عوده قويه لقسم النقاش هاااام جداااا ....؟

[ماتركس]

السلام عليكم ورحمه الله وبركاته

اخوانا واحبابنا اعضاء منتدانا الغالي منتدي بنات مصر

انا هدخل في الكلام عالطوال بدون اللغه العربيه الفصحي ومش هوجع قلبكم :biggrin:

ندخل في الموضوع طبعا كلنا عارفين انو قسم النقاش من اهم اقسام المنتدي

ومن الاقسام المفيده لينا جميعا

طبعا الفتره الاخيره الاعضاء لاحظت غياب ملحوظ لينا كمشرفين القسم او بمعني صح

وجودنا كان قليل في القسم الفتره اللي فاتت

سواء كنت انا او استاذنا القدير محمد الشريف

او اختنا الغاليه حياتي ذكريات

وده اكيد لظروفنا الخاصه التي بتخلينا مبتعدين عن المنتدي نهائي

ولازم كلنا نلتمس لبعض العذر هيه كده الحياه ومشاغلها دايما تبعدنا عن كل حاجه بنحبها

اليوم هنرجع اقوي لقسمنا الغالي قسم النقاش

احنا عارفين انو فيه تقصير مننا كمشرفين للقسم

بس الايام الجايه هنعوض التقصير ده وهتلاقوانا متابعين معكم عالطوال

سواء كانت متابعه في مواضيعكم الجميله او متابعه في رقابه القسم

واكيد الايام الجايه هنعمل حمله تنشيط للقسم سواء كانت مسابقات او حفلات تكريم لااعضائنا الكرام

انا حبيت اعرف رايكم في القسم في الوقت الحالي وايه اللي نقدر نعمله كي نعود بالقسم لاافضل

كما كان عليه واي عضو منكم عندوو افكار ممكن يعرضها علينا سواء هناء في المضووع ده او

عبر الرسايل الخاصه واحنا مقدرين مجهودكم في القسم

واليل عنده اي نقد لينا كمشرفين او للقسم عمتا ممكن يتفضل بيه واكيد هنتناقش معاه

بس ياريت نتناقش بجديه في الارتقاء بالقسم

واي استفسارات احنا تحت امركم

ونتمني ليكم التوفيق جميعا

مووفقين

[دمعه حائره]

ان شاء الله موفقين ماتركس فى الايام الجايه
ويرجع القسم احسن من الاول
وممكن بالمسابقات ينشط ويكون فى مواضيع بقلم الاعضاء جيده
ومفيدة للجميع

[محمد الشريف]

أخى الكريم / ماتركس

السلام عليكم ورحمة الله وبركاته

دعوة كريمة طيبة منك .. وربنا يوفقنا جميعا لأداء واجبنا نحو المنتدى بوجه عام والنقاش بوجه خاص

وأنا قلما أتغيب عن المنتدى لكن للضرورة أحكام فلقد مررت بظروف غاية القسوة فى الفترة الماضية

والحمد لله فى السراء والضراء وهأنذا أعاود تواجدى لنتعاون من جديد بتضافر جهودنا مع كافة الأخوة

والأخوات الأعضاء لتفعيل قسم النقاش بالجهود الطيبة المبذولة داعيا الله بالتوفيق لنا جميعا .

مع وافر التحايا

[ساحر الأحزان]

عودة جميلة الى قسم محبب الى انفسنا

وبنعرض فية قضايا هامة لينا كلنا

اتمنى لكم دوام التوفيق

[Iѕlαм Ч 3αlαм]

دعوة مميزة منك يا احمد
وان شاء الله فى ارتقاء وتميز دائم بالقسم
بالتوفيق ليكم جميعاً
خالص التقدير

[What do u think of u]

ان شاء الله بالتوفيق وحمد الله علي سلامتكم

[βзήŦ ℓǻẑĨήǻ]

يآآآآه فعلا كنآ محتآجين العودة دي أوي
أنآ كنت متضآيقه اوي من القسم في الفتره دي
حآسه فيه اهمآل
طبعا انتوا معزورين بما ان فيه ظروف
لكن الاهمال الاكبر كان من الاعضاء
يعني برضه هما اللي عليهم الركـ
كنت بدخل بلاقي مواضيع ولا ليها اي تلاتين لازمه
واسفه اني بقول كده لان القسم هدفه الجديه والافاده
كنت بحس ان الموضوع بيقول
ايهما تفضل الرز ولا المكرونه يعني كانت حاجات مش متعودين عليها
مش نقاش بججد ولا كانت الجديه في طرح المواضيع موجوده
لحد مابطلت ادخل القسم اصلا
وتقريبا كده كنت خلاص هكرهه
فياريت ننشط القسم اكتر كلنا مع بعض
بمواضيع حصريه للمنتدي وهادفه وقويه
اسفه ع الاطاله
بس بجد كنت متضايقه من القسم اوووووي

[فنانه باسلوبي]

:sml7: ليييييية؟؟؟؟
اللة عالتوقيت حبكت يعني (اصلي اليومين الجية مفيش

نت عندي عرفة واللة )

:198: وانا بحب القسم دة وبصراحة بجد كن ف نومة عميقة

وعيزة اشوف المواضيع الفحت والحملات كويس واللة فرحت بجد

يعني القسم هيرجع لأياام اللة يرحم يحمد القميص الابيض:762:

وهترجع الروح بتاع الشغل العااال

دة القسم الي بيشدني ولو مش بكتب مواضيع بشارك،،

:biggrin: اقال هيقطع القسم تنشيط :762: قصدك بلاوي زمان

ياللة رغيت كتير اعتمد المشاركة قبل مااتفرم:biggrin:

واللة بجد بعيد عن كل حاجة ربنا يوفقك يامعلم وترجع روح قسم

النقاش لأيام النشاط والحيوية وربنا يسهل وادخل تاني الاقية

مية فل واربعطعشر:yuck:

[حياتي ذكريات]

طيب كويس

العوده القوية دي جت فـي توقيت عودتي انآ كمآن
مفتقده جو المنتدى جدآآ وجو القسم وكل ركن فيه

تسلم ايدك يآ مآتركس
ربنآ يوفق يآرب

[(طائر الشرق)]

السلام عليكم ورحمة الله

الغالى والعزيز الأخ المحترم

( احمد الشريف )

مش جديد ولا غريب عن شخصك

المجهود الكبير والحب الجميل للمنتدى

وأكيد الجميع لازم يمر بمرحلة أما توهج أو ركود

ولكن دوام الحال أمر محال

قسم النقاش من أجمل الأقسام وأحبها الى قلبى

ربما يمرض ولكن لا يموت فهو شريان المنتدى

دعواتى بدوام التوفيق والسعادة

عصام