انعى اخى الشهيد بهاء الدين عبد القادر السنوسى

[اسكندريلا]

"الشهادة مش أى حد ينولها"


نزلت موضيع كتير عن شهداء

لا اعرفهم ولا يعرفونى

وجه اليوم اللى انعى فيه شهيد

اعرفه من وهو عشر سنيين


عزائى لوالدته اللى هى امى

واخته اللى هى اختى وصدقتى


الشهيد بهاء الدين عبد القادر السنوسى


احد مؤسسى حزب التيار المصرى



بهاء اصلا من اسوان

من الناس الجدعه اللى على حق




آخر كلمات ضحية الإسكندرية: "الشهادة مش أى حد ينولها"



كتب السيد خضرى

وصف حسن البغدادى، مرشح الدائرة الثالثة بالإسكندرية عن حزب التيار المصرى، اللحظات الأخيرة لحياة السنوسى، قتيل الإسكندرية قائلا " كنا مجموعة من 7 أفراد أمام مديرية أمن الإسكندرية، وكان السنونى يلتقط بعض الصور للأحداث، حتى فوجئنا بسقوطه واثنين آخرين، وذلك فى تمام الحادية عشر والنصف، دون أن نسمع صوتا للطلقات، تبعها إطلاق الغازات المسيلة للدموع"، مضيفا "بهاء شخص طيب وكنا بنتكلم واحنا فى الطريق للمديرية إن الشهادة مش أى حد ينولها".

وأعلن البغدادى تنازله عن الترشح اعتراضا على استمرار المجلس العسكرى، وسقوط ضحايا ومصابين فى صفوف المتظاهرين.

أضاف بغدادى لـ "اليوم السابع" أنه كان ملازماً لبهاء الدين السنوسى (25 سنة) قبل مقتله برصاص الداخلية متأثراً بجراحه من تظاهرات أمام مديرية أمن الإسكندرية، موضحا: "بدأت الأحداث فى تمام السابعة مساء أمام المنطقة الشمالية العسكرية، عندما شارك السنوسى ورفاقه فى تظاهرة ضد المجلس العسكرى، ثم توجهوا نحو مديرية أمن الأسكندرية، وفى الطريق هجم عليهم عدد من البلطجية استطاع المتظاهرون ردعهم".

من جانبه دعا المتظاهرون بالإسكندرية للتجمع فى الثامنة صباحا أمام مشرحة كوم الدكة بالإسكندرية انتظاراً لخروج جثمان "السنوسى"، وعدم التلاعب بأوراق وفاته، على حد وصفهم.

[اسكندريلا]

[حنـــــون]

الله يرحمه ويغفرله
ويصبر اهله
وهيفضل كد فى شهداء مصرين
وناس بتموت كل يوم عشان خاطر
تراب مصر وعشان نشوف مصر احسن
بلد وان شاء الله هتبئه احسن بلد بارواح ولادها
ربنا يجمعنا بيه وبكل الشهداء فى جنته

[واد حبيب]

الله يرحمه ويصبر اهله

البقاء الله وحده

الحبيب

[مِسكُ الشَهادة]

ربنا يرحمه ويغفرله يا رب
وبحب أقول لكل شهيد
إنه دمه مرحش هدر عند الي بيقدروه
رحل لكي تحيا مصر
وربنا ينولنا الشهادة يا رب
شكرا ً لك ِ يا أختي ع الموضوع القيم

[اسكندريلا]

[ايمى البدرى]

ربنا يرحمه و يغفرله
و يحسن مثواه

و يصبر اهله و كل حبايبه


و الله يا جماعه
هو بأذن الله فى الجنه
الدور و الباقى علينا احنا

احنا اللى محتاجين للدعاء



ربنا يحميكى يا مصر

[ايمى البدرى]

اسفه نوسى

انا رديت قبل ما كنت اشوف المقطع


يكفي انى اقولك

ابكيتينى ..

[Big Brother]

ان شاء الله دمه مش هيروح هدر
وربنا يصبر اهله ويلهمهم الصبر والسلوان
وربنا يتقبله من الشهداء

[برنسس ملك]

البقاء للة
اللة يرحمة ويصبر اهلة يارب
ويجمعنا بية جميعا امين يارب
ويسترها على كل اخواتنا الى هناك