مش معايا غير دبلتين تتجوزيني ؟ الحملة القومية لألغاء الشبكة

[الروح أرق من الندى]

"الجواز مش شبكة.. والشبكة مش بس دبلتين.. لكن الجواز مسؤلية كبيرة يقتسمها الزوجين.. مش هنقول إن مفيش تكاليف مادية كبيرة.. وإنها تسببت في زيادة نسبة العنوسة.. لكن مش هأقول غير مش معايا غير دبلتين: تتجوزيني؟" تلك المقدمة تمثل خلاصة فكرة "جروب"، "مش معايا غير دبلتين تتجوزينى.. الحملة القومية لإلغاء الشبكة" الذى أنشأه مجموعة من الشباب على موقع التواصل الاجتماعى "فيسبوك" لإلغاء "الشبكة" وذلك بهدف تقليل تكاليف الزواج. نظرا للارتفاع الشديد فى اسعار الذهب والانخفاض الشديد لقيمة الجنية وغلاء الاسعار وتشدد الاهالى فى مطالبهم قرر مجموعة من الشباب والشابات أخذ هذه المبادرة على عاتقهم وتبنى فكرة الغاء الشبكة او جعلها قيمة رمزية . مش بندعوا لإن ميكنش فيه أي حاحجة فى الشبكة .. كفاية دبلتين و توينز و خاتم .. أو دبلتين و خاتم .. أو دبلتين و محبس .. ده جروب على الفيس بوك و حمله كبيره جدا عايزه اراء الشباب و البنات فيها يعنى هل لو انت شاب ترضى لاختك تتجوز من غير شبكه او بحاجه بسيطه ؟؟ هل لو انت اب ترضى لبنتك تتجوز من غير شبكه او بحاجه بسيطه ؟؟ انا عن نفسي حبدا و اكون اول من تشارك برايها اولا انا شايفه ان شبكه ديه هديه من عريس للعروسه و اكيد محدش بيختار هديته تكون كام جرام او تكون سعرها كام ثانيا مش معنى ان عريس جاب شبكه رمزيه شويه يبقى مش عارف قيمه العروسه ده يبقى على حسب الظروف و هديه مش بتمنها يكفى انه جاب هديه ثالثا بقى حتى لو هو مش معاه فلوس يجيب شبكه قبل الجواز مش شرط يعنى ممكن لما يحس انه بقى معه فلوس يجيب بعد جواز رابعا لو انتين بيبحبوا بعض بجد لازم يقدروا بعض و انا متاكده لو بنت بتحب هتنازل يعنى مش معقول مش هتمشى الجوازه عشان شويه دهب بعد الحب ده كله و اكيد برده لو شاب بيحبها بجد و معه فلوس مش هيستخسر فيها بالعكس ده بيكون عايز يجيب لها احسن هديه يعنى من الاخر الجوازه مش حتقف عشان شبكه لازم تكون ب 20 الف و لازم الاهل يدركوا ده ...عشان نتيجه لعدم الزواج بتبقى الضرر للطرفين البنت و الشاب قال رسول الله صلى الله عليه وسلم :: "إذا أتاكم من ترضون خلقه ودينه فزوجوه إلا تفعلوا تكن فتنة في الأرض وفساد عريض " ده كان راى ...اتمنى اسمع راى الكل بكل الاعمار و كمان الكبار يشاركوا و بنات وشباب عايزين مناقشه بجد و نقاش هادف و حلول لمشكله الشبكه و يكون الحل يرضى كل الاطراف

[حياتي ذكريات]

صآحب الجروب لسه من شوية اعلن انه بيحضر
لتكآليف زوآج اخته
وطبعآ اتسأل ,, هي جآبت شبكة ولآ لأ وبكآم
:shiny01:
همآ اللي عملو الحملة دي ليهم حق
تكآليف الزوآج بقت عآلية أوي ,, غير ان الدهب كمآن كل يوم بيعلى
المشكلة ان الشعب المصري بيهتم بالمظآهر في الحآجآت دي
كل وآحد بيبقى عمآل يزيد في الطلبآت عشآن يقول انآ بنتي مش أقل من حد !!
ولو كل أب مشي بالطريقة دي البنآت هتفضل في البيت
احنآ في الوضع دآ محتآجين زوآج بسيط بدون تعقيدآت ولآ اشيآء مكلفة
وعلى فكرة فيه أسر مش قليلة في مصر بقت تتسآهل في حآجآت كتير
زي الشقة التمليك وقللت في تكآليف الفرح
اصل لمآ يبقى جرآم الدهب بـ 350 جنيه وأكتر الشآب البسيط العآدي
هيجيب منين عفش ولآ شبكة و و و و !!

شكرآ على الموضوع
خآلص احترآمي وتقديري

[عادل طه]

نايس توبيك يا قمر
للاسف الشديد صعب جدا ان
البنت تتزوج من غير شبكه فى هذا الزمن
لانها عادات وتقاليد لم ولن تتغير
لان الكل بيقلد بعض
ام العروسه تقول انا بنتى مش ااقل من بنت فلانه
ولاذم العريس يجبلها شبكه غاليه جدا
اصبحت العمليه تنافس بين العائلات
مع ان المفروض يكون فيه تنازلات كثيره من اهل البنت
وده هيسبب قله العنوسه للبنت
مع تحياتى

[Lost Pearl]

انا شايفة انه ال group ده هدفه تمام و جميل و انتي كمان رأيك عجبني و انا معاكي
لأن مش معني انه واحد هيجيب شبكة للبنت انه عايز يتجوزها انها تبقي اعشرات الالاف يعني

اصلا هو لسة عليه تكاليف تانية كتيييييرة اوي
كفاية الشقة اصلا D:

و يبقي نقلل من مصاريف الشبكة و الحاجات الشكلية دي عشان بناتنا

و حاجة اهم ان لازم كل واحد يبص لنفسه و مايبصش للناس اللي حواليه مش كل ام او اب يعدو يقولو اشمعنا بنتي و هي ناقصها ايه و الكلام اللي بصراحة مالوش لازمة دلوقتي

و الا البنات هتعنس بقي D:

مشكورة يا قمر علي الموضوع الجميل
و يا رب ينجح ال group ف هدفه
(حملة تعذيب ادارة المنتدي)

[OrDiNaRy GiRl]

هو بصراحة موضوع الشبكة دا بيضايقنى انا شخصيا بجد كفاية مصاريف تجهيز الشقة والحاجات دى مش عارفة اصلا لازمة الشبكة ايه
ياريت يلغوها بجد او يقللوها شوية
تسلم ايدك ياقمر على الموضوع

[AHMED SEVEN]

مع انى مع الفكرة نفسها لاكنها مش هتنجح .. يسلموووووووووووووووووووو

[الروح أرق من الندى]

اقتباس المشاركة الأصلية كتبت بواسطة حياتي ذكريات صآحب الجروب لسه من شوية اعلن انه بيحضر لتكآليف زوآج اخته وطبعآ اتسأل ,, هي جآبت شبكة ولآ لأ وبكآم :shiny01: همآ اللي عملو الحملة دي ليهم حق تكآليف الزوآج بقت عآلية أوي ,, غير ان الدهب كمآن كل يوم بيعلى المشكلة ان الشعب المصري بيهتم بالمظآهر في الحآجآت دي كل وآحد بيبقى عمآل يزيد في الطلبآت عشآن يقول انآ بنتي مش أقل من حد !! ولو كل أب مشي بالطريقة دي البنآت هتفضل في البيت احنآ في الوضع دآ محتآجين زوآج بسيط بدون تعقيدآت ولآ اشيآء مكلفة وعلى فكرة فيه أسر مش قليلة في مصر بقت تتسآهل في حآجآت كتير زي الشقة التمليك وقللت في تكآليف الفرح اصل لمآ يبقى جرآم الدهب بـ 350 جنيه وأكتر الشآب البسيط العآدي هيجيب منين عفش ولآ شبكة و و و و !! شكرآ على الموضوع خآلص احترآمي وتقديري

عندك حق اهم حاجه عندنا المظاهر وده كل تفكيرنا

انما نشوف ظروفنا وظروف الشباب الصعبه لأ مينفعش

ارق تحياتي لمرورك

[الروح أرق من الندى]

اقتباس المشاركة الأصلية كتبت بواسطة عادل طه نايس توبيك يا قمر للاسف الشديد صعب جدا ان البنت تتزوج من غير شبكه فى هذا الزمن لانها عادات وتقاليد لم ولن تتغير لان الكل بيقلد بعض ام العروسه تقول انا بنتى مش ااقل من بنت فلانه ولاذم العريس يجبلها شبكه غاليه جدا اصبحت العمليه تنافس بين العائلات مع ان المفروض يكون فيه تنازلات كثيره من اهل البنت وده هيسبب قله العنوسه للبنت مع تحياتى

عندك حق لو كان فيه بعض التنازلات كانت مشاكل كتيييير اتحلت

ارق تحياتي لمرورك

[رنين]

بصراحه مش المفروض نحط عقبات قدام الشباب ونرجع ونقول الشباب ملوش ف الجواز

انا قعدت اعمل حسبه بسيطه كدا مع ماما على الجواز وكدا
لقيت مش اقل من 300 الف جنيه عشان الولد يعرف يخطب ويجهز شقته
وده هيحبهم امتى ان شاء الله لما يعدى الاربعين ولا ايه

اكيد لازم نسهل الموضوع شويه
دى بتكون حاجه رمزيه
تختاريها بحب ورضا وفرحتك بالدنيا كلها

والمهم طبعا ان الشخص دا يقدرك ويقدر شخصيتك
وميخدش مثلا دى ان اهلك عايزين يمشوكى وخلاص اصل ف تفكير مرضى بردو

موضوع جميل يا بنوته

ربنا يسعد الجميع يارب

[الروح أرق من الندى]

اقتباس المشاركة الأصلية كتبت بواسطة lost pearl انا شايفة انه ال group ده هدفه تمام و جميل و انتي كمان رأيك عجبني و انا معاكي لأن مش معني انه واحد هيجيب شبكة للبنت انه عايز يتجوزها انها تبقي اعشرات الالاف يعني اصلا هو لسة عليه تكاليف تانية كتيييييرة اوي كفاية الشقة اصلا d: و يبقي نقلل من مصاريف الشبكة و الحاجات الشكلية دي عشان بناتنا و حاجة اهم ان لازم كل واحد يبص لنفسه و مايبصش للناس اللي حواليه مش كل ام او اب يعدو يقولو اشمعنا بنتي و هي ناقصها ايه و الكلام اللي بصراحة مالوش لازمة دلوقتي و الا البنات هتعنس بقي d: مشكورة يا قمر علي الموضوع الجميل و يا رب ينجح ال group ف هدفه (حملة تعذيب ادارة المنتدي)

عارفه انا متاكده لو البنات اساسا اقتنعوا بالفكره دي

هيقنعوا اهلهم بيها وبجد هياثروا في طريقه تفكيرهم

ارق تحياتي لمرورك