أمثــــــــــــــــــــــالنا تعبـــــــــــــــــــــر عن حالـــــــــــــــــنا

[ARAGON]

الأمثال الشعبية هي التي تعبر عن حالة الشعب المصري أو الانسان بصفة عامة وهناك حكم ومواعظ لا يستطيع الإنسان التغييرفيها ولكنه يؤمن بها وهناك بعض الأمثال قد تم وضعها بصورة خاطئة ومتداولة حتى وقتنا هذا في الشوارع والبيوت ولكن إلى متى...

وإلى اتجاه مغاير جئت اليوم ببعض الأمثال المعدلة والتي يجب أن تقال بشكل مناسب وهى على الشكل التالي

1. اللي بيته من إزاز ميغيرش هدومه في الصالون.
2. فاقد الشيء يدور عليه.
3. تأتي الرياح محملة بالأتربة.
4. اقلب القدرة على فومها يقع الفول منها.
5. اقطع عرق وحته بتلو.
6. اطبخي ياجارية الأنبوبة فاضية ياسيدي.
7. نام ارتاح وكل عسل نحل التمساح.
8. من خرج من دارة ماينساش يأخد المفتاح معاه.
9. الباب اللي يجيلك منه الريح شيله وركب قبنوري.
10. المضطر يركب التاكسي.
11. رب صدفة خير من ألف ليلة وليلة.
12. اللي يخاف من العفريت يعمل عبيط.
13. المركب اللي فيها ريسين يلعبوا طاولة.
14. اللي خدتوا القرعة تخدوا أم الخلول.
15. أكل العيش يحب الطعمية.
16. العين عليها LENSES .
17. لوحبيبك عسل ماتحطلوش طحينة.
18. اللي يتلسع من الشوربة يتصل على المطافي.
19. ياخبر النهارده بفلوس بكره ينزل عليه أوكازيون.
20. اللي معاه قرش محيره يجيب حمام ويحمره.
21. جت الحزينة تفرح شغلت شريط حكيم وقعدت ترقص.
22. قالوا يامحششين يكفيكوا شر الكمين.
23. اللي يأكل لوحده يشبع.
24. لا تبكي على اللبن البسكوت.
25. وبكره ترجع ريما من عند خلتها في مارينا.
26. يا داخل بين البصلة وقشرتها حط قطرة علشان ها دمع من ريحتها.
27. أصوم أصوم وأفطر على المدفع.
28. القرش الأبيض بيعوم في البحر الأحمر.
29. ضربوا الأعور على عينه قالهم كده كسرتوا النضارة.
30. قالوا للحرامي أحلف قالهم وحياة قلبي وأفراحه.
31. اللي مايشفش من الغربال يكشف نظر.
32. المال السايب يعلم الطلبة.

[نور العين]

ههههههههههههههههه
حلوة بجد الامثله ديه منسبه اكتر للزمن ده
مرسى ليك و تسلم ايديك

[سعودي عايش بالسعودية]

أنا عندى مثل يقول :
الباب اللى يجيك منه ريح لا تلحسة كله

[ARAGON]

اقتباس المشاركة الأصلية كتبت بواسطة نور العين ههههههههههههههههه حلوة بجد الامثله ديه منسبه اكتر للزمن ده مرسى ليك و تسلم ايديك

شكرا على المرور ومشاركتك الجميلة

[ARAGON]

اقتباس المشاركة الأصلية كتبت بواسطة سعودي عايش بالسعودية أنا عندى مثل يقول : الباب اللى يجيك منه ريح لا تلحسة كله

ههههههههههههههههه

شكرا على الرد ودمت بكل ود