الــــــي اجــمــل انــســانــــــه سـعـاد حـسـنـي

[تـمـلـي مـعـاك]

سعاد حسنى
يا ست الحسن يا جميلة
يا أبدع قمر طل فنور كام ليلة ثم ذهب
يا خيوط دهب
تلمع تلعلع تخطف عيوننا فى ثوانى
لو فى شكلك ضحكة ملامحك
حد تانى كان كفانى
لكن حقيقى انت فلتة
واحدة و لكن مش أى واحدة
خفة دم تشيلى الهم و تزرعى بسمة
زى الأخت و زى الأم و زى النسمة
لكن القسمة
بلا أولاد
موتة غريبة ف أى بلاد
وحدة و ضلمة و حزن كئيب
و عمر بسرعة يمر لهيب
و دمعة عين لكن محبوسة
و جنازة مهولة و ناس مهووسة
بحبك لكن كنتى خلاص
الضحكة الحلوة و صوت ألماظ
بقى جوه صندوق م الخشب
يا للعجب
لو كنا نعرف نهايتنا كنا وقفنا
كنا عرفنا ان زماننا فعلا غدار
يدينا بايده كتلة نور
يحدف بالتانية جمرة نار