حلقات برنامج ( حوار على نار )

[عاشق ولهان]

حوار ممتع وجرئ جدا ً يا جراح

ميرسي ليك ولكل الاعضاء اللي شرفونا

وانتظروني قريبا ً جدا ً مع عضو جامد جدا ً جدا ً

وحوار علي نار

تحياتي وتقديري

[عاشق ولهان]

السلام عليكم ورحمة الله وبركاته

نعود إليكم بحلقه جديده من برنامج .. حوار علي نار .. وضيفه عزيزه علي قلوبنا

نعود إليكم وضيفتنا رائعة القلم تكتب همساتها . نبض قلبها . حكاياتها

نتابعها بشغف أحببنا كلماتها . أدمنا ردودها المميزه

وأنا مثلكم

أتابع أجمل الهمسات .... صفحات تلي صفحات

نسافر عبر عالمها..... تصافحنا برقة الكلمات

تزكرنا روائعها ..... جميل الحرف يعرفها

بكل الفخر يزكرها ..... إنها ... حياتي زكريات





اسمحيلي اشيل التكليف واقول عرفينا بنفسك يا دعاء

اسمي دعآء طبعآ
من 6 اكتوبر القآهره بس مقيمة ف السعودية
عندي 18 سنة


لية اخترتي الاسم دة ؟؟

لانه بيعبر عني او بالأصح عن اللي بعيشه مش اكتر


عرفتي المنتدي إزاي؟؟ ولية سجلتي فية ؟؟

ربنآ يكرم جوجل بقى
كنت دآخلة ادور على منتدى مصري ولقيته
عجبني موآضيعه والاعضآء اللي فيه فسجلت


دعاء قلم جميل وليكي أسلوب جذاب في الكتابة
حد لفت نظرك لموهبتك وشجعك تكتبي ؟؟

لفتتني ليه معلمة الإنشآء فـ اعدآدي
كآنت طلبت مني تعبير عن الأم قلتلهآ مش بعرف
اكتب الا بمسآعده
قآمت قآلتلي مش هطلع من الحصة إلآ لمآ استلم منك الورقة
طبعآ رضيت بالأمر الوآقع واعدت اكتب
قآلتلي سيبي احسآسك يطلع مش تجبري نفسك على حآجه
عملت كده واتفآجئت باللي كتبته
من يومهآ كآنت بتديني نصآيح على طول


اية رائيك في دعاء ؟ وامتي تزعلي منها ؟

بحب شخصية دعآء لاني انآ اللي مكونآهآ
امآ بالنسبة امتى ازعل منهآ
يمكن لو اسأت التصرف في موقف معين



الغربة كلمه ليها معاني كتير
ياتري بالنسبة ليكي معنها اية ؟

اتعودت واتأقلمت عليهآ
بس احيآنآ بتيجي فترآت للوآحد بيحس انه محتآج
يعيش فـ وطنه
فبتدآيق .. زي وقت الثورة كده
لو كنت سألت اي مغترب يقولك يآريتني في اللحظة دي ابقى فـ مصر


بقالك كتير متغربة عن وطنك ياتري إمتي تقولي للغربة باي باي ؟؟

انآ اهلي ليهم اكتر من 20 سنة بره مصر
في فترة حمل وآلدتي بيآ سآفرت مصر ولدت ورجعت بيآ
وأديني دولوقتي اهو عندي 18 سنة


امتى حقول بآي بقى
احتمآل السنة الجآية انزل اعيش مع اخويآ اللي فـ مصر


مرحلة نضوجك ومراهقتك مريتي بيها وانتي ومتغربة
ياتري كان تاثيرها سلبي ولا إيجابي ؟؟

الاتنين مع بعض ..الغربة مهمآ كآن بتديك حآجآت
حلوة كتير مقآبل بعدك عن وطنك
بتديك حآجآت ايجآبية انك بتتعرف على صحآب من جنسيتك ومن غيرهآ من الجنسيآت
بتديك معرفة اكتر ,, خبرة ,, وغيرهآ
سلبيآتي بقى
ان كل معلومآتي عن مصر بلدي مقتصرة على
اجتهآدي فقط وعلى حكآوي اهلي
هديك مثآل يعني
وانآ فـ 1 و2 اعدآدي مكنتش اعرف اي حآجه
عن تآريخ مصر جت مرة معلمة سألتني انآ
وصحبآتي المصريآت احكولي عن تآريخ بلدكم شوية
كآن كل اللي نعرفه الأهرآم + رئيسنآ اسمه حسني مبآرك + السآدآت وجمآل عبد النآصر
ولحد دولوقتي اعرف عن تآريخ السعودية بالتفصيل
الملل اكتر مآ بعرف عن بلدي


ياتري دعاء محجبة ولاا منقبة ولا زي ما بيقول العندبيب والشعر الغجري المجنون ؟

هو انآ بصرآحة الـ 3 1X

محجبة ودآ الطبيعي
منقبة وانآ رآيحة دوآمي او لمآ اكون في مكآن
مليآن شبآب وكله مغطي وشه مآعدآيآ فبضطر اغطي
وكنت احيآنآ ببقى بشعري قدآم بعض قرآيبي لان عآدآتنآ وتقآليدنآ بتعتبره انه اخويآ وكآنو عيلتي يدآيقو
لمآ يلآقوني محجبة
بس السنة دي ان شآء الله محجبة قدآم الكل


موصفات فتي أحلامك وياتري خطف قلبك ولا لسة ؟

موآصفآت فتى احلآمي زيي زي اي بنت
اهمهآ الإحترآم والحب


دعاء كا زوجة هاتكون مطيعة ولا عنيدة ولا مدربة مصارعه ؟

مدربة مصآرعه ايه بس ,, حآشآ لله
هي الوآحده اللي فينآ ليهآ ايه غير بيت جوزهآ
وانهآ تحرص على طآعته
مش عآرفة ليه فـ مصر عندكم مبدأ التحول للمرأة
بعد الجوآز


دعاء إمتي تقول لا ؟

قدآم اي حآجه تعآرض مصلحتي او تضر غيري اكون انآ سبب فيهآ .. وانآ بطبعي شخصية مجآدلة
لو لقيت حآجه مدآيقآني بقولهآ


دموعك إمتي تعبر عن دعاء ؟

واي دمعه تنزل اكيد ورآهآ سبب يعبر عني



دعاء بتمثل البنت الرومانسية الحالمة ياتري مريتي بتجربة حب ؟؟

ممكن اكون اعجبت وممكن أكون اتحبيت بس حبيت لأ


الفشل ياتري كان له وجود في حياتك ؟؟

مش فشل بالمعنى المطلوب
ممكن نقول عقبآت


إفتقدتي مين بالمنتدي وغيابة اثر فيكي ؟؟

بآسكي
وأحمد تيكنيكآل
وفيه نودي كنت بحترمهآ جدآ
وحسنآء
و


إية رآيك في إدارة المنتدي ؟ كاعضوة ؟ كامشرفة ؟

بص كعضوة وكمشرفة مش هتتغير نظرتي
انآ ليآ قسمي اللي مشرفة عليه وليآ الأقسآم العآمة
اللي مرآقبة فيهآ
مش بروح اتتبع سيآسآت الإدآرة أو اتطفل فيهآ
وبحب أشوف شغلي وخلآص
بس انآ شآيفة ان الإدآرة ف الفترة الأخيرة خلت حرية
رأي كبيرة للأعضآء ودآ شيء ايجآبي
وإن اخطئو مرة فـ حق حد فمحدش معصوم


سر ابتعاد رحيق الجنه إيه السبب ؟

الله اعلم بظروفهآ بس آخر مرة كلمتهآ كآنت قآلتلي
بسبب درآستهآ وشغلهآ


رئيسة وزراء المنتدي حنون و لا ميشو ؟؟

الإتنين
المنتدى مش بيستغنى عن حد من أركآنه
والكل بيكمل بعض


كنتي بتدخلي منتدي الشعر والخواطر بصفة مستمرة وبعدتي وبقي تواجدك في صفحات مكشوفة ياتري إية السبب ؟؟

بيني وبينك انآ بحب القسم ودآ ومآزلت بدخله
بس كل فترة وفترة
سبب ابتعآدي اني انشغلت فـ درآستي وبقيت ادخل قسمي والاقسآم اللي مرآقبة فيهآ
ومقصرة كتير فـ حق اقسآم كتير بحبهآ
اللي من ضمنهآ الشعر والخوآطر
ان شآء الله رآجعه ادآوم تآني على كل الأيآم الجآية


دعاء إمتي تحس انها ضعيفة ؟

لمآ تحصل مشكلة ومش بإيدي اي حآجه اعملهآ
غير اني اعمل بإسمي بس


قلبك فين مكانة ؟

جوآيآ


مين أصحابك في المنتدي ؟

كتير اعرفهم
بس اللي مصآحبآهم اوي
فرح
سمبآتيكآ ( تقى )
الحآن الورد


إية رائيك في


طارق سلفر

شخصية رآئعه
بيجمع بين رجآحة العقل وخفة الدم


ماتركس

نشيط جدآ وتوآجده مميز
بس عصبي حبتين


رحيق الجنه

قلم سآحر
كنت بحب موآضيعهآ جدآ وأفكآرهآ
وكآنت شآيلة هم قسمهآ بطريقة فظيعه
كآنت كل مرة تكلمني احسهآ شآيلة هم كبير
على انه يطلع بصورة مشرقة

مورشو

مقدم استضآفآت مبدع
وعنده أفكآر بتعجبني

بيوتي انجل

يويو حبيبتي
من اكتر النآس اللي بحبهآ كتير
متعآونة بدرجة كبيرة
وشخصية جدآ روعه

محمد الشريف

بصرآحة انآ لو مآ اتكلمتش عنه فالكل عآرف
بحترم ذآته كتير
وكآن ليآ الشرف اني اكون مشرفة معآه فـ القسم
اخلآقه فوق الوصف وتعآمله مع الجميع فـ قمة الإحترآم والأدب

حنون

بحب طيبتهآ أوي
شخصية مرحة وحبوبة

ميشو

الفتآة الرومآنسية
رقيقة جدآ وعآقلة
من الأعضآء اللي بحترمهم جدآ

دكتور سما

بحب قلمهآ
كل انسآن ليه طريقة معينة ف الكتآبة
هي طريقتهآ بيميزهآ عن غيرهآ

دكتور فارما

من اكتر الشخصيآت العآقلة معآنآ
بحب طريقة تفكيرهآ أوي
غير كده يحسب ليهآ احترآمهآ للجميع طبعآ

سيرين

تنفع مدرسة علم نفس
بحب تحليلهآ للأمور
ومن اكتر النآس اللي بقرأ ردودهم وبستمتع بيهآ
شخصية جميلة معآنآ

قلم بلا حبر

قلم مببدع وفوق الوصف
اي موضوع ليه كنت بستمتع وانآ بقرئه


ناصر عبدو

المحترمين بيتعرفو من اسلوبهم
واستآذ نآصر من اوآئلهم
ربنآ يكرمه

برنسيسه s

دي بقى لو لفيت الدنيآ كله مش هتلآقي ربع طيبتهآ
تحسهآ كده منبع للطيبة كلهآ
بحب اسميهآ القلب الابيض

محمد علاء

مرآقب متميز
جآد في شغله
وبيعرف هو بيعمل ايه
بيعجبني تفكيره ,, بحسه هآدي بعقل مبدع

عاشق ولهان

مش محتآج تعرف رأيي فيك
من بدآية دخولي للمنتدى كنت ومآزلت بحب
موآضيعك وأشعآرك ليهآ ميزة ومتعه لمآ بقرأهآ
اتمنآلك دوآم الإستمرآر


اية رآيك في مشكلة تقي ؟ وياتري كان حلها إية ؟

صدمت طبعآ اول مآ عرفت ورحت كلمتهآ
امآ بالنسبة للحل
فالموضوع كآن متعقد وكفآية الصدمة من الحكآية دي فانك تشوف مين اللي ورآ اللي حصل مش سهل


موقفك إية من عرض مشكلتها في موضوع باليوميات موافقة ولا رافضة ؟

كنت مستغربة انه نزل علني
بس لمآ فكرت فيهآ حسيت انه كآن هو المفروض يتعمل
كده عشآن اللي وصلتله الصور يبقى عآرف انهآ
اتآخدت بدون علمهآ وحتى لو مآ كآنش نزل
الكل عآرف مين هي تقى

خبر تحبي تسمعية في أقرب فرصه ؟

خبر يسعد انسآنة عزيزة عليآ


رسالة تبعتيها لمين وتقولي فيها إيه ؟

وعندمآ تغيبون ,, أتسآئل بإستغرآب وتعجب
أين أنآ من نفسي ؟
ابعتهآ للي غآيبين دول


عفوا ً أنا لا أنظر خلفي تقوليها لمين ؟

لأي حد بيحآول يغير نظرتي في شيء مآضي
سوآء كآن يخصني .. او يخص انسآن عزيز عليآ


آسفه تقوليها لمين ؟

لأي حد غلطت في حقه من غير قصد


ورده تقدميها لمين ؟

لانسآن ليه الفضل في سعآدتي


أمنية حياتك ؟

احقق كل امنية بتمنآهآ


نفسك تشوفي مين في منتدي بنات مصر؟

تقى
لان هي قريبة مني اوي
بس مآ بيحصلش نصيب


أقلام تقفي حائرة أمامها ؟

كتيييير جدآ
سوآء هنآ
أو خآرج نطآق المنتدى


إمتي مويبل دعاء يكون مغلق أو خارج نطاق التغطيبة ؟

لمآ أكون مخنوقة
بحب اكون وحدآنية
مآ بحبش ازعآج من أي حد ولآ حد يتدخل فيآ


صوت نفسك تسمعيه دلوقتي ؟

مش صوت وآحد
مجموعه أصوآت بعشقهآ


حياتك بتدونيها في مزكرات ياتري هاتقولي فيها إية عن البرنامج دة ؟

كل خير مآ تخآفش

هتكون بصمة لذكرى جميلة
لو ربنآ كتب ليآ طولة العمر اكيد هتفكرني بأحلى أيآم


نصيحة توجهيها لدعاء هاتقولي فيها إيه؟

كل الأمنيآت التي تهمك اختصرت نفسهآ وعنوآنهآ بك
فكوني بقدر المسوؤلية


كلمة أخيره تحبي تقوليها ؟

بشكرك على الإستضآفة دي
استمتعت بيهآ
بغض النظر عن وجع ايدي يعني
ان شآء الله مكونش تقيلة على قلب حد

وتسلم على زوقك
بتمنآلك التوفيق


وانا بشكرك يا دعاء علي تشريفك البرنامج وسعداء بيكي وبقلمك المبدع

وبتمنالك التوفيق في حياتك وتحققي كل ما تتمنيه ربنا يوفقك

وكده ينتهي حوارنا مع مبدعتنا ومشرفتنا الرقيقه / حياتي زكريات

وانتظروني وضيف جديد وحوار علي نار مع ضيف جامد جدا ً جدا ً

والسلام عليكم ورحمة الله وبركاته

تقبلو تحياتي

عاشق ولهااان

[واد حبيب]

الحمد لله حلصت الحلقه

ايه يا عم عاشق كل ده اسئله

بس بجد تسلم علي الحلقه الجميله

وطبعا حياتي زكريات منوره الحلقه والله

ودي من الشخصيات اللي بحترمها جدا في المنتدي

في انتظار الحلقه القامه

الحبيب

[بائعة الأماني]

حلقه كتيررر حلوه اسأله واجابات روعه تسلمي حياتي ذكرياتي بجد كنتي هايله

[ندى الجورى]

برنامج رووووعه اوى
يسلموووو ايديك و ربنا يوفقك دااايما
و بصراحه عضوة جميييله و عذبه و شخصية رائعه
دعاء بجد مبسوطة انى تعرفت عليكى يا قمر
بتمنى لك التوفيق يا عاشق فى كل الحلقات
و ان شاء الله اتابع البرنامج دايما

[king lion]

السلام عليكم ورحمة الله وبركاته

فى الحقيقة جذبنى عنوان الموضوع من الصفحة الرئيسية للمنتدى

فدخلت وحينما وجدت أستضافة كنت أنتوى الخروج دون تعليق

ولكن حينما قرآت اول السطور جذبتنى طريقتك أخى صاحب الموضوع

فأكملت القراءة دون أنقطاع

أسئلة رائعة وأجابات أروع من ضيفتك

موضوع جميل أخى الحبيب أتمنى لك التوفيق فى جميع مواضيعك

[ماتركس]

اولا تسلم ايدك يا عااشق والهان

مجهود عالي وحوار عشره علي عشره بطريقه المصريين حوار في الجون ياريس

انا مصري برضوه هههههههههه

ثانيا الضيفه انسانه الكل يشهد ليها عقلانيه ردود متميزه مواضيع هادفه يعني كامله من كلوو

تسلم ايدكم علي الحوار اللي ميه ميه ده

ومنوره يا دعااء وكل سنه وانتي طيبه وعقبال مليون الف سنه يارب

واتعرفنا عليكي اكتر من خلال البرنامج ده

بالتوفيق للجميع

[Mo7aMaD 3aLa2]

اقتباس محمد علاء مرآقب متميز جآد في شغله وبيعرف هو بيعمل ايه بيعجبني تفكيره ,, بحسه هآدي بعقل مبدع

ميرسى جدا يا دعآء على رأيكـ

و اجابات مميزة منكـ وعقلانية ودة مش جديد عليكى

حوار مميز جدا يا عاشق

تسلم ع التوبيكـ

..

[ساحر الأحزان]

حلقة جميلة مع عضوة مميزة

تكلمت فيها بكلام من القلب

بتمنى لها كل سعادة

موضوع جميل عاشق

تحياتى علية

[game010]

بجد حلقه مميزه جدا جدا جدا
وكفاية الضيفه الجميله ده
وعرفتها من رداها اكثر شويه
فى انتظار الحلقات الى جايه