البنت اللتى ...... الولد الذي

[ابو رامى]

البنت التى .. عاملة نفسها تقيلة ، هى لا تقيلة و لا حاجة ،
دى خفيفة جداً و على رأى الولد " ضعييييييييييفة " ، هو عارف كده كويس ،
و هى كمان عارفة ، و رغم إنها شاطرة أوي فى الوصف و التعبير إلا إنها عمرها ما عرفت توصف حضنه أو حتى إحساسها جواه ، فى الأول كانت فاكرة إن ده يمكن لإنه إحساس عمرها ما جربته قبل كده ! بس مع الوقت و اعتيادها عليه فضل مُتمتع ب سِحره لدرجة إنها كانت كل مرة بتترمى جواه بتحس بالظبط بالظبط بالظبط زى أول مرة عملت فيها ده

الولد الذى .. حضنه على مقاس البنت بالتمام و الكمال
مكنش ينفع يحب واحدة غيرها ، أصل كان منين هيجيب واحدة تانية راسها بالظبط على أد الزاوية اللى بين رقبته و كتافه !؟ هو كمان كان شايف إن حضن البنت دى شئ إعجازى مش موجود غير فى الحواديت ، كنز لوحده يستاهل تتفاتله بلاد و يتعدّاله سبع بحور ، عشان كده كان عارف كويس أوى إنها مش بتبالغ لما بتقوله إن حضنه استحالة يكون زى الحضن بتاع البنى آدميين العاديين ، و إنها جواه بتعرف إحساس الجنة

البنت التى و الولد الذى .. كل ما يحضنوا بعض
بيتحوّل العالم من حواليهم لشئ هامشى ، و بيتوقف الزمن لدرجة إن أى حاجة غير اللحظة دى بتبقى - بالنسبالهم - ملهاش معنى و لا لزوم ، وقتها بس - بمنتهى الإطمئنان و الرضا - بيحسّوا إنهم أخيراً لقوا المكان الحقيقى اللى بينتموا إليه

*مما اعجبنى *

[بسمة العمر]

اختيار قيم ابورامى
تسلم ايدك

[غرور ملاك]

تسسسسسسسسلم ع طرحك

[ماتركس]

ابو رامي الدولي

منور يا ريس بس ايه الكلام الجميل ده ايوا يا عم نور كده بكلامك ده

عايزين شويه من ده عالطووال خلي النااس تفوق

تسلم ايدك يا ريس يا كبير

[αЛαstoOorα]

الحب بيعمل المعجزات

ولما اى حد بيحب

بيشوف حبيبه دة آجمل حد فـ الكون

بنسبالة لو جبتله بنات الدنيا وملكات العالم

هيكون حبه دة اجمل من اى شيئ فـ الوجود

طرح الموضوع والكلمات عجبتنى جدا

[IMG]http://upload.***************************/file2/13174136885.gif[/IMG]

[amndatarik]

تحياتى على توبيك