تعرف ايه عن الحُب ؟؟ الكل يدخل ويشاركنا

[Mohamed Egy]

بسم الله الرحمن الرحيم

الحُب : في وجهة نظري بصراحة
لا يعلم الحُب بصفائهِ إلا مَن ذاقَ قلبه حب الله ورسوله
ولا يتذوق مشاعرَ الحبِ بصدقها ونَقائها إلا من ذاق قلبه حلاوة الايمانِ بالله ورسوله
العرب يُسَمون الحب --> الصفاء
فكأنَ الحُب صفاء ، نقاء ، طُهر
لا يمكن أبداً أن يُسمى الحُب بغير هذا
الحُب صفاء
الحُب نقاء
الحُب طُهر
الحُب عطاء

ليس كما قُدِمَ لنا في حلقات مطولة تعرض لنا الخيانة باسم الحب
لاااا والله أبدااا ما كانت الخيانة حباً قط

الحُب تضحية
الحُب صبر
معاني في غاية الرقة وفي غاية الجمال
بالحُب تصفو الحياة
بل هو ماء الحياة
بل هو حياة للحياة

أتكلم عن حب العمل وحب العطاء وحب الأخ لأخيه وحب الكرم وحب الوالدين للأبناء
أتكلم عن حب الفضيلة
أتكلم عن حب الخُلُق
أتكلم عن حب الزوج لزوجته
وحب الزوجة لزوجها

فلولا الحُب ما التف الغصن على الغصن
ولولا الحُب ما بكت السمآء لِعطش الأرض
ولولا الحُب لهجر النحلُ الحدائقَ الغَناء

لا تقرأ وترحل أرجو من الجميع المشاركة وابداء الأراء
أخوكم / محمد
في انتظار ردودكم

[رنين]

انا عن نفسى كل ال اعرفه عن الحب قصص ناس حبت وشعر واغانى وبس^_^
اما علشان اقول مفهوم خاص بيا يبقى لازم اجربه الاول

تسلم الايادى ومنور المنتدى

[Aya 7ekaya]

احب اجمل شعور للانسان ف الدنيا
بس اللى اقدر اقوله دلوقتى ف دنيتنا
لان اجتمع الكدب والخيانه مع الحب ف ده بيدل ان الحب دلوقتى كدبه مش اكتر

[الله دائما بقلبي]

موضوع حلووو
يسلموو ادينك خيوو

[αЛαstoOorα]

انا عن نفسي كل اللى اعرفة عن الحب

حاجات يامه اوي ) بس آهم حاجة فيهم

آنك لما تحس بكل آحاسيسه فـ صمت مبالغ فيه

وتتفاجئ بعد كدا آن هو دا الحب يعني

ربنا ما يكتب علينا الكبت حاكم الكبت دا وحش آوي:تسبيله:

[Bright Brain]

الحب
هو احساس لا يستطيع ان يصفه إلا من ذاق مره او حلاوته
فهناك من يحب نفسه كثير ويجد المتعه في ذلك
وهناك اخر يحب شيئا من مقتنياته الشخصيه
وهناك من يحب زوجته أو أمه أو ....... و ....
ولكن أعظم حب في الوجود
هو حب الله ورسوله

تحياتي لك
ومرحبا بك بيننا في هذا المنتدى

[Mohamed Egy]

وردة خجوله:

اقتباس احب اجمل شعور للانسان ف الدنيا بس اللى اقدر اقوله دلوقتى ف دنيتنا لان اجتمع الكدب والخيانه مع الحب ف ده بيدل ان الحب دلوقتى كدبه مش اكتر

لو حضرتك تلاحظي في كلامي قلت :

اقتباس ليس كما قُدِمَ لنا في حلقات مطولة تعرض لنا الخيانة باسم الحب لاااا والله أبدااا ما كانت الخيانة حباً قط

أولاً : فأنا لا اعتبر الخيانة حباً ابداً
ثانياً : الحب مش كدبة يا أختي مش كل الناس زي منتي شايفه
ثالثاً : رد الأخ Bright Brain :

اقتباس ولكن أعظم حب في الوجود هو حب الله ورسوله

أعجبني جداا رأيك فعلاً والله ليت الناس تعرف وتقدر

فوالله لو جعلتي حب الله ورسوله فوق كل شيء عشتي سعيدة وهتعرفي ساعتها أن مش كل الحب عبارة عن كدبة

جزيت خيرا أخي Bright Brain

[~♥ Queen sozan♥~]

الحب !!

كلمة مينفعش نعبر عنها لان هى با تحتوى حاجات كتير ..

بس .. بساطة

لما تحس انك مشدود لحد معين ’’ ودايما سرحان وصامت كدة
وبتسمع اغانى هادية
تعرف انك داخل فى مرحلة الحب

ومن وجهه نظرى الحب يعنى

تسمع عمر دياب فى الاول تملى معاكــ
وفى الاخر .. اة من الفراق
^ــ^

دة الحب با اختصار ..

::


وصدقنى مش هتلقى احسن من حب ربكـــ
وحب اهلك لان هما بردو بيحبوك فى الله

تسلم على موضوعك

[حميدو]

الحب هي شفرة خاصة بالقلوب النقية

اعظم معاني الحب هو الحب في الله

ان تعطي من يحتاج لانك تحبه لمرضاة الله

سواء كان من اقاربك او من غيرهم

دمت اخي مبدعا

[Mohamed Egy]

أتعجب !!!! هل وصل التعلق بالأغاني لهذه الدرجة !!
الأغاني دي لوحدها مصيبة
الحب مشمعناه ان الواحد يقعد سرحان ويسمع اغاني حب وغرام
الحقيقة دا مش حب ! عارفين ليه ؟؟
الأغاني الي حضرتك بتتكلمي عنها : عمرو دياب ، تملي معاك ، الفراق ، قادر ومشقادر أعيش ولا أعيش ، الفراق والآهات ... الخ

هوا ده الي اتعلقنا بيه
والمصيبة ان كل الأغاني دي بتعزف على وَتَر الجنس والهوى والقبلة واللقاء ووصف الخدود والنهود .. الخ
كل ده بيخدش الحياء ويذهب بالمروءة وتثير الشهوة عند الشباب وتقضي على الأخلاق
وفيها من المخالفات ما فيها
فيها الحلف بغير الله ..
وفيها من لم يعرف لماذا أتى إلى الدنيا ؟!
وبلاوي كتير مشعاوز أغير مسار الموضوع بس
وبعدين حضرتك طالما بدأتي الحُب بأغنية "تملي معاكـ" فلازم تنتهي بالفراق
عارفه ليه ؟؟
لسبب بسيط جداا انا هقوله ومتهيألي محدش هيقتنع
قال ابن مسعود - رضي الله عنه - : ( الغناء ينبت النفاق في القلب كما ينبت الماء الزرع )
دا بيتكلم عن الغناء بتاع زمان
فمابالك بأغاني العصر !!!!؟

--_-------___-----_--------__------_____-------

اقتباس وصدقنى مش هتلقى احسن من حب ربكـــ وحب اهلك لان هما بردو بيحبوك فى الله

هوا ده الكلام الصح
محدش يعرف يعني ايه الحُب الحقيقي طالما مداقش قلبه حب الله ورسوله
قال رسول الله - ص - : ( لا يؤمن أحدكم حتى أكون أحب اليه من والِدِه وَوَلَدِه والناس أجمعين )
ياريت كل الناس تتعلم حب الله ورسوله أولاً قبل أي حد علشان تعرف معنى السعادة بجد

شكرا • الـقـلب ღالـصامت • على المشاركة