فى حاجات كتير متتحكيش

[a7med -3del]

نو كومنت | ايوة بحس انا انسان مش صورة وبس والاخلاص مش كلمة عادية ده شىء لازم يتحس وانتى الحب عندك مش مبادىء الحب عندك زى تجارة وكل حاجة بتعيشيها بتحسبيها مكسب وخسارة لا بيهمك احساس ولا عايشة زى الناس الحب عندك شىء عادى بس الفراق اساس وبتقدرى تعيشى وقتك وتلاقى نفسك فى اى حاجة بتعمليها مش واخدة بالك الا منك حتى عيوبك مش بتشوفيها شايفة نفسك صح وانا دايما بطلع غلطان لا يوم بتحسى بجرحى وكانى مش انسان نفسى مرة الاقيكى جمبى من غير اى جراح نفسى اطمن معاكى بحلم اعيش مرتاح ولا انا مش من حقى اختار اللى عايزه وبحلم بيه صعب اعيش واموت محتار وعمرى يعدى محسش بيه ياريت الكلام يوصف الآم فى حاجات كتيرة متتحكيش صعب اقولك كلمة جارحة والاصعب انك متحسيش a7med 3del

[دمعه حائره]

احمد عادل
العائد بعد غياب بقلمه الرائع
كلمات رائعه وصحيح مش كل حاجه تتقال
لكن كلها بنحس بيها يمكن مانعرفش نعبرعنها
دائما تقسو عليها بكلمات من المؤلم ان تتواجد فى شخص
لكن من الجميل ان تفهم من هوا امامك وتضعه فى مكانه الصحيح
سلمت اناملك ويدوم الابداع
واهلا بك اخى نورت المنتدى من تانى
تحياتى وتقديرى لك

[♥Donya♥]

معاتبهـ حلوهـ منكـ
بجد كلماتكـ روعهـ جدا في التعبير
عم كم الغضب بداخلكـ وكم متعطش
انها تتغير بدل ان تفقدها لانك حبتها
دوام التالق والابداع

[البرنس رامى]

يسلمو أحمد على العتاب الجميل

كثير ممكن نكون مش فاهمين الطرف الآخر ونتهمه بأنه مش بيحس

ولكن أقولك راجع نفسك انت يمكن انت تكون غلطان فى عتابك وقرارك

بتمنى لك حب جميل بدون رتوش حزينة

احتراااماتى احمد عادل

فى انتظار الجديد منك

[شظايا عمر]

تبلدت المشاعر والاحاسيس

وللأسف فالقلوب اصبحت قطع من حديد

لا تحس ولاتشعر وكأنها جليد

لا تحب ولا تكره وكأنها تمثال للتجسيد

فيا الأسف علي تلك القلوب


الاستاذ الرائع احمد عادل

بل الشاعر الراقي وفنان الحرف

احساس مؤلم حين ينبض القلب لمن لا يملك قلب

ترجمته انت وببراعه بوسط اسطرك

ترجمته بأسلوب مميز

وبأحرف فريده

فجعلت اقلامنا تخجل امام رقي قلمك

فتحياتي لروعة شعرك

[simsim96]

هو في حااجات فعلا ممكن منقدرش نقولها هي المفروض نحسها
المشكلة ان ممكن الطرف الاخر ميحسش
ربنا يوفقك يارب ويجعل ايامك كلها سعادة من غير احزان
كلماتك قاسية اه بس جميلة جدا
مننحرمش من جديدك
تحياتي

[Lost Pearl]

كلماتك جميلة اوي يا احمد
بس فيها الم كبير


انت حاول دايما تعمل اللي يريحك عشان ماتبقاش حاسس بالم من جواك كدة

مشكور يا احمد بجد بحييك علي قلمك الرائع
و دايما ف انتظار جديدك

[فيروزه]

	الكلمات حلوه والاحساس جميل بس فيها شويه الم وتعب بس ان شاء الله بعد العتاب الجميل دا الدنيا تتغير للافضل بتمني ليك التوفيق

[روح صامتة]

كلام جميل جدا
الانسان دائما بيبحث عن حد شيل معاه همه
المشكلة في الاختيار الخاطئ لان بجد فيه ناس ما تستاهلش
موضوعك جميل جداا يا احمد
بشكرك عليه
ارق تحياتي وبالتوفيق دائما

[بنت المختار]

معنى قوي جدآ
فعلا دائما يبقى هناك
ما يَصعُب قوله
والأصعب هذا الإحساس انكحتى وان قلته
قد لا يُفهم وكأنك لم تقُلهُ
الخاطرة صحيح بكلمات بسيطة وسلسة
لكنها مضمونها قوي جدآ وأعجبني
اهلا بعودتك خيو أحمد
وسُلمت اناملك لما خطت