ولا الاعلام بقا اللى بجد مدرسة للوقاحة المتاهية

مش فى بلدنا بس كل البلاد التليفزيون بقا حاجة

تجيب اشمئذاذ بجد يا قلة ادب وسفالة

بتتعرض يا برضة قلة ادب بس فى بعضينا

كل دولة بتشتم فى التانية

ومن غير سبب ولو بيبقا فى سبب بيبقا هبل وعبط

انا مش بقول كدة علي الناس بس

لاء طبعا وانا وذات نفسى خلاص مبقتش طايق

حد ولا انى اشوف نقد من اى حد مش مصرى

على البلد او اللى فيها






فى النهاية وبعض ما خلص الموضوع

احب اقول مبرووووووووووك



نستحق وبجدارة مقولة

يا امة ضحكت من جهلها الامم


ملحوظة :انا قولت الكلام دة مش عشان انا مش

عاجبنى اللى بيحصل وبسلكن انا نظرة التفائل خلاص راحت منى

وحيات ربنا ومش لاقي حاجة عدلة تخلينى ارجع تانى

بقيت بحس احساس ذل وانكسار واهانة

من كل حاجة وفى كل حاجة

انا زعلان على حالى وعلى حال بلدى واللى فيها

بس برضة مقدرش اشتم فى الزمن ولا فى الوطن

ولا على الظروف اكنى بالظبط بشتم فى امى

تخيلو لو انا بشتم فى امى هكون انا اية وازاى

ودة كانت شوية بجاحة هل اعجبتكم:vb5:

اشوفكم بعد الردود دة لو فى ردود اصلا :Ts_011:

[روكا 1]

اشكرك ع كلامك ودي مش بجاحه ولا شئ
دي مجرد تعبير وحريه راي بجد شكراا على كلامك
الحقيقه المره
وبجد كل اللي قولته بيحصل علشان كده مفيش اي شئ اقولك انت زودت فيه
بس مش بادينا نقول ربنا يهدي الجميع ونحاول نغير في نفسينا علشان اللي قدامنا ع امل يتغير وف يوم من الايام يتعدل والحال يضبط
تسلم ايدك موضوع مميز

[۩۩ سيد الشرقاوي ۩۩]

تسلم اخي الكريم علي التوبيك الجميل
دي كلام جميل اوي منك وعندك اكيد
حق فيه تسلم اخي الكريم

[Lost Pearl]

موضوعك اكتر من راااااااااااائع
انت عندك حق الغلط فينا مش ف الزمن
و طول ما احنا هنفضل كدة مش بنهتم ببعض و لا بنخاف علي بعض هيفضل ده حالنا
لازم نكون مع بعض ايد واحدة
سيبك من عشان احنا عرب
بس علي الاقل عشان مسلمين

و مشكور علي موضوعك التحفة بجد ده
تسلم ايدك

[بسمة العمر]

اختيار قيم منك تسلم اخى العزيز

[عايش ومش عايش]

اقتباسالمشاركة الأصلية كتبت بواسطة روكا 1اشكرك ع كلامك ودي مش بجاحه ولا شئ
دي مجرد تعبير وحريه راي بجد شكراا على كلامك
الحقيقه المره
وبجد كل اللي قولته بيحصل علشان كده مفيش اي شئ اقولك انت زودت فيه
بس مش بادينا نقول ربنا يهدي الجميع ونحاول نغير في نفسينا علشان اللي قدامنا ع امل يتغير وف يوم من الايام يتعدل والحال يضبط
تسلم ايدك موضوع مميز



للاسف هى الحقيقة المرة اللى مبنحبش نواجة نفسنا بيها

وعلى امل انى الحال فعلا يتغير

نورتى التوبيك

[عايش ومش عايش]

اقتباسالمشاركة الأصلية كتبت بواسطة سيد الشرقاويتسلم اخي الكريم علي التوبيك الجميل
دي كلام جميل اوي منك وعندك اكيد
حق فيه تسلم اخي الكريم

ربنا يخليك دة بس من زوقك

منور التوبيك

[عايش ومش عايش]

اقتباسالمشاركة الأصلية كتبت بواسطة lost pearlموضوعك اكتر من راااااااااااائع
انت عندك حق الغلط فينا مش ف الزمن
و طول ما احنا هنفضل كدة مش بنهتم ببعض و لا بنخاف علي بعض هيفضل ده حالنا
لازم نكون مع بعض ايد واحدة
سيبك من عشان احنا عرب
بس علي الاقل عشان مسلمين

و مشكور علي موضوعك التحفة بجد ده
تسلم ايدك

طب ولحد امتة هنفضل نقول كدو ولحد امتة هنفضل منخافش على بعض

متهايلى الموضوع كدة بقى صعب

ولحد امتة هيفضل العيب فينا

نورت التوبيك وتسلم على مرورك وعلى زوقك بجد

والحمد لله انى بجاحتى عجبتك

[عايش ومش عايش]

اقتباسالمشاركة الأصلية كتبت بواسطة بسمة العمراختيار قيم منك تسلم اخى العزيز
دة بس من زوقك والله

[همسه الجوارح]

اولا ليه تسميها بجاحه بالعكس
دى الصوره الحقييقيه لامثله اللى انت اخترتها
اخى دى مشكلتنا اننا نحب نلون الموضوع بكليمات
هينه علشان نغير من شكله
احييك ع قوة تعبيرك عن رايئك فى
الناس والمجتمع والامه عامه
فرد واجتماعى ودولى
بس ع الله نلاقى حلول للمشاكل دى
كلها
تحياتى واخى الفاضل