بعض المواقف التي تقع فيها الفتاة

[الاميرة الحساسة]

بعض المواقف التى تقع فيها الفتاة و تستحق بها عن جدارة و استحقاق لقب ( عبيطة )


حينما يرتفع صوتها فى الكلام أو الضحك أمام الناس : فمن الممكن أن تكون جالساً فى مكان فتسمع صوتاً تحسبه سارينة الحريق فإذا بك تفاجئ أنه صوت امراة تضحك



حينما تلبس ملابس غير محتشمةليس على سبيل قلة الأدب و لكن على سبيل الحمق و التقليد الأعمى : فقد تجد فتاة سمينة جداً ترتدى بنطالاً من الجينز الشديد الضيق مما يجعلها تبدو مثل شوال البطاطس





حينما تضيع عمرها و وقتها فى ما لا يفيد كالكلام فى التليفون أو المكث بالساعات أمام التليفزيون أو الكلام فى الهاتف أو بتضييع الساعات أمام المحلات و الفاترينات لأجل أن تشترى توكة بربع جنيه


حينما يأتيها ابن الحلال الطيب المناسب فترفض بغرض إكمال تعليمها بعد الجامعه لأن الشهادة سلاح فى يد المرأة ثم فى النهاية تأخذ هذا السلاح و تبله و تشرب ميته




حينما تعطى أذنها لكل من هب و دب حتى لبائعة الجرجير .





حينما تكون شخصيتها ضعيفة تترك قيادها لأى إنسان طيب أو شرير




حينما تكون خفيفة غير متزنة تضحك لأتفه الأمور و ترقع بالصوت لأنها رأت خصلة من شعرها على السجادة ثم تقول بعد أن تهدأ : أصل بحسبها صرصار


حينما تترك الجهل يعشش فى خلايا مخها و لا تحاول تثقيف نفسها لا دينياً و لا دنيوياً فهى لا تعرف أى شيء فى أى شيء و قد يكون الحمار و لا مؤاخذة مثقفاً عنها


حينما يكون أكبر همها هو الزينة و اللباس



حينما تصدق كلام شاب يسرح بها و يفهمها أنه يحبها و خاصة إن كان زميلها فى الكلية ، فى حين أن كل شاب يأنف أن يرتبط جديا بفتاة أخذ منها معظم ما يريد فتصدق حتى من يقول لها : أنا باحبك يا انشراح و بعد أربع سنين لما أتخرج حاشتغل و أحوش و أعمل مشروع و آجى لبابا أخطبك و أنا إيدى مليانة المهم دلوقتى تعالى نروح الجنينة اللى تحت الكوبرى "


حينما تطلب من عريسها ما ليس فى وسعه و تكلفه فوق طاقته ( كاتشين ماشين – غسالة أطباق – نجف – ستاير– خلاط مستر براون – دباديب كتير – ميكروويف– ديب فريزر - كورن فيليكس – شيش طاووك !!!!!!!! ) و ممكن يكون فى بيت أبوها معندهومش بوتاجاز أصلاً



حينما تعتبر نفسها نداً لزوجها و أن رأسها برأسه و أننا نعيش فى عصر المساواة و حرية المرأة إلى آخر هذا الكلام العبيط فتقول له : أنا سمعت امبارح فى البيت بيتك إن أنا زيي زيك و أنك مش أحسن منى ، و من هنا ورايح أنا حاغسل المواعين يوم و إنت تغسلها يوم



حينما تنقلب حياتها رأساً على عقب لما ترى حلماً عبيطاً مثلها لأنها تظن أنها شفافة و أحلامها دائمة التحقيق فتقول لزوجها مثلاً : أنا حلمت إنك بتخونى مع الشغالة لازم تطلقنى ، مع إنهم معندهومش شغالة أصلاً





حينما تحكى كل شيء عن بيتها لأمها و أختها و صديقتها : بخيل و جلدة و مش راضى يشتريلى فستان بمناسبة عيد العمال


حينما تصاب بالغيرة العمياء و تشكك فى كل قول و فعل لزوجها : طلقنى ...أنا شوفتك بعنيى بتتكلم مع الولية بتاعة العيش و بتضحكلها ليه ، مع أنها امرأة عمياء كسيحة تجاوزت الثمانين



حينما تتبسط لدى أقاربها الرجال من غير المحارم ( إبن خالة ماما – إبن عمى – إبن خالتى – جارنا القديم – زميلى لما كنا فى الجامعة ) متبقاش معقد كدة خليك لارج


حينما تهمل فى أولادها لصالح عملها ( لازم اثبت ذاتى فى الشغل )


حينما تصاب بداء التطير و الخوف من الحسد إلى درجة المرض فتقول : القطة السودة عدت من قدام باب الشقة يبقى نهارنا إسود مفيش خروج النهاردة




حينما يكون ( من سيغنى فى فرحها ) أهم عندها من العريس نفسه ، أى واحد و خلاص ، لازم تجيبلى المطرب العاطفى ( نبيل عضمة ) يا إما كده يا إما مفيش جواز ، الواحدة متتجوزش أحسن ما يتعمل لها فرح أى كلام



حينما تكد و تتعب فى عملها ثم تعطى ما قبضته للحضانة و المربية



حينما تكون مسرفة مبذرة






حينما تقارن نفسها بالأغنى منها مالاً لا بالأتقى و الأعلم و الأكثر تدينا و خلقا



وهيا دي الفتاه التي تستحق لقب عــــــــــــــــــــــــبيطه
طبعا بردوه مش كل البناااااااااااااات كده وكل بنت بتختلف من بنت للتانيه
فيه بنات عااااااااااقله ومحترمه كتيررررررر

[هاروكا]

يالله ياكثر البنات اللي فيهم من هذي الصفات
مشكوووره على التوبيك الرااائع

[نقوش على صفحات الورد]

رغم انوا موضوع نسائي
لكني حبيت تكون ليا بصمه هنا
توبيك منتهى الروعه
تقييم ممتاز جدا
كل ودي

[غرور ملاك]

علي فكره الكلام معظمه صح
بس كده البنت تبقي مش عبيطه تبقي طيبه
تسلم ايدك ,,

[زهرة الحياة 2]

فعلا لاصفات دى مجودة فى البنات بكثرة
ربنا يهدينا يا رب
ارق تحياتى على الموضوع

[دودو2000]

بجد موضوع فوق الخيالى
وبنات كتير موجود فيهم المواصفات دي

[الشعنونة المجنونة]

موضوع بجد راائع وجميل

[الاميرة الحساسة]

مشكوره على مروركم جميعا ويارب يكون الموضوع عجبكم

[الاميرة الحساسة]

اقتباس المشاركة الأصلية كتبت بواسطة غرور ملاك علي فكره الكلام معظمه صح بس كده البنت تبقي مش عبيطه تبقي طيبه تسلم ايدك ,,

تسلمي على مرورك الطيب
بس عندي تعليق بسيط
ممكن يكون بعض النقاط تكون فيها طيبة بس الباقي ما أعتقد