حلقة جديدة من برنامج ((( شخصية وموقف ))) مع الإداري المتألق ( silverspectra)))

[مِسكُ الشَهادة]

كما عودناكم في برنامجكم ((( شخصية وموقف ))) الذي نعرض فيه ِ ع ضيفنا الكريم ثلاث شخصيات ونطلب منه شاكرا ً أن يوضح وجهة نظره من كل شخصية ع حدة ... وضيفنا لهذا اليوم الأخ الغالي المتألق :_ ((( silverspectra))) المدير العام ...طارق مضمون النقاش ... شخصيات سياسية ... ((( معمر القذافي ))) نبدأ بالفيديو دا واحده و بتقوله انها فقيرة و هو يقولها مافيش ليبي فقير و انتي مش ليبية:762: و الله فعلا بالظبط نفس مسرحية الزعيم القذافي لما بشوفله فيديوهات قديمة بحسه كان عاقل أو كان مظهره عادي ,,يعني راجل و لابس بدله كل ما يكبر في السن كل ما يخرف أكثر و دا نتيجة انه عقلية فلسفية + انه من النوعية المتطرفة بمعنى انه دايما ياخد الفكرة و يدوس فيها جامد و يفعص الافكار التانية مره تلاقيه بيكفر السوفيت و الاشتراكية و بعدين فجأة يتبنى فكرهم و الراس المالية نفس الوضع ,,يعاديها و بعدين يمارسها و يشجعها بعد فترة فهو كتحليل شخصي مني ,,شخصية متطرفة ,,و التطرف مش معناه انه يكون ارهابي ,,لكن تطرف بمعنى انه بيحب يشذ عن القاعدة و طبعا في وجود سلطة مطلقة ليه ,,فالعلمية باقيت بزرميت:biggrin: ممكن واحد يسأل نفسه : ليه الرئيس من دول ما بياخدلوش قرشين و يهرب من البلد و يعيش في أي بلد تاني زي الفل الجواب هنا بيتعلق بإدمان الديكتاتور للسلطة الشعب بيسبح بحمده و شبه بيعبده و لو حتى عمل أي حاجه عبيطة الناس تنفخ فيه ,,فبيبقى عنده شعور بالالوهية أو خلينا نقول ان مستواه بيكون فوق البشر , عشان كدا بيفضل و بيستمر في منصبه و بيعاند برغم الاحتجاجات و الثورات لأنه مش عايز مستواه ينزل للبشر أو للإنسان العادي و بيقولك دايما السلطة بتعمي القذافي كان عنده فرصة كبيرة للهروب للنيجر مثلا وقت سقوط طرابلس لأنه كان مسيطر على اقليم سرت و محيطها (تقريبا تلت ليبيا) لكن طبعا بالعقلية الي ذكرتها فضل انه يستمر و راح قاعد في سرتو فكر انه هيستمر في الحكم و فرضوا عليهم حصار خانق أدى إلى النهاية الدموية يلا بقى ربنا يتولاه و نتمنالهم المستقبل المشرق , الفترة الي جايه هتكون صعبة جدا على ليبيا , مرحلة البناء و الوعي السياسي مع ان في خوف من ان النظام الجديد مايقدرش يلم البلد بعد انتشار السلاح بكميات رهيبة وسقوط النظام بكل مؤسساته يعني غير مصر و تونس الرئيس فقط هو من خلع مع بعض حاشيته لكن دا راجع إلى أن الأنظمة في مصر و تونس ممكن تكمل عليها ,,يعني في مؤسسات كاملة غير ليبيا بنظام القذافي ماينفعش حد يكمل عليها (مخترع و مفصله على مزاجه :biggrin و النظرية بتقول ان التطرف و الظلم القاسي بيجي لصالح الثورة و التغيير (((صدام حسين))) لاقيت تعليقات من أخوة عراقيين بيقولوا الشهيد القذافي و متعمدين دا ردا على الليبيين الي كانوا بيقولوا الشهيد صدام حسين (عجبني المنطق :biggrin صدام عقلية ديكتاتورية أيضا ,,و حكمت العراق بالدم و البطش كتحليل لشخصيته هو ممكن ماكنش فيلسوف مجنون زي القذافي , لكن كان برضو شخص سيء السلوك مع شعبه و فيه كل صفات الإنسان الديكتاتوري كفاية بس عياله أنا أستغرب من بعض الأخوة العرب الي بيترحموا عليه على انه كان مدي الشيعة بالجزمة!! مش فاهم فين المبدأ لما افكر بالمنظر دا و بالعنصرية دي!! المفروض الإنسان بيفكر بالعدل و بالحقوق مش بيفكر بالبطش و مين يدي التاني بالجزمة!! لأنك لو بتفكر بكدا يبقى تستاهل تاخد بيها و ربنا عمره ما يرضى بالظلم , فهتتظلم بشكل غير مباشر على المدى البعيد صدام أو القذافي كانوا بيدعواانهم اصحاب مبادئ و بيعادوا الغرب مع انهم كانوا حبايب ليهم عندك مثلا صدام , كان نظام موالي للإتحاد السوفيتي و كان الشاه في ايران حليف لأمريكا بعد سقوط الشاه و تحول ايران لعدو امريكي بقى العراق مدعوم من الاتحاد السوفيتي و امريكا طبعا بالاضافة لفلوس العرب بعد عزوة للكويت بقى عدو لأمريكا و طبعا سقوط الاتحاد السوفيتي ماكنش لصالحه و بالتالي انعزل و فرض عليه حصار خانق المهم الخلاصة من الي قولته انه ماكنش انسان مناضل زي ما البعض بيفكر و بيسيب العاطفة تغلبه كان عادي بتاع مصالح مش أكتر , بس لازم الديكتاتوري يحط شوية عداوة للغرب عشان يكسب عطف شعبه (((بشار الأسد))) نظام بشار شبيه بنظام صدام حسين ,,نفس الحزب و نفس النفاق الشعبي و نفس الفكر الي بيعادي الغرب عشان يكسب قاعدة جماهيرية , في حين هو ما يعملش اي حاجه تستاهل , أعتقد سوريا لسه أدامها كتير جدا عشان ثورتها تكون ملموسة التدخل الدولي مش هيحصل الا لو حصل انشقاق من قيادة كبيرة في الجيش زي ليبيا و دا مستبعده حاليا في ظل هذا الكم من النفاق و الجبن الي مازال مسيطر على ناس كتير و كمان في سادية غريبة شوية عند البعض هناك في حب للعنف بشكل غير طبيعي يعني أنا أعرف الإنسان ممكن يتحول لشخص عنيف و باطش بس ضد مجرم أو تاجر سلاح أو أي حاجه مبررة شوية و طبعا أنا ضد العنف تحت أي منطق لكن إن عسكري يمسك مواطن و ينزل فيه ضرب عشان يسبح بحمد الرئيس!! بجد سادية مش طبيعية و أعتقد الاحتجاجات في سوريا هتفضل مستمرة برغم من ان النظام مضيق الخناق عليها بالدبابات و يقولك عصابات مسلحة ,,يعني بلد ينزل دبابات و جيشه شهور لمحاصرة المدن عشان عصابات!! بجد بحس ان عقلي عايز يصغر 15 سنة عشان اصدقهم و حجتهم ان في عسكريين بيموتوا و دي ليها اسباب أولا العنف بيولد عنف ,,يعني لو طلعت مظاهرات و لاقيت عسكري بيضرب عليه نار ,,لو باديه وسيله اقدر اقتله فيها هقتله ثانيا في عسكريين بينشقوا و بتتم تصفيتهم عامة مهما العمر طال ,,النظام مع الوقت هيترنح و هيسقط شرفتنا دوما ً يا أخ طاروق دمت َ بألف خير

[واد حبيب]

بجد حلقه جميله جداااا يا خالد

وطارق والله منور واجابته جميله جدااا

واختيار رائعه منه للشخصيات

بتوفيق دايما يا خالد

الحبيب

[ساحر الأحزان]

حلقة جميلة خالد

مع سياسى المنتدى المحنك

وبقلة بلاش كلمة البتاعة دى ياعم طارق

اختيار قيم وتحليل منطقى جميل

بالتوفيق لكم

[a m i r a]

تـــمــ ـام ..

بـصرآ حه كلامك علي صدام عجبني جدداا

وآلــقذآفي آكتر واكتر

كلام عشره علي عشره

آكيــد حلقه مميزه~ يــا الاسلامبولــي

عجبــاني الحلقه جدآآ

ننتظر آلمــزيد

[countess]

اقتباس القذافي كان عنده فرصة كبيرة للهروب للنيجر مثلا وقت سقوط طرابلس لأنه كان مسيطر على اقليم سرت و محيطها (تقريبا تلت ليبيا) لكن طبعا بالعقلية الي ذكرتها فضل انه يستمر و راح قاعد في سرتو فكر انه هيستمر في الحكم و فرضوا عليهم حصار خانق أدى إلى النهاية الدموية

صحيح >> حوار ممتع

ننتظر باقي الحلقات ع خير

كونو بخير

[سهرالليالى]

أعتقد سوريا لسه أدامها كتير جدا عشان ثورتها تكون ملموسة
التدخل الدولي مش هيحصل الا لو حصل انشقاق من
قيادة كبيرة في الجيش زي ليبيا و دا مستبعده حاليا
في ظل هذا الكم من النفاق و الجبن الي مازال مسيطر على ناس كتير
و كمان في سادية غريبة شوية عند البعض هناك
في حب للعنف بشكل غير طبيعي
يعني أنا أعرف الإنسان ممكن يتحول لشخص
عنيف و باطش بس ضد مجرم أو تاجر سلاح أو
أي حاجه مبررة شوية و طبعا أنا ضد العنف تحت أي منطق
لكن إن عسكري يمسك مواطن و ينزل فيه ضرب
عشان يسبح بحمد الرئيس!! بجد سادية مش طبيعية

رائع تحليلك المنطقى
و لكى الله يا سوريا
تقبل مرورى و خالص احترامى

[مِسكُ الشَهادة]

أشكر من أعماق ِ قلبي
لكل من مرورا عليه هنا
برونق ِ ما أضافوا من إضافات أعتزُ
بها وأفتخر
وأشكر أخي الحبيب ( طارق ) مرة أخرى
لتشريفه لنا حضوره المميز
دمتم بألأف خير

[لحظة عتآب]

حلقة مميزة
وضيف قمة في التميز
الف شكر ليك يا استااذي
علي مجهودك المميز ده
والدكتور طارق منور الحلقه طبعا
ومستنيين الحلقه الجاايه
دمتم في حفظ الله ورعايتهـ

[beauty angel]

اقتباس ليه الرئيس من دول ما بياخدلوش قرشين و يهرب من البلد و يعيش في أي بلد تاني زي الفل الجواب هنا بيتعلق بإدمان الديكتاتور للسلطة الشعب بيسبح بحمده و شبه بيعبده و لو حتى عمل أي حاجه عبيطة الناس تنفخ فيه ,,فبيبقى عنده شعور بالالوهية أو خلينا نقول ان مستواه بيكون فوق البشر , عشان كدا بيفضل و بيستمر في منصبه و بيعاند برغم الاحتجاجات و الثورات لأنه مش عايز مستواه ينزل للبشر أو للإنسان العادي

تمـــام ياطارق
تقديس الاشخاص من أهم أسباب أصابهـ الحكام
بجنون العظمة وحب التسلط والتملكـ
زى مثلا لما كان علاء وجمال خارجين من اول محاكمة
وبعض رجال الشرطة العسكرية بيقدموا لهم التحية
منتهى الاستفزاز
وفعلا تقديس اشخاص أعمى
بغض النظر عن كل الى حصل والى بيحصل
والديكتاتوريهـ صفة مشتركة بين جميع حكام العرب
إلا من رحم ربى ،،

فكرة البرنامج جميلة اوى ياخالد
للأسف دى أول مرة أشوفهـ
فكرته عجبتنى كتير
حلقة جميلة واستضافه مميزة أكيد
نورت ياطارق
وتسلم ياخالد على الحلقة الحلوة ،، دوام النشاط

[ماتركس]

مجهود عالي منك يا استاذ خالد

وعجبني جداا جداا تحليل الدكتور طارق بجد بيعجبني عقلك السياسي ده

يا طارق بحس انك لو مسكت في يوم من الايام رئيس اكيد هتفيدنا مش قدامنا

غير حل نرشحك للرئاسه يا كبير بس بجد منور الحلقه يا دكتور