سوق القلوب بقلمى

عمرو اللمعى · منذ /10-17-2011, 06:19 PM

اتباعنا
اتباعنا فى سوق القلوب انا وانت ياقلبى

انت ياعمنا
تدفع كام وتشترى حبى
وتاخد مننا
حنيه وعشرة وطيبه
وتسرق عمرنا
وتعرف ناس وتقابل بشر
وتبيعهم زينا
مافسوق القلوب خلاص اتباعنا كلنا
قرب قرب قرب قرب
اكسر قلبك مرة وجرب
واعرض حبك يوم للبيع
هتلاقى كل الناس ضايعين
والتجار قايمين واقفين
اصل الناس كلها بايعين
واللى بيشترى قلب العاشق
ماسك حزمه من السكاكين
بيضرب ضرب يهز الكون
غيرة وحقد وغش ولوم
غلطه عمر العاشق انه
سلم قلبه لسفاح يوم

اتباعنا فى سوق القلوب انا وانت ياقلبى
وحضرنا المزاد
اول حاجه اتباعت حبى
لتاجر خاين كداب
والجرح اللى فى قلبى ازداد
والابيض فى عنيا اتغير
اتحول باه لونه هباب
دة الوقت اللى انا شوفته دة طول
مع واحد خاين كداب

اتباعنا فى سوق القلوب انا وانت ياقلبى
ضيعنا عمرنا
مع واحد كان خاين حبه
مش طيب زينا
مع واحد الظاهر انه
كان حبيبنا
مش قادر انطقها اكمنه
باديه اتعذبنا
والايد اللى فى يوم ضمتنا
والحب اللى فى يوم عشناه
كانوا هما بدايه ظلمتنا
والليل اللى سهرناه
اوعه يا قلبى انا وانته نسلم
بعد اللى عرفناه
اوعه الجرح اللى بيتكلم
نلقى الفرح معاه

اتباعنا فى سوق القلوب انا وانت ياقلبى
حكاوى وعبر من سوق القلوب
قرب قرب

القناع الذهبى
عمرو اللمعى

برنسس ساره · منذ /10-17-2011, 06:35 PM

اتباعنا فى سوق القلوب انا وانت ياقلبى
حكاوى وعبر من سوق القلوب
قرب قرب

بجد كلام جميل احساس عالى انك تعبر عن اللى جواك

تسلم ايدك

ننتظر منك المزيد والمزيد اجمل

تقبل مرورى المتواضع

جـــــراح المشــاعر · منذ /10-17-2011, 06:36 PM

الله الله الله
بسم الله رائع اخي
ازكرتني بقصيدةو روبابكيا
لك احساس جميل
مميز

سهـــر · منذ /10-17-2011, 06:37 PM

كلام حلو اوي
سلمت اناملكــ

!عالي مستواها! · منذ /10-17-2011, 06:37 PM

قمة الابدآع
يسلم لنآ الانآمل المبدعه والمذهله
آحترآمي ماننحرم من جديدك...

╯ Princess ╭ · منذ /10-17-2011, 06:37 PM

كلام رائع

ماشاء الله

شكرا لك

ماتركس · منذ /10-17-2011, 06:39 PM

عمرووووو

الله عليك يا عم علي الكلام اللي من القلب عالطوال ده

ومنتحرمش من جديدك ياريس

هوه ده الشغل يا كبير

۩۩ elMagic ۩۩ · منذ /10-17-2011, 06:40 PM

كلمات فى غاية الجمال
احساس عالى منكـ اخى
قلم راقى ومميز
داد نبض قلمكـ

عيون الملاك · منذ /10-17-2011, 06:58 PM

طرح رااقي يحمل من المعاني اعمقها

ومن القيم أثمنها ..

دمت وداام لنا تميزك الملحوظ وقلمك الحر

لك تقديري واحترامي...

misho · منذ /10-17-2011, 07:00 PM

اسلوبك في الكتابة جميل
و كلماتك اختيارها اجمل
تسلم علي ابداعك
ننتظر جديدك
تحياتي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
واحـــــــــــــــ صمت القلوب ــــــــــــة فلسطين بقلمي	قلـــــــــــــــــم	بقلم أعضاء بنات مصر - حصري	8	04-17-2010 11:49 PM
قصيدة شعبيه بقلمي بعنوان هم القلوب	فياض مخلف الطوفي	قسم الخواطر - وهمس القوافى حصرى بقلم الأعضاء	8	11-08-2009 07:31 AM
@#@* @ آه . . آه يا دواء القلوب @ *@#@ بقلمي	فـارس عبد العـزيـز	قسم الخواطر - وهمس القوافى حصرى بقلم الأعضاء	4	07-06-2009 12:51 AM
آه . . آه يا دواء القلوب ** بقلمي	فـارس عبد العـزيـز	قسم الخواطر - وهمس القوافى حصرى بقلم الأعضاء	1	06-28-2009 11:26 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

سوق القلوب بقلمى

قسم الخواطر - وهمس القوافى حصرى بقلم الأعضاء