انا مصرى

[ممدوح بدوى]

انا مصرى
انا مصرى وفرعونى اصــــــيل متربى وشارب من النيل
راح اقول الصدق انا ما اكدبش وانا عندى لكلامى دليل
انا مصرى وفرعونى اصيل

عــلمــتـينى اكون انسان صوت الحق فى وشى يبان
عن ارضك حاكتبلى ديوان وحادندن واكتب مواويل
انا مصرى وفرعونى اصيل
وقت الشدة بتلقى ااسود قوة وعزم تخطى حدود
ودا حقك راجع مردود وشايل لك فى رقبتى جميل
انا مصرى وفرعونى اصيل
على ارضك انا رافع راسى باتباهى بمفتاحى وفاسى
انا عايش بين اهلى وناسى واساسى جــامد ويشـــيل
انا مصرى وفرعونى اصيل
مين يستجرى يخطى لارضك داحـــنا ولادك دمنا دمــــــك
حاميين دارك شايلين همك مهما نضحى دا برضو قليل
انا مصرى وفرعونى اصيل
بين صحاريكى فى حضن غيطانك مهــما تاٌٌٌُسى حافـــظه مكانك
وكـــيـــانى بيـــكـــمل بكــــيــــانك وطـــريـــقى ينور قنــــــاديل
انا مصرى وفرعونى اصيل
كــل الــعــــالم يشــهـــــد ليكى وقت الصعب تمدى ايديكى
ويا بلدى ودا احلى ما فـــــيكى حضنك طيب ما لو مثيل
انا مصرى وفرعونى اصيل
مهما اطوف العالم بارجع واما افارقك عينى تدمع
وبلملم فى حنينى واجمع وباعودلك من بعد رحيل
انا مصرى وفرعونى اصيل

شــعــــــر
مـــمـــدوح بــــــدوى

الرفاعيين\ فاقوس\
محافظة الشرقية
جمهورية مصر العربية

[البرنس رامى]

روعة الوطنيه فى كلماتك اخى ممدوح

كلمات فعلا فى قمة الروعه وأجمل مافى الكلمات

حب مصر والروح الجميلة اللى فى احاسيسك

احترااااااااااااماتى اخى

ونورت المنتدى وفعلا

اسلوبك رائع

[السفينة]

سطور من حنين قلبك لحب الوطن

رسمتها بارقى سجن

عزفتها على مرآنآإ اعذب لحن

سلمت اخى على انتقاء الراقى

دمت بكل خير وسعادة

لك ارق واخلص التحيآإ