حصل فى حياتى يخرب بيتك يا حماتى

[(طائر الشرق)]

السلام عليكم ورحمة الله

أنا كده وطبعى كده بحب أجيب من الأخر

هع هع هع

أصل الحكايه وبينى وبينكم والكلام أسرار

فيه نوع من النساء يجيب الشلل وده شئ طبيعى

الناس هتقول ده اتجنن ولا أيه أنا عارف أنى مجنون وده ممكن

يكون سبب فى تأخيرى فى الزواج أو مجرد التفكير فيه هع هع هع

ندخل فى الموضوع أستحملونى أصل انا رغاى وأقسم بالله ده حصل

كانى لى واحد صاحبى راجل عصبى وحمش هع هع هع اه حمش أصل

الرجالة أنواع زى الخيار أنواع وفى يوم من الأيام راجع من الشغل تعبان

مهموم الله أعلم بظروفه المهم المدام مريحتش نفسها وهات يا تحقيق

مالك وتأخرت ليه أنطق رد يا بنى أدم اتكلم ربنا يخليكى سبينى شوية بعدين

هنتكلم المهم أرتاح لا لازم تتكلم ودلوقتى المهم رد بعصبية واتنرفز عليها

ودى كانت أول مره بيتكلم معاها بأسلوب عصبى وكلام قاسى شوية المهم

زعل المدام وبأسلوبها وصل سى السيد لسب أهلها

هى الدنيا كده أوقات نعرف نتصرف صح وأوقات نخرب كل حاجة والمدام

سابت البيت وعلى بيت أهلها راحت وطبعآ أيام الزوج أسود من قرن الخروب

راحت لأمها أسف لمامتها ووهات يا دموع وآه وألف آه أنا اتبهدلت ضربنى

وشتمنى وكمان طردنى وأكيد ده محصلش ودى كانت أول مره يتعصب فيها

سى السيد ومن طيبة صاحبى حماته بتقول علية طيب وعبيط قالت يا بنتى

ده حصل من سى السيد قالت اه قالت الحما ورحمة أمى لربيك يا سى السيد

بينا على فين يا ماما تعالى وأنا هربيه قدامك هو مين هو نسى نفسه تعالى

وأخدت بنتها وراحت لسى السيد على البيت أفتح يا موكوس على عينك فتح

سى السيد الباب وهات عندك حماته قالت انا جاية اربيك وأضربك فوق دماغك

بنتى متضربش ولا تتشتم وعمنا سى السيد ساب الطيبة والأدب وقفل الباب بالقفل

وهات عندك كسر عظام حماته ومراته والصوت يجيب لأخر الشارع أنا واحد من

دورت الجرى والكل بيقول ألحق صاحبك أنا قلت لقدر الله حصل مكروه أو اتصاب

أو فيه مصيبة فى البيت الصوت جاى من داخل البيت والباب مقفول أفتح ياعم

أنا معرفش فيه أيه لكن من الأستغاثة أنا فهمت أن فيه حلقة مصارعة حره شغالة

والنجم فيها هيما سى السيد طبعآ مفيش حل غير أنى كسرت الشباك ودخلت بصراحة

الموقف معرفش يضحك ولا يبكى الحما مقرفصه فى ركن وبتستغيث كأنها بتطلع فى

الروح والزوجة من الرعب أتبلت هع هع هع أعزرونى ده اللى حصل أصل الحكاية أن

مفيش حد كان يتوقع من الحمل الوديع ده انه يعمل كده أول ما دخلت عليهم قلت بس

هى بس أصل صاحبى بيحترمنى جدآ أتحطيت معاهم فى الصف وأخدت نصيبى من الليلة

هع هع هع لكن ربنا لطف وجيت بعد صاحبى ماتهد حيله والحمد لله الخسائر كانت بسيطة

بالنسبة لى المهم أنى خففت عنهم شوية والحمد لله والحمد لله انتهت الأزمة على خير وأخدهم

روحتهم لبيتهم ونا كل جسمى بيوجعنى لكن قلت الحمد لله أنى جيت متأخر بعد ما سلم وخلص

الجولة

خلاصة الكلام ليه أوقات كتير بنحسب الطيبة عبط وطولة البال برود والصبر ضعف وهل ممكن

الأهل يصبحو سبب فى خراب بيوت أبنائهم أو العكس وليه حب التسلط والتحكم حتى فى الغير

ليه حل المشاكل بيدخل فيه القوة وليه لما بيحصل مشكلة بننسى كل شئ جميل ونفتكر كل شئ

سيئ وبيصبح الأنسان مليئ بالعيوب وبس ونصعب الحياة على نفسنا كلام ومحاتج أجابة

قبل ما أسيبكم سى السيد أعتزر كتير لشخصى الكريم لكن بعد أيه بعد ما فكرن حماته هع هع

دعواتى للجميع بالسعادة والتوفيق

عصام

[Silver Flower]

هههههههههههه
معلش اسفه عم اضحك من الحكايه

خلاصة الكلام ليه أوقات كتير بنحسب الطيبة عبط وطولة البال برود والصبر ضعف وهل ممكن
هي نسميها عبط في حاله وحده
انه يتنازل او ما باخد حقه

وطوله البال والصبر في حدود الها ولا راح نسميها ضعف

الأهل يصبحو سبب فى خراب بيوت أبنائهم أو العكس وليه حب التسلط والتحكم حتى فى الغير

شوف النقطه هادي بدي احكي عنها

الاهل
ليه بندخل الاهل من الاساس في المشاكل الي بينا
ليه ما الزوجين بيحلوا مشاكلهم بنفسهم
ليه ما تكون جو اطار البيت
فقط
واذا كانت صعبه لا سمح لله يكون في حكم من اهله واهلها

مع اني ضد تدخل الاهل الاي سبب
للازم الزوجه تلاقي عذر لزوحها وهو كمان
ليه ما بتعرف الزوجه والزوج انه بعد المشاكل الكبيره بالاخر راح يرجعوا لبعض
يبقى ايه فايده انه اكبر الامور او اجعل هناك احقاد بين الزوج واهلها او الزوجه واهله متلا
انا بقول النقطه هاي لازم الزوجين يتحكوا فيها بعدم وجود شخص تالت بينهم اي كان

ليه حل المشاكل بيدخل فيه القوة وليه لما بيحصل مشكلة بننسى كل شئ جميل ونفتكر كل شئ

سيئ وبيصبح الأنسان مليئ بالعيوب وبس ونصعب الحياة على نفسنا كلام ومحاتج أجابة

الانه في طرف تالت اكيد
سبحان الله
بنشوف الزوج في قمه غضبه بكلمه حلوه بيهدى
والعكس برضوا الانه ربنا الف بين الزوجين وجعل الموده والرحمه

اما بنسبه لطرف اخر غريب اكيد بتختلف الموازين وبيصير نوع من التحدي او من هو الطرف الاقوى وبيبتدي التاثير على الكرف الاخر لكسب الجوله

[يارات الحب]

ههه اولا انا مستغربة علي اللي حصل
بص انا عاوزة اقول ان الزوج والزوجة يتفقو طلامة بتحبو بعض يبقي فية تفاهم واخلاص يعني دي غلطتها من البداية دة منهما حصل مينفعش تخرج من بيت زوجها
يعني لما كانت بتتخانق في بيت اهلها كانت بتسيب البيت وتروح لحد تاني اة هما اهلها بس موش ينفع تسيب بيتها مهما حصل ودة الانسانة العاقلة هي اللي تفكر في الصح وتعملة

وتستنس شوي مش اول ما يدخل كاتك يا أسألة

بس نصيحة مني انت اخي لا تدخل امورالناس في مصالحك يعني مش كل مشكلة نقول لا مش هنتجوز لا طلامة فية اتفاقات خلاص وبعدين دة كان يخوف مراتة
ههههههه يعني لو طلعتي من البيت مش هتخشية العين الحمرا بقي
هههه عمرها ما هتخرج وهتخاف لكن هية وامها فكروه طيب بس

انا سؤال بس هوة ضرب حماتة؟ بجد ؟

وتسلم اخي ويسعدني ان اتواجد في مصفحتنك

بوجود متواضع

[عاشقة الهدوء]

موضوع رااائع ياأستاذ عصام ومضمون قيم جدا

ونجيب على تساءلاتك أول حاجه الزوجه الغلط منها

انها شافت زوجها متعصب وقا مت بقعل هذا الشىء والضغط عليه بالسوءال

كان يجب عليها ان تكون متفهمه لشعوروا وتتركه حتى يأتى هو بنفسه

ويفهمها ما حدث فهذه ليست الطريقه المثلى لتعاملها

مع زوجها والآساس على عاتق الآسره التى تربت وشابت فيها

والدليل على ذلك هى انها قامت وأسرعت على أمها وقالت وعابت

فى زوجها بكلام وأشياء ليس هو فاعلها وقامت الآم بالسب والقذف

كان يجب عليها أن تعلمها وتأدبها وتعلمها كيف تتعامل مع زوجها

وأن ما قامت به ليس لائق ولا يجوزو أن تفعله بس لللآسف

ما كان هذا رد فعلها وكان العكس يبئه هتتعلم من مين تانى ومين

هيعلمها تحترم زوجها وتعرف كيف تدير شئون بيتها بحكمه واتزان

(لاتعليق )


تانى حاجه وهى الطيبه والضعف فى الزوج عمرها ما كانت عبط أبدا

ولا ضعف فى الشخصيه ليه منسميهاش أحتواء وعطف واحترام

وتقدير مشاعر لانسانه بيحبها وبيخاف عليها

سواء لامرأته أو أمه أو أى انسان قريب منه نستغلها بالشكل

الخاطىء الى قامت به هذه الزوجه هيه وأمها لا حاجه يعنى

صعبه أوى وكان يجب عليها بدل ما تروح

تجرى على والدتها ودخل طرف أخر كانت

تتفهم المشكله وتحلها مع زوجها بهدوء من غيرعلم أى شخص

لكن هنقول أيه العيب من التربيه من ألاساس

ثالث حاجه بئه وهيه لما بيحصل المشاكل ببفتكر دايما الوحش

ده طبعا طبع فى ناس كتير قوووى وده عيب كمان فى حد ذاته

لازم دايما لما بيحصل مشاكل بينا وبين حد بنحبه وبنقول شخص

بنحبه لازم نفتكرلوا دايما الخير والحاجه الحلوه الى قدمها لينا

لانها بتكون أزمه وهتعدى أما بئه لو بنكره الشخص ده هيبئى

فيها كلام تااانى هههههه موووضوع رائع بجد واستمتعت بمناقشته

معاك يا أستاذ عصام ربنا يسعدك ويهنيك بالزوجه الى تسر قلبك وما تكون

نكديه هههههه أمين واديما منورنى بالقسم ويمواضيعك الجميله

لك احترامى وتقبل تقييمى البسيط

[Bright Brain]

كلامك صح
بس حماته دي تستاهل
جايه تخربها بدل ما تصلح الموضوع
وكمان المفروض الموضوع ميبكبرشي اوي كده
هدي صاحبك شويه
وخاف على نفسك " كلنا لها يا عزيزي "

تحياتي

[big bốss]

هههههههههههههههههههه

قصه جميله يا استاذ عصام وبجد بتحصل دايما فى كل البيوت


والاهل فعلا ساعات بتدخلهم بيخربوا البيت والحياه الزوجيه


وبعدين لازم يكون فيه تفاهم بين الزوجين وموده


شكرا لقصتك اعجبتنى

[S n i p e R]

الله على القصة وجمال القصة وابداع القصة

والخلاصة الجميلة اللى ف الاخر دي بالموضوع كله

بجد اسئلة مهمة جدا وجميلة جدا

بس محتاجة عالم نفس يجاوب عليها

هههههههههههه

بجد موضوع اكتر من روعة

عجبني جدا بكل حاجة فيه

والاسلوب مشوق ومميز

واهم حاجة سلامة حضرتك

بالتوفيق للجميع

تحياتى

مرشحكم الانتخابي الافضل

[الله دائما بقلبي]

موضوع كتير حلوووو
يسلموو ادينك خيووووو
ودي لك

[روح صامتة]

حلو جدا الموضوع
هية الفكرة ان فيه عملية عدم توازن
عندك حماة مستقوية وست ما بترحمش وراجل غلبان )
الانسان له طاقة لو فاض بيه اي حاجة هيخرج عن شعوره
دا اكيد يعني
هية المشكلة كانت منها الاول المفروض تقدر وتحترم
ان زوجها تعبان ومش محتاج يتكلم دلوقتي
وهوة كمان المفروض كان يراعي ان دول ستات وما يتعصبش اوي
لكن هوة معذور في الاخر بردو
المهم يعني
بانسبة لسؤالك عن الاهل فانا شايفة ان ليهم دور كبير
المشكلة انهم بيكونوا عايزين كل حاجة تمشي برايهم بحسب خبرتهم
بس سعات همة كمان بيقعوا في اخطاء ويفرقوا بين الازواج
بالنسبة لموضوع ان كل حاجة تتحل بالقوة
دي فدا مقياسا لكل شخص وطريقته في حل
المشاكل وزي ما ذكرت انه هوة حمش وعصبي
فاكيد دا سلوك متوقع منه
بشكرك ع موضوعك جميل جدا
واعتقد مش دا سبب يخليك تعزف عن موضوع الجواز
يمكن بس انت اتكونت عندك عقدة من المشاكل الي بتشوفها حواليك

ارق تحياتي

[سارية فى درب الرسول]

اولا بحيك على عرضك لمشكله من اخطر المشاكل التى تهدد الحياه الزوجيه لا يكاد بيت يخلو

من تلك الترهات التى وللاسف تدمر الحياه بأكملها

المبدأ مش ان الطيبه من الزوج تسمى ضعف لا دى ميزه ان الزوج يكون طيب القلب لاكن بحدود

يعنى مش طيب لدرجة انها تعلى صوتها عليه ويسكت او مثلا تغلط بالكلام ويطنش اسمحى لى ده اسمه
عبط
اسفه بالفظ لاكن فى حدود للتخاطب بين الزوج والزوجه ومن اول يوم لابد من وضع الاساس

لمعرفة حدود كل طرف فيهم لغة الحوار والتفاهم تكون بهدوء وبقمة الاحترام

لو تعتدى الطرفين حدود الادب يبقا هيندموا

ولعلم حضرتك الاساس بيكون من الزوج يعنى لو الزوج اساس محترم بالكلام هتكون هى كمان محترمه

ده بالنسبه عن طيبة القلب

المشكله الاكبر الزوجه الشكايه عمال على بطال شكوه وتستقبل زوجها وكأنها المحقق كونان
دى نوع من النساء مكروه عند اغلب الرجال

وده انا بسميه غباء من المرأه الزوجه الزكيه تنتظر لما يهدى تمام وتبدأ تتكلم

كمان انها تسيب البيت وتجرى على اهلها ده غلط اكبر لان مافى حد بيقدر يحل المشكله

الا اصحابها مهما تتدخل الاطرااف من الخارج ما هيحلها الا الزوج والزوجه يبقا

الزوجه العقله تختسر وبلاش تسيب البيت وجرى على ماما واعيط والموضوع مش مستاهل

لانهم بالنهايه هيرجعوا تانى لبعش يبقه خلاص تهدى وتسيبه على راحته هو هيهرب

ربنا يهدى الجميع