لامتى يا شعب حيفضل دمك رخيص وملوش تمن

[ساحر الأحزان]

بسم الله الرحمن الرحيم

يمكن احنا معاصرين الاحداث الى بتحصل فى بلدنا من زمان ايام زمن//المعتقلات وزمن الترهيب وان الحيطان ليها ودان واوعى تتكلم فى السياسة ليصحى عليك الصبح تلاقى نفسك معتقل,,,يعنى خليك اخرس //شوف وما تتكلمش وان اتكلمت حتروح وراء الشمس ومحدش حيعرف ،ليك طريقة جرة//

وكانت الارواح بتزهق وتدفن من غير ما نسمع بيها ويمكن احنا خلال حروبنا الى كانت فى سبيل تحرير ارضنا وشهدائنا الى كتبم بدمهم شهادة حريتنا وعودة كرامتنا والتاريخ عمرة ما حينساهم ولا احنا كمان""

والوضع دلوقتى زى ما بيقال واية يعنى ازهاق الارواح هما يعنى كام الف واحد ماتم فى الاحداث دة طبعا كلام ناس وضعت مصلحتها فوق اى شىء::

ومصلحة الناس مش مهم بعد ما تحقق المراد

لية الشعب المصرى حظة انة حيظل طول عمرة دمة رخيص؟

يمكن برة مصر ولمعظم الجاليات الى عايشة برة مصر لو حصل اى حاجة تخص اى واحد مصرى تلاقى السفارة نايمة وكأن دة مش يستاهل الاهتمام

بية وما يهتموش الا لو اتصعد الامر للاعلام وحصلت شوشرة اعلامية يقومم ينكسف ويعرف اية الى حصلة ولو واحد هندى او فلبينى صباعة وجعة او اتعرض لاى صنف من صنوف الاهانة تلاقى سفارتة قامت وقومت الدنيا لان دمة عندهم غالى انما للاسف المصرى محدش بيهتم بية

يا ترى دة قدر المصرى المغلوب على امرة وحيفضل لحد امتى

يراق دمة ويتسلب حقة برة وجوة ولما يجى يطالب بحقة وكأنة ملوش كيان

ولا فية اى اهتمام بية ياترى الظلمة دى اخرتها اية

ودمنا حيتحافظ علية زية زى غيرة من الناس التانية الى بتهتم باولادها

ومصلحتها فى المقام الاول عندها لان الشعب هو السبب الرئيسى للتشريعات

والواجبات الى اعطاها وكلف ناس بيها كأمانة وجب عليهم المحافظة عليها

ولكن هما للاسف خلاص نسيوها

[الأميرة رودي]

فعلا كلامك صح

دم المصري رخيص بره وجوه

وغالبا يكون المصرى مهان خارج بلده ويتعرض للاهانات من ناس هم اقل منه حضاره وتاريخ

ولكن بسبب حاجتهم للغربه يضحو بالكثير من كرامتهم من اجل لقمه العيش..
لقمه العيش اللى مش لاقينها فى بلدهم واللى كان من باب اولى بدل مايبذلو جهدهم ويضيعو سنين العمر لخدمه الغرباء

كانو بذلو الجهد وافنو العمر فى سبيل الوطن والارتقاء به والعمل من اجله

ولكنهم لم يلقو الاهتمام من احد

واذا سافر احدهم للخارج وتعرض لاى شكل من اشكال الاهانه فدائما مايضيع حقه

وويرخص ثمنه امام ضعفاء النفوس من المسسئولين الخائفين على مناصبهم وكراسيهم

كان الله فى عون شباب مصر وابنائها وحماهم من طغيان البشر ومناوشات الزمن

تسلم ايدك ياساحر

كعادتك تطرح مشكلات على ارض الواقع

دومت بكل خيـــر

[~♥ Queen sozan♥~]

انا شيفاها ان السبب هنا ان اصلا المسئولين عننا احنا مش فرقين معاهم
يبقة الدول بره هتهتم وتعبرنا ازى !!
العيب من جوة بلدنا لو عرفنا نصلحها
هيكون لينا كرامة برة وجوة
بس لما تلقى شعب راضى با الذل ومش فارقة معاة
وخصوصا بعد لى حصل فى اخر ايام دى والصيدلنية لى اداس علية
من الجيش وانضربت وبعد كدة
اهلها وشعبها لى المفروض يرفضو دة
يطلعو يقولو هى اكيد عملت حاة غلط عشان اتعمل فيها كدة!!!!!

عقول لسة فى مرحلة التكوين الفكرى ولى الاسف لى السلب
بجد يا امجد انا شخصيآ بطالت اناقش حد فى الاحداث لى بتحصل
لان محدش مقدر حاجة
وكلو دالوقتى شايف ان البلد لازم تستقر . نموت احنا بقة
او كرمتنا تتهان
او البلد تضيع لا كل دة ولا حاجة
المهم نستقر ...
لما الشعب يعرف قمتو داخل بلدو الاول .. هيعرف يفرض نفسو وكرامتو برة بلدو
انما بدال احنا شعب مزلول فى البلد
هنتزل طبعا براها ..

انا اسفة ان دخالت موضيع فى بعض بس انا وجهه نظرى كدة
وتحياتى على موضوعك القيم

تحياتى
القلب الصامت

[دمعه حائره]

اقتباس وحيفضل لحد امتى يراق دمة ويتسلب حقة برة وجوة ولما يجى يطالب بحقة وكأنة ملوش كيان ولا فية اى اهتمام بية ياترى الظلمة دى اخرتها اية

هانفضل كده لحد ربنالما يولى من يصلح
راجل بجد يعرف يحافظ على كرامة شعبه جوا بلده وبراها
لحد مانلاقى رئيس دوله عنده ضمير وشرف يرجع الحق اللى ضاع
وياخد طار الدم اللى انهدر
الجنسيه المصريه عموما بتتهان برا لان الدول كلها شايفه اللى بيحصلنا
شكرا امجد على موضوعك وربنا يصلح حال مصر والمصريين

[عازف على جدار القمر]

السلام عليكم ورحمة الله وبركاته
تحيه طيبه لك
واشكرك جدا على دعوتك لي
تعليقي
كل الذي حدث منذ 25 يناير وللآن ومع إحترامي للجميع ولكل الآراء
لا يرتقي أبدا لكونه ثوره
ولكنه تمرد لخلع حاكم أفسد ونهب وزور كل الحياه بمصر هو وزوجته ونجليه وحاشياتهم
ولأننا عشنا لما يقرب من ال 30 عام
كبت وقهر وظلم واستباحة اعراض وانتهاك حرمات
كان الناتج بعد هذا التمرد
هو ما يحدث اليوم
وطبيعي جدا بأن يكون ذلك
في البدايه صفقوا وهللوا وطبلوا للجيش
ووقتها كنت ولا زلت لا أعترف أصلا بشرعية تواجد الجيش
ليس الجيش كجيش
ولكن هذا الطنطاوي من جاء به لكرسي الوزاره ؟
أليس المخلوع ؟
وهذا المخلوع المنتهيه بعد خلعه كل الصلاحيات كيف له بتعيين وصايه علينا لو كانت ثوره ؟
الموضوع عزيزي الطيب شائك ومعقد
حتى انتخاباتنا تلك
ما هي الا غنيمه للاخوان وسبحان من يغير الاحوال الذين كانوا حتى الأمس محظورين أصبحوا اليوم على مقربة من كرسي الحكم وبتفكير أندهش جدا له لأنهم وكلنا نعرف ( نجحوا بأن يتاجروا بالدين ! )
الموضوع صعب التكهن به
حتى تلك البنت التي عراها العسكر
في مشهد تقشعر منه الأبدان
وصمة عار على جبيننا جميعا
وتوقعوا وللأسف ما هو أسوء
الى أن تنتهى ال 2 سنتين وهي انتظار المخلوع بمحاكمات
( مضحكه جدا ! )
بعدها يكون وبقوة القانون المصري ( الهش ) هو وأولاده أحرار
ووقتها
ربنا يستر فعلا على التوابع
أشكرك مره أخرى لدعوتي
ومؤكد تقييمي التام لشخصك الكريم ولموضوعك برغم مرارته

[game010]

موضوع جميل جداُ منك
قلم مميز فعلاً

ولكن هذا الكلام يتلخص فى بيت شعر
لشاعر (هشام الجُخ)
عبد الناصر حب يقلد فينا الروس سوى الروس

وشكراً ليك اخى على الموضوع الجميل ده
وان شاء الله حق المصرى هيرجع بره قبل جوه
ودى وتقديرى واحترامى

[فارس الكلمة]

ساحر الأحزان
فعلا لأمتى حق المصرى هيفضل ضايع
ولأمتى المصرى هيفضل مهضوم
بس فى بشرى
بعد الثورة الحال معدول
والبركة فى الشباب وذوى العقول
الكل يفكر الكل يعمل هنلاحظ تغيير ملموس فى الحال
أخى الكريم
تقبل مرورى وأشكرك على موضوعك الجميل
فاااااااااااااااارس الكلمة

[مهندسه بغداد]

اخي

اسمح لي أن اصحح

لك معلومه

ليس دم المصري فقط

بل دماء اغلب العرب


دمائهم رخيصه

والسبب في كل هذا

هو أن

ليس لدينا حقوق

انسان

تقبل تواجدي


تحيتي

[MĺŔǾ]

كلام واقعي أخي الكريم واتمني من الله عز وجل أن يبدل الحال بحال أفضل منه

تحيتي لك

مع تحيات حمله دعم ميرو في الانتخابات الإداريه القادمه 2012

[rehoba]

موضوعك جرىء ويلامس واقع احنا عايشينه

بس ان شاء الله غدا يكون افضل مع التغير واستقرار البلد

اكيد بعد الثورة دى دمنا هيبقى غالى


تسلم ايد على الموضوع بجد رائع

تمنياتى لك بمزيد من التقدم والتميز