ليه الناس بتقول علينا جيل فاشل

[Just G!rl]

أظن مفيش حد مسمعهاش فاشل

تفتكروا الناس الي بتقول علينا كده صح

أقولكم بعض الجمل الي بيقولوها الناس

الله يرحم أيام زمان الكتاب كان مفتوح 24 ساعة

على أيامنا مكنش فيه الإمكانيات المتوفره عندكم وياريتكم بتستعملوها صح

ابقى قابلني لو نفعت السنه دي

الجمله دي بتخنقني كل سنه بيقولوا كده وبنجح بأعلى الدرجات

الله يرحم رجالة زمان ( على أساس إن كل الشباب بايظين )

وغير كده بنسمع جمل كتير

بس السؤال

هما ليه بيقولوا علينا كده

وهما عندهم حق ولا لأ

ولو عندهم حق ايه الأسباب الي خليتنا جيل فاشل

[برنسيسة الحب]

مقدرش اقولك ان كلامهم غلط هو فى كلامهم شئ من الحقيقة بس احنا مش جيل فاشل لكن احنا اخدنا المعلومات التى تسبق سننا فى وقت مش مناسب ليها خالص فممكن يكون اقصدهم كده بالكلام او ممكن علشان اللى بيشوفوه من عدم مذاكره او اى شئ تانى او فى ناس بتلاقى كلامنا احنا تافه او فى اسئله مستحيل الاجابه عليها ممكن شايفين اهتمامنا بالحب زاد واهتمامنا بالمذاكرة قلت او اى شئ من هذا القبيل

[noona]

موضوع جميل يا فراشة للنقاش

بصى يا قمر

الجمل اللى انتى بتقوليها دى حقيقة

هى بتتقال فعلا ...

بس المشكلة مش فى الكلام

المشكلة فى الأجيال و الفرق بين كل جيل والتانى

يعنى جيل والدى ووالدك كان بيتقاله نفس الكلام من جدى اللى هو والده

بمعنى اخر كل جيل شايف الجيل اللى بعد منه مختلف

وده طبيعى بسبب التطور اللى عايشينه

و الموضوع ده الكلام فيه مش بيخلص

لان الجيل القديم شايف الجيل الجديد مختلف وبالتالى حاسس انه فاشل

وعايزين الجيل بتاعنا يعمل زى ما كانوا بيعملوا هما بيعملوا زمان

صحيح ميمنعش ان فى شباب فاشل زى ما بتقولى

بس ده موجود فى كل الأجيال

ده رأيي باختصار وان كانت المشكلة الاساسية هى صراع الأجيال

اللى ادت لكده ودى قضية طويلة جدا عايزة كلام اكتر من كده

وميرسى ليكى على موضوعك الجميل

تحياتى

[Just G!rl]

ميرسي على مروركم الجميل نورتوا الموضوع

[doiss]

[COLOR="DarkOliveGreen"]شكرا لكي علي الطرح الواقعي لحياتنا...

انا عاوز اقول كلمتين لمن يقول ذلك ..

ما حلم كل اب وام .. للأبن أو البنت..

طيار - دكتور او دكتورة - محامي ومحامية - مهندس ومهندسة.............................

لية احلامنا تكون دية بس طب والباقي ....

وبعدين لية الحكم علينا وعلي عقول ذاقت من التطور الفكري والثقافي ما لم يبلغوه هم!!!

لماذا لم يسألونا ماذا نحب وماذا نكرة..

او من نريد ان نكون

فالتمنيات لهم وحدهم وما نحن ألا سجناء عقولهم المريضة..

وهذا هو الفرق بيننا وبين الغرب..

هنا يأثرونا بأموالهم لكي نحقق لهم ما لم يستطيعوا هم تحقيقة ..

وليس لنا الحق في اتخاذ قرارت تتعلق بمستقبلنا..

اما الغرب فمتي يبلغ الشاب او الفتاة 17 عام..

فهو من يتكفل بنفسة ويحدد ما يريد وما لايريد..

الحرية .. من اجل مجتمع اكثر تطورا..

شكرا لكي...
[/ COLOR]

[Mohammed ali]

اقتباس أظن مفيش حد مسمعهاش فاشل تفتكروا الناس الي بتقول علينا كده صح هما ليه بيقولوا علينا كده وهما عندهم حق ولا لأ ولو عندهم حق ايه الأسباب الي خليتنا جيل فاشل

لا احنا مش جيل فاشل
دى محاولة غربيه لاحباط الشباب واعتقد انها نجحت نوعا ما
احنا جيل مميز جدا بس الظروف مش مساعدنا سواء كانت اقتصاديه او اجتماعيه
بس اعتقد ان معظمنا على درجه كبيره من العلم والثقافه التى توهله ان يكون ناجحا وليس العكس كما ذكرتى