اضحك في مولد سيدي يرلمان ابو قبه جنان واتفرج ياسلام حاجه جنان

[مهندس النجدي]

اضحك في مولد سيدي يرلمان ابو قبه جنان واتفرج ياسلام حاجه جنان

اذا اردت ان تشاهد مولد سيدي البرلمان ابو قبه جنان فعليك بالجلوس علي قهوه شردي مابين السابعه صباحا الي الواحده والنصف بعد منتصف الليل بالتمام
وتمتع باحلي المشروبات عدا التمر هندي والخروب لانه ميه وسكر ولون ولايبنتمي الي فصيله التمر او الخروب ..لكنك تستطيع ان تطلب السحلب الممتاز ابو فتله او البيبسي سكربره ولاتابه ان نسي الاستاذ احمد ان يحضر لك شيئا او اعطاك الطرشه هنا الفرجه ببلاش .واقرب اقرب اتفرج علي نماذج المرشحين واحكم بنفسك ..يفتح الستار علي مجموعه من الناس تلعب الدومينو
او بعض المبصبصطيه واغلبهم من الرجال الشباب الذين تجاوزوا الستين عاما يعطون ظهورهم للقهوه ويتفرجون علي خلق الله من النسوه والبنات .قايلين في سرهم جتنا نيله في حظنا الهباب وقد يتنهد احدهم قائلا كنت فين ياخشب ايام ماكنا مسامير .او بعض الصبيه يعاكسون رجلا سئ الحظ اسمه رشدي قائلين له العصافره اتحرقت فيهيج فيهم سبا ولعنا ..او مجموعه تغني راحت فلوسك ياصابر او احد الزباين طنشه احمد ولم ياتي له بطلب السحلب ابو فتله ..متسائلا الله هوه احنا زباين مش بتدفع والا ايه ..او خناقه يتجمهر لها الناس .ويدخل احد الشباب صائحا سكينه سكينه .هنا سيظهر الحاج عبده اخدا الشاب في حضنه ناصحا له .الحق اجري ياحسن دول داخلين يضربوك ريزوغ الشاب من الباب الاخر للقهوه .هذا الاسكتش يتكرر يوميا .فين بقي في قهوتنا المحترمه جدا قهوه الحاج عبده شردي.الجديد في هذه الايام الانتخابات والمرشحين ..الفصل التاني المنظر الاول ..دخول احد المرشحين شاب جميل الطلعه حليق الذقن ..يسلم عليك حتي لكانه عايز يوطي علي ايدك يبوسها عشان تنتخبه ..تبادره التحيه اهلا وسهلا سائلا اياه سيادتك مين انا فلان ابن المطريه مرشح العمال تبادره يعني مؤهلاتك ايه ..باقولك عمال انا دبلون صفايح عندي سوبر ماركت تصحح له تقصد سيادتك دبلوم صنايع يبادرك اللي تشوفه بقي .بالقرب مني احد الخبثاء يهمس لي عنده دكانه .وماكملش .
يعني سيادتك عايز تبقي نائب وتمثلني في البرلمان ..ده املي ارجوك ابوس رجلك تنتخبني خلاص يابني قوم
طيب سيادتك هتشارك في وضع الدستور عارف الدستور كام بند او المواد اللي تم الاستفتاء عليها كام بند يرد لا والله بس كل ده ممكن نعرفه
طيب سيادتك ليك صفحه علي الفيس بوك او بتستعمل الكمبيوتر لا لسه هنشتري ونعمل ..البركه فيكم هاجيب واحد زي سيادتك يركبه مش زي الدش كده ..عندك فكره عن بنود الميزانبه اللي هتناقشها ..الميزانيه دي بعد منيه النصر وانت رايح المنصوره .طيب برنامج سيادتك .ايه ؟ان شاء الله هنحط برنامج زي العسل فيه حاجات كتيره فله ياحبايبي ؟
.فانفجر غيظا قائلا وانت ايه اللي رماك عالترشيح ومجلس الشعب قول ياباسط تلاقيها هاصت ..
يصيح الحاج سيد قاسم غاضبا ياباشمهندس ده راجل بيسلم عليك تقوله ربنا يسهل وخلاص ..ايه الاحراج ده دستور ايه وميزانيه ايه ..
المنظر الثاني تدخل مدام او انسه لااعرف وحيده
سلاموا عليكم
اهلا وسهلا
انا مرشحه عايزاكم تنتخبوني
كده من الباب للطاقه .طيب اسم سيادتك ايه .مؤهلاتك ايه فين الناس اللي معاكي في الحمله ..مافيش انا رمزي ....وانا لوحدي مؤهل متوسط ..مش معايا فلوس اعمل دعايه ..باشتغل مدرسه بالحصه باخد 50 جنيه في الشهربقالي 30 سنه ؟
.فين البرنامج بتاع سيادتك وبعدين هو فيه مدرس بياخد 50 جنيه في الشهر
30 سنه اذا كنتي مش عارفه تجيب حقك هتجيبي حقوقنا ازاي ؟
تعرفي يعني ايه دستور يعني ايه ميزانيه ؟
اصل هما ادوني 1000جنيه وقالوا لي اترشحي ..رددت بكل غيظ يعني عايزينك تفتتي الاصوات ردت لا انا معايا ناس مهمين اوي واصلين قوي
الله انتي ماوصلش ليكي ان فيه ثوره 25 يناير شالت ده كله وماعدش للمهمين لازمه ..فيه حريه وديمقراطيه يامدام ..ردت لا بقي ده انت مربط مع حد
لا يامدام انا مش منضم لحزب انا مطري حريص علي مصلحه بلدي عايزينك وكل مرشح يحترم عقول الناخبين انتم فاكرين اللي قاعدين علي القهاوي مساطيل ..عموما ربنا يسهل لك ..
وللحديث بقيه لنكمل هذه المسرحيه لمولد سيدي البرلمان ابو قبه جنان
مهندس محمود النجدي

[عازف على جدار القمر]

هههههههههههههههههههههه
هههههههههههههههههههههه
ههههههههههههههههههههه
والله العظيم ضحكت فعلا يابشمهندس محمود
اصلنا فعلا وصلنا لمرحلة ( حريه بالبركه )
وبقينا نستخدم كلمة الحريه بمزاجنا
ولصالحنا
دون النظر للفكر المعبر لأصل وجوهر معنى الحريه
خصوصا فى موضوعات الانتخابات والدعايات له
ولسه يا ما هنشوف
حقيقي تسلم ايدك
على قدر مرارة الموضوع
على قدر انك عبقري وقدرت فعلا تخليه كوكتيل راقي
موضوع رائع بشمهندس محمود
وحقيقي يستحق التوقيع
والتقدير
والتقييم
اشكرك جدااااا

[مهندس النجدي]

اجمل شئ بيسعدني ان ارسم الابتسامه علي الشفاه رغم مراره الواقع الذي نمر به
فيما يسمي شر البليه مايضحك ..والصدق في نقل الصوره لو اتيحت لك الفرصه لتجلس علي قهوه شردي ستجد ماكتبته هو مايحدث تماما ..هناك اشياء لابد ان نغيرها وهي نسبه 50 في الميه المسقفتيه اللي هما الفلاحين الغير متعلمين والعمال بتوع البركه ..اشكرك ولو ان شكرا لاتوفيك حقك

[عازف على جدار القمر]

كل سنه وانت طيب يارب
وانا بصفه خاصه
هنتظر ابداعاتك
اشكرك جدااااااا