رسالة

[a7med -3del]

قبل اى كلام وقبل اى حاجة

حسبى الله ونعمة الوكيل

احب اشارك اعضاء كتير محترمين قالو لازم ننزل التحرير

ونكمل ثورتنا ونرفع الظلم وكل الكلام الجميل ده

خلينى اقولكم فى البداية انى نزلت التحرير بس ده من سنة زى النهاردة وقت ماكان التحرير محتاج شباب مصر

يعنى معنديش ادنى مشكلة انى انزل تانى

بس للاسف مش هنزل تانى لانى بخاف ع البلد

انتو ليه مندفعين وفاكرين العملية سهلة وبسيطة لو بصينا لابعد من كده هنشوف سواد

استحملنا 30 سنة مش قادرين نستنى شهرين تلاتة ولو حتى سنة ايه المشكلة

اقرؤ ياجماعة واعرفو امريكا واسرائيل والغرب بيقسمو مصر ازاى بلاش اندفاع

لو المجلس العسكرى عايز الحكم ماهو هياخد الحكم مين هيمنعه ؟

من بكرة الصبح حذر تجول واى حد هينزل هيضرب بالنار ولا حد هيستجرى ينزل واللى هيعمل راجل هيموت

وحصلت قبل كده انا مش بحكى حواديت فى عصر ابو غزالة

عايزين نفهم انه المجلس ده هو درع مصر لو وقع اقسم بالله مصر ماهيقوملها قومة تانى

اللى بيخاف ع البلد دى ميفكرش بجنون واستعجال ده ربنا خلق الدنيا فى ست ايام

بالنسبة لبور سعيد انا مش هاعلق عليهم كتير بس كل اللى هاقوله حسبى الله ونعمة الوكيل فى كل ظالم

وعارف كويس انه بور سعيد فيها ناس شرفاء وناس احسن مننا كمان

بس لو حد دخل بيتى واتهان ابقى انا المسئول

ولو مكنتش اعرف انه هيتهان ابقى مخدوع

وفى الحالتين هاكون غلطان ومقصر فمحدش يزعل لما بنجيب اللوم على بور سعيد لاننا كنا فى بيتكم

والاخت اللى بتقولى بورسعيدية وافتخر

بالله عليك فخورة بايه بدم 73 شاب مصرى

ولا بايه بالظبط هو ده وقت افتخر يانسة

سبحان الله زى مايكون احنا بنفترى على بور سعيد

طب ياجماعة انا مبقتش احب بور سعيد

وحسبى الله ونعم الوكيل

(زملكاوى )

[ღ Gի๐sτ ღ]

المجلس العسكرى مش درع مصر يا احمد .. المجلس العسكرى درع مبارك
ولازم تعرف ان فى فرق بين المجلس العسكرى وبين الجيش والمجلس العسكرى زيو زى مبارك كلهم فاسدين وتبع بعض

ومش مشكلة اللى ينزل يموت .. الواحد مبقاش يخاف الموت خلاص

وبالنسبة لبورسعيد
حق الشهداء مش هايتساب

شكرا ع الموضوع

[the love rays]

يا احمد انا اوافقك فى كل الي انت قولتوه بس قبل ما تقول انا كرهت بورسعيد قول بس هما ايه

مصلحهم انهم يلغوا ماتش او يموتوا 73 شاب ايه مصلحتهم من كل دا الي ليه مصلحه انوه يخرب البلد

علشان فى الاخر يقول اديني سيبتلكوه الحكم شوفوه بقا هتحكموها ازاي الي مصلحتوه انوه يأخر فى الحكم عليه

ويتعلق على رقبتوه حبل المشنقه وياخد الشعب حقوه المفروض منه قبل مانظلم اهل بورسعيد نفكر من الي

ليه مصلحه مش هنقول ايادي خفيه ولا الكلام دا كلوه دا كلام قديم واحنا حفظناه الحقيقه بانت خلاص

وعرفناها علينا دلوقتي نفكر بهدوووء ونشوف حل فى بلدنا الي خلاص بتضيع مننا ونفكر ازاي نحافظ علي شبابنا

مش ننزلهم الميدان علشان يموتوا ونقول حقك فى رقبتنا ليوم الدين انا بقول ربنا يرحمهم طبعا والله الواحد حزين

عليهم وربنا يصبر اهلهم بسس ياريت يا جماعه نهدي بقا وكفايه دمنا الي بيضيع مننا انا يا جماعه من كايرو

ومليش اي اهل فى بورسعيد علشان متقولوش انا متحيزه ليهم

[ღ Gի๐sτ ღ]

the love rays

مصلحة جمهور المصرى انه ياخد تى شيرتات اولتراس اهلاوى و بانر اولتراس اهلاوى وديفلز حتى يتم تفكيك اولتراس اهلاوى وديفلز ويبقا هما المسيطرين ع التشجيع والاولتراس فى مصر
+
رد الاعتبار للى حصل فى بورسعيد الموسم الماضى .. !!

عرفتى المصلحة كدة ولا لسة ؟؟

[غريبة فى وطنى]

مشكوووووور والله يعطيك الف عافيه

[a7med -3del]

فى مؤمرة منكرش وفى تقصير من بور سعيد

البلد بتتقسم ياجماعة كده بور سعيد وبكرة غيرها وغيرها لحد وقت معين وتبقى مصر احزاب ودول فى بعض

وساعتها بقى ابقو قابلونى

اقسم بالله انى مابحب المجلس العسكرى بس ده امر واقع لازم نسيبه لحد مايسيب الحكم لرئيس

ارضو بالواقع عشان خاطر البلد دى

تحياتى