بحبك لأنك راااجل مش مااان!!!

[صافي]

بحبك لأنك راااجل مش مااان!!!



بحبك لأنك عاقل: لما بقع فى مشكلة انت اول واحد بفكر انى ألجأ ليه وبتعرف ازاى تطلعنى من المشكلة وتلاقيلها ألف حل ولو ملهاش حل بتعرف ازاى تهونها فى نظرى وبتفرحنى وبتنسينى الاحزاااان.
بحبك لأنك مجنون: لما بهبل معاك فى التيليفون واقول اى كلام عبط بتعرف تجارينى وتبقا أهبل وأعيل منى واما اعملك بت بيئة بلاقيك ابيأ وأصيع منى..بتنجااااااان.
بحبك لأنك قوى: لما بتعلى صوتك عليا وانت متنرفز وفى وسط خناقة بفرح وببتسم لانك بتحسسنى أد ايه انت حمش و انى ضعيفة وبنوتة رقيقة كماااااان .
بحبك لأنك ضعيف: لما بيبقا عندك مشكلة بتجيلى جرى تحكيلى ولما بزعلك بعرف اضحك عليك بكلمتين حلوين وبتصفا بسرعة وانت فاهم انى بضحك عليك بكلمتين والسلااااام.
بحبك لأنك كريم: لما ببقا ماشية معاك فى الشارع وعينى تقع على حاجة بلاقيها معايا فى نفس اللحظة والأوااااان.
بحبك لأنك حريص: وبتعرف ازاى تحسب حساباتك وده سر احساسى معاك بالأماااااان.
بحبك لأنك شخصية: كلامك من دماغك ومحدش بيعرف يأثر على رأيك ومهما يحاوالوا يقنعوك بحاجة انت مش مقتنع بيها ياابااااى..كإن معندكش ودااااااان.
بحبك لأنك تابع: قراراتك اصلها نابع منى من رغبتى اللى هتفرحنى انا ودى اكتر حاجة بتعرفنى اد ايه انت بتموت فى حبى وولهااااان.
بحبك لأنك صبور: ومستحمل رغيي الكتير والحكايات اللى ماليها أول من اخر ومع ذلك بتسمع و مانتاش نعسااااان.
بحبك لأنك دمااااغ: عمرى ما سألتك فى حاجة ومعرفتش ترد عليا وكل أسألتى معاك ليها اجابة من غير لف ودوراااان.
بحبك لأنك قفل: وبتغير عليا من نفسك وبتعلق على لبسى لما بتشوف فيه حاجة مش عاجباك سواء بنطلون او جيبة او فستاااان.
بحبك لأنك بتفهم: لما ببقا معاك فى محل او أدام اى حد غريب وعايزة اقولك رأيي من غير ما حد ياخد باله .. ببصلك بس وانت بتفهم انا عايزة اقولك ايه من غير كتر كلاااااام
بحبك طولك وبحب ارفع راسى وانا ببصلك فى عينيك السوده وانا واقفة أدامك .. واحنا راجعين من اى خروجة بحب اتلكك عشان نشترى اى حاجة من جمب البيت عشان ادخل الشارع اللى فى بيتى وانا ماسكة فى ايدك وكل الناس والجيران تعرف انك خطيبى وبعشق نظرتك وضحكك عليا لما بتفهم انى بعمل كده كل مرة وانا قاصده ومش صدفة .. بحبك لأنك مش شاب سيس لبسك محترم … بحبك لأنك اسمرانى وحليوة ومسمسم واشجع الشجعااااان…
بحبك لأنك رااااجل مش مااااان…
ومستغربين انا “عاااااااايزة اتجوز” ليه؟؟ بس بجد السؤال اللى هيجننى ياترى هفضل اشوف المميزات دى كلها فيك بنفس الدرجة بعد ما اتجوزك ولا ايه النظااااام!!!
بقلم / سلمى المنصورى

[عاشقة الهدوء]

جميل قوووى التوووبيك ياااصافى

بجد بجد عجبنى جدا وفعلا البنت دايما تحب زوجها او خطبها

يبقه متوااجد فيه كل هذه الصفااات وياسلام لو كانت

موجوده دايما فى صفاااته هتبقى الحيااه حلوه قوى ههههه

تسلمى ياحببتى دايما متميزه ياصافى بانتقاء مواضيعك

موووفقه ياعسل ربنا يحفظك ويعزك

[esraa gamal]

موضوع جامد جدا
راجل مش مان والبوكسر بالنسبالك شئ داخلي مش خارجي

[صافي]

اقتباسالمشاركة الأصلية كتبت بواسطة عاشقة الهدوءجميل قوووى التوووبيك ياااصافى

بجد بجد عجبنى جدا وفعلا البنت دايما تحب زوجها او خطبها

يبقه متوااجد فيه كل هذه الصفااات وياسلام لو كانت

موجوده دايما فى صفاااته هتبقى الحيااه حلوه قوى ههههه

تسلمى ياحببتى دايما متميزه ياصافى بانتقاء مواضيعك

موووفقه ياعسل ربنا يحفظك ويعزك



مرسي ياجميل لتواجدك

اختك

[صافي]

اقتباسالمشاركة الأصلية كتبت بواسطة esraa gamalموضوع جامد جدا
راجل مش مان والبوكسر بالنسبالك شئ داخلي مش خارجي


يسلمووووا

[نقاء القلب]

فعلاا لمراه تعشق الرجل الذى بيتوفر فيه كل هذه الصفات

ولكنها تخاف منه اكتر خوفا نت ان يتحول بعد الزواج

للاسف اصبح الزواج هو المشكله خلاص نقديه خطوبه وخلاص

[saat]

مشكوووووور والله يعطيك الف عافيه

[۩۩ سيد الشرقاوي ۩۩]

الله الله الله ياصافي علي
كلامك الجميل دي منوره
ياقمر بتوبيك الراقي دي
انا راجل مش مان وبحب
اعيش في امان بحبك واكيد انتي
بتحبييني بس انا سعت الجد راجل
مش مان بحبك اه بس الغلط مفروض
علي شان انا راجل مش مان
انا راجل
منوره ياصافي بتوبيك الجميل

[ღ Gի๐sτ ღ]

كلام جميل ياصافى وياريت الكل زيك كدة
دلوقتى التفكير معاك كام ولا قمور قد اية)

تسلمي ع التوبيك الرائع

[أميرة الدفا والوفا]

عسل أوووووووووووووووي بجد
عجبني اوي

تسلمين حياتي