..{ فع‘ــآآليـآآت المنتــدى }..


العودة   منتديات بنات مصر > بنات مصر العاب الغاز نكت طرائف > نكت - طرائف - وناسة - فرفشة

آخر 12 مواضيع
الشفاء فى السجود
الكاتـب : شاعر الانسانية - مشاركات : 8 -
صدفة البحر
الكاتـب : شاعر الانسانية - مشاركات : 6 -
ياليت قومى يعلمون ..مسابقة أفضل موضوع
الكاتـب : العاشق الذى لم يتب - آخر مشاركة : ~♥ Queen sozan♥~ - مشاركات : 7 -
زكاة المال ام الضرائب تابع مسابقة أفضل موضوع
الكاتـب : طبيب الهوى - آخر مشاركة : ساحر الأحزان - مشاركات : 4 -
دعوة لنقاش تابع مسابقة اجمل موضوع
الكاتـب : شاعر الانسانية - مشاركات : 10 -
مسابقة اجمل موضوع
الكاتـب : شاعر الانسانية - مشاركات : 9 -
سئمت الصمت
الكاتـب : شاعر الانسانية - مشاركات : 6 -
الفرق بين الكسل والايمان
الكاتـب : شاعر الانسانية - مشاركات : 17 -
رأيك خير دليل
الكاتـب : شاعر الانسانية - مشاركات : 6 -
شاعر الأنسانيه مبارك الأشراف
الكاتـب : ساحر الأحزان - آخر مشاركة : شاعر الانسانية - مشاركات : 16 -
أيران وحرب الجرذان
الكاتـب : ساحر الأحزان - مشاركات : 12 -
واجب عزاء لأختنا لميـس في وفاه والدتها
الكاتـب : ساحر الأحزان - آخر مشاركة : جبل عالي - مشاركات : 17 -

الإهداءات


اهي ده المشرفين ولا بلالالالاش هههههههههههههه (مشرف راح يتقدم لعروسه)

نكت - طرائف - وناسة - فرفشة


إضافة رد
 
LinkBack أدوات الموضوع انواع عرض الموضوع
قديم منذ /02-19-2009, 02:03 PM   #1

EMC
 

 رقم العضوية : 13321
 تاريخ التسجيل : Feb 2009
 المكان : اسكندريه اجدع ناس
 المشاركات : 39
 النقاط : EMC will become famous soon enough
 درجة التقييم : 50
 قوة التقييم : 0

EMC غير متواجد حالياً

أوسمة العضو
اهي ده المشرفين ولا بلالالالاش هههههههههههههه (مشرف راح يتقدم لعروسه)

كان المشرف مرتبط بموعد مع العروس وأهلها
ليتقدم إليها ولكنه لم يشأ إغلاق المنتدى لمدة ساعة هى مدة اللقاء
مع الأهل فأخذ اللابتوب معه وشحنه على آخره وتابع الردود على
الأعضاء فى صفحة الشكاوى وهو فى طريقة للمنزل راكبا التاكسى

بمجرد وصوله إلى العروس سأل عن أقرب فيشة كهرباء لأن الشحن شارف
على الإنتهاء

والد العروس: أهلا يابنى ... ....إزيك !!

المشرف(وهو مشغول بلوحة مفاتيح اللابتوب): أهلا بيك يا عمى .....

أنا يشرفنى إنى أطلب إيد بنتك مها .....موافق ولا لأ؟!!!!

تبادل كلا من والد العروس ووالدتها وأخيها نظرات الدهشة

والد العروس(مستغربا): حضرتك بتكلمنى ولا بتكلم حد على الإنترنت

المشرف(مازال منشغلا بلوحة المفاتيح): لا يا عمى أنا بكلمك إنت هو معقولة
أتكلم مع حد غيرك وأنا قدام حضرتك!!!

والدة العروس: طب يابنى طالما بتكلمنا بصلنا طيب

المشرف(لم يرفع عينه ويديه من على جهازه):ليه يا حاجة هو أنا هتكلم بعينى ولا ببقى؟!!!!

إقترب الولد الصغير(8سنوات) من العريس مبهورا بالابتوب(الجهاز المحمول) وهو يقول

الصبى: عمو .....هو الجهاز دة فيه ألعاب كتير زى الأتارى الى عندى؟!!

العريس(مازال منشغلا بجهازه): أيوة يا حبيبى وأحلى من الى عندك كمان

الصبى: طيب ممكن ألعب شوية .. ...عشان خاطرى يا عمو

(هنا فقط رفع العريس عينه من على جهازه لأول مرة وتوقف عن الكتابة
وهو يوشوش فى أذن الصبى)

العريس: لو خليت أبوك يوافق عليا هلعبك كتير قوى

طار الصبى فرحا وهو يقول
بابا بابا أنا موافق إن عمو يتجوز أختى الكبيرة أبلة مها!!!!!!
ثم إلتفت إلى العريس وهو يقول
ألف مبروك يا عمو!

الوالد(صارخا): أمشى ياد خش ذاكر . .... مبقاش إلا إنت يا أبو ريالة الى هتوافق ومتوافقشى

(مشى الولد باكيا ولم يهتم به العريس وقد عاد إلى جهازه منشغلا)

الوالد: إنت يا حبيبى إنت كمان .....إنت إيه حكايتك ؟

العريس: حكاية إيه يا عمى .....أنا معنديش حكايات إنت عندك؟!!!

الوالد(بضجر): إنت جاى تهزر

(لم يعره العريس أى إهتمام وقد ظهر مشغولا بموضوع ما على جهازه)

فإقتربت الأم من الوالد وتكلمت هامستا

الأم: إلا قولى يا حاج .....هو الجدع دة بيعمل إيه على البتاع الى معاه دة ....
.وإزاى بيكلمنا وهو بيحرك إديه الإثنين على الزراير دى كلها؟

الوالد: والله معرفشى يا تفيدة..... يظهر والله أعلم إنه بيكتب الكلام الى
بيقوله لنا فيطلع من بقه!!!!!!!


الأم: يا ندامتى !!!..... معقولة دى يا حاج ؟!!

الأب:طبعا يا تفيدة معقولة ماهو إحنا فى عصر التكنولوبيا!!!
إنتى مش شفتى إزاى كان ملهوف على أى فيشة كهربا أول ما جيه لأن
الشحن بتاع الكلام بتاعه كان هيخلص!

الأم: يا خويا الى يعيش ياما يشوف!!!
على كدة يا حاج لو النور قطع هيبقى أخرس؟!!!!

الأم: طب يا خويا لازم لو وافقت عليه نشترى للبت كرتونة حجارة قلم
عشان تبقى عاملة حسابها فى أى وقت!!!

الأب(صارخا): هو أنا معقولة أوافق على الآلة دى .....ليه من قلة الرجالة يعنى

العريس: حضرتك بتكلمنى يا عمى

الأب: لأ يا حبيبى أنا بكلم تفيدة

العريس: تفيدة مين ؟

(دخلت العروسة فى هذه اللحظة مكسوفة وهى تنظر إلى الأرض
وبيدها أكواب العصير ولكنها لم تلاحظ فيشة الكهرباء فإنقلبت
على وجهها أرضا وإنفصلت الفيشة )

العريس(صارخا): إيه الى هببتيه دة .....إنتى إزاى تفصلى الجهاز!!

الأم(بصوت خافت): يا حلاوة .....أهو بيتكلم من غير كهربا أهو يا حاج

الأب(بصوت خافت): ماهو كان شحن على الآخر يا تفيدة .....افهمى بقى

ثم إلتفت إلى العريس قائلا

الوالد: إيه يابنى قلة الذوق دى إنت بتصرخ فى عروستك وإنت جاى تتقدملها؟!!
دة بدل ما تساعدها إنها تقوم وتودها بكلمتين بعد ما فيشتك الهباب دى وقعتها

العريس: يعنى أساعدها تقوم ولا ألحق أشغل الجهاز عشان المنتدى ما يتعطلشى؟!!

الأب: دة جيل إيه دة.....هو جاى لينا منين دة!

العروسة: من النت يا بابا.....من النت

الأم: الله يقطع النت والى شغالين فى النت !
يا رب تيجى عاصفة تسومانى على النت والى فيه!!!!!

الأب:ممكن بقى يابنى تقفل المخروب دة وتكلمنا شوية

العريس: خلاص يا عمى المساعد بتاعى جه بدالى دلوقتى

إلتفت الجميع حولهم يبحثون عن ذلك المساعد فضحك الموديراتور

العريس (ضاحكا): لأ يا جماعة أنا اقصد إن المساعد بتاعى أخذ مكانى
فى الشغل دلوقتى يعنى أنا دلوقتى جاهز لأى إستفسار لمدة ربع ساعة

الأب: لا حول ولا قوة إلا بالله .....طيب يابنى طالما مش فاضى ليه حددت المعاد دة
مش كنت تحدد معاد تكون فاضى فيه

العريس: يا عمى خير البر عاجله

الأب: طيب..... إحنا لسة متعرفناش بإسمك ولا شغلتك
ولا سنك ولا شهادتك ولا أى حاجة خالص!

العريس: أنا اسمى موديراتور ...دة الإسم المستعار!

قامت الأم تحوم حول العريس وتنظر إلى يديه تبحث عن شىء ما ثم مسكت
يده فجأةوهى تقول
ممكن تشمر إيدك يا عريس الهنا

العريس(وهو يشمر): ليه ياحاجة إنتى هطعمينى!!! أنا إطعمت قبل ما آجى عندكوا ‍‍‍‍‍

الأب:ليه قالولك إننا عندنا كوليرا !!!

العريس: لأ يا عمى أصل أنا قاعد ليل نهار فى غرفتى المكيفة
الصحية فلما بروح أى داهية تانية لازم أطعّم

الأب(بصوت منخفض): داهية لما تخدك يا شيخ!!!

صرخت الأم( وهى تمسك بيده اليمين وترفعها عاليا): يعنى مافيش صليب
إمال إيه موديراتور دة؟ إنت يهودى؟‍‍‍‍‍‍‍‍‍!!!!

ضحكت العروسة وهى تقول: لا يا ماما دة النيك نيم بتاعه

الأم: ال إيه يا ضنايا؟‍‍!

العريس: خلاص يا جماعة .....أنا إسمى سعيد وعندى 25 سنة يعنى تأبيدة‍‍‍!!!
معايا شهادات كتيرة لو قلتها لكم كلها يبقى هنقعد يومين فبلاش أحسن
وشغلتى مشرف عام على منتدى الفقر حشمة

نظر الأب إلى المشرف وملابسه البسيطة غير المتناسقة وهو يقول
سيماهم على وجوههم‍‍‍‍!!!‍‍‍‍

العروسة(مبتسمة): بجد إنت المشرف بتاع الفقر حشمة .....
ده أنا مشتركة فيه من 5 شهور

العريس: ما شاء الله....بس إنتى مش ملتزمة بقوانين المنتدى
ولابسة كويس وعايشة فى عيشة آخر أبهة

العروسة: أنا عملت كدة عشان عارفة إن فيه عريس جاى يخطبنى

الأب: إنت يابنى عاوزها تلبس إيه .....هدوم مقطعة

العريس: لا يا عمى خلاص مش مهم لما أبقى أتجوزها أبقى أقطع لها هدومها‍‍‍‍‍‍!

الأب: ومين قالك إنى وافقت عليك أصلا

العروسة: ومتوافقشى ليه يا بابا دة حتى الموديراتور أكيد هيخلينى مميزة فى المنتدى
مش كدة برضه يا موديراتور

العريس: طبعا وهعينك معانا من المشرفين على قسم لوحدك

العروسة(بسعادة): بجد..... هتعينى مشرفة على قسم لوحدى

العريس: طبعا وهديكى أسهل وأحسن قسم فى المنتدى

العروسة(فرحانة): هييييه .....هتدينى قسم إيه ؟

العريس: الشكاوى!!!

العروسة (صارخة)
: لا أرجوك .....كله إلا الشكاوى

هز العريس كتفيه وهو يقول
خلاص نفتح قسم للوفيات وأعينك مشرفة عليه

الأب: يا ترى خلصتوا ولا لسة

نظر العريس فى ساعته وهو يقول: أنا فعلا وقتى قرب ينتهى
لأن المساعد بتاعى عنده ميعاد مهم ولازم أدخل مكانه

الأب: أنا مش موافق على الجوازة دى

العروسة: ليه يا بابا دة انا.....

قاطعها الأب صارخا : اخرصى يا بت إنتى وروحى ذاكرى لأخوكى

خرجت العروسة باكية غاضبة بينما إلتفت الأب إلى العريس قائلا
شوف يابنى .....لما تبقى تفضى للجواز إبقى تعالى إتجوز بنتى .....
لكن طول ما إنت فى الفقر حشمة دة مالكشى عرايس عندى
فاهمنى

العريس: خلاص يا عمى براحتك .....بس إذا كان منتدى الفقر حشمة
هو الى مزعلك أنا ممكن أسيبه

الأب(فرحا): بجد يابنى .....طيب سيبه هو فعلا الى مزعلنى
لو سيبته أنا هسيبلك بنتى بدون أى كلام


شكره العريس ثم جاء إليه فى اليوم التالى ومعه نفس اللابتوب وهو يقول
أنا سيبت الفقر حشمة من إمبارح وإشتركت فى منتدى تانى اسمه

اللاجــئـيـن >>>>



سقط الأب على الأرض ميتا وصرخت الأم وبكت العروسة وأخيها الصغير
بينما جلس العريس فى غرفة الصالون يتابع منتداه الجديد







  رد مع اقتباس
قديم منذ /02-19-2009, 02:39 PM   #2

عضو جديد

 

 رقم العضوية : 13376
 تاريخ التسجيل : Feb 2009
 المشاركات : 162
 النقاط : قلب مجروح نفسه يبوح will become famous soon enough
 درجة التقييم : 50
 قوة التقييم : 0

قلب مجروح نفسه يبوح غير متواجد حالياً

أوسمة العضو
افتراضي

هههههههههههههههههههههههههههههههههههههههههههههههههه مرسي على النكته الجميله ده







  رد مع اقتباس
قديم منذ /02-19-2009, 02:51 PM   #3

عضو ذهبي

 

 رقم العضوية : 5924
 تاريخ التسجيل : Aug 2008
 المكان : فــى خـيــالــى
 المشاركات : 5,213
 النقاط : A7meD has a spectacular aura aboutA7meD has a spectacular aura about
 درجة التقييم : 161
 قوة التقييم : 0

A7meD غير متواجد حالياً

أوسمة العضو
افتراضي

هههههههههههههه

حلوة قوي يا طيب ...

ضحمتنا من قلوبنا ...

بإنتظار جديدك يا ريس...


تحيااااااااااتي
AhMeD







  رد مع اقتباس
قديم منذ /02-22-2009, 10:04 AM   #4

EMC
 

 رقم العضوية : 13321
 تاريخ التسجيل : Feb 2009
 المكان : اسكندريه اجدع ناس
 المشاركات : 39
 النقاط : EMC will become famous soon enough
 درجة التقييم : 50
 قوة التقييم : 0

EMC غير متواجد حالياً

أوسمة العضو
افتراضي

ميرسى لردودكم الجميله







  رد مع اقتباس
قديم منذ /02-22-2009, 05:07 PM   #5

مراقبه عـامة سابقا

أم يـوسـف

 

 رقم العضوية : 10851
 تاريخ التسجيل : Jan 2009
 الجنس : ~ أنثى
 المكان : القدس المحتله
 المشاركات : 29,273
 الحكمة المفضلة : لا داعي من الخوف من الرصاص فالرصاصه التي تقتلك لن تسمع صوتها
 النقاط : Silver Flower has a reputation beyond reputeSilver Flower has a reputation beyond reputeSilver Flower has a reputation beyond reputeSilver Flower has a reputation beyond reputeSilver Flower has a reputation beyond reputeSilver Flower has a reputation beyond reputeSilver Flower has a reputation beyond reputeSilver Flower has a reputation beyond reputeSilver Flower has a reputation beyond reputeSilver Flower has a reputation beyond reputeSilver Flower has a reputation beyond repute
 درجة التقييم : 19342
 قوة التقييم : 10

Silver Flower غير متواجد حالياً

 

 

 

 

 

أوسمة العضو

الرد القيم فى قسم النقاش التميز في الاشغال اليدويه 438 184 35 

افتراضي

هههههههههههههههههههههههههههههههههههههههه حلوه كتير يييييييييييييييييييييييييييييييسلموا







  رد مع اقتباس
إضافة رد

الكلمات الدلالية (Tags)
مشرف, لعروسه, المشرفين, اهي, بلالالالاش, يتقدم, راح, هههههههههههههه, ولا

« عريس .. بيكتب دعوة لجنازته ... قصدى لفرحه جامدة اخر حاجة | نكت »

الذين يشاهدون محتوى الموضوع الآن : 1 ( الأعضاء 0 والزوار 1)
 

Posting Rules
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
فضيحه مشرف خطب جديد ((يارب ابعدنا عن عيون المشرفين ))هههههههه ألاء الرحمن نكت - طرائف - وناسة - فرفشة 31 04-01-2011 01:19 PM
مطلوب عريس لعروسه زى القمر بحار فى بحر الحب صور - كاريكاتير - مناظر - خلفيات 29 03-19-2011 01:47 PM
مطلوب عريس لعروسه زى القمر ندى الحب صور - كاريكاتير - مناظر - خلفيات 51 10-21-2010 03:50 AM
جمعية المحامين المصريين للدفاع عن سكان أشرف تدين مؤامرة النظام الإيراني ضد أشرف افق المستقبل منتدى الاخبار - عربيه - عالميه - اخبار مصر 2 02-24-2010 10:43 AM

مجلة الحلوة / مذهلة

الساعة الآن 06:12 PM


Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w


elMagic Style.Design By:۩۩ elMagic ۩۩