مين الي جاي عليك بس ؟؟؟

[فيروزه]

بسم الله الرحمن الرحيم

والسلام عليكم ورحمه الله وبركاته

ومساء الخير او صباح ع حسب ما تشوفو الموضوع

صدمه
،
وجع
،
الم
،
ظلم
،
خداع

ااقولكو

كفايا عليكم كداا

علشان بيتهيئلي مفيش حد فينا معداش باي حاجه من الحاجات دي
اه صحيح مش بنفس الدرجه
بس كلنا عدينا
انا مش عارفه بقالي شويه كدا عامله اخد شويه صدمات زي العسل في شويه ناااس
( ربنا يسامحهم بقا )

المهم
هو ليه بيحصلنا كدا هو احنا لازم نتعامل بلؤم يعني ونكدب
ونااااافق علشان نعرف نتعامل مع بعض؟؟

طب هو ليه كل واحد فينا حاسس ان هو الوحيد الي بيحصله كدا ؟

ااقولكو حاجه تانيه بلاش
اي حد حس انه (اتظلم ـ اتخدع ـ اوتجع ـ ،،،،،) اوي من اي كان عزيز عليه يقول هو حس باايه؟

ولو كلنا مصدومين كدا مين بقا الي صدمنا؟؟

اتكلموا بحريه طبعا

فيروز

[سندس]

بصى يا حبيبتى اكيد كتير منا حصلهم كده ان هم
بيتصدموا فى ناس كانوا متخيلنهم حاجة و يطلعوا حاجة تانية
بصى لا مينفعشى نتعامل بلؤم هى كل الفكرة اللى
انا ممكن اكون توصلت له
ان احنا نتانى فى الحكم على الناس مش اول
ما نشوف موقف لشخص ما كان كويس فيه
يبقى ده مصدر حكمنا عليه
يعنى ناخد فترة على بال ما نكون راى عن
الاشخاص و فى نفس الوقت طبعا فى الفترة دى هنبقى بنعاملهم
بمنتهى الاحترام لكن نضع فى اعتبارنا انهم اشخاص
لا نعلم طباعهم و نتصرف على هذا الاساس
تسلمىى اختى على الموضوع

[OrDiNaRy GiRl]

بصى هو كل واحد فينا سواء هو اللى اتعرض لكدا او اللى عمل كدا فينا من وجهة نظرنا احنا بردو بيبقى حاسس ان التانى هو اللى جرحه يعنى مش معقول اللى جرحنا هيعترف انه هو اللى جرح بالعكس هيفكر ان احنا اللى جرحناه
ع العموم زى مافيه ناس وحشة فيه ناس كويسة اوى انا بالرغم من انى اتخدعت واتجرحت من ناس كتير لقيت اللى احسن منهم الف مرة وعوضونى عن كل حاجة وحشة عشتها فى حياتى بس اهم حاجة الواحد يختار صح وميتسرعش فى اختياره

دمتى بود

[روح صامتة]

اهو احساسي دلوقتي حزين
فعلا اخدت صدمة في شوية ناس
والموضوع جاي ع الجرح يعني وفي وقت مناسب لحالتي
بصي افضل اني ما اتكلمش ع دا دلوقتي
لاني محتاجة وقت اعرف فيه اذا تفكيري دا كان او غلط
او انا اللي مزوداها شوية معرفش المهم يعني اني مريت بكل اللي بتتكلمي عليه
بس اهم حاجة ان الواحد يعرف يعدي المسالة من غير اي خسائر
مش شرط تكون مادية بس حتى الخسائر عاطفية يعني
تسلمي ع موضوعك حبيبتي فيروز
ارق تحياتي ليكي يا قمر
وربنا يبعد عنك اي صدمات ان شاء الله

[عذب المشاعر]

بصى كل الحكايه فى الصدمات اللى بتكون من النوع ده
حسب تحليلى الشخصى :
اما بتكون معرفناش الناس اللى اتصدمنا فيهم كويس ورسمنا لهم شخصية فى افكارنا وفجاءة نكتشف شخصياتهم فى موقف او لحظه معينه وصفاتهم الحقيقه وده بيكون بشكل مؤقت يعنى صدمة مؤقته وبتمر وبتعدى
يااما هى هى نفس الناس بشخصياتهم اللى نعرفها دى بس بتتغير بيتغير فيهم كل شىء وبتتغير معاملتهم وعلشان كدا بتكون الصدمة قويه
والحكايه مش محتاجه نفاق ولا لؤم الحكايه محتاجه
اننا ناخد الصدمه بهدوء ومنخدهاش على اعصابنا ومنفكرش فيها
زياده عن اللزوم ونهو على نفسنا
مع تحياتى
عذب المشاعر

[بسمة العمر]

والله العظيم انتى معاكى حق
انا صادقة قوى
بثق فى كل الناس
لدرجت انى وثقت فى شخص واحترمتة وقولت علية انو اصدق شخص انا شفتة
لكن الصدمة الالم الجرح
انة انسان كذاب منافق غشاش
مكونتش عارفة اعمل اية غير انى اقول
حسبى الله ونعمل وكيل
يسلمو فيروزة
موضوعك جا على الجرح

[فيروزه]

اقتباسالمشاركة الأصلية كتبت بواسطة سندسبصى يا حبيبتى اكيد كتير منا حصلهم كده ان هم
بيتصدموا فى ناس كانوا متخيلنهم حاجة و يطلعوا حاجة تانية
بصى لا مينفعشى نتعامل بلؤم هى كل الفكرة اللى
انا ممكن اكون توصلت له
ان احنا نتانى فى الحكم على الناس مش اول
ما نشوف موقف لشخص ما كان كويس فيه
يبقى ده مصدر حكمنا عليه
يعنى ناخد فترة على بال ما نكون راى عن
الاشخاص و فى نفس الوقت طبعا فى الفترة دى هنبقى بنعاملهم
بمنتهى الاحترام لكن نضع فى اعتبارنا انهم اشخاص
لا نعلم طباعهم و نتصرف على هذا الاساس
تسلمىى اختى على الموضوع

	يسلملي عمرك يارب طبعا معاكي حق المفروض نتأني كويس اووي في الحكم علي اي شخص ومناخدش بالانطباع الاول علشان بيبقا خاطئ غالبا ميرسي ع المرور الرائع

[فيروزه]

اقتباسالمشاركة الأصلية كتبت بواسطة OrDiNaRy GiRlبصى هو كل واحد فينا سواء هو اللى اتعرض لكدا او اللى عمل كدا فينا من وجهة نظرنا احنا بردو بيبقى حاسس ان التانى هو اللى جرحه يعنى مش معقول اللى جرحنا هيعترف انه هو اللى جرح بالعكس هيفكر ان احنا اللى جرحناه
ع العموم زى مافيه ناس وحشة فيه ناس كويسة اوى انا بالرغم من انى اتخدعت واتجرحت من ناس كتير لقيت اللى احسن منهم الف مرة وعوضونى عن كل حاجة وحشة عشتها فى حياتى بس اهم حاجة الواحد يختار صح وميتسرعش فى اختياره

دمتى بود

	والله الدنيا فيها ناس كويسه وفيها ناس وحشه جدااا المفروض نبقا حذرين في اي تعامل مع اي شخص اكيد وربنا يبعدنا عنا الصدمااات ميرسي ع المرور الجميل

[فيروزه]

اقتباسالمشاركة الأصلية كتبت بواسطة روح صامتةاهو احساسي دلوقتي حزين
فعلا اخدت صدمة في شوية ناس
والموضوع جاي ع الجرح يعني وفي وقت مناسب لحالتي
بصي افضل اني ما اتكلمش ع دا دلوقتي
لاني محتاجة وقت اعرف فيه اذا تفكيري دا كان او غلط
او انا اللي مزوداها شوية معرفش المهم يعني اني مريت بكل اللي بتتكلمي عليه
بس اهم حاجة ان الواحد يعرف يعدي المسالة من غير اي خسائر
مش شرط تكون مادية بس حتى الخسائر عاطفية يعني
تسلمي ع موضوعك حبيبتي فيروز
ارق تحياتي ليكي يا قمر
وربنا يبعد عنك اي صدمات ان شاء الله

	اها والله المفروض ما نطلعش بخسائر كتيره حتي لو كنا خسرنا المهم ان الخساره دي نتعلم منها علشان نرجع اقوى من الاول وربنا يبعد عني وعنك ياقمر اي صدمه تانيه تسلمي ع المرور الرائع

[فيروزه]

اقتباسالمشاركة الأصلية كتبت بواسطة عذب المشاعر

بصى كل الحكايه فى الصدمات اللى بتكون من النوع ده

حسب تحليلى الشخصى :
اما بتكون معرفناش الناس اللى اتصدمنا فيهم كويس ورسمنا لهم شخصية فى افكارنا وفجاءة نكتشف شخصياتهم فى موقف او لحظه معينه وصفاتهم الحقيقه وده بيكون بشكل مؤقت يعنى صدمة مؤقته وبتمر وبتعدى
يااما هى هى نفس الناس بشخصياتهم اللى نعرفها دى بس بتتغير بيتغير فيهم كل شىء وبتتغير معاملتهم وعلشان كدا بتكون الصدمة قويه
والحكايه مش محتاجه نفاق ولا لؤم الحكايه محتاجه
اننا ناخد الصدمه بهدوء ومنخدهاش على اعصابنا ومنفكرش فيها
زياده عن اللزوم ونهو على نفسنا
مع تحياتى
عذب المشاعر

	تحليل منطقي وجميل جداا بس صعب اوي نتحكم في هدوء اعصابنا ساعتها بس هنقول ايه غير يارب نتعلم من اي صدمه في حياتنا وتكون درس نتعلم منه كويس اوي ميرسي ع المرور الاكتر من رائع