ماما انا عاوز اطلع زبال

[الروح أرق من الندى]

انا هدخل فى الموضوع مباشرة بدون مقدمات

ذهبت عند اختى وكانت بتذاكر لطفلها عمره ثمانى سنوات

لكن الولد مصمم انه هيذاكر لما تفتح المدرسة وكفاية الدروس الخصوصية

وانه كمان تعبان لكن عنده استعداد انه يخرج يلعب مع اولاد الجيران

وهنا عنفته اختى وقالت له انت لازم تذاكر عشان تكون دكتور او مهندس او ضابط

فكان رده انه مش عاوز يكون لا دكتور ولا مهندس او حتى ضابط

لكن عاوز يطلع زبال اه والله ويسافر ايطاليا

تفتكرو الولد اللى كان بيطلع الاول على المدرسة عاوز يبقى زبال ليه؟

بسبب تكالب الناس على الفلوس

ولا لانه شاف قريب له متخرج من الطب ومش لاقى شغل

ياترى ايه السبب اللى يجعل طفل يفكر بالاسلوب ده؟؟؟

[ساحر الأحزان]

مع احترامى لكى دة طفل وهل ياخذ علية كلامة وهل يعرف معناة

انة يفضل اللعب عن استذكار دروسة وهذا تفكير من هم فى عمرة

وهل هو يعرف ايطاليا

وبتوع ايطاليا الى بيغرقم فى البحر

وان راحم الشرطة هناك بترجعهم

هو امرة ليس بيدة وللوالدين تشكيل شخصيتة من صغرة

اختيار قيم

تقبلى مرورى

[SiLver Spectra]

طب تصدقي اننا محتاجين زبالين و مش محتاجين دكاتره
و الله بجد البلد مليانه زبالة و مافيش اهتمام بشيلها

عامة هو لسه صغير ,, الكلام لا يحسب عليه

[واد حبيب]

الطفل لسه صغير ولا يعرف معنا الكلام

هوه قال الكلمه علشان يطلع يلعب بس مع اصحابه

مش اكتر من كده

الحبيب

[عادل طه]

اولا ممكن يكون الطفل سمع كدا من حد كبير
وبعدين مع انه صغير ومش فاهم وحتى لو عايز يطلع زبال
مينفعش فى مصر يشتغل زبال هيتعب جدا لأن مصر بصراحه
كترت فيها الزباله وفلوس الشغله دى بسيطه
لكن فى الخارج فلوس كتير
ومش هيتعب فى كنس الشوارع
لان الشوارع اصلا نضيفه
عودوا الطفل هناك من صغره
ولا يقطف ورده ولا يرمى ورقه فى الشارع
احنا ناقصنا السلوك
تسلمى

[كبرياء رجل]

طبعا في اﻻخر ده طفل
عمره 8 سنين
يعني بتكلم بطريقه رد فعل لماما
عشان تسكت
او يقولها او مش عاوز اللي انتي بتقوليه
عشان يبقي ضدها
طبعا كلنا عارفين اﻻطفال وعاررفين عنادهم
واكيد لو كبر مع اﻻيام
هتلاقيه يغير رايه
اشكرك على الموضوع المميز
دمتي بخير

[بسمة العمر]

دا طفل ميعرفش حاجة
واكيد قال كدا علشان يخرج يلعب
يسلموووووووووووووووو

[Bright Brain]

الطفل ده قال كده
عشان يهرب من مامته بس ويروح يلعب
أكيد عنده هدف في الحياه وهدف جميل كمان

بس لما الضغط يخف عليه هيتكلم براحته

[۩۩ سيد الشرقاوي ۩۩]

اكيد دي عيل صغير ميتخدش علي
كلامه وبعدين الواد زهقان من الدروس
ياجماعه مش تكرهوه في الدراسه دي
فتره الاجازه هتخلص واكيد ههيتهم بدرسته
بس اكيد حنااا هنوجههه منوره

[الروح أرق من الندى]

اقتباس المشاركة الأصلية كتبت بواسطة ساحر الاحزان مع احترامى لكى دة طفل وهل ياخذ علية كلامة وهل يعرف معناة انة يفضل اللعب عن استذكار دروسة وهذا تفكير من هم فى عمرة وهل هو يعرف ايطاليا وبتوع ايطاليا الى بيغرقم فى البحر وان راحم الشرطة هناك بترجعهم هو امرة ليس بيدة وللوالدين تشكيل شخصيتة من صغرة اختيار قيم تقبلى مرورى

نورت التوبيك ارق تحياتي لحضرتك