الحلقه الاولى من برنامج أمسيه حواريه مع عضو

[مهندسه بغداد]

معنا اليوم أسمٌ لمع في سماء منتديات بنات مصر له قلم يحتوي بدلاً من الحبر على رذاذ الذهب يسحرنا في كتاباته التي يضعها بين أيدينا وهي وليده اللحضه معنا المميز الرائع رحال بلا عنوان فرحبوا به

[مهندسه بغداد]

هنا من أجمل قصائد الاخ رحال

حسب ماذكر لي

مصــــر فوق الجميـــع










كـنـا عايشين فيها لكن متغربين
كان هما فيــن .. ودلوقتى بقوا فين
فهمونا يا محسنين .. ياللى مش حاسين
شقانا وتعبنا راح فين .. وراح لمين
رغيف العيش ماكناش لآقين
سنين عشناها وإحنا مظلومين
بنصرخ من الفقر . والمسئولين مش سامعين
الناس بترمى أطفالها فى الشوارع .. مهم فقرانين
أنتشر الفساد فى كل مكان .. وكنا مغيبين
بسبب مين .. وبيد ميـن .. كلهم ملعونين


أشكى وأحكى عن إللى شوفته قبل فوات الأوان
نظام فاسد كان بيرعى التزوير وبيحمى العدوان
بنخاف نقول كلمه الحق .. ماالحيطان ليها ودان
مبارك والعادلى وسالم وغالى وصفوت وجمال وسليمان
دول سطر واحد من نظام اتحكم فيها من زماان
سرقوا عمرنا وشبابنا وعرفنا معاهم معنى الحرمان
رصاصه طايشه قضت على الصبيه فى الميدان
ورئيس خاين وجبان ميعرفش قيمه الانساان
أضرب .. أحرق .. أقتل .. وأخلص من الجرذان
إللى يعترض يترمى فى المعتقل ويقولوا دا من الاخوان
مصـــر إللى طول عمرها أم الدنيا مكانش ليها مكان
مصر إللى ربنا ذكرها وكرمها .. حفظها فى القرآن
كان ولادها عايشين فى ظلم وذل وأحزان
ماكنش لــ ولادها كرامه ولا أتمان



كاسرنا جوانا الخوف .. رافضنا الأستسلام
حاربنا علشان بلادنا .. مهمناش السهام
صمدنا فى الميدان .. وصرخت الأقلام
خلعنا الطاغيه ونظامه .. فى مجرد أيام
ورجعتلنا بلادنا .. وسيطرنا على اللجام
بنحلم بالديمقراطيه .. يكون وطنا فى الأمام
نعيش بقلب واحد.. ومايكونش بينا خصام
يختفى الظلم والفساد ..ويعم الخير والسلام
ومن غير خوف .. نطيــر زى الحمـــام
مع بعض أكيد نقدر .. نحقق الأحلام





مصـــر فوق الجميــع



سألونى مره بحبها ليه ؟!
يمكن عشان أتربيت فيها
لعبت فى شوارعها وحواريها
شربت من نيلها ومشيت على أراضيها



سحرها الخلآب وجوها الجذاب
بحبها وماتسالونيش عن الأسباب
عاشت مصــــر دايما .. تجمع الأحباب




بأيدينا هنعليها .. بروحنا هنحميها
بدمانا هنفديها ..وبعرقنا هنبنيها







مصـــر فوق الجميــع







جميع الحقوق محفوظه للكاتب وللموقع
يحظر النقل الإ بالإشاره للمصدر وصاحب الكلمات
رحـــال بلا عنوان

مجروح وصوتى مبــحــوح

(أقبل النقد)





مجروح وجرحى منك
فراقنا كان غصب عنى وعنك
بعدت وفكرت انى نسيتك

الحب
أنتهت لياليه وأتزاح
فكرت إنى قادر على الجراح
إنى هقدر من غيرك أكون مرتاح
بعدت ومشيت فى طريقى لوحدى سواح
قولت إن كل شىء أتنسى وراح
قلبى قفلته وأخدت المفتااح

مجروح وصوتى مبحوح
بتعذب والروح منى بتروح
من يوم ما بعدنا وقلبى مدبوح

صحيح إللى يعيش ياما يشوف
وأنا بحكى ومش مكسوف
بتكلم بصراحه وعلى المكشوف
وإللى مسمعش حكايتى ,, يشوف
أحساسى مايوصفهوش حروف
عايش وقلبى مآليه الخوف
والجرح ليــا كأنه موصوف
أفترقنا وكان السبب فى الظروف

مش قادر أنساها وأعيش وحيد
منغيرها حياتى مفيهاش جديد
لسا بحبها ودا شعور أكيد


أشتكى لمين .. وأروح فيــن
عاوزلى وصفه من دجــال
أو قصيده من شاعر زجال
حكايتى أصلها فوق قوه الأحتمال
شىء صعب ,, ومن المحــــال


جميع الحقوق محفوظه للكاتب وللموقع
يحظر النقل الإ بالإشاره للمصدر وصاحب الكلمات
رحــــال بلا عنوان

سامعنـــا يا عسكـــر ؟؟


الجيـــش إللى حافظ البلد
سحل الصبيه .. وقتل الولد
إللى يعتصم يتجلد
بقا هما دول السند !!
وطنى يا وطن المظلومين
العسكر رايحين بينا لفيــن
قولنا ثوره ونزلنا الميادين
سلميه سلميه وهما كلمتين
لا ضربنا ولا سرقنا .. دول مجرد طلبين
الحريه .. وترجع كرامه المقهورين
النظام أتعامل بجهل ,, وأعتدى على الملايين
أستحملنا علشان نمحى ظلم السنين
وأستلمتوا الرآيه.. وقولنا فرجت يا تعبانين
العسكر هيوصلنا لبر الأمان ,, وكنا مبسوطين
فرحنا معاكم وأحتفلنا ,, كنا أيد واحده مش أيدين
ويوم بعد يوم ظهر الفشل ..وصبرنا كنا مصدقين
قولنا فتره وهتعدى ,, وهيتحاكم الفاسدين
هيرجع حقوق الكادحين ,,, اللى معدومين
بيقضوا عشاهم نوم ,, ومكناش حاسيين . مكناش ليهم سامعين
يا عسكر أنتوا دلواقتى فيــن
الأحلام إتبخرت
ومافيش مطالب أتحققت
والأحوال إتلخبطت
والظروف إتهيئت
لرجوع الملعونين
ودلواقت فى الإنتخابات موجودين


سمعتوا دعوه الأم إللى مات إبنها فى الميدان
قالت حسبى الله ونعم الوكيل وسمعوها فى كل مكان
إتحرق قلبها على الصبى ..هتفتكر اللحظه دى طول الزمان
ضحى بحياته فدا ,, وعاشت الأمه فى أحزان
عارفيـن ليـــه ؟!
علشان نعيش فى وطن مافيهوش طغيان
نحقق أحلامنا ومنبقاش عواله ولا شعب إنتساب
أتدفن فى التراب,, لكن عند ربنا أتكتب شهيد فدا الاحباب
وطنــى ,,
مش هكتب فيك هجاء
مش هقول على ولادك وباء
مش هفترى وأقول كلام ريااء
إحنا شعب عنده وفاااء
بالروح نفاديك وبكل عطاء
الأم والأبن والأخت والأباااء
نوهبلك حياتنا طول ما أحنا أحياء
والقصيده بناءا على طلب الغالى ضياء


شكراً للأخوه الأعزاء .. وتحيه للشهداء


~وليده اللحظه~

جميع الحقوق محفوظه للكاتب وللموقع
يحظر النقل الإ بالإشاره للمصدر وصاحب الكلمات
رحــال بلا عنوان

أحببت أن تكون

الكتابات المفضله

لرحال بلا عنوان

هنا

لكل من يتواجد

[مهندسه بغداد]

كلمات صادقه نبعت من أخوه هنا تعبر وتصف رحال بلا عنوان فطلبت من الرائعه دمعه حائره وقالت رحال انسان محترم جدا ومبدع يمتلك موهبه كبيره ماشاء الله عليه قدر فى فتره بسيطه يثبت وجوده ويكسب احترام وحب الجميع بتعجبنى جدا مواضيعه وروحه الطيبه اللى بتقبل اى ملاحظات او انتقاد ليه لانه دايما بيحاول يكون الافضل وده دليل على طموحه ونشاطه الدائم اتمناله التوفيق ومذيد من النجاح ومانتحرمش من تواجده ابدا تحياتى دمعه حائره وطلبت أيضاً من الاخ المبدع والمميز وصاحب القلم الرائع ساحر الاحزان فقال هو اخ فاضل ومميز فى الشعر والخواطر دوما ينتقى اشعارة باسلوب مميز وشيق ويجذب كل من يقرءة باسلوبة الفريد اتمنى لة كل توفيق وطلبت من الاخت العزيزه المبدعه السفينه فقالت الاخ رحال انسان اثبت وجوده في المنتدى من خلال مشاركاته وردوده على الجميع بدون استثناء لم يكن عنده محسوبيات ابدا رجل محترم بجد

[مهندسه بغداد]

1)اسمك
ايمن

2)الحاله الاجتماعيه
اعزل :biggrin::biggrin:


3) ماهو الذي يلفت نضرك في الاقسام الادبيه

تنافس الاقلام ورقى الشخصيات

4)من أكثر الاعضاء اثار انتباهك بكتاباته


كتير مش عاوز انسى حد
لكن انا بقرى كتير ولا أتاثر بقلم احد ,,, لكن بيعجبنى اسلوب اقلام كتير جدا ومنهم الافضل من قلمى

5) أكثر خاطره او قصيده التي نالت أعجابك بشده

معظم كتابات دمعه حائره الا تكن جميعها ,, بتعجبنى جدا
خصوصا حائره على جسر من الذهب

6) ما نوعيه الكتابات التي تتقن كتابتها ويتفاعل قلمك معها

الادب الساخر والاشعار الوطنيه

7) ما هي دوافعك للكتابة؟!
الكتابه بالنسبالى زى الادمان :biggrin::biggrin:
بحس بالسعاده وانا ماسك القلم وبكتب .. عموما هو شعور جميل .. والدوافع انى اعبر عن اللى جوايا وعن نبض الشارع



8) متى بدأت علاقتك مع القلم وكيف كانت؟
كانت ضعيفه زى بدايه اى قلم ... وكانت من سنتين تقريبا لكن بدايتى الحقيقيه كانت من 6 شهور بس تحولت من كاتب نثر .. لكاتب شعر

9) من هو كاتبك المفضل؟
بصفتى بميل للغه العاميه اكتر فى كتباتى ..
احمد فواد نجم وعمنا صلاح جاهين


10) أي الكتابات غيبر الثلاثه من كتاباتك اعجبتك...ولماذا؟؟


قتلــتينــى .. أفضل قلــم 2011.. لانى كتبتها وليده اللحظه لكن نجحت فى مسابقه افضل قلم

11)طلب منك القاء
كلمه امام هؤلاء الجماهير
ماذا كنت ستقول؟؟

حفظ الله مصـــر

الى هنا

تنتهي فقره الاسئله

واتقدم بالشكر الجزيل

للاخت rehoba

لصياغتها الاسئله

[مهندسه بغداد]

كلمة أخيرة ..؟
اتمنا للجميع كل التوفيق والنجاح
وانا بعتبر وجودى فى بنات مصـــر .. بين صفوه الاقلام واروع الشخصيات هو السبب الاول فى ان اصبح الان ,,, رحال بلا عنوان

[مهندسه بغداد]

في ختام الحلقه


أرجوا ان تكون الحلقه


قد نالت الاعجاب


ونشكر الاخ


رحال بلا عنوان


على موافقته

للدعوه

في برنامجنا


وبأسم قسم القوافي وبأسم الاداره

نقدم له شهاده الشكر والتقدير

لمجهوده المميز





تحيتي

مهنــدسة بغداد

[دمعه حائره]

جميله جدا الامسيه يارغد
ورحال من الاعضاء اللى المنتدى وكل اعضاءه
بيفتخروا بوجوده قدم كتير مواضيع تستحق اكبر تقدير
اتمناله مذيد من النجاح والتوفيق
اشكرك رغد وفى انتظار الامسيه الجديدة
تحياتى للجميع

[ساحر الأحزان]

جميلة الامسية مهندسة بغداد

مع الاخ رحال

واستمتعنا بحوراتة الشيقة

اتمنى لكم كل توفيق

تحياتى

[الأميرة رودي]

حلقه جميله وامسيه رائعه

مع شخصيه متميزه

لقى كل الاحترام والتقدير من الجميع بحضوره الراقي

تسلم ايدك مهندسه

وف انتظار امسياتك الحلوه

[فارس الكلمة]

رغد
ما هذه الأمسية الجميلة
ومع من كانت كانت مع رحال
فهو يلقب برحاااااااااااال بلا عنوان
وأنا ألقبه برحاااااااااااااااااال وعنوانه الإبداع
كانت بحق السماء أمسية غاية المتعة والجمال
تسلمى على الحلقة الجميلة
وكل الشكر للراقى إيمن
تقبلا مرورى وننتظر أمسية جديدة مع مبدع أخر أو مبدعة
فاااااااااااااااااارس الكلمة